淺水灣有好多間餐廳未試過，今次試吓這一間，第一印象就係——環境好清幽。燈光柔和、空間闊落企理，加埋木色家具嘅簡約風格，成個感覺好舒服。蘑菇意粉係全晚最大驚喜。上枱嗰陣已經聞到陣陣菇香，食落口即時感覺到好香好重嘅蘑菇味——係真材實料嗰種，唔係靠奶油堆砌出嚟嘅。醬汁入面仲食到細細碎嘅蘑菇粒，口感好豐富，掛麵力又強，整體味道好和諧，係會令你食到停唔到口，心裏面不停講：「好好食！」嗰種。甜品方面，Brownie 同樣冇失手。朱古力味好濃郁，中心位置軟糯流心，口感好似心太軟，每啖都充滿滿滿嘅幸福感，朱古力控一定會鍾意。整體而言，呢一餐由環境到食物都帶嚟好愉快嘅體驗：舒服、用心、味道有驚喜。係會令人想再次光顧嘅餐廳。🍝🍫✨…查看更多
周末同個女上完playgroup，見到附近有間睇落好chill嘅cafe，於是決定入去試下，結果呢間餐廳令我超級驚喜！
首先講下佢哋嘅「無骨雞上髀意粉」。佢哋嘅雞上髀用料真係好靚，好明顯係選用高質素嘅雞肉，肉質嫩滑，鮮甜多汁，無任何雪藏嘅腥味，真心好食！至於意粉亦煮得啱啱好，夠哂彈牙，唔會太腍亦唔會太硬，仲吸收晒pesto醬嘅香氣，香濃但唔會膩，每一啖都可以感受到廚師用心嘅功夫，令人非常滿足，一試就停唔到口，我個女咁腌尖都食晒成碟！
為左可以試多款，我同女一人叫一個main share食，另一款「豚肉生薑燒飯」都係必試之選！豚肉煮得啱啱好，保持咗肉質嘅嫩滑同鮮味，同時冇半點油膩感，感覺好健康。配搭生薑一齊煮，生薑完全滲入豚肉入面，唔單止提升咗味道，仲帶有一種暖胃嘅效果，非常適合注重健康飲食嘅朋友。粒粒分明嘅白飯吸收晒豚肉汁同生薑香，真係好開胃。再加埋伴菜嘅南瓜、沙律菜，營養均衡，真係一個非常健康又飽肚嘅選擇。
除咗食物好食之外，餐廳嘅環境都好值得讚，乾淨整潔，坐得好舒服。總括嚟講，呢間餐廳真係性價比超高，食物好味、用料新鮮靚、烹調用心，完全係健康美食嘅典範！真心推介，已經好期待再嚟第二次，真係冇得輸！
