JoWi的个人专页

之前食過深水埗嗰間好正，好想再食，點知名氣越來越好，咩時間都經常有人龍，聽聞呢間人少，估係地點唔就腳，就專登過黎試。服務算周到，人手好夠，因為間店雖大，但人少😅抽風勁，無咩味，後來先知原來因為根本就無咩味...先食沙律菜同埋通粉，幾鍾意個黑椒通粉嘅調味，有再添~菜都新鮮~湯方面老公話味精，所以我唔敢多飲。我記得牛柳易咬，所以叫返呢個。見到件扒，本來心情好興奮，但食食下開始覺得唔對路，竟然痴石板?!我記得上次嗰間無咁情況...搞到外面又乾又硬甚至焦，裏面就繼續滲血...唯有快手切哂佢放碗，但就變得唔熱...我終於明白點解唔係咁香...深水埗嗰間石板上有油，所以又唔痴，又好香，一上枱就見到勁彈油。但呢間見塊牛同石板之間超乾...其實做多少少已經可以改善個問題，有啲浪費。另外，有少少意外，老公攞件牛埋位時經過風口位，但由於係必經之路，無得避，亦唔知咁誇，吹起咗蓋住牛嘅紙巾，成張油紙翻起貼到佢身上😱😱😱我作為客人都唔知有咩計，但店主店員真係要諗諗點可避免再有類似情況發生...另一個小問題係隔離枱張收據在枱上被吹黎吹去，好驚加料...一個阿媽帶2個小朋友，人哋教緊仔又唔好意思同佢講...唉...都係風嘅錯🤦🤦🤦…查看更多

呢間唔怕寫食評，因為耐咗無黎或人多咗都仲咁好食~成日邊食邊聽到啲食客慕名而來~今晚食大蝦蟹肉意大利飯，仍然喜歡佢嘅意大利飯，喜歡佢嘅調味~以前有一間喺旺角好鍾意嘅，主打意大利飯，可惜已經無咗，食唔返，呢間雖然唔係好同，但算好食。今次沙律係煙鴨胸麻醬沙律菜~我鍾意呢度嘅煙鴨胸，好juicy，好多餐廳都係整到又乾又咸。雖然都鍾意呢間嘅忌廉湯，但今晚想清啲(唔係一般茶餐廳嗰啲洗菜水淡而無味)飲菜乾湯~好努力咁幫兩隻大蝦剝殼，終於食到😂香~啲殼又薄又有點軟，用口咬開都唔怕整親~蟹肉唔少，有蟹味~(好似好廢話，但真係食過無味嘅蟹，信唔信?)意大利飯係有啲口感，老公講過咁先正宗，不過我無咁叻，食唔出係咪真係意大利米，感覺係幾似嘅~都想買黎整下，自己整過特別易分，但好似幾難架🤔驚整唔好會嘥米飯🙈講完食物，就講下故仔~話說我好耐無黎，因為幾次放工一個人都照入嘅餐廳真係少，好怕坐得唔自在，唔鍾意搭枱，同陌生人你眼望我眼，或者兩個低頭係咁食，無咗食嘢嘅樂趣，唔享受。不過真係好耐無黎，好掛住呢間餐廳啲嘢食，久不久就心存僥倖，期望安排座位上有改變。點知今次原本係畀我單丁一張枱仔，隔離走咗，又係拍埋黎。之後好在坐隔離嘅男女算斯文(雖然不停聽住個女嘅埋怨...)，但侍應不停黎到又走返轉頭，女食客向個男食客埋怨咗好多次啲侍應搞錯咁多次都仲未搞清楚...我最終都係自己拉開張枱仔，諗住畀返少少距離會有幫助，點知都係繼續...我都係快啲食完走啦…🤦🤦下次都係要提自己一個人唔好黎呢間...唔算尷尬，但唔自在。…查看更多

雖然有啲夜，但幸好不太餓，可以去食要等嘅餐廳~上網搵Moko有咩好食，有啲餐廳睇圖吸引，都有人經過身邊話去邊間邊間食，我當然唔會輕易相信睇食評都要睇多幾個，內容有無可能係打手~點嘅嘢食會否不同，所以先有人讚有人鬧~終於揀咗呢間~其實都想試好耐啦～不過真係最好訂定位，等超耐...(等得耐有汽水派)網上睇食評先知仲有潛規則，如果同佢講可以坐吧枱，有機會快啲到你~無影到個黑糖包，我哋食落就明白點解網上有人為佢而黎😂😂真係非一般嘅包~呢款牛油通常喺稍微貴價嘅餐廳就食到~個包熱乎乎，外皮稍脆，裏面好軟夾埋牛油好好食~後來仲問我哋要否再添~原來可任食!!!不過為咗留肚試甜品或另一款單點，放棄了添多個包...個湯似伴意粉嘅蕃茄醬，好香濃嘅香草味~之後黎咗沙律，好鍾意佢嘅調味~又係多種香草味~新鮮嘅沙律菜夾芝士片，仲有鬆脆嘅麵包粒(有啲餐廳整到硬咗啲，會食到口痛)。其實我哋已經食咗啲...本來仲大碟啲架~見到個牛真係5成~我哋都放心咗~果然係有水準~好厚又好juicy~有啲蘆筍伴下可稍去油膩感~我覺得龍蝦尾口感幾好，但太鹹，味道太濃，同埋食到隻講唔出又平時無嘅味，老公話係唔夠新鮮...蒜粒中沾了蜜糖令我哋好驚喜隻蜜糖唔係食開嗰隻~估唔到喺啲咁細微嘅地方都花咗心思~洋蔥夾啲脆脆絲好好食~有少少薯味~真係好厚~下次想試另一款仲厚啲嘅~加咗咁多生果，又cream又青檸，又芒果醬，我諗係為咗令普通嘅芝士蛋糕無咁普通吧？不過我哋仍然唔係太感興趣，講到蛋糕我諗起另一間，不過唔喺呢個post度提~無論如何，我哋都食得好滿足，好開心期待再來~…查看更多

由於越黎越多人，而家要攞飛，但佢一時就跟飛叫人入，一時就隨得啲人湧入去，好混亂...每次去到自己觀察啦…另外，最近一個人黎食要搭枱啦…唯有同人一齊先黎食啦...上次食食下問都無問介唔介意就帶咗個人黎坐低，兩個人都尷尷尬尬，側側地坐...以前餐廳係會盡量畀每枱有足夠空間...而家連二人坐，推開少少隔離張枱都被拍返埋...張枱又唔係闊，之前隔離枱同我哋都想放袋時，都唔知邊個讓邊個好...環境大不如前，嘢食還好，但想坐得舒服、食得舒服、傾偈舒服，就唔多好啦…有樣嘢要留意嘅係上次帶朋友黎食，佢叫咗帶子，然後好失望，話自己買都有一大包，我先諗起唔記得提佢，如果餐牌就咁寫「帶子」就幾粒細細粒，要「刺身帶子」先有一隻大大隻。佢上次黎咁啱套餐無呢個意大利飯，今次同另一個朋友黎就有啦～(想食一般餐牌上嘅嘢，但又想食套餐，可以留意下幾時被編落套餐中)同埋我今次黎先記得上次又漏咗無畀前菜，上次傾到唔記得咗提侍應。(頗經常漏前菜，須主動提醒)食物仍然好食，不過近來發覺蛋包飯味道唔同咗，係咪以後都唔會轉返之前隻味?因為之前有一排都試過會因應唔同嘅肉而有唔同味嘅蛋包飯，但照最近黎睇又唔似。順便提埋有次試過食最一般嘅煙三文魚忌廉意粉，原來都係好一般，只係因為平時叫開幾個餐都好好食，所以唔知原來有啲係咁平凡。…查看更多

天氣漸涼，加上朋友不喝那麼甜，老公又未病好，我又唔方便飲凍嘢，本來餐前飲的沙冰令大家互望了幾次...😅可惜個溫泉蛋穿咗...蛋味都好似唔多夠，三文魚他他好次無上次黎咁好食，一來係塊包開始"硬"，至於上面的部分又講唔出差啲咩...菜新鮮，多士脆口，如果稍微再香啲會更吸引~主菜仍然高水準，沒令人失望慢煮安格斯牛柳，羊膝，三文魚都好好食~建議配羊的香草預先從枝子上弄下來，讓客人能更方便享用~焗薯都好食~我無食墨汁冷麵，因為太飽了...對大家的食量及身體狀況估計錯誤，點太多了😅不過好吃的食物是會盡力清的~幸好奶凍唔係太凍~之前食過好鍾意，所以今次都係想再食佢~好鍾意個柚子茶嘅味道~原以為同老公兩人一杯試下都可以，飲飲下想飲哂😛…查看更多

行過幾次心郁郁，次次都食飽或去緊食正餐，終於有機會試~見到啲圖咁靚，我懷住興奮嘅心情揀咗宇治抹茶~一路期待香濃嘅抹茶味...點知原來香濃的是奶，奶味蓋過了一切...奶味太重啦～雖然唔抗拒，但說好的抹茶呢？我好疑惑，攪多幾攪，以為一定係自己攪得唔夠，無奈連本來舖面嗰些少抹茶味都消失埋...諗黎諗去，唯一覺得值嘅係個蛋形杯...當係$42買咗盒奶+個靚杯啦～差啲唔記得咗啲珍珠，其實珍珠係幾好食~不過奶，全部都是奶嘅印象蓋過了一切...真可惜...…查看更多

又係唔少得蘋果撻，不過變咗迷你版，其實我有啲唔捨得佢縮咗水，雖然都仍然好食...另外係我一向鍾意嘅味道--抹茶~以為揀咗雲就無流心效果，原來唔係喎~都唔錯~紫薯芝士撻都好食，不過唔係我鍾意嘅~係買畀老公嘅~仲有個又係佢好鍾意嘅~酸酸甜甜嘅檸檬撻~creamy~~…查看更多

朱古力脆脆啲脆脆一啲都唔脆，有啲淋...朱古力味又唔吸引，上面嗰個唔會再買。反而熱情果味好好食...如果整走埋幾塊脆脆的話~酸酸甜甜，再加上朱古力，配搭得幾好~不過朱古力可以再好味啲...…查看更多

尋尋覓覓，喺香港好難搵到類似嘅蘋果批，就算有都係出一段短時間。自從我同人一齊整過一次，就愛上咗~真可惜...幸好畀我搵到呢間店嘅蘋果撻，搞到我成日都心思思添...😅真係好鍾意佢上層脆脆嘅曲奇及外面嘅撻皮~裏面豐富嘅口感和味道~原來加入提子乾都好食~今次試埋榴槤芝士撻，好香濃嘅榴槤味喲！！！又香芝士味，好邪惡🙈不過真係好好食~~平時成日覺得食榴槤製品，不如食原個榴槤仲開心~但呢個撻唔會令我有呢個諗法鍾意食榴槤嘅人真心推介~…查看更多

真係好好食~第一次想去買，點知話無貨，話可能幾小時後會出，點知之後通知我無我想要嘅味，勁失望...第二次再去，終於食到美味嘅伯爵茶味布丁燒~食過好想再食! 今次醒目，whatsapp問咗，請佢留一件再去買，綠茶味超正! 濃濃的綠茶味~甜和苦味互相平衡~仲要有幾層唔同口感同味道~食一個真係唔夠喉...食完仲眼甘甘望住係度諗諗下，個質感同味道好過四圍都賣嘅梳乎厘班戟多多聲~可惜唔係想就食到，要問佢有無貨，同埋要預留先得。…查看更多

有朋友成日行過都話呢間好食，終於黎試下~明太子蛋卷都可以，鰻魚不錯，麵豉湯跟平常的差不多。海鮮丼普通，算幾好，不過不覺得特別鮮味。另外，如果刺身有多啲選擇就好啦～可能因為去過日本食刺身，已經返唔到轉頭...嗰種鮮味係香港食唔到啦～個烏冬好食無諗過啲菜係菠菜，整得幾好~配三文魚及魚子好好食~不過忌廉汁令人有啲滯，好在有個蔬菜沙律~老公想試大拖羅，百幾蚊值得試~嘩...原來超肥! 我有啲怕，佢就食得超高興😅係幾肥美嘅~真係飽哂...…查看更多

好遲放工，一路行一路諗食咩…最終都係黎返紅橋~諗起啲食物同埋侍應都會好開心和期待~有新嘅餐前小食喎~通常都唔寫明，原來有煙三文魚~配搭得幾好食~今次嘅加錢優惠小食係鬆脆嘅蝦多士😍忍唔住添...好食到...好熱氣但好想再食，點算?🤦南瓜汁刺身帶子海鮮燴意大利飯好似比之前略遜色，最明顯嘅差別應該係個飯味道唔夠之前香濃。其中有塊蜆勁多沙，好在唔係好多塊係咁😅青口口感不太好...不過我本身不太喜歡青口。我喜歡的蝦仍然好好食~仲有大大件啖啖肉嘅刺身帶子~我好掛住你~唔知點解有時餐牌寫帶子，但上菜見唔係咁樣...有幾次失望咗為免又瞓唔著，今次唔飲熱朱古力，飲返熱檸蜜~難得有餐廳唔洗加錢可以飲到檸蜜和熱朱古力~…查看更多

少有鴨肉粉食~不錯的選擇鴨肉冬粉x2+蒜蓉鴨肉鴨肉冬粉的鴨肉味道較濃，可能因為被蒜蓉蓋過了點，不過都好食，又香~日本櫻花可樂，我本身少飲汽水，不太慣那種味道，喜愛可樂的老公就覺得有點藥水味，個人口味嘅嘢好難講嘅~…查看更多

一入黎就問我係咪兩個(當時我自己一個)，最近我哋成日黎，已經認得啦～上次黎都係凱撒沙律，有脆煙肉~無留意幾耐轉一次~勁多蟹子個意粉同醬汁都好好食~~本來話同老公一人一半，變咗係咁食佢用個蘋果醬豬排威脅我，話我再繼續食就唔留畀我好耐無出蘋果醬豬排~外邊少少脆~但啲肉就又冧又juicy~嘩~~其他嘢因為已經成日食，唔特別講，不過都係好好食~仲有個西湯係紅蘿蔔粟米~都好耐無飲過~同一個名係其他餐廳我就無興趣，但係太子紅橋就咩都可以放心食食得好開心，好舒服~…查看更多

今晚個位越坐越凍...本來都ok畀人叉走咗隻蝦，本來有3隻...佢話好彈牙😅我都未食!!好香嘅意粉~每一啖都係享受~點解呢度可以keep住畀我新鮮感又有穩定嘅食物質素呢？對餐廳廚房有點好奇~影到黑咗添...我個影呀…(好在只係遮到湯，都睇唔到裏面架啦～)好嫩滑嘅雞顧住食意粉，無諗起食返佢個飯😱sit 咗呀～無論中湯定西湯都咁好飲~一啖都唔想剩~畀著我去其他餐廳，餐湯一般都可有可無，好多時我飲一半就算...呢度嘅食物無一樣係多餘的~…查看更多