ckylsylee的个人专页

章魚小丸子🧆最緊要係新鮮熱辣🔥🔥🔥🔥，啱啱整起就係最好食😋😋不過唔係好多地方食到新鮮熱辣嘅章魚小丸子🥺，好多時都係整定，但係啲貨又去得唔夠快🐌，擺喺度等人買，最後變得唔新鮮🫣🫣🫣🫣🫣呢度嘅章魚小丸子因為比較多人買，流轉得較快，整完無耐就比人買走左，所以啲小丸子可以一路keep住新鮮熱辣章魚小丸子味道可以話係正常，但唔算特別好食，只係勝在係夠新鮮不過蛋黃醬麻麻地，好似煉奶…查看更多

自己一個叫外賣就棄用🐼，改用黃色logo外賣平台，因為最低消費額唔洗咁高🙈叫左個蒸飯套餐，包一個蒸飯加一個燉湯之前都叫過呢間蒸飯，嗰次味道都唔錯，開頭幾啖都還好，可惜越食越覺得咸。今次味道就剛剛好，無咁咸好食好多。面層嘅飯蒸出黎都係粒粒分明，唔會濕立立，不過底層嘅飯因為啲汁所以濕左啲。燒賣～味道都可以，啖啖肉唔會有好多肥膏。過左幾日之後都有再叫多次呢個餐，食落唔係好咸，但食完都係勁口渴。。。。。…查看更多

隔左成個月，終於補返個食評當日揀左髒髒朱古力🍫，伏雪糕係白色嘅，門口擺左張banner係北海道牛乳雪糕買一送一，斷估係牛奶味掛。但食落只知食緊雪糕，但完全食唔出係乜味。佢banner寫住北海道牛乳5.0雪糕。用5.0仲高脂過3.6，飲呢杯野預左肥，但又肥又難食，浪費quota先最衰。杯野飲就只有微弱嘅朱古力味如果質素咁樣好難生存落去，難飲到唔知有無能力去改善。不過都真心希望可以改善飲品質素，如果唔係啲新客買完返嚟冇轉頭，只有等執笠唔知經過一個月時間，水準有無進步到呢但為免再伏，都唔想再試…查看更多

一人前套餐包一款小食，餐飲同主食豚肉小籠包～本來對玩fusion嘅食肆整嘅小籠包都無特別期望，但有出乎意料嘅驚喜。小籠包質素比我預期中出色，好多食肆嘅小籠包都敗喺塊皮度。張相望落好似好厚皮，但實際唔係真係咁厚，雖則未算係好薄嗰隻。皮係偏向煙靭，食落唔會好糊好黏，加分千層豬扒擔擔拉麵~湯底爭啲香味，同埋可以再辣多少少，不過而家都唔差嘅，但有進步空間千層豬扒～開頭諗點樣千層法😂，原來係好多塊薄切豬扒卷埋一齊炸。不過吉列皮唔夠鬆脆，肉質唔係好嫩滑。好彩上openrice望過下，見到塊豬扒係放落湯度，落單時同店員講豬扒分開放。切記：如果唔想豬扒浸到淋晒，記得同店員提出分開上咖啡～呢度咖啡一般，不過唔算係特別好飲。不過唔想飲茶嘅話，又有多個選擇為左個小籠包，過左幾日又黎食多次不過今次質素同上次比，差左啲🥲今次個包底食落濕+淋左啲，有少少糊口唔知係咪蒸得太耐…查看更多

對上一次食lady M蛋糕都已經好耐之前以前堂食蛋糕，要排好長龍先有得食而家分店多左，食蛋糕方便左，唔洗去尖沙咀先有得食其他分店唔知點喇，沙田分店就唔洗點排隊，慳返好多時間，呢樣非常重要cappuccino ~正常，無乜特別千層蛋糕keep到水準啲cream好綿密，好滑每一層皮都一樣咁薄、咁平均海鹽焦糖千層蛋糕🍰～因為焦糖，所以會偏甜，但焦糖味好香，老公鍾意焦糖多個原味原味千層蛋糕🍰～最簡單，最原始嘅味道，可以食到忌廉嘅奶香。我自己反而鍾意原味多啲，一嚟相對冇咁甜，二嚟食到香濃嘅奶味…查看更多

鋪頭唔大，座位唔算多呢度有客飯晚市客飯，包飯🍚、湯/豆漿其實有好多野想試，但喺揀食乜野期間，聽到隔離枱話個鱔糊幾好食聽到人地話好食一於照跟😂叫左個炒鱔糊客飯+湯湯都算幾咸下，如果下次再黎食，唔會再揀湯炒鱔糊味道其實唔錯，但啲特別幼嘅部位超級腥，不過好在大部份都粗啲嘅位置。張相望落好似係炒芽菜咁款🤣其實夾開啲芽菜，鱔嘅份量都有大約十幾塊。我都幾鍾意食芽菜，所以呢個份量比例對我個人黎講都接受。不過最衰就係咸，開頭第一啖覺得味道唔錯，係咸左少少，但越食越覺得咸食完餐飯勁口渴，勁辛苦，要狂灌水🫖🫖🫖🫖🫖🫖要改善嘅地方：食物偏咸，如果啲野食可以無咁咸就好喇白飯比較濕同淋左啲可能純粹今次調味重手左啫，都會想下次返轉頭試下佢其他野掂唔掂…查看更多

唔掂，好失望第一次幫襯，不過都唔會有下次黎屯門睇戲，研究下有乜好食，又係睇完openrice伏左🫠見到好多好評，諗住黎試下就。。。。。。蟹粉扒豆苗～都幾咸，又無鮮味本來想食津白，但老公見到有蟹粉扒豆苗就話要食，唯有放棄津白菜肉雲吞麵～湯底淡茂茂無味，啲面淋之之小籠包～皮偏厚，肉有雪味，唔叫唔會係損失炸饅頭～正常味道，但係已經係全餐飯最好食嘅野😵‍💫但太細粒好彩唔係叫左好多野，如果唔係又多幾碟令人失望嘅菜色p.s. 食食下聽到後面枱客話：從來未食過咁難食嘅口水雞…查看更多

冬陰公湯～好味，唔會死咸黑醋芒果蟹肉沙律～ok馬拉盞炒通菜煲～正常，通菜唔會煮到淋之之泰式燒豬手～幾正，皮巧脆配蝦片，用黎送酒一流墨魚脆豆卜～送酒非常好，不過要點返啲汁先夠味泰式炒蜆～正常咸肉炒椰菜苗～ok，正常發揮椒鹽粟米～唔夠香口，爭梗啲椒鹽，可以加多少少椒鹽脆爆芒果園～有爆谷又有粒雪米糍味道無驚喜，但真係好大杯，大滿足椰子雞船～推介呢個雞船絶對唔講得笑係朋友話想叫，最初睇少佢，心諗會有幾好食⁉️咬左啖雞嗰一刻，瞬間打倒一秒前嘅自己濃濃椰汁🥥味，真係好好味，啲湯都唔放過，ko晒下次都一定會再叫豬頸肉炒河～唔知係飽得滯食乜都無味，定係本身唔算係好出色🤣蝦餅～打咭able，打咭📸影相一流，味道正常，唔似個樣咁有驚喜…查看更多

之前夜晚黎到見到出面排滿晒人，最終打退堂鼓。。。。今日六點前黎到，見到鋪頭無乜人一於試下雖然鋪頭𥚃面冇乜人，但係門口已經擺滿晒外賣蒜蓉麻辣狗仔粉～對我黎講都幾辣下，但又唔係好食得到『麻』，又或者辣到我已經無晒感覺🥵開頭以為係麻辣湯底，但原來成碗都係辣油浸住，同我預期嘅唔同狗仔粉食落似煮到淋左嘅上海麵/噹噹烏冬雞翼～ok, 係成碗野之中最好食楊枝甘露～亦都同我預期有啲出入，味道唔似平時食開嗰啲楊枝甘露，芒汁底嘅味道有啲似芒果雪糕…查看更多

一黎到就有位仲以為都唔係好多人幫襯，點知等緊野食嘅時候就有一堆人喺出面等位。。。。。。。好彩早丁丁咁多入黎啫😛😗花生醬煉奶香蕉窩夫配香芋雪糕～窩夫味道正常，不過窩夫略嫌過脆，由外而內都係脆。個人偏好外脆內軟，如果烘嘅時間短返少少，做到外脆內軟會更加好紅豆栗子朱古力窩夫配朱古力雪糕～呢個配搭有啲漏明明每樣野分開都好食，但一齊食就有啲漏，尤其係栗子蓉不過同原味窩夫一樣，朱古力窩夫都係太過脆芋圓～正常發揮，都可以一試…查看更多

見到門口無乜人，以為唔洗等位，原來呢度係可以留低電話等餐廳打黎，唔洗企門口呆等唔洗企定定等實在太好，就趁等位時間去禮品中心換禮物，換完返去餐廳途中就收到餐廳通知話有位喇開頭以為得咁少位，但原來仲有上層抹茶咖啡～朋友叫嘅青青青瓜咖啡～見到menu上推介，叫黎試下可能自己衰叫左少甜，feel唔到清新感覺，只覺得青bb，如果叫正常甜可能會好啲蟹肉明太子流心西班牙蛋餅～其實就係一堆圓圓嘅滑蛋，裡面有啲少少蟹肉、薯仔味道ok，但唔會係為左呢個蛋餅回頭😂刺身帶子三文魚子明太子貓耳朵～本身Menu上面係手捲粉，但落order嘅時候店員話冇晒手捲粉，而家轉咗貓耳朵明太子汁味道唔錯，不過叫嘅時候冇考慮到兩款食物兩個都係明太子，食食下先發覺自己叫錯咗野，食黎食都都係咁上下味道大部份貓耳朵個心仲有少少硬，係間唔中食到一兩粒煮得剛剛好，如果可以煮耐多少少咁就好喇雖然食物未算好突出，但如果同朋友想揾個位置坐低吹下水，呢度都唔錯，但可能有時間限制唔坐得太耐快樂嘅時間過得特別快。。。食完繼續吹水都無留意時間過左幾耐，店員拎單上黎話要埋單走人，我地唯有閃人喇…查看更多

焦糖燉蛋～燉蛋好味，好香滑，好creamy可惜返屋企要啲時間，返到屋企啲焦糖都溶左唔脆如果返屋企有啲距離而屋企有火槍嘅話，可以叫店員唔洗燒，店員會比啲糖你，返到屋企食之前先燒啲cake好甜伯爵紅茶芝士蛋糕相對無咁甜比較好啲雖然未食過晒佢所有蛋糕，但試左呢幾款蛋糕，除左伯爵茶較好，其他都偏甜我本身都幾鍾意食甜品，但太甜嘅話就唔係好啱口味呢度嘅焦糖燉蛋好值得encore，但啲cake對我個人黎講就唔多啱口味…查看更多

酸菜魚～呢度有三款酸菜魚，但我都唔係好記得自己叫左邊款味道唔錯，配菜份量都唔少唔記得咩名齋睇個樣好簡單好平凡只係椰菜粉絲，但唔好以為味道好清淡好普通，食完之後會發覺比佢嘅外表呃左，味道係出乎意料👍🏻味道麻麻辣辣幾惹味辣子雞～呢碟正，勁香口『雞』又正，辣椒仲正辣椒唔係好辣，仲好香口，好似薯片咁脆卜卜本身覺得之前嗰碟椰菜粉絲好好食，食完呢碟之後覺得呢碟仲正香椿牛油果菜粒炒飯～相對之前嘅小菜，個炒飯顯得有啲失色味道方面不過不失，唔係算係好好食，但亦都唔會難食香椿味唔多明顯，都唔多覺得有牛油果整體黎講係值得回頭唯一缺點係地點唔就腳…查看更多

好耐都無去過坤記，之前食過佢地啲芝麻糕、紅豆糕正常味道，唔係話係特別好食，但都叫做ok啦去開深水堔就順便去埋坤記買啲野咬下，今日唔多想食甜野，買左個沙葛蝦米茶果之前去坤記買糕點都要花少少時間先買到糕點，今日黎到一個人都無，可能因為係閒日又未放飯時間啦⬆️第三啖都係見到少少餡⬆️第四啖都無乜分別沙葛蝦米茶果～好難得食到咁厚皮又咁少餡嘅茶果第一啖都未見到餡，第二啖先見到少少餡，天真地以為啲餡谷晒喺中心，咬多幾啖就見到，但食到尾都係無乜餡⋯⋯原來呢個茶果唔只係厚皮咁簡單，連啲餡都少得可憐呢個茶果可以列入維持生命系列…查看更多

過左繁忙時間入座，餐廳未爆滿，但陸陸續續都有客入入黎食野同埋拎外賣掙扎左一陣先揀到食乜好😂因為想食乾鍋，又想食酸菜魚最後揀左金湯酸菜魚～可揀辣度/走辣、加酸，+-麻、少油走油都得，再揀兩款配料可惜寫食評時望返個menu先留意到有得走油，如果唔係我一定叫走油😂小辣加麻，配萵筍，薯仔🥔小辣都覺得辣左啲🌶️，睇黎下次要叫微辣湯底味道唔錯，香麻酸辣，略嫌咸左少少🤏但係可接受魚片滑嘟嘟配菜份量足，萵筍、薯仔都好爽口檸檬茶～茶底麻麻地，唔夠茶味…查看更多