kenlin的个人专页

平常做完健身，好少去食返個下午茶，今日例外，好想出去食下。又黎到四寶食堂，今次係第二次。因為上次見到有d特別的下午茶，想試下。同上次一樣，下午茶時段，都係人山人海，我要搭枱座。座低望下個餐牌，諗下今次試乜好，最後選左呢個芝心漢堡菠蘿包配薯角。平時牛油菠蘿包就聽得多，但加漢堡已經少見，加芝心漢堡更少見。等左一陣，上下網，個主角就送到上黎。一睇舊漢堡，就知都幾重份量，一d都唔兒戲。食落好得意，估唔到菠蘿包可以配呢個芝心漢堡，好味又得意。除左味道和賣相，最緊要係，價錢都好抵，只係38蚊就攪掂，嚮銅鑼灣地帶，都算便宜了。…查看更多

我自己最喜愛的碟頭飯之一，以為嚮外國讀書時，有關肉醬的食物都很喜歡，如肉醬煎蛋飯，肉醬意粉，肉醬熱狗，肉醬批等等。今日諗住食個下午茶，經過四寶食堂，居然有，當然不放過。它味道好好味，其實大部分餐廳，都是用茄膏去煮，但間間煮法，其他材料都唔一樣，所以我應該話，呢間d味道合我意。下午茶時間，都滿座，如果一大班人黎，可能要等一陣，因為都幾爆滿。(小插曲)我的飯黎左之後，有一個人搭枱座我對面，見到他的餐來了之後，覺得很特別，其他茶餐廳未見過，所以忍不住都拍落嚟分享一下，大家有興趣可以試一下。…查看更多

呢間The Grove ，其實之前都嚮下徑口村一條小路果度，開左2年左右，一次都無試過，最主要原因係當時間店太細，完全唔想座得咁辛苦去食。之後見個店位換左第二間食米線的，以為倒閉了。今日想揾下附近有乜店未食過，就試下。居然發覺原來它搬左去田心，店面積大好多，位又闊d，就走去試下。點知，hmm....個人意見，唔係咁啱我同太太的口味。我們點了1) 台式牛肉面2) 台式牛肉泡飯3) 扭扭薯條4) 葱肉餡餅全個場，依家應該有12張枱，應該座到48人左右。我用餐的時候，都座了一半有客，見到大部份人都係食呢個阿Roy 台式牛肉麵。但係，這裡提供的牛肉，對比出面其他地方，無可否認，份量算係多，有4大舊。可惜，完全唔柔嫩，真情係硬，咬都咬唔開。麵，煮得唔夠時間，好像未熟。泡飯，第一次食台式牛肉泡飯，我只能說，不配的一種食法，所以好少見有提供。可能真係唔夾。…查看更多

響中璟返工，以前經常去中環街市旁邊間龍記燒味食lunch，果間係米芝蓮上榜的，主打燒味飯。最近得知原來它在上環開了間燒味茶餐廳，終於除了燒味飯也提供其他種類的飯了。我去到的時候，發覺可能因為會有外國人去食，所以它有提供中英對照的餐牌，呢個無乜特別，而特別之處就係，它每日提供6個不同的午餐set，而且也有提供英文對照，剛好有幾個外國同事一起去食，咁我就可以慳返少少口水去做翻譯機器人。而呢間分店，對比總店大好多，座也座得舒服好多。而且它仍然有總店那些燒味提供。正！當然無理由行遠左但又叫返燒味飯啦，今次我就嚮6種午餐裡面，選了粉絲肉碎蒸蛋，算幾大份，d蛋都好滑。它對比其他茶記，有少少唔同，就係用大碟蒸，咁我就可以成碗飯倒落去個蒸蛋上面，變返碟頭飯，哈哈。…查看更多

經過公司附近間東海堂，突然想買個蛋糕和同事分享下，見到呢個白桃蛋糕，就買黎試下。鬆軟海綿蛋糕，上面放滿香甜白桃，裡面夾雜粒粒白桃果肉。當然如果你問d白桃果肉新唔新鮮，其實嚮香港地，除非買d即買即弄的蛋糕，否則都好難會好新鮮，而且當然同宣傳海報上有出入啦。所以呢個算係不過不失啦。…查看更多

每年同屋企人過中秋節，多數都會早一兩個星期，但今年各個成員都有點忙，所以改左去星期六飲茶當做節。父母屋企附近都有幾間茶樓，但他們倆已經差不多天天都去，所以諗住去其他地方，但又唔可以太遠。近少少的會係沙田新城市，但無得訂位、又人多、座位又逼、枱與枱都好逼。而第一城都係差不多情況，最後就睇下石門站有邊幾間，最後選了彩福皇宴。座位夠闊落，又可以訂枱。一行11人，去到一座低就劃點心紙，響等既時間，大家便閒話家常。不用5分鐘，點心便開始到了，我們點了17個點心，再一鍋伊麵和一個炒米粉。伊麵和炒米粉主要是給我的2個小朋友食的，他們2個就是喜歡吃湯麵和炒米粉。最後消滅晒所有點心之後，便埋單。價錢只是820 再加一，平均每人80蚊，我覺得價錢適中，我個人最喜歡炸尤魚鬚和叉燒腸，而我的2個小朋友，吃了超多碗的湯伊麵，可能平時很少吃這個伊麵。而我太太就很喜歡蝦腸粉、露筍鮮蝦腐皮卷、和凰爪。正當我準備俾信用卡時，我2個細佬說還想再點多一些點心，後面我因為2個小朋友唔肯等，所以先埋單，我一家先行告退。如果大家下次想飲下茶又想座得舒服d，呢度係唔錯的選擇…查看更多

經過大圍地鐵站，經常都會見到這家店大排長龍，今天可能由於時間倘早，還沒到下班時間，看到不用排隊，便走過去買來試試。它提供堂食也有提供外賣，由於我也想和家人分享，所以我也是去買外賣。它的價錢也不貴，它提供的東西也不多，是很傳統的提供有關豆類的東西飲料。最後我選擇了1) 花奶豆腐花；2) 芝麻豆腐花；3) 胚芽豆漿；4) 芝麻豆漿；回到家一試，果然好味道，終於了解為什麼經常大排長龍。下次有機會，要排隊也會再買來食和喝。…查看更多

今日一家人去河畔，經過見到有越南菜，大大隻字寫左其中一款我勁喜歡的菜式，原隻尤魚釀咖哩飯，便一行人入左去試下。由於時間倘早，唔需要排隊便有位，不過座低之後半個鐘左右，就爆座要排隊了。座低之後，發覺有太多的選擇，有好多菜式都未試過，而且聽個名又好想試。例如：招牌椒鹽軟殼蟹、海膽炸春卷、越式蛋包炒金邊粉、扎肉雞皮串、咖哩粉絲海鮮大脆包、燒吞拿魚柚子檬紙卷…等等，太多了，不能詳列。最後和屋企人商量過後，我們點了這些菜式。個人特別喜歡尤魚釀咖哩飯，不是很多地方會提供。而軟殼蟹沙爹粉絲大脆包也很特別。…查看更多

今晚約了太太、妹妹和妹夫，在旺角一起去看復仇者聯盟3。看電影前，我和我妹找一下附近有什麼餐廳，想著先輕輕的吃過才去看電影。找著找著的時候，發現這家街坊Cafe，而它正好在做Promotion，有很多discount餐券，最便宜的有43折。我們去到後，座下看了一會餐牌，便二話不說的，都想點這個 "原隻龍蝦芝士龍蝦汁海鮮意大利飯二人套餐"，正在做51折，詳細包了這些：以優惠價$368享用原隻龍蝦芝士龍蝦汁海鮮意大利飯二人套餐(原價$726)包括:1. 素鮑參碗仔翅 +2. 凱撒沙律 + 3. 原隻龍蝦芝士龍蝦汁海鮮意大利飯(2人用) +4.香草醬雞肉河粉/五香肉丁肉醬焗河粉+5. Tiramisu吉士雞蛋仔伴雪糕/抺茶吉士法國西多士伴雪糕 +6. 藍碟花凍飲系列/街坊汽泡水系列 x2但到了現場才知道這個要預先在OpenRice預購這個優惠券，如果現場要這個，會少了第4點的菜式，其他不變，沒辦法，唯有下次黎食先再預購。而飲品我們點了 "妳的男人" 和 "是我的錯" (很有趣的名稱)。我太太還笑著我們點了 "妳的男人是我的錯"，哈哈。而沙律我們改了吞拿魚蟹籽沙律。跟著我妹就說想補點另一個，由於她也滿喜歡墨魚汁的菜式，所以補點了墨魚汁帶子河粉。…查看更多

今日同朋友响Lunch time聚一下，由於其中一位朋友在灣仔上班，所以我們便上 OpenRice找找地鐵站附近的，又能座一會聊一下的。跟著便找到這家餐廳。上去時，可能還沒到在灣仔區的上班的午飯時間，排了不一會便有位了。看了一會餐牌，便有了決定吃這個全日早餐，最後我們一行4人，分別點了3份全日早餐、1份鮮茄豬柳菠蘿焗飯。這裡環境很好，人不多，很多都是吃飽後，座一會聊一下的。而這裡的waitress很有禮貌、人也長得甜，下次再約朋友，一定要選這家！…查看更多

許多年前，曾經在科技園裡面上班了一段時間，每當有新同事到、有同事離職、公司興祝，都會在科技園裡面的囍慶去慶祝一番。最近它又在其他地方開分店，這家在顯徑村的，是第三分店了。今晚剛好預先慶祝母親節，所以也選了這家。進去後，裝修也很堂皇，也有好多人在吃飯、也有火鍋的。看了一會餐牌，便選了幾道菜。包括，果皮蒸大連鮑魚6隻、富貴芥味明蝦球、上湯加拿大龍蝦加伊麵底、鮮竹燴一品齋、乳豬拼盤、一隻紅燒乳鴿、馬拉盞通菜吊片、乳香蓮藕片炒黑豚肉、再加2鑵可口可樂。品嘗之後，我個人覺得，值得推介的1) 富貴芥味明蝦球2) 紅燒乳鴿3) 果皮蒸大連鮑魚4) 馬拉盞通菜吊片所以，我通常也主張，不叫那些預設好的一圍半圍那些菜式，反而散叫喜歡的菜式，更適合一家大小去吃。…查看更多

响中環食lunch，真係好少個價錢可以係$40以下，難得南記呢間連鎖店都响中環開左幾間，當然有時lunch都會去一下，特別係想食d無咁高卡路里食物時。呢間連鎖米線，都提供好多不同食物，當然主打係米線，而配料當然應有盡有，而特別少少的有招牌春卷、魚皮餃、魚腐招牌辣豬腩肉。另外仲有小食，如辣爽爽肥牛、辣爽爽大腸、炸牛丸拼炸魚片頭、黑椒雞鎚等等。而且下午茶仲有套餐，最便宜$21就有招牌河，加多$3有豆漿。由於係 lunch 時段，都好多人排隊，亦都有好多人係買外賣，排隊大約用了15分鐘，買完票便去找位，座下後就等叫號自取食物。我通常都會叫辣腩肉，因為呢間d腩肉真係好好味，唔會有太多肥肉。就係咁，只要花$38，就攪掂個肚。…查看更多

唔記得幾時開始，稻香每年都攪一次一蚊雞活動。之前都食左好多年，而最近2年無再留意呢個活動。點知今日，有親戚告訴我，今年一蚊雞係原隻烤雞，不再是以前每年的白切雞，一想到係烤雞，即刻想去。就係咁，今晚就去了屋企附近果間稻香，去到可以因為一蚊雞，都要排長龍，好彩我訂左位，一去到就有位了。而每次食一蚊雞，少不免都要叫個飲料自助Bar，去飲下芝麻胡、杏仁胡、紅豆沙、綠豆沙。今年個活動多左個condition，係每2人才可叫一隻，其實，2人叫一隻都好夠食。…查看更多

今日和朋友去Lunch，順便傾下計，所以想搵間靜少少，又可以座久少少的餐廳，開個app，搵下附近有乜好選擇而我朋友話想食法式，就搵了呢間。去到真係唔使排隊，可能因為價錢相對上比較貴。它有2層，由於下層已滿座，所以我們要上去一樓。在走到盡頭，準備上樓梯時，見到有2座舊式量體重機。噢！體重機點解會放嚮度？拉一下，很輕而且能動。再大力拉一下，才發現原來是洗手間，好特別！座下後，看了一會餐牌，這裡提供7款Lunch Set，我看了一會後，便想試試其中一道 "焗赤雞薩摩雞腿+黑胡椒飯"，而我朋友就點了 "廣島蠔新鮮意大利扁麵"。在我點我的餐時，Waitress 告訴我，這個焗雞腿因為要即時焗，要等15分鐘。很快，2個餐湯和麵包便來了。這個忌廉湯濃度適中，不錯。再過了一會，我朋友的意大利麵也上，再等多5-8分鐘，我點的菜也上了。這個焗雞腿，由於即時焗，所以，每一口也能感受到它的味道鮮味油汁。它的黑胡椒飯也是有一點特別。…查看更多

有時去開旺角一帶，上呢度搵下附近有乜餐廳，經常search到呢間店，它的名稱真的很容易記，咪走雞。今晚又黎旺角，突然間我和太太都想食雞煲，便第一時間想起呢間，就黎試試。我們大約6點半便到，由於時間倘早，仲未有好多人，一上到去就可以入座。但座低後大約15分鐘，全店爆滿，所以如果下次黎，最好book位先。睇一下個餐牌，見到有2種鍋底："黃金芝士" 和 "火焰麻辣"，由於我們都喜歡辣多過芝士，所以選了"火焰麻辣"鍋底，3辣度。跟住再點左太太喜歡的牛栢葉、蟹柳，而我就選了雪花肥牛、手打五寶丸拼盤、鮮製四拼餃。另外我們都點了咸檸七，去降下火。不用等好久，雞煲已上，應該係點完後，厨師收到Order，即時放好雞、材料、醬汁，便上枱，再等枱上的電爐煮熟。不過我覺得d雞應該有炒過一下的，否則要等好久才能開蓋食。點知煮左一會，有個waiter過來，開蓋，倒一盤液體入去，再點火！全個鍋即時燒出火焰，哦！原來火焰麻辣就係指呢個火焰！意想不到！再過多一會，又有waiter過來為我們加醬汁入去攪拌，即時嗅到一陣陣麻辣味。試完d麻辣雞之後，覺得個味道好特別，跟以前食過的麻辣味有點不同，但都非常好味。而且這裡雞煲裡的，全用上雞肶斬件，啖啖肉、少骨。用左大約20分鐘先食完，即刻加水預備食其他。這裡的四拼餃，有4種不同餃子，每種2粒，其中2種係肉餃，另外2種係菜餃，剛好一對對情侶食，又可4人分。而手打5寶丸，分別有墨魚丸、蝦丸、鯪魚丸、豬肉丸和牛丸，都係好特別。最後我們2個食到超飽，飽到行唔到，哈哈。…查看更多