食通港九123的个人专页

本人今早去長樂買了一碗中魚肉粉仔翅加蘿白外賣, 粉仔翅$29+蘿白$12, 得四舊, 因為加咗蘿白關係, 啲粉仔少咗, 而且啲粉子好硬, 好似未煮透, 其他地方食好好食, 仲要價錢平過佢多多聲, 魚肉係粉頭, 不是真正魚肉, 但真係一點食肉的感覺也沒有, $41勁唔抵, 幸好蘿白算淋, 但淡而無味, 真係越做越差.…查看更多

今晚七點幾去到聚興樓買釀涼瓜飯外賣, 之前食過很多次都正常, 但今次真係好唔掂, 啲涼瓜諗到冇牙都食到, 中間啲肉黑兼乾, 以前啲肉鮮色啲, 佢話係啲汁嘅顏色, 唔係囉！係唔新鮮, 因為啲餸係一包包預熱, 如果冇乜人買, 浸得耐啲餸會諗晒兼隔夜, 至於隔幾多日真係冇人知, 而家肺炎肆虐, 真係唔敢食, 但最討厭係啲員工堅持話新鮮, 最難接受, 叫佢自己食下咪知囉！加咗價仲差咗, 難怪越來越少人幫襯。…查看更多

本人今天放假經過葵涌廣場地下的草根食堂, 與媽媽入內點了兩份茶餐, 個阿姐落完單一直向門口方向行一路講要唔要碗, 然後轉頭望住我, 我答是否問我? 她說當然啦！鬼知你咩！搵個背脊對住我, 以為佢黐咗線自言自語, 仲同我講, 見你有老人家咋, 唔一定要俾碗你㗎! 我由始至終都冇問過佢攞碗囉！佢隻碗鑲咗金呀！咁巴閉, 然後上菜, 干炒牛河正常, 但咸魚雞粒炒飯只有雞粒冇咸魚, 因為冇員工過嚟, 我過去同個收銀講, 佢竟然話冇一粒粒咸魚㗎, 係咸魚容嚟, 我話連咸味都冇, 何來有咸魚容呀？佢話你只可以話廚房冇落鹽, 真係吹脹, 跟住之前攞碗俾我個阿姐仲插嘴, 話下次俾多啲咸魚我, 呢間嘢簡直不知所謂, 冇下次。…查看更多

在附近工作, 平日見此間裕一品米線, 雖然細細間但人流不多, 碰巧趕時間入去一試, 中伏了, 點了一碗中辣米線, 不太辣, 得三粒牛丸, 但入面是凍的, 強調當時是非繁忙時間, 得兩三個客, 其他人已食完, 有乜理由整唔切, 碗米線其實好多只係配菜, 主菜係三粒小牛丸, 個阿姐夠膽同我講啲牛丸係熟咗, 我夠知啦! 咁就要俾啲凍嘅個客食? 又唔係好平, 叫埋杯飲品, 四十幾蚊, 啲米線仲未煮透, 結果又去另一間幫襯, Black List, 絕冇下次。…查看更多

住咗青衣咁多年，間中都有幫襯呢間酒樓，因為呢條邨得一間，質素不是要求太高，但服務真的差到貼地囉，事緣今日放假，帶媽媽落去飲茶，見有好多張枱都只有一至兩個人，但啲茶杯返轉晒，代表有人，見其中一張枱冇人便坐低，啲杯又返轉晒，有個侍應走過嚟話呢張枱有人㗎，吓！究竟係咪做生意㗎，幫老細倒米，好似唔憂做咁，以後一定唔會再幫襯。…查看更多

看過網上評語，覺得這間頗不錯，未試過在這附近食嘢，今天約了舊同事試試，去到剛巧裝修，幸好門前有個指示牌，叫我們改去合發飯店，我們二人點了五款東西，實在有點誇張，先講方魚肉碎粥$38一碗，份量正常，味道起初不太差，但食到最後發覺很鹹，可能啲鹽墜晒落底，呢點有待改善，椒鹽魷魚，賣相OK兼份量不少，$75貴少少啦！一碟筍蝦，朋友話是蝦，我話應該係筍，因為$40冇可能係蝦，碟餸嚟到果然俾我估中，好大碟，全碟筍都冇渣，証明啲筍唔老，餸飯或者當小食都冇問題，因為一啲都唔鹹，有少許辣椒，跟住講下隻炸BB鴿，真係BB，不像其他地方把大大隻老鴿話係乳鴿，有點內咎，出世冇耐俾我哋食咗，炸得好脆，就算唔點椒鹽同汁都好味，$35好抵，最後係碟蠔餅，真係好耐冇食，極之想食，一嚟到好鬼大碟，被它嚇親，因為我們只得兩個人，個侍應哥哥叫我們慢慢食，但最後都要攞個盒打包，實在食唔落，但其實係炸粉多，其他地方啲蠔餅係一餅過，呢度係細細件一件件點粉炸，所以咁大碟，蠔餅嚟講中規中矩，$65可接受，寧願細碟啲，唔好咁多粉，整體嚟講滿意，冇茶錢，冇加一，外賣個盒錢都冇收，埋單$253，仲想點，而且這間舖有兩層，我們坐樓上窗邊位一邊食一邊望望街外風景，正!…查看更多

今晚收工到附近葵涌廣場地下輕鬆一下，買幾個粉果回家食，五蚊個其實唔平囉，個阿姐望住我，多謝都冇句都算，仲叉住條腰，嫌我買得少啩，返到屋企都係十幾分鐘車程，個粉果硬過石頭仲凍嘅，肯定俾我嘅時候都唔熱，咁嘅態度加價錢，一定冇下次囉！…查看更多

今天經過太子，看見一間小店叫老表麵食，門口寫着各款21元，今時今日真難求，即管入去試試，叫了雲吞麵，三粒大雲吞，裏面啲蝦好彈牙同幾新鮮，幼麵幾爽口，不太多梘水，最怕梘水多會澀，舖頭地方不太大，但也不算擠迫，還有電視睇，下次經過會再試。…查看更多

很久沒吃西多士，心血來潮，就入了這間餐廳，都知錯了，下午茶餐西多士一份連一杯熱飲，成為廿九大元，但送上來的一碟西多面上一攤蛋漿，但沒牛油，於是要求侍應給點牛油，結果廚房給我兩大舊牛油，件西多裏面好像有少許花生醬，但炸得不夠耐，但其實我已等了十分鐘，但他們唯一可取是成樽糖漿遞上枱，夠大方，兼有咖啡糖，可能因為價錢有番咁上下，不過唔會有下次。…查看更多