笨笨趴地熊的个人专页

喺繁忙嘅都市生活中，搵一間可以享受到地道家常菜嘅地方，實在唔易。不過，位於錦田嘅誠樂廚房真係值得一試！呢度唔單止有獨特嘅菜式，仲可以俾食客享受到無味精、無油膩感嘅家常小菜。最近，我同家人（總共15位）到呢間小店品嚐佢哋嘅特色菜，真係有唔錯嘅體驗。喺2025年1月1日，家人喺舊同學嘅推薦下在誠樂廚房預訂咗一圍菜。誠樂廚房就喺錦田街市附近，我哋用餐前還順道逛逛錦上路附近嘅小市集。餐廳唔大，多做街坊熟客生意，冇咩特別嘅裝修，典型村屋地舖食肆。店內有兩位員工，一位阿姨、一位青年，服務態度唔錯，都好有禮貌，而且仲有位親切熱情頻頻撲撲嘅小胖老闆，聽講佢以前係做教育工作，十多年前轉投自己喜愛的飲食業….當日嘅酒席菜色包括金裝佛跳牆、薑葱龍蝦伊麵、椒鹽炸鮮魷、西蘭花帶子、鮮茄燴牛腩、清蒸海鮮（當天係牛屎鱲）、玫瑰茶燻雞、蝦米煮時菜、元朗特色糕點、椰香蛋白露、水果等等。因為呢啲小店要預早準備食材，所以家人同老闆提前溝通菜色同價錢，老闆仲會考慮當日街市有咩新鮮食材可作選用。我想特別講下金裝佛跳牆。佛跳牆作為廣東菜經典之一，聽到呢度有得食，真係好驚訝。呢度嘅食材絕對冇偷工減料，鮑魚、海參、翅肚、鵝掌、元貝、花菇、支竹等珍貴食材交織成一起，湯底嘅鮮香濃郁，令人回味無窮。每一口都有豐富嘅口感層次，令人回味。另外，薑葱龍蝦伊麵都令我驚喜。佢哋唔用波士頓龍蝦，而係用本地龍蝦，因為波士頓龍蝦鉗大冇肉，本地龍蝦嘅蝦肉鮮嫩多汁，薑葱煮出嚟嘅香氣撲鼻，伊麵吸收咗龍蝦嘅精華，味道濃郁又唔油膩，真係一口接一口停唔落嚟。再講講椒鹽炸鮮魷，色澤金黃，外脆內嫩，每一口都能感受到魷魚嘅新鮮同彈性。椒鹽調味恰到好處，唔會搶走魷魚本身嘅鮮味，食起來十分過癮。我擔心熱氣上火，沒有多食。西蘭花帶子擺盤簡單，顏色配搭簡潔，西蘭花翠綠鮮美，帶子新鮮，甜美多汁。呢道菜調味清淡，保持咗食材本身嘅味道。至於鮮茄燴牛腩，牛腩燉得軟腍入味，番茄的酸甜同牛腩嘅濃郁味道絕配，湯汁醇厚，好有新鮮感。清蒸鴨牛屎鱲，肉質鮮嫩，清蒸保持咗魚嘅原汁原味，老闆話當日有貨新鮮買嚟，但覺擺盤有啲凌亂，可能因為魚大碟細，不過食材新鮮，清蒸無得輸。玫瑰茶燻雞係我哋用餐嘅另一個亮點。雞肉燻製後散發淡淡茶香，肉質鮮嫩又唔油膩，每一口都好誘人。最後再講吓椰香蛋白露，呢道甜品唔算難整，椰香清新，蛋白露甜而不膩，為整個晚餐畫上完美句號。整體而言，誠樂廚房冇太多花樣嘅菜色，主打健康烹調，為我哋新一年帶來咗一場難忘嘅美食體驗，價錢實惠，人均消費$200-300，每道菜都展現咗廚房對食材嘅重視同對味道嘅要求，好難想像香港有呢啲隱世小店，最重要係，呢度嘅菜色完全感覺唔到味精，又唔多油，感受到私房菜嘅感覺。誠樂廚房老闆話佢哋嘅羊腩煲味道都好正…….我期待下次嚟試下。…查看更多

偶然在郭德勝中學附近發現呢間茶座，環境雅緻，佈置簡潔，內裏光潔亮麗，一問之下，原來只喺開業半年。下午茶時段人流頗多，都喺街坊鄰里，服務的阿姐推薦我哋食炸雞髀、炸魚柳，話呢度即叫即炸，等候時間需然較耐，但勝在新鮮熱辣、肉質不乾硬。我哋就叫了炸雞髀、炸魚柳茶餐，每份$30，等咗10分鐘左右，雞髀魚柳送來，油炸火喉恰到好處，啲肉唔dry，好juicy，能保持本身肉味質感，味道一流，阿姐話老闆唔喺志在搵錢，間舖喺自己舖，自己住樓上，客仔都喺左鄰右里，所以用料都有要求，碗碟外判清洗，一定要乾淨衞生　……食到舐舐脷後，臨走叫多個瑞士雞翼，$14兩隻，色水有點深，肉質細嫩，一樣好味。臨走問老闆，點解叫木馬，佢話打算門前擺開一隻木馬，比街坊啲小朋友玩，又可以影下相，開開心心，宜家仲搵緊………查看更多

喺上水好難搵到素食館，在網上搜尋一下，見到呢間普陀素食，再喺openrice 睇下，毁譽參半，真喺戰戰驚驚嘅心情試下。成間舖都喺好街坊feel，昏昏暗暗，裝修簡單，牆上貼咗證嚴法師嘅靜思語，耳邊傳嚟一些佛教音樂，只有一個阿姐一腳踢，斟水、招呼、落單兼收錢，走來走去好忙，但招呼好熱情，笑容滿面，其他客人都同佢有講有笑，好有溫情，一問之下原來唔喺老闆娘，只係敬業樂業，真難得。佢推薦咗幾味店鋪主打比我哋，包括：素鹵味拼盤、五柳仙斑、法海蒲團、竹苼素翅及菠蘿素咕嚕肉等主打比我哋，味道比想像中好。五柳仙斑和菠蘿素咕嚕肉賣相不錯，沒有之前openrice 2010 食家post嘅相片咁膠，可能換了厨師，酸甜醬調配得唔錯，呢個非常關鍵，不稠不稀，味道恰到好處。素鹵味拼盤，搭配不錯，齋叉燒顏色適中，無一劈鮮艷醬汁，唔會因為色素而搞到唔敢食。最好食就喺素鴨，值得推薦。竹苼素翅配料豐富，四個人食略嫌份量太多。法海蒲團賣相亦佳，名字已經無得輸，原來喺髮菜加西蘭花，嗰獻好ＯＫ，味道唔錯。總得來說，覺得食物水準唔錯，當然唔可以同高級素食館比較，一分錢一分貨，街坊生意，只要唔好太高期望，趁熱食，物有所值。…查看更多