Nia的個人專頁

尖沙咀走走逛逛又累又餓，路過一間工業風漢堡店一於入去Chill吓先～工業風裝潢相當別緻，店內亦有酒水供應，好適合假期或平日收工約埋三五知己吹水醫肚呀！蜜糖芥末大烤菇煙肉牛肉漢堡配料層層疊嘅巨型漢堡要大大啖吃才過癮，烤菇煙肉惹味香口，厚厚牛肉漢堡扒與蜜糖芥未醬是絕配，煎香的漢堡包吸收了肉汁單吃也很美味！香脆鱈魚柳漢堡鱈魚柳外脆內嫩，醬汁帶有酸黃瓜甜香，加上半融芝士口感一流～馬蘇里拉芝士條熱騰騰上桌的馬蘇里拉芝士條撕開還可以拉撕，滿口芝士香相當邪惡，切記要趁熱吃保持最佳口感！其實Burgeroom的食物品類非常多，單是漢堡已有幾十款，還有沙律、小食、All day breakfast等等，下次再來試試其他嘢！…查看更多

今日放工時肌腸轆轆，回家途中被香噴噴嘅燒味吸引住，一看是新店開張的大勝燒鵝，當然要試試啦～店內環境光潔整齊，座位舒適寬敞。入座點餐後店員隨即送上熱茶及是日靚湯，無味精靚湯未飲已經聞到香味，湯水清甜滋潤，紅蘿蔔燉得軟稔入曬味，飲完成個人暖曬！店內的燒鵝都是自家現埸燒制，更加新鮮滋味不容錯過，最特別是可以看着燒鵝們吃飯～燒鵝肶燻蹄飯 $102燒鵝肶皮薄且香脆，皮下脂肪都已經燒乾曬入口唔會肥膩，鵝肶肉身軟稔啖啖肉，好滿足！雙拼的燻蹄薄切剛好一口一片，豬皮部分相當爽脆豐富口感～有驚喜！乳豬叉燒飯 $78細個要「去飲」先食到乳豬，依家大個想食就食～脆皮乳豬帶點肉，脂肪部分不算肥比例剛剛好，叉燒略帶脆邊，香甜蜜汁好開胃～蜜汁叉燒皇 $98/例忍唔住小奢侈一下加多份例牌蜜汁叉燒皇，半肥瘦叉燒肉質綿軟帶點脂肪香，不知不覺就光碟了！在下單時店員還主動詢問喜歡吃瘦一點、肥一點還是軟身一點的叉燒，非常貼心～～吃得飽飽又滿足的一餐，飽後一杯熱茶消食解膩，又有力氣踏上歸途啦，以後屋企附近又多一個晚餐選擇！…查看更多

為食二人組好耐冇出動，今日趁收工約男友出尖沙咀拍下拖順便覓食，逛到餓時經過有唔少日本餐廳嘅棉登徑，比黑門水產外嘅燈籠吸引住～甫一進店就係滿滿嘅日式居酒屋氛圍～店內用餐採用網上自助點餐方式好方便，不過見到厚厚一本菜單我選擇困難症又要發作！刺身、浜燒、料理、仲有好多時令食材都好吸引～先來一道黑門角切海鮮沙律墊墊肚，日式沙律醬汁味道微酸相當開胃，4-5款角切魚生加上炸蓮藕同爽脆蔬菜嘅配搭令口感層次更豐富跟住有海膽蟹味噌甲羅燒閃亮登場，滿滿嘅蟹膏加入海膽、鵪鶉蛋、蟹籽、香蔥、蘿蔔絲，放上爐上面邊燒邊拌，香氣好誘人！甲羅燒可以配梳打餅一齊食，入口除咗又糯（蟹膏）又脆（餅），仲有衝擊味蕾嘅濃郁蟹膏鮮味，相信用來拌飯也不錯！鐵板宮崎柚子胡椒香蔥牛舌芯噴住煙熱騰騰上桌，牛舌芯係牛舌最嫩滑嘅中心位置，伴大蔥洋蔥一齊食味道更香濃時令梭子魚刺身表皮經火炙後充滿碳燒香，肉質綿厚入口啖啖肉，魚骨還可以油炸或熬魚湯（另行收費），可惜已經半飽了期待下次再試男友強烈要求的鰻魚飯，塗滿醬汁的鰻魚充滿脂香光澤，魚肉偏厚身入口肥美甘香，吃得飽飽的超滿足，捧着肚子滿意歸家去～…查看更多

就快要調職離開九龍灣，今天下班要獎勵自己一頓千之味～依然係超多食物款式令人眼花撩亂！店內堂食空間環境潔淨光猛想當不錯，但我偏愛回家慢慢嘆！外賣打包還附有大冰袋，餐具調料碟齊備，相當方便。開餐啦！先吃一件火炙芝士帶子壽司，微溶的芝士下是嫩滑鮮甜的帶子，口感層次豐富～劍魚腩壽司肉質緊實，越嚼越甘香，建議不沾醬油以免把甘香蓋過火炙左口魚邊壽司平時較少機會吃到左口魚邊，口感彈牙，满口脂香海膽軍艦軍艦上滿滿的海膽，入口是新鮮的甜～花之卷肥嘟嘟的花之卷～柔軟的三文魚刺身卷着壽司飯，頂層是脆卜卜蟹籽，一口一個大滿足三文魚刺身一人獨吞10片三文魚剌身好肥仔XD三文魚未算厚切但勝在肥美，口感細滑柔軟～一人前壽司餐無論價錢賣相都非常令人滿意，繼續祈求千之味分店開遍全港！…查看更多

偶爾放工都會買外賣返屋企打打牙祭，買得多好多都已經食厭，好開心見到千之味係九龍灣開左分店，從此又多咗一個平靚正之選！千之味九龍灣店開係Eastmark，係正德福隔離位置相當方便，既可以堂食亦可以外賣，外賣仲可以事先網上落單極方便！千之味供應的刺身壽司等種類繁多，而且價錢相當實惠，平日更有唔少限時優惠同特價套餐，性價比完勝附近商場的大集團食店。角切魚生飯套餐$65各種魚生粒粒在大半飯面上成小山，還有甜蝦、魚子、蛋、青瓜粒作點綴，每一啖都好豐富！五品刺身$185三文魚、油金魚、甜蝦、帶子、墨魚各三件，件件厚切，大大片帶子肉厚鮮甜，厚切三文魚、油金魚令人滿足，甜蝦入口嫩滑甘香，墨魚彈牙有嚼勁，只想一人獨食XD火炙三文魚吉蝦卷 $50三文魚經火炙後加上與沙律醬從來都係絕配，被壽司飯同紫菜卷起的吉列蝦仍然溫熱香脆，口感十分豐富！有咗千之味以後晚餐外賣唔使愁啦，預先上網落定單收工行過就可以拎超方便，私心希望佢可以開勻全港十八區～哈哈！…查看更多

今晚屋企冇飯開，又係去德福Foodeli覓食嘅時候！上次來已經睇中左濟州燒肉食堂，好耐冇去韓國要食韓國菜過下癮～ 濟州燒肉食堂就係Foodeli門口自成一國！一個人點左個泡菜豬肉窩套餐，熱辣辣紅卜卜嘅泡菜湯好引人食欲呀！ 豬肉用上五花腩，豬皮彈牙又唔會太過肥冇肉食，吸收左湯汁嘅豬肉特別惹味，作為配菜嘅豆腐都好嫩滑有驚喜。 又加點一份豪快海鮮煎蔥餅，分量足夠2-3人分享，啱啱煎好嘅蔥餅有股焦香味，口感帶脆不沾醬也好吃！ 荔枝梳打冰涼解渴，清甜果味仲可以解辣，Fit曬！ 邊吃邊聞到隔離枱燒肉香，下次一定要拉大隊來試！ #濟州燒肉食堂 #德福Foodeli #吃貨 #兔兔兔子窩…查看更多

今日放工時已經餓到打鼓，唔想等到返屋企，一於留係德福覓食啦！ 德福Foodeli開張咁耐都係第一次幫襯，不止座位多，食店選擇都唔少，居然有我最愛嘅Mos Burger Express,啱晒我急需撫慰嘅胃～ 鐘意Mos Burger漢堡款式選擇多，除左傳統漢堡、仲可以揀珍珠堡或者熱狗，又可以配搭不同小食套餐，自由度高！ 特級和牛漢堡、摩斯芝士漢堡、薯條、薯餅好大堆頭！南瓜薯餅要趁熱食，薯餅外皮炸得香脆、中間的南瓜餡軟糯香甜，水準之作。 薯條熱辣辣香噴噴，粗身薯條口感更好。 特級和牛漢堡好巨型，漢堡包+生菜+蕃茄+和牛漢堡+芝士+特調醬汁大滿足，厚切和牛漢堡扒係我嘅No 1之選，啖啖肉而且牛味比一般漢堡更濃。 摩斯芝士漢堡簡簡單單，特別鐘意佢嘅蕃茄洋蔥醬夠juicy,增加左口感層次又唔會乾身！ 飲品方面揀左凍奶茶同粟米湯，粟米湯溫熱暖心，奶茶口感順滑~ 飲飽食醉滿足曬所有願望，仲有咁多食店聽日繼續再試！  …查看更多

早前趁仲有機會相聚，終於同好姐妹試左一直想試嘅日本野啦！ 作為大熱食店，座位不算少但食客超多，建議大家早d入座、唔使捱餓！ 極上七品刺身用料上乘極吸引，海膽甘香甜美，巨形牡丹蝦軟糯鮮甜，活赤貝、八爪魚口感爽脆，三文魚、油甘魚、帆立貝件件厚切美味，一盤刺身瞬間光碟！ 姐妹向來愛吃蟹籽沙律，爽脆的青瓜絲配上蟹柳、蟹籽和日式醬汁，特別清新。 脆味雞軟骨一直都係我嘅香口之選，雞軟骨炸得脆卜卜，一口一個最滋味。 日本野呢款自選丼飯真係超抵食，仲有好多款刺身可以揀，絕對豐儉由人。 我揀左三文魚、三文魚籽、吞拿魚碎配海膽，丼飯分量都幾多，但如果仲未夠飽嘅話都可以再加配小食！飯後一杯熱檸檬茶消飽滯，同姐妹傾左好多，希望下次又可以一齊享受美食ME TIME啦！ …查看更多

日日係屋企食自己食到口淡淡，今日出開沙田發現連城新開左間越南菜，當然要試試新野啦！ 越好原來係馬來西亞好出名嘅老店，雖然唔係來自越南但都已經有30年歷史啦！ 店面不大但7點已經滿座，而且食物價格合理，想食要趁早啦… 朋友點左每日限量250碗嘅招牌生牛肉湯河，湯底清甜不會過咸，想必是真材實料熬制。牛肉在湯中慢慢變色，入口又軟又嫩，正！ 越南炸春卷同中式炸春卷最大分別在於外皮，越式春卷外皮較為軟糯煙靭，緊緊裹著內餡不容碎散，再沾上醬汁一口咬下，層次感極豐富。 食越南菜又點少得炸蝦餅呢？蝦餅趁熱食外層脆卜卜，咬開入面係綿軟嘅蝦肉餡，好滿足~~ 唾涎三尺蒜香雞翼飯賣相吸睛，滑滑的蛋黃真讓人唾涎三尺，蒜香雞翼炸得外皮香脆，內裡仍然保持Juicy，一d都唔會dry！ 最後歎返杯青檸疏打，冰涼醒神、清新味蕾，一樂也！…查看更多

最近為了減肥決定從公司步行去港鐵站，一路上發現新開了不少食店跟飲料店，令行得又熱又渴的我雙眼發光！ NUTTEA是比較少見的堅果奶茶店，以堅果奶作為主打，配合台灣日月漂紅玉紅茶與鮮果製作健康營養的飲品，可不會像一般奶茶般容易致肥~ NUTTEA的堅果奶用上5種堅果：腰果、核桃、杏仁、棒果、夏威夷果仁，經冷壓研磨萃取乳化而成，一杯已經含有豐富營養，無加入牛奶、奶粉或奶精，不含任何動物成分，純天然、健康無添加，連乳糖不耐症或素食者都可以喝！ 店內供應超過40款飲品，有堅果奶系列、水果茶、冷萃茶等不同飲品，伯爵朱古力堅果奶蓋茶更得到2019年台灣奶茶節金獎，還有很多其他王牌飲品，選擇困難症又來了。 同事愛喝茶選了烏龍堅果奶茶，先嚐到烏龍茶甘，然後是帶有堅果奶香，兩者比例平衡和諧，奶茶口感順滑帶點點堅果碎。 我試了店員推薦的火龍果堅果奶，入口先是火龍果的清甜，(半糖也甜度十足下次可以試微糖或無糖)而且火龍果跟堅果奶出奇相配，香甜解渴又不會膩，堅果奶營養豐富還可以當作代餐，令我不禁也想嚐嚐其他堅果奶了~~ 小小店面風格簡約，雖然不設座位，但是有長桌可以在店內小休享用飲品。 疫情期間的NUTTEA也有加強消毒保持衛生，也貼心的預備了搓手液，顧客也能安心。 沒想到走路下班也能遇上NUTTEA這個小確幸，希望我也能堅持做對的事，繼續堅持走下去吧！XD  …查看更多

Isaac Toast係韓國好出名嘅「景點」之一 (笑)， 出名到有國民早餐之稱， 係宅兔去韓國嘅必食之選~ 雖然依家因為疫情封關無得出國， 但好在Isaac已經登陸香港， 直接去沙田就有得食！係韓國想買Isaac做早餐多數都大排長龍， 來到香港同樣唔例外， 沙田Issac店面唔大， 如果用餐時間想堂食就要比少少耐性。Issac店員手腳非常快， 雖然唔及韓國阿朱媽嘅流水式獨立作業咁熟練， 但都可見廚房內有唔少員工分工合作好快出到餐， 吐司包裝得乾淨企理~ 就算外賣返屋企食都唔會散開曬。男友揀左香港限定口味超級吐司2.0， 成分吐司好「厚重」呀~ 超厚漢堡其實係植物肉(Impossible Meat)， 不但入口Juicy， 連外觀口感味道都同牛肉相近， 簡直幾可亂真！ 除左超厚漢堡外仲加入左薯餅， 配搭燒烤醬加甜辣醬雙重滋味， 味道層次好豐富！由頂部睇我嘅MVP超級蝦吐司感覺更加大份~XD 個口細d就要拆開食啦！ 因為即點即做， 所以到手嘅吉列蝦堡仍然保持脆身， 配搭新鮮菜絲同青瓜片既清新又多一重口感， 最愛微甜嘅蜜糖芥末醬非常開胃呀！Isaac嘅飲品選擇都唔少， 有咖啡、朱古力、果汁、沙冰、梳打水等~凍特濃朱古力味道香濃， 口感細滑蠻不錯的。男友的凍朱古力咖啡比我的多了一分咖啡香， 難得是朱古力跟咖啡兩者味道平衡， 配搭和諧。偶爾經開沙田都會買份Isaac醫肚， 睇住佢同韓國一樣嘅排隊人龍… 真係可以一解「思鄉之情」！XD…查看更多

對友人推薦的金鶴拉麵慕名已久，可惜每次經過都大排長龍無緣一試。今日終於等到機會可以提早下班，鰻魚飯我來啦！拉開日式趟門，金鶴店面不大卻充滿精緻的日料氛圍，木石與黑金為主的裝潢高端與型格兼具。餐牌設計清晰簡潔，大大的食物照很誘人～點了芥辣八爪魚作為前菜，Wasabi葉爽脆八爪魚又入口彈牙，冰涼嗆辣特別開胃。奔著鰻魚飯而來~活燒蒲燒鰻魚飯即點即燒，當鰻魚飯冒著煙，盛於精美食器裡上桌，只覺等候都是值得的，還必需要讓相機先食呢！新鮮活鰻肉質爽脆不是超市的軟稔稔貨色，近皮位置有脂香又有蒲燒的焦香肥美肉厚可以稱之為「鰻魚扒」了吧？先大口吃肉，滿口肥美鰻魚肉口感爽彈沒有腥氣，再跟滲了鰻魚汁的飯一起吃，一人獨食好滿足啊！PERFECT！不枉我期待了這麼久，的確很高質，期待下一次來試試拉麵！…查看更多

難得有朋友到訪當然要一盡地主之誼啦， 正好有機會試試家附近的PRESENT分店～！餐廳格局精緻闊落， 座位舒適。 水吧上放了不少酒類， 再加上大電視相信到了球賽季節會很受歡迎， 就是不知道餐點質素如何呢？ Set Dinner價格合理， 可以選擇沙律/湯加飯/麵的輕盈晚餐， 亦可以豐盛地由湯到甜品全點一遍， 配搭多様、自由度高。甘筍濃湯質感稠密幼滑， 金橙色澤吸睛， 入口有濃濃甘筍香， 暖入心。忌廉汁露筍雜菌意大利飯， 濃厚忌廉汁非常Creamy， 意大利飯中混著煎香的露筍雜菌， 跟友人分享一點都不膩。炭烤西班牙黑毛豬排厚厚一件， 啖啖肉絕對能滿足食肉獸。 8成熟肉質更爽口不會死實實， 個人喜歡中心部分更嫩更Juicy, 朋友則喜歡表層烤得香口， 各有所好！ 伴碟的薯條跟配菜分量不少， 男生也能吃得飽飽的～坐得舒適又吃得心滿意足， 想不到在家附近也能找到這種高質餐廳， 下次再帶家人一起來吧！…查看更多

娘親居然在聖誕節前把我拋棄自己外遊快活， 沒媽的孩子像根草， 只好下班獨自去吃鐵板大餐。港嘢食堂在Emax開業了一段時間， 出餐快、大大份、座位又多， 平日Lunch time都大排長龍好受歡迎！食物分為三大類： very cheese - 各式熔岩芝士焗飯 鐵漢 - 鐡板套餐，豬牛雞也有數款 山炊老師 - 無骨海南雞、燒味等 選擇不少而且口味相當港式～一個人的晚餐應該豪氣一點～ 就來一客虎蝦香草燒雞鐵板餐吧， 平常Lunch Time怕時間不夠只能垂涎的燒雞終於可以一試！ 半隻燒雞跟虎蝦串燒上是滿滿的半溶Mozzarella cheese （另加$5）， 黑椒汁碰上滾燙的鐡板噗滋噗滋冒出熱氣， 香氣四溢～wow~燒虎蝦香噴噴， 肥美燒脾啖啖肉， 肉質滑嫩Juicy, 伴著拉絲芝士一起吃又多了種美式風味， 一人獨享好邪惡呀！脆卜卜的薯條分開上， 灑上鹽跟胡椒粉更香口惹味。這餐熱氣又heavy, 非常需要一杯冰底咸檸七降溫， 加了咸檸甜中帶咸的七喜確實特別冰涼解喝呢！不想排隊點餐的話還可以用手機訂餐， 超方便！ 一個人的晚餐也可以很享受， 下次再試試別的！…查看更多

去得葵芳當然要掃街， 冇去一排又多左好多新店， 正呀！葵廣3樓TOP世界已經成為吃喝集中地， 竟然仲有連儂牆tim， 不過吸引我嘅其實係連儂牆旁吃台式小店。刈包雖然係台灣地道美食， 但係香港又未算好普及，難得見到肯定要試！ 古早味腩肉刈包即點即製熱辣辣， 雪白包身又軟又綿， 夾住大件肥美腩肉、爽脆高麗菜等， 口感不但豐富還跟台式古早風味醬汁非常match！只吃一個刈包似乎不夠滿足， 綜合號就最啱我呢種眼闊肚窄的人， 可以一次試完杏鮑菇加香芋地瓜球～ 同樣是即點即製， 絕對值得耐心等候！杏鮑菇表面裹著薄薄脆粉， 咬開𥚃面卻又軟又多汁， 入口彈牙有嚼勁， 「外脆內軟」當之無愧， 火候掌握極佳。看版上大力推介的香芋地瓜球， 號稱「甜過你初戀」，哈哈！ 金黃地瓜球外脆內軟不在話下， 切開只見一層地瓜泥包著一層芋泥， 的確是甜香軟糯double up!夫妻經營著小小店面，除了主打台式小食、飲品， 還研發出甜品， 充滿熱誠值得支持！這天單打獨鬥吃得不多， 看著別人點的香酥白飯魚、臺腸饅角都好吸引， 下次一定要試！…查看更多