MobMo的个人专页

同朋友行街行到佐敦附近突然之間想食燒烤，但朋友又話想打邊爐！就搵咗間滿足到我哋兩個人嘅需求嘅餐廳！除此之外，呢度海鮮都係任食唔嬲！仲好抵食添！埋枱送嘅嘢都多、有好滑嘅白鱔、燒到外皮卜卜脆入邊啲肉非常之嫩滑！嘩我最鍾意就一定係佢嘅蝦啦，種類都非常多除咗有椒鹽蝦、仲有酒醉蝦！當然唔少得就係打邊爐嘅蝦同埋燒嘅大頭蝦！所有嘅蝦嘅質地都非常之彈滑！海鮮種類就更加多！有生蠔、有花螺、有鮑魚仲有扇貝當然唔少得就係蜆肉！全部都好鮮甜都好新鮮！隔離仲有個冰櫃可以將佢個新鮮度保持到最好！而燒烤區嗰邊都好多串燒可以拎、牛豬雞、仲有雞腎、蔬菜區有原條茄子、翠玉瓜、同埋一口甜薯等等！我最鍾意就係食佢個蒜蓉法包好香脆！當然唔少得就有燒菠蘿！呢個真係極度推介好好食好鮮甜菠蘿！甜品燒嘅類別，有鯛魚燒、亦都有燒窩夫、凍嘅甜品有雪糕唔同嘅種類味道！呢度嘅飲品都係任飲，仲有啤酒同埋燒酒選擇！價錢方便一個人只係378假日晚市成人加一蚊仲可以即刻打埋邊爐真係超抵！再計埋+1一啲都唔貴呀！舖頭位置位於佐敦永富大廈地下行樓梯就上到位置近地鐵站C出口！…查看更多

去到佐敦大家除咗會諗起打冷之外、大排檔同埋火鍋都係一個唔錯嘅選擇！但係如果有間又可以燒烤又可以任食甜品又可以任飲酒精同埋冇酒精飲品、仲要有埋打邊爐唔知大家會唔會覺得都幾吸引呢？當然唔止啦、呢間除咗係任食之外呢度嘅海鮮原條魚類，仲有好多唔同種類嘅海鮮例如生蠔鮑魚、甚至乎貝殼類仲有大頭蝦都係任食！最吸引就一定係蕭乾魷魚！呢款就係大家經常喺條街見到自己燒嗰啲乾魷魚一份出面都要$50、但係呢度都係任食！真係極度吸引㗎！當然呢度燒烤嘅材料絕對唔少、除咗有肉類串燒、呢度嘅蔬菜串燒、同水果甜品串燒亦都唔少！原條茄子甚至乎燒麵包蒜蓉多士、同埋迷你版鯛魚燒、仲有打邊爐嘅配料都非常之多！淨係菜類都有幾款選擇！廚子之外仲有熱食區、我最鍾意就係食佢個辣酒煮花螺、非常入味肉質鮮嫩、另外都有少量煎炸食物、熱食蔬菜有營養、仲有粉絲！最後當然唔少得就係調味料漲了區、蒜蓉牛油、泰式辣醬、甜醬、酸辣汁通通有齊！蝦蝦燒佐敦白加士街…查看更多

去到中環附近 一定會諗起佢個中環碼頭 , 除咗環境優美仲有全天候嘅海景之外！ 呢度都仲有一個大家好值得去嘅海事博物館， 而海事博物館 嘅附近就有一間 可以食下午茶或者早餐嘅天星碼頭餐廳！ 重點係呢度除咗可以望到全海景之外, 呢度仲可以望到aia好大個摩天輪！ 再加上呢度嘅日光窗 感覺 影相打卡都係非常之到位！ 除咗有 龐大 嘅空間！ 估唔到呢間餐廳係一間社企 同埋 營養為主題嘅餐廳！ 連甜品蛋糕 都係非常之有營養資源 仲有生酮 嘅功效！ 啱曬一啲鍾意食早餐健康營養又好味 嘅朋友一齊品嚐！ 另外呢度仲有水果茶 仲有其他嘅花茶 可以輕鬆傾偈 之如又食下 佢嘅常餐 西式早餐！ 我最鍾意當然係呢度嘅甜品, 蘋果金寶， 藍莓芝士蛋糕， 味道非常濃但係有偏自然味道！ 主菜我好鍾意食水波蛋 黑麥多士！ 營養價值豐富 黑麥充滿纖維！ 強化腸道！ 仲有雞肉批我亦都非常之推介好好食！ 中環碼頭8號 Museum Cafe at Pier 8…查看更多

今次去大邊爐火鍋店，重點試咗佢哋嘅冬陰功湯底，真係冇令我失望！湯底味道濃郁，酸辣度恰到好處，香茅、南薑、檸檬葉嘅香氣好突出，飲落去好醒神，完全唔會覺得油膩。我哋叫咗東山羊肉片、西班牙天然穀飼黑毛豬、時令西洋菜餃、鮮腐竹同陳皮牛肉滑，每樣食材都好新鮮，配搭冬陰功湯底真係一流！ 東山羊肉片切得薄薄，輕輕一灼就已經熟透，肉質鮮嫩，完全冇羶味，配冬陰功湯底食真係好夾。西班牙黑毛豬肉質細嫩，油脂分布均勻，入口即化，食得出係高質素嘅豬肉。西洋菜餃皮薄餡多，西洋菜嘅清香同冬陰功湯底嘅酸辣好夾，食落好清爽。鮮腐竹吸滿湯汁，口感滑溜，帶少少豆香，好正！陳皮牛肉滑好特別，牛肉滑嫩，陳皮嘅香氣令味道更加豐富，食落有驚喜。 整體嚟講，大邊爐火鍋店嘅食材質素高，冬陰功湯底好出色，服務亦都唔錯，值得推介！…查看更多

元朗街坊有福了，高質放題2小時任食升級食之放題！預約訂位即有新鮮生蠔🦪一打松葉蟹腳拖羅海膽刺身任食！另外仲有128種美食任君選擇！刺身種類：榮螺、帶子、三文魚、油甘魚、北寄貝、八爪魚、希靈魚、吞拿魚、甜蝦、赤貝，仿鮑魚片，開邊赤蝦，間八！壽司：赤背、赤蝦、北寄貝、三文魚、八爪魚、花之戀、象拔蚌，油甘魚腩、間八一品料理；必食甲羅燒！蟹肉素翅茶碗蒸、麻辣風溫泉蛋、芝士醬玉子燒、三文魚骨腩！火炙壽司：蟹柳、三文魚、黑松露鰻魚、牛油赤蝦、生薑醬牛肉、玉子蛋！鵝肝！窩物：壽喜燒牛肉鍋蝦味噌海蜆鍋喇沙湯海蝦鍋清酒梅酒啤酒，汽水飲品任飲指定雪糕任食！特價時段5:30至7:30星期一至四成人248小童178星期五六日公眾假期成人258小童1786:00至8:00星期一至四成人258小童178星期五六日公眾假期及假期前夕成人268小童178另外正價時段自選兩小時星期一至四成人298小童178星期五六日公眾假期成人308小童178金福閣緣聚西日餐廳11號金福閣地庫5號西裕街元朗…查看更多

話說銅鑼灣都係多國菜嘅美食天堂、如果唔係朋友介紹都唔知道原來灣仔有間印度菜真係幾好食！餐廳環境除咗好優美之外充滿着印度時尚風格、嘢食除咗色香味俱全！呢度嘅酒類飲品同埋冇酒精飲品都係非常之多種類！包括印度嘅薑茶大家一定要嘗試一次！非常推介！嚟到呢度單叫都唔緊要㗎、因為種類嘅美食真係好齊！尤其喺呢度嘅薄餅我最欣賞佢個咖喱！首先當然叫杯特飲、Yellow Sky，甜甜嘅菠蘿汁配上其他水果味道好清新!朋友就叫咗杯印度嘅薑茶、我飲咗一啖味道真係好獨特印象好深刻都幾好飲！印度蒜蓉薄餅、配魚咖喱、菠菜芝士咖喱、洋蔥青瓜蕃茄薄脆片，最後一定需要一食嘅雞肉羊肉雜錦拼盤！我最欣賞就係菠菜芝士咖喱甜甜香香開胃！配上薄餅真係非常之襯搭！青瓜薄脆片咬落去清爽味道層次豐富！羊肉一啲都唔蘇、仲好有咬口！雞肉比較厚身、配上咖喱醬薄荷醬都係一流！最後一定唔可以錯過就係印度小球又芒果汁同薄荷汁拼青瓜混合而成嘅醬汁到落去小球入面、鹹鹹甜甜味道超有層次、鹹味又唔會蓋過甜味！越食越開胃！灣仔分域街得利樓37至39、2樓全層Jojo Indian cuisine …查看更多

今日去到荔枝角附近諗住食啲簡單啲嘅港式小食, 跟住發現咗有一間好靚嘅港式風味餐廳, 除咗保留咗傳統習俗嘅環境之外, 好似置身咗喺復古時代, 再加上週圍都好有懷舊風格！ 門口充滿香港舊時戲棚元素,店內龍鳳牆再大約現代化香港！ 大家食嘢嘅時候一定要注意下杯碟上的金句/ 迷語！ 包你有驚喜！沙嗲牛份量多 沙爹汁超濃郁味道偏甜、有少少麻辣味一定要趁熱食嘅熱香餅漢堡好襯沙嗲牛，配糖漿更好食，熱香餅蛋味濃，即叫即做！ 熱辣辣出爐！沙爹雙太陽蛋牛肉麵金莎朱古力流心多士沙爹牛肉芝士炒熱香餅漢堡滑蛋叉燒飯咁多樣嘢最驚喜就一定係金莎朱古力流心多士, 鍾意食金沙嘅嚟都一定鍾意！ 爆漿在加上多士完美組合！另外亦都好推介蕃茄湯麵,酸辣米線,生炸雞髀,麻麻地豬扒,大滿足歡樂餐, 全部餐廳嘅王牌食物超受歡迎！餐廳：老荔冰室 (荔枝角)地址：荔枝角青山道495號誠信中心地下1號舖…查看更多

今日就一定要帶我朋友去我最鍾意食雞串燒、除咗高質好食之外！呢間串燒真係我覺得係雞肉串㗎 ！雞嘅內臟串燒都有！鍾意食內臟嘅你就一定要食！雞內全宴：雞全翼，雞心，雞肝鵪鶉腿肉、雞下腿，雞胸肉，黃油雞腸雞胸紫蘇葉，雞柳柚子免治雞肉棒雞白湯拉麵雞心雞干燒得啱啱好！黃油雞腸超香濃！最鍾意食就一定係佢個鵪鶉腿肉、除咗皮嫩肉厚！估唔到連個鵪鶉腿都勁入味！當然佢嘅雞下腿同埋雞胸肉都絕對冇得輸！仲要配埋紫蘇葉食落去冇咁油膩！免治雞肉棒配上日本無菌生蛋真係超惹味！我覺得雞白湯拉麵！係一定要食因為佢個雞湯真係超濃郁、再加上拉麵唔係出面食嗰種好厚身、食落去好有口感比較幼身嘅拉麵！牛舌我覺得好特別！另外仲有呢個豚肉鵪鶉蛋，鵪鶉蛋真係好夠味道！明太子厚揚同原味厚揚都一樣係咁正！鳥鑫係位於尖沙咀厚福街附近嘅，藍馬商業大廈21樓全層、鍾意雞肉嘅你就一定要食啦！但係呢間舖平時都真係好好生意所以記得一定要早啲去Booking！…查看更多

就到聖誕節啦除咗食聖誕大餐之外、有時想簡單搵間普通嘅西餐廳坐下輕鬆吓唔使咁趕時間、突然之間俾我發現咗沙田有其中一間啱啱新開張嘅鐵板餐廳、除咗價錢性價比高之外質素亦都可以！ 呢度除咗主菜有好多選擇之外、小食亦都有好多選擇、分類嘅話加$22仲可以配埋意粉白飯或者薯條、仲可以配汽水或者洋蔥湯！加$10仲可以轉蛋包飯、或者蒜香飯！另外如果幫襯夠$300仲可以送和牛生菜包一份！今次我主要叫佢嘅小食：府城蝦卷脆皮奶卷配玫瑰醬黑椒牛肉飯（豆豉蒜蓉汁）活海蜆洋蔥清湯炭燒雞肉串酥炸軟殼蟹個人覺得小食都係幾特別同埋價錢好平、想食咩豐富啲唔介意真係可以叫多啲幾個小食黎食！再加上佢個奶卷拼玫瑰醬真係好好食當甜品食一流！估唔到軟殼蟹$28！真係好平！黑椒牛肉飯我覺得幾驚喜、牛肉煙韌，獨特嘅豆豉蒜蓉汁好開胃！出面都未必有呢種醬汁！建議一定要食！最為驚喜就一定係佢個活海蜆洋蔥清湯，入面仲有帆立貝兩粒、相信洋蔥控嘅話一定好鍾意沙田好運中心松林閣3樓鐵板大師沙田分店…查看更多

而家呢個天氣咁凍最啱就係打邊爐、開始近排返咗啲新嘅白滷水專門店、滷水大家就聽得多、白滷水大家有冇食過呢？如果未咁就一定要食吓呢一間！本身我覺得豬生腸鵝掌翼、已經係好好食、佢仲要用特別嘅滷水方法去炮製、令到成件事更加香濃！但係今次就想打邊爐、所以就叫咗個套餐！胡椒豬肚雞煲半隻$198呢個套餐唔係剩係得胡椒豬肚雞、估唔到佢仲有¼隻白滷水鵝、一個餐可以食兩款唔同嘅主菜、仲可以或者選擇滷水拼盤、入面有薰蹄、生腸、豬肚、鳳爪！當然因為呢個係火鍋主題、佢仲有生菜可以打邊爐！仲有白飯兩碗、最正就係薑湯番薯糖水2豌！成個餐真係好抵食！直程唔可以叫做三人份量！呢度除咗專門做白滷水、呢度嘅叉燒同埋海南雞飯亦都好出名、仲有滷水乳鴿應該大家都小食呢度有得食！仲可以包埋湯包埋飯都係$56超抵！一食鍾情太子界限街28-30號地舖…查看更多

呢排食太多日本嘢，突然之間心思思想食吓意粉、去咗間旺角性價比高嘅意粉專門店！佢嘅意粉非常之彈滑、種類亦都非常之多、最唔可以錯過就一定係佢嘅卡邦尼意粉我覺得真係幾好食！ 仲有而家嗌一個餐就可以加$38玩佢哋當日嘅餐湯同埋飲品！百零蚊嘅價錢我覺得都算幾抵食！叫完意粉之後就一定要食佢最新出嘅牛油果漢堡、牛油果鮮甜仲有蕃茄重量芝士配搭！當然主角係佢嘅牛肉啦！牛肉煙人好食、漢堡牛肉嚟講都OK唔錯！漢堡入面呢一個餐佢入面已經配咗薯角、所以呢個餐$78我覺得好抵食！之後再叫咗個忌廉煮青口、青口數量都多抵食！好creamy,再加上忌廉超濃郁好正！最後當然唔少得食甜品啦！甜品我嗌咗個朱古力味既雲呢拿雪糕窩夫、窩夫比較厚實、朱古力醬唔會太甜、雪糕冰凍狀況唔會話好容易溶哂！旺角意粉狂熱旺角雅蘭中心2樓…查看更多

今日同朋友去元朗嗰邊做完運動、就開始食我嘅第一餐啦！168斷食咗半年效果都好出眾！話明第一餐就要食啲飽肚啲嘅嘢啦！朋友記得喺又新街附近有一間燒烤嘅質素係唔錯、再加上佢呢度有好多海鮮食包括龍蝦講緊都係$78已經有半隻！仲可以蒜蓉或者芝士燒好邪惡！但係今次我哋就叫咗切片燒鮑魚、因為燒鮑魚高質素之餘仲切開晒一片片再加上翠玉瓜同蔬菜絲，真係開胃又好食！當然第一件事就一定係嗌佢嘅辣酒煮螺、龍龍嘅花椒同埋好辣好好食、再加上個醬汁非常出味、花螺去份量亦都好多！之後再叫咗兩個串燒，主要係食佢嘅牛肉同埋羊肉串、羊肉一啲都唔蘇、再加上味道好香濃、食落去好煙韌！牛肉嘅肥脂肪層啱啱好、食落去口感好Juicy!之後就一定要食佢嘅紅酒醬鵝肝多士、鵝肝勁大塊同多士一樣咁大超抵食！口感超滿足！鵝肝食落去都有入口即溶嘅感覺！之後就要食佢嘅燒原條切開香蕉朱古力，呢個甜品係水果原件、比較健康再配合朱古力醬唔會太甜！好開胃！飲品就更加唔可以錯過呢度嘅生啤細杯都係$48好抵飲、當然驚唔夠喉就可以$68飲大杯啦！好燒式元朗店元朗又新街富祐閣37-51A-P…查看更多

同朋友最鍾意呢就係食牛、但係要食到一間好高質素嘅燒牛都唔容易，因為除咗軟熟都要啱啱好之外、仲要有蛋滑嘅效果咁樣嘅牛先係最好食！牛嘅位置我比較鍾意食牛肩胛，同埋封門柳，呢兩個肉質嘅部位都係比較靚同埋挺身！食落去會好有飽肚感！朋友介紹我喺呢一間度食過牛嘅質素除咗高之外，仲可以加錢配埋支牛油雪茄、牛油雪茄可以搽落啲牛肉到、令到牛肉嘅層次更加香鮮！當然唔少得佢食完個焗蒜都係好好食、蒜蓉粒非常誘惑！再配合牛肉簡直係最佳拍檔！當然佢隔離嗰個配菜亦都係好出色就係奶油蝦、醬汁超香、淨係露出蝦肉身，大啖大啖咬都係蝦肉！真係好正好creamy!食咗肉想清下腸胃驚你不妨叫香鮮芒果蟹肉拼牛油果他他、除咗係一個解油膩同埋開胃嘅菜之外、食落去口感好清新！加上呢個份量呢個價錢我覺得係好抵食！最後當然唔少得就係佢嘅Cocktail，最鍾意就係莫吉托、仲要係青蘋果味道層次清香！甜品就一定唔可以錯過朱古力Brownie再加雪糕！呢個甜品我比滿分分兩袋大啲Brownie整得好出色　！The steakhous太子旺角道91至91 A地舖…查看更多

尖沙咀好多地道嘅國家菜，除咗尼泊爾、黎巴嫩、中東菜等等，今次就帶朋友去食一間印度餐廳！呢度除咗款式多籮籮之外、餐廳嘅環境亦都非常之優雅、同埋充滿貴氣感覺！嚟呢度輕鬆一下打卡都好正！今次就一定要食新德里懷舊三色小食拼盤：入面有乳酪扁豆蓉脆餅，脆炸小扁豆餅、印度特色鷹嘴豆空心脆！乳酪扁豆蓉脆餅味道酸酸甜甜、再配合紅石榴粒、食落去感覺好鮮爽、又好開胃！印度一定要食佢嘅鷹嘴豆，除咗香濃大小辣之外、亦都係開胃菜之一！之後就一定要嗌返個印度牛油薄餅、你送蕃茄濃湯咖喱雞！呢個咖哩我比滿分！除咗好開胃之外、蕃茄嘅味道好獨特食落去唔會好肚濟、咖喱味道層次出眾！再配合牛油薄餅！真係想食完再繼續叫！印度嘅mock tail 真係非常獨特、除咗好有層次感之外，連特飲嘅配料都係好獨一無二出面未必有！Herbaceous refresherSeeding spice94,smashed green apple,Passion fruit,Sakura,citrus,Aquafina盈豐商業大廈尖沙咀赫德道6-8A prat ave4樓全層Carat fine Indian and Mediterranean cuisine…查看更多

又進入冬季嘅時候就一定要食啲熱辣辣嘅嘢，又想燒嘢食但係又想打邊爐！今次就一定要食返夠本嘅！朋友話呢一間除咗抵食之外仲要都好多嘢食！我有甜品區、小食區、熟食區、沙律區冷盤、壽司吧、刺身部、仲要有糖水區、當然飲品區都唔少得啦！現場都有炸物提供！仲有仲有日本啤酒任飲！我哋今次食嘅套餐包埋刺身講嘅都係220一位有找！咁樣嘅食物真係幾抵！感覺都好回本！刺身方便最受歡迎一定係三文魚同埋吞拿魚、仲有穎攞刺身八爪魚墨魚、玉子同埋，赤蝦刺身！壽司就有芝士蝦，芝士三文魚，芝士蟹柳等等！我覺得最好食嘅莫過於佢個蒸魚腩、熟悉裏面我覺得質素最高！佢仲有熟悉嘅蔬菜同埋蒸排骨豆卜、仲有青紅蘿蔔湯！有時仲有限量嘅紅棗蟲草湯！當然唔可以錯過隔離有點心！燒賣蝦餃呢啲一定有！最後燒完肉就一定要打返個邊爐，最爽嘅就係呢度所有嘢都係任拎唔嬲！兩個鐘真係抵食又多選擇！最後再加碗黑糖冰粉糖水就真係好正！校長燒肉放題（大埔）大埔中心…查看更多