eateateatmama的个人专页

$988全包買一送二，3位成人酒店自助晚餐！每位送大閘蟹！昨晚無端端上Openrice搵東涌有乜食，點知咁啱見到諾富特做緊$988三位成人自助晚餐，仲要包哂加一，除番約330/位，即刻去試下佢，仲要我6點先係手機訂仲有位，即時都仲有位都驚伏，點知去到又唔差喎，坐爆7成人！認真依個價算多嘢食架啦，仲有蟹腳，鮑魚任食，而且佢啲熟食又唔差，以香港酒店晚餐自助餐，依個價真係抵，食物款式種類都合理，值得一讚真係職員態度好nice，嘢食補充得好快，我影片嗰時已經成8:30pm都仲一直補緊嘢食，甜品仲會岀唔同嘅糕點！個鮑魚花膠雞湯米粉其實幾好食，只係我比小朋友食所以無加醬汁望落好寡咁咋，個湯底堅有花膠味架，木桶豆腐花係我至愛，正👍🏻而家每位仲送大閘蟹一隻，雖然好細隻，但即蒸熱辣辣，蟹公仲有白膏唔算差架啦！做到今個月尾咋，逢星期六日及公眾假期，得番幾日咋，大家可以去試下呀👍🏻👍🏻 P.S:我係Openrice訂架！Essence (東涌)東涌文東路51號諾富特東薈城酒店大堂Tel:36028808#東涌美食 #諾富特東薈城酒店 #值得一試 #買一送二‼‼ #$988全包 #酒店自助晚餐 #foodies #foodie #值得一試 #至到11月30日咋 #逢星期六日及公眾假期 #有蟹腳 #翡翠螺 #鮑魚 #扇貝 #原條吞拿魚現切環節 #每位送大閘蟹…查看更多

一人燒肉定食，一份肉+白飯+小食+味噌湯！咁啱星期三有8折，即刻唔睇價錢叫嘢食🙈🙈仲叫埋甜品嘆下！之前都有試過其他一人燒肉，感覺其實都無乜分別，都係計重量，款式，講真啲食材新鮮加鹽就已經好好食，為番又係百幾蚊一個午餐，話平唔平話貴唔貴🤷🏻‍♀️今日試左牛，豬，雞，又係嗰句加啲鹽就好好食😋加錢轉左海苔飯，正👍🏻不過個爐真係啱一個人，今次3個人就真係唔夠用，如果得一個鐘食晏就好趕啦！今次叫左3個餐加一個甜品！全品8折特上豚の選180g（日本黑豚肩+豬頸肉壺漬）$108特上三食200g（厚切豚五花+牛板翼+雞脾肉） $98元祖牛三食200g（厚切牛小排+牛五花+薄切牛舌） $108轉3個海苔飯@$9/位天日鹽窩夫雪糕 $29一焼肉 (九龍灣)九龍灣宏照道38號企業廣場5期MegaBox 2樓25號舖電話:98038920…查看更多

依間綠茶🍵早排成日聽到人講起，咁啱路過就試吓，講真都幾貴，差唔多成舊水一杯芭菲（$98）😅😅今次專登唔試佢最岀名嘅綠茶，就揀左焙茶生朱古力味，因為諗住生朱古力都算貴嘢，而且我都幾鐘意食生朱古力😋依杯嘢一共有幾樣嘢夾埋，雪糕、燕麥片、紅豆蓉、生朱古力，講真好食嘅，但有無驚喜就無乜，咁嘅價錢我就真係寧願食其他嘢😂😂後話:當日假期無哂位，就問職員坐唔坐得門口等位區，佢話你不如叫外埋仲唔洗加一咁坐門口食啦，唯一係外賣杯無咁靚囉，咁又慳左差唔多十蚊架🙈🙈nana‘s green tea (九龍城)九龍城協調道2號AIRSIDE B1樓B128號舖電話:21171309#foodies #foodie #可以一試既 #啟徳美食 #airside #nanagreentea #parfait #焙茶控 #焙茶生朱古力 #焙茶生朱古力芭菲 #燕麥片 #紅豆蓉 #雪糕 #成舊水 #勁貴但又真係幾好食…查看更多

好耐無食過依間嘢，好耐以前成日食，貪佢價錢唔算貴，又多款式，叫多幾樣都得，當然無得同真正嘅意大利餐廳比啦，兩回事嚟！幾十蚊貨仔叫做食個西餐！今次3個人午餐時間食，仲同以前一樣加錢任飲汽水，個田螺都好食嘅，個香草牛油勁香，不過就好細粒，$30/碟係合理😂😂所有嘢都熱辣辣，好難唔好食嘅，不過個羊鞍就真係韌到飛起，上枱個鐵板沙沙聲好似好正咁，點知完全咬唔到😑餐牌菜式算多款，每碟份量細細，叫多幾款同人分就最正，乜都可以試下😏今次3個人散叫夾埋2百幾蚊，都食到好飽！算ok ga la!!!叫左好多款👍🏻香草牛油焗田螺 $30原味雞翼（4隻） $20意式菠菜焗煙肉 $20煙肉菠蘿薄餅 $34明太子海鮮意粉 $40BBQ醬烤豬肋骨 $58羊鞍焗爐燒（2件） $58薩莉亞意式餐廳 (屯門)屯門石排頭徑1號卓爾廣場1樓117-118號舖#foodies #foodie #可以一試既 #大型連鎖餐廳#薩莉亞意式餐廳 #細細碟 #多款 #學生哥 #打工仔 #幾十蚊 #香草焗田螺 #羊鞍焗爐燒 #平民美食 #意式餐廳薩莉亞 …查看更多

一個鐘又要食得快，上菜快，等位快，仲未計路程，所以依啲食粉麵嘅就啱哂我！話說我都幾鐘意食越南嘢😂😂今次一個人食，就叫左碗香茅雞翼湯河，依間食左好多次仍然係好食，可能係連鎖嘅有一定嘅食譜，個湯底勁正👍🏻👍🏻🍜雞翼都好食😋反而專登加錢飲杯椰子咖啡就唔得啦，勁酸，咖啡係有酸嘅品種，但一定唔係酸到飲唔到囉👎🏻👎🏻👎🏻😑大家一個人又會食乜？今次食左碗麵$66+$8飲杯嘢，$74個午餐認真我覺得好貴😑😑😑越北牛肉粉專門店 (元朗)元朗壽富街60號順福糧倉地下G25號舖電話:25110988#foodies #foodie #值得一試 #元朗美食 #越北牛肉粉專門店 #越南料理 #牛骨湯 #越南河粉 #香茅雞翼 #越南椰子咖啡 #打工仔日常 #午餐吃什麼 #一人午餐食啲咩…查看更多

尖沙咀「家嫂一家大小」，依間嘢開左咁耐，聽就聽過但食真係第一次試，環境都算大，枱與枱之間都算寬敞，飲品同其他任食嘅餐廳好唔同，主打自家製嘢，罐裝飲品勁少，個洛神花百香果西柚茶好飲，唔太甜👍🏻👍🏻最估唔到有鮮榨果汁，西瓜汁無得輸🍉🍉！不過甜品得四款雪條就真係遜色左🤏🏻🤏🏻一坐底就有一大盤刺身，帶子同蝦勁正😋😋反而個三文魚勁難食👎🏻👎🏻之後就上雞煲，可以揀辣同唔辣，雞煲都好入味，勁似屋企煮嘅炆雞味道🤪食完就上花膠火鍋湯底打邊爐，個湯都幾好飲有黏口架！火鍋配料都有成32款，試左幾款最差就鵝腸肥到根本食唔到👎🏻仲有個手打蝦丸撈左香草勁怪😑海鮮依度都係任食，今次都有好多款，蝦/聖子同鮑魚都係新鮮仲識郁架，不過有乜海鮮真係問下職員，唔係見人食有蟹都唔知有得叫🦀仲有糖水又係見人有先知，不過已經話無哂，所以應該一開始問左有乜先，唔係無哂就無得食lu~~今日3個人食，一共$1317，為番每人$439，其實又唔算好抵食，但不過不失啦，可以一試嘅！家嫂一家大小 (尖沙咀)尖沙咀堪富利士道8號格蘭中心3樓電話:28778018/WhatsApp61632696#foodies #foodie #可以一試既 #家嫂一家大小 #任食火鍋 #雞煲任食 #有辣有唔辣 #小食即叫即做 #火鍋配料 #無限時 #生猛海鮮 #鮮榨果汁 #洛神花百香果西柚茶 #鮮榨西瓜汁…查看更多

近日去荃新天地試左個拌飯都唔錯，下午茶時間，價錢正路囉！叫左2個餐，每個餐大約五十幾蚊，話下午茶價又唔係話平，但2個人食得夠飽都係每人除開唔洗$60，咁都可以啦🤔大醬排骨鍋，望落唔大鍋，食落都好多舊又有蘿蔔，但佢本身包左我一個鐘任添白飯😂當然無加啦，根本都食唔哂，個排骨入味又夠腍，送飯一流👍🏻👍🏻另外個石頭鍋飯，雖然係下午茶好細碗咁但係夠飽喎！飯唔差，但個炸雞真係唔得，又細件，唔值得加錢食囉！不過鐘意食泡菜就正嘅，勁拎😋😋😂2個餐共$114.8大醬排骨鍋配白飯 $49.9甜米露$7迷你石鍋豚肉醬拌飯$32.9樂天檸七$7蜜糖芥末炸雞（3件）$18安金稻朝鮮拌飯 (荃灣)荃灣楊屋道1號荃新天地地下G78號舖電話:27650056#foodies #foodie #可以一試既 #荃灣美食 #荃新天地 #安金稻朝鮮拌飯 #東北珍珠米 #下午茶時間 #速食 #任食泡菜 #任飲海帶湯…查看更多

依間餅店一位住係荃灣好耐嘅朋友仔推介，講一定要試下蛋撻同燒餅，不過今次講剩係買左蛋撻一味，下次會再試下燒餅至得！買左餅皮同酥皮蛋撻各3個，不過睇樣點都睇唔岀有乜分別🤔？！係姐姐比錯我定真係個樣咁似呢？買6個24蚊，依個價錢以而家嚟講算係抵啦，講真好食過嗰啲勁多廣告幾十蚊一個嗰啲，傳統手製嘢真係唔多啦！依間店係楊屋道街市附近，係室內街市岀邊嗰啲街到，都易搵架，我見都好多街坊真係買蛋撻同燒餅兩味，有機會大家可以試下👍🏻👍🏻😋飽有褔餅店 (荃灣)荃灣新村街56-58號3號舖電話:24984886#foodies #foodie #值得一試 #荃灣美食 #傳統餅店 #手製蛋撻 #楊屋道街市 #飽有福餅店 #餅皮蛋撻 #酥皮蛋撻 #凍左都好好味 #馳名 #親民價格 #街坊生意 …查看更多

早排日日熱到飛起，真係食乜都無胃口，上網睇元朗開左間台灣餐廳，專登坐車去試下！鋪頭唔大，得幾張枱，可能我12點就去所以好多人未放lunch，但就不斷見有做好多外賣，心諗應該唔差🙈🙈叫左2個必食套餐，估唔到又真係幾好味，碗牛肉麵肉又夠淋，但湯底飲落無其他嗰啲店咁濃但會有黏口，又清又好味😋天氣熱我緊係食拌麵啦，反而就感覺淡左啲，但加左個豬排隔離個配菜辣辣地勁正👍🏻👍🏻本身套餐價錢都唔算太貴，但我又加小食又改肉燥麵就貴多少少，2個人就百幾蚊！如果唔加正常咁一個餐有埋飲品平到三十幾四十幾都有，所以算抵啦，份量又夠飽👍🏻👍🏻牛肉牛筋湯麵 $66桂林仔豬排 改肉燥拌麵 $66+$6加小食:黑麻油雞翼（2隻） $16一共$154臺月 (元朗)元朗又新街61-63號運興樓地下2號舖電話:44166619#值得一試 #元朗美食 #foodies #foodie #台灣餐廳 #台式料理 #台灣牛肉麵 #肉燥拌麵 #支持小店 #全日套餐 #黑麻油雞翼 #桂林仔豬排…查看更多

Happy Friday 食好西系列😋😋朋友介紹元朗地底有間日本嘢午餐勁正，忍唔住去試下，癲！真係正！👍🏻勁多款揀，份量勁大份，早知3個人share 兩個餐，一個午餐有齊味噌湯，沙律，小食，主菜同甜品，真係多到食唔哂😂😂如果唔係同啲大隻佬一齊食，點會夠膽再加小食，飽到放工都未落格🙈啲壽司刺身最緊要新鮮，其他餐都煮得好味，雖然價錢百幾蚊一份以打工仔嚟講係貴左啲，本身星期五食一次開心下，不過份量可以3人叫2個餐，咁相對又可以接受🤔🤔🙈有同事生日都可以😌好食又大份已經值得贊👍🏻👍🏻分別叫左依4個餐:T26. 雜錦壽司定食（松） $108D. 吉列蝦牛肉壽喜燒烏冬$80T24.雜錦刺身定食$118L. 網燒牛扒定食$118七福神和食亭 (元朗)元朗西裕街5-11號金福閣地庫電話:34623545#七福神 #西日料理 #foodies #foodie #值得一試 #元朗美食 #性價比高 #午市套餐 #勁大份食唔晒 #壽喜燒 #壽司定食 #牛扒定食😋 #happyfriday #星期五食好西…查看更多

元朗名物！嘉發雞蛋仔，唔係浪得虛名！嘉發雞蛋仔，元朗岀左名咁耐，我依個元朗人係無食過嘅😂😂早排咁啱路過就想試，點知去咗三次都無開門，認真佢究竟營業時間係幾時真係唔知😑終於俾我撞到佢開門，唔係唔買呀嘛！個餐牌實在太多口味，眼花撩亂，最尾揀咗葡撻雞蛋仔，喺等嘅期間勁多人係嗌原味㗎囉，我諗識食應該係原味🙈平日嚟講唔算等好耐，但人流真係無停過，好多都係街坊嚟，但條街實在太熱太曬頂唔順，拎左番屋企先食，雖然凍左少少🤏🏻但唔算韌，勁好食😋一口氣連食幾粒，勁正，每一粒都滿滿嘅葡撻蛋👍🏻👍🏻👍🏻$38算貴唔算貴？…查看更多

香港新地標 - 啟德AIRSIDE !🍝🧁🍹第一次去啟德AIRSIDE，感覺好大，似商業化商場大廈！仲都少少國內feel，每一間店舖都勁大，勁寬敞！做完嘢求其搵一間嘢食晏，主力都多西餐，唔知食乜，就試下 Airside cafe，環境靚嘅，而且都唔少人，不過講真價錢真係唔平，午餐2道菜2百蚊，我就叫2個午餐，其中一個就叫3道菜試埋個甜品。份量唔算大，真係傳統西餐，大食啲都真係唔飽，2道前菜普普通通，係個椰菜苗真係有啲苦，唔知係專登濃啲定點🤷🏻‍♀️主菜都唔差嘅，雞好食不過真係細件過肯記😂意粉個蠔好食唔厚粉，但個汁檸檬味有啲怪好似後加上去咁，甜品反而有驚喜，正👍🏻不過無得揀所以唔知次次係乜！2個人2個餐咁就$684，真係貧窮限制我想像，依個地方真係唔係我依啲打工仔食得起😑😑加埋一咁就$684 啦🙊🙊2道菜午餐$238 +$30轉三黃雞3道菜午餐$238 + $60 甜品2杯凍檸茶 $56#foodies #foodie #可以一試既 #airside #airsidecafe #香港新地標 #九龍城 #啟德 #西式咖啡店 #貧窮限制想像系列…查看更多

喜茶「買一送一」椰藍芒芒！$29 for Two✌🏻夏日炎炎，岀親街都忍唔住買杯嘢飲下，見喜茶門口咁多人，仲要杯杯嘢都才藍色，原來做緊買一送一，唔怪得咁多人，$29 for Two，係抵嘅！不過原價一杯$58？！What?值唔值呀🙄🙄比我就唔飲啦貴到咁，癲😑杯嘢叫椰藍芒芒，有芒果，有西米，飲落唔算好甜，芒果都算多，足料嘅，不過夏天解渴飲有奶嘅嘢就唔係好啱囉😅雖然芒果係夏季嘢，但解渴就唔得架啦，但抵玩😂😂喜茶 (荃灣)荃灣楊屋道1號荃新天地UG樓UG56號舖#foodies #foodie #可以一試既 #喜茶 #買一送一 #夏日優惠 #椰藍芒芒 #唔太甜 #足料…查看更多