apctang的个人专页

隱藏於灣仔月街的特色美食，香港Sleepyhead 矇查查，用傳統地道茶餐廳美食改良出新穎食品，有叉燒菠蘿包，沙嗲牛三文治，薑蔥雞三文治，蘋果批西多士等等.... 飲品更有不同特色嘅cocktail。我哋當然點了出名的叉燒菠蘿包，沙嗲牛三文治和蘋果批西多士啦！菠蘿包脆卜卜，叉燒有咬口！而沙嗲牛十分淋滑，再加上脆脆焊底嘅三文治吸上滿滿的沙嗲汁，你可以想像到有多美味就有多美味！蘋果批西多士，夾雜了肉桂和蘋果的香味，加上西多士同蜜糖嘅傳統美味，味道融合得極之平衡。當然再加上我點的tonic咖啡和hunter hi雞尾酒，把味道更加提升一個層次！💕💕…查看更多

和朋友專程到尖沙咀搵居酒屋晚餐，來到棉登徑街尾；朋友介紹的日本精裝居酒屋，門面很吸引，內裏裝修也好有特色，真係有去到日本嘅感覺。看到每張枱都有一個小小的爐頭，就知道大部分都是即煮海鮮食品，咁我哋當然就點咗唔同嘅海鮮：有元貝，鮑魚，大蝦，白蜆甲羅燒，再加上特別嘅三文魚掛麵和魷魚天婦羅！而且居酒屋最大特色嘅當然就係可以飲唔同嘅酒啦，而家居酒屋更加有特別嘅類似雞尾酒嘅酒類，可以畀我們選擇！我就選咗威士忌梳打加梅，朋友就飲推介嘅菠蘿雞尾酒。每樣食材都新鮮甜美，只要加少少鹽或者五味粉就已經極之美味，再加上特別嘅雞尾酒，實在喺令你愛不釋手！食到唔想走！…查看更多

去過全香港那麼多居酒屋，這是全港最差...差...差...差...差勁的一間！可以用垃圾來形容！點單拿來的牛肉和豬肉有一半是黑色的！請服務員拿回去換！但他們又拿回來說就是這樣！可惜手機無電，所以影不了這麼黑色的牛肉和豬肉！當然我們就不會吃那些變黑了的肉！魚肉都明顯不新鮮，肉質暗暗的！火鍋乾水，要求加湯，服務員說只會加水！😤😤😤剛剛90分鐘，立即要求離場！我們表示單已截，餐堂只得兩枱有客人，可否坐多兩分鐘！食完餘下的食物就走，當然被拒絕！只好立即離開！當時都8點半了！我希望佢真係有好多客嚟緊啦！可能我時運高，見唔到其他客人吧！😂🤣😂🤣#服務態度差#食物質素差#環境衛生差#食物味道差#飲品質量差五個差！我都係第一次比一間食店😤😤😤你去幫襯就等於搵自己笨！😂🤣😂🤣其實每項評分都應該係零！😂🤣😂…查看更多

朋友遠道回港，當然要幫佢洗塵！就去有得玩又有得食嘅後宮食晚飯，哩處有得唱K之餘又有火鍋吃，價錢喺7點半後有7折，真係超正！因我有咳，所以唔食得辣嘢！所以叫了個薯仔蕃茄湯底，再加個牛肉兩食、珊瑚蚌、響鈴和皇帝苗！怕熱氣仲飲咗罐王老吉！🤣😂個蕃茄湯底有好濃嘅蕃茄味仲有超多番茄同埋薯仔！👍👍實在唔錯！兩款牛肉，佢就畀咗牛小排和牛肩脊，牛小排食落好有牛肉味，相比牛肩脊就比較爽口！響鈴就值得一讚因好有濃濃嘅腐竹味！必食！皇帝苗食落香香濃濃，用來消滯最啱！最後再飲多杯自家製豆漿和椰汁！在聽別人在唱卡拉ok！也不失為一個豐富的晚餐！👍👍…查看更多

朋友相約食omakasa，他專程帶我到銅鑼灣的鮨本廚師發板餐廳，享用最新鮮的食材再加上廚師的巧手廚藝，真的使每一道菜！有置身於日本高級餐廳的感覺；我們選了餐廳中其中一款比較高級的廚師發板套餐！首先的螢光墨魚茶碗蒸，做得十分出色！細細的原隻墨魚仔加上嫩滑的蒸蛋，食落十分有層次感！兩款小食中的蜆加山葵十分美味，有蜆的鮮甜和山葵的辛辣味！之後的十款壽司各有特色，我比較欣賞梭子魚壽司，表面輕輕用火灼灼，再加上魚肉香滑爽口！當然我最鍾意的還是馬糞海膽軍艦，厚厚的馬糞海膽鮮甜，入口即溶，全無腥味證明是上等貨！而青魚拖羅手捲加入黃蘿蔔和蔥花，使口感特別出色！值得一提是自家製玉子燒！食落鬆軟和濃濃蛋香！而最後的咖啡就比較普通了一點！…查看更多

U IZAKAYA apctang和朋友相約午餐於銅鑼灣，他介紹U IZAKAYA日式餐廳，這間日式餐廳除了基本的魚生壽司外，還有不同的日式西餐；今次我就選食了他們的手工pizza套餐；這個午餐除了特選手工pizza外，還有薯條和南瓜湯，更加奉上沙律！整體來說食品水準高，而環境亦都優雅，服務水平亦都十分出色；在這餐廳午餐，令人有一種十分舒服的感覺，作為繁忙都市工作的上班一族，在此和朋友或商務夥伴午餐，可帶給你一種清新的感覺，如果在他們那闊大的露台上午餐更加有一種置身於海外的感覺！…查看更多

今晚和朋友專程嚟到諾士佛臺1號8樓的啤啤Bear韓國餐廳食晚飯！𨋢門一開就會見到五光十色嘅招牌十分搶眼，進入門口仲見到一隻超過兩米高嘅藍色啤啤熊公仔歡迎我們！而望向右邊還以為自己到了冒險樂園一樣！竟然有籃球機、打鼓機等等嘅電子遊戲機！睇清楚原來全部都只係餐廳嘅裝飾物！而枱櫈就係穿插喺呢啲遊戲機之間！未坐低已經不停拍照影相！真不愧為超多打卡點的韓式餐廳！坐下先點兩款餐廳馳名的菜式，就是大法芝士鐵板泡菜五花肉和番茄韓式辣海鮮湯配中華麵！可能將餐枱唔大，當放下兩個鐵鍋加火爐之後，所淨位置不多！不能再點其他菜式！那麼我們便點了BBB刨冰啤酒水蜜桃味和back to the childhood 來配中華麵和五花肉！兩杯都好好味，尤其是啤酒加水蜜桃沙冰真係好有特色！而脆脆的五花腩再加上濃濃的芝士吃起來口感豐富，肉汁四射！辣海鮮湯中的中華麵十分彈牙爽口，加上海鮮嘅鮮味食落好有特色！食完中華麵後，見湯底十分美味就再加上一個白飯，煮成茄汁粥更加徹底地享受到韓式茄汁湯的鮮味！最後再加一瓶超值的真露水蜜桃氣泡燒酒為呢個晚餐或上一個完美的句號！…查看更多

專程來到元朗幫襯87咖啡店，這間店舖朋友推介已久，第一次來幫襯，感覺好舒適，環境溫馨；餐廳只有十多個座位，畀人一種溫暖嘅感覺；餐牌都相當簡單，服務員嘅親切態度，使我有一種家的感覺！我和朋友各點了一個午餐，而每個套餐更無限量可添加熬咖啡！我的安格斯漢堡扒餐有熱辣辣的薯條和新鮮的雨衣金蘭沙律，漢堡包之中更有酸瓜、煙肉等等，而安格斯漢堡扒的肉汁十分濃烈，再加上脆脆的漢堡包，食落十分滋味！層次感亦都相當豐富；而朋友選的雞扒炒蛋亦都水準之上，炒蛋軟滑，雞扒面脆而肉汁豐富！再配上羽衣金蘭沙律十分醒神！而他選的桂圓紅棗茶，令人有一種十分清新的感覺！最後我們再選了 tunamisu waffle加雪糕作為甜品！剛好為這豐富的午餐或上一個完美的句號！…查看更多

嚟到東涌，朋友推介大頭蝦南風海鮮餐廳，這餐廳門面好有大排檔感覺，但又坐得好舒適！張椅重好有特色！個餐牌好多選擇，有燒味，有烤鍋，有小炒！選擇多源化！朋友推介燒腩仔和燒鴨，再加個川烤魚和西洋菜！當然重要啤啤佢啦！燒腩和燒鴨首先登場！燒腩皮脆，再加上一層一層的肥瘦分明！真係超好食！而燒鴨都有少少脆皮，鴨肉夠入味而不鹹！真心好味！主角的川烤魚上枱時十分吸引！看著烤魚加熱至滾滾香氣！急不及待地搶先試味！魚肉香滑而入味！豆腐泡更吸滿魚汁和川菜味！食落齒頰留香！魚身經過煎炸，再用川味醬料烤製！魚肉特別入味而又爽滑彈牙！真的不容錯過！而炒西洋菜就剛中和了比較刺激的川烤魚！而西洋菜又淋滑，而當中的蒜頭更吸上滿滿的菜味，份外美味！…查看更多

專程和朋友來到中環LA Parrilla steakhouse享受一個豐富的晚餐，由於早已訂座所以可以安排到靠近窗口的位置！更加上是高枱的關係，街外的景色盡入眼簾，而餐廳內的佈置亦都令人有身處歐洲的感覺！兩種景色令你有超現實的幻想！由於要開車的關係，我們沒有點酒精飲品！只點了soup of the day、海鮮combo和bone marrow作為前菜，再點了一個五成熟的rump steak作為主餐！服務員服務相當親切窩心，主動地幫我們一份的餐湯分為兩小份！再加上熱辣辣的麵包完全是絕配！而海鮮combo就有四種海鮮配搭，分別為帶子、蝦、八爪魚和吞拿魚！再配上黑色的粟米片！由於各樣海鮮特別新鮮美味，再加上粟米片的香脆食落有多種層次感和回甘！餐湯是甘筍湯，它有濃烈嘅甘筍香味，特別醒胃！bone marrow配上麵包食起來香味濃鬱芬芳！到主菜rum stick！長長的木板中央放上牛扒，兩邊共放上六款醬汁，令人感覺好有新鮮感！等同將這牛扒變成有六款食法一樣，而我最鍾意的就是乳酪醬、芥末醬和燒汁醬！它們可帶出牛扒的濃濃牛肉味！總括來說這餐廳的氣氛和食物水準相當之高！由於身處中環晚飯後還可以去蘭桂坊走走襯襯熱鬧！…查看更多

朋友介紹嚟旺角食日韓放題，價錢唔高，所以嚟之前都冇乜嘢expectation！嚟到見佢門口細細但內裏原來都幾大下！仲接近全部都係卡位，坐得特別舒適！咁嚟到放題首先梗係攞咗嘢飲先啦！見佢任飲的啤酒都用啲貴價嘅啤酒，如嘉士伯啤酒等！ 其他嘅飲品都有好多選擇！最特別係佢首先幫我哋點咗一個都幾大下嘅魚生拼盤！再加個細細嘅shabu shabu！啱曬啲好似我咁嘅人，食咁多凍嘢；如魚生；又可以食返啲熱嘢暖下個胃！當然餐牌入面仲有好多唔同嘅選擇，有韓式嘅人蔘雞湯，也有日式嘅炸物，可以講應有盡有，畀我暢快咁食！而最後嘅甜品主要係韓式嘅雪條雪糕！對我嚟講都好新鮮感！總括來說，食物方面樣樣都水準之上和新鮮！食得相當開心，也可說是性價比高的一間日韓放題！…查看更多

今天和朋友去港島九元坊食晏，他推介了一間食中東菜的餐廳，入咗餐廳簡直有去咗中東的感覺！無論服務員或者是餐廳內的裝修，都好有中東的風味！而內裡的枱和椅大部分都比較高，所以坐於餐廳內，都可以看到外面的景色，不會有焗速的感覺！我們各自點了一個蝦和雞的午餐；而頭盤就是同一款共享的中東薄餅，配不同的醬汁，醬汁方面有乳酪醬，鷹豆醬和一些酸瓜，醬汁和薄餅簡直就係絕配！令我們食得好開胃，其實食完個頭盤，都飽了一半！到個蝦主菜來的時候，看上去份量不多，但吃的時候就相當之滿足，椰汁配香料嘅綠色飯好有中東嘅風味；醬汁燒雞就更加盡顯中東情懷，雞肉多汁而惹味，再加上特製的中東醬汁，帶出強烈嘅中東風味，同店主閒談之間，發覺店員大部分都是來自中東各地，而店主亦都好聰明地將中東的菜式本地化，使得菜式更加適合香港人的口味！他們選用中東，土耳其等等不同地區的醬料，再加以改良創造出他們自己的獨特中東菜的風味，怪不得他們的中東菜完全迎合我們亞洲人的口味！最後我們再加了一個甜品，這個甜品比較特別，店長介紹這是一個中東好出名的甜品；用兩層炸麵包裹著芝士，再於上面加開心果雪糕和少許糖漿！食落有豐富的層次感實，是不容錯過的，它也為這個午餐劃上一個完美嘅句號！…查看更多

相約朋友嚟銅鑼灣把酒言歡，佢介紹喺耀華街Zing10樓的U Izakaya! 老實講個名都幾難讀，原來係一間居酒屋，餐堂環境十分舒適，仲有個好大嘅露台;但始終氣溫都有二十幾度，所以我們都坐返入去冷氣地方；一坐好就奉上小小姐前菜，原來呢度有八點半後happy hour，而佢哋所指的happy hour就係98蚊4串串燒再加啤酒或者其他飲品！又真係幾happy喎！我哋當然點咗同嘅串燒再加唔同嘅飲品都係加少少錢啫！佢嘅雞肝串燒外脆內軟,咬落仲有少少肉汁！雞軟骨串燒所選嘅軟骨唔算硬食落脆卜卜；秋葵串燒就最啱攞嚟吸收下啲油和同消滯！而不同做法的牛橫隔肌串燒，各有特色！我哋選嘅喺香蒜味，濃濃的蒜味再加上口感彈牙嘅牛肉，食落好有層次感；而另外選嘅羊架亦都燒到剛剛好！肉質軟滑加少少香騷味，中意食羊肉嘅朋友不二之選；而我認為最好食嘅就係燒五花腩，燒到外脆內軟，又有肉汁仲有隆隆嘅肉味；已豚肉秋葵卷就比較有特色；雞翼尖就略為瘦咗少少！至於我哋要嘅兩杯飲品都各有特色，可以講此處係一個朋友相聚嘅好地方！…查看更多

專程和朋友來到荃灣的人氣韓式燒烤店食午餐，餐廳外型吸引，座位特別舒適，環境很好！餐牌色彩繽紛，選用手機落單方便快捷！點了驚喜二重奏，有牛扒、炸雞和沙律，看看上枱時是不是真的給我一個驚喜！再加上八爪魚煎餅和芝士蟹子蛋捲！我選了我至愛的小熊麥啤，朋友選顏值極高的菠蘿米酒！菠蘿米酒的菠蘿味香濃，米酒味清淡！飲多兩杯都唔會醉；而小熊麥啤有淡淡嘅麥香，潤滑潤喉，配炸雞一絕！驚喜二重奏首先登場，果然驚喜，牛柳有近兩cm厚，上枱時約兩成熟，慢慢再用熱石烤成五至七成熟，肉眼扒真係淋滑和牛味濃鬱！好牛者必選！四件炸雞外脆內多汁，配上不同嘅醬汁份外惹味！八爪魚煎餅，每塊餅都充滿八爪魚粒！加上特別嘅醬料，真係好好味！芝士蟹子蛋卷，咬落層次感超多，有淋淋嘅蛋面，脆脆嘅蟹子和香濃嘅芝士，食落好有滿足感！而至於甜品嘅蜜瓜雪冰！外型超靚，打卡必選！沙冰加上滑滑嘅忌廉，香滑潤喉，而蜜瓜亦都鮮甜；最特別係一條蜜瓜雪條，溶於沙冰內和沙冰一起吃，有食奶昔嘅感覺！一個超滿足嘅午餐，真不愧為人氣韓式店。…查看更多

平日好少會過來北角這邊吃飯，這次是朋友介紹的，他說這家餐廳是家庭式經營，老闆和店員們都很有人情味，有空的時候還會跟你閒聊幾句。到店裡，果不其然，老闆真的很健談，問到什麼菜品好吃的時候，老闆強推脆皮炸大腸和重慶雞煲，說是他們這裡的招牌，別的地方吃不了這樣的味道。上菜速度很快，脆皮炸大腸一口咬下去脆脆的，沒有一點油膩的感覺，而且，份量很大很大，搭配著甜辣醬吃，簡直是味蕾的享受。對的喔，它沒有騷味，我最怕吃到內臟有騷騷的味道。比平常在街上小食店的好吃太多了。重慶麻辣雞煲是用鑄鐵鍋裝的，一上來就用電磁爐繼續加熱，雞很嫩口，味道是重慶風味的，不是港式口味那種，我們點的是小辣，吃到嘴裡麻麻辣辣的，很惹味。對了，一定要搭配竹蔗茅根一起喝，很解辣，而且很清涼，味道也不會過甜。另外還點了兩個海鮮黃金海蝦顧名思義就是裹著一層鹹蛋黃在蝦的表面，鹹蛋黃搭配蝦本來的鮮味，好吃！蒜蓉粉絲蒸聖子，聖子好大的一隻，一口吃下去好滿足！！重點是沒有沙！！…查看更多