Bowieyim的个人专页

《大班樓》非常好彩🥰又可以去品嚐用心美食，因為搬了新位置，坐位比以前少了，真係一位難求啊！網上訂座，係1至2分內滿晒幾個月訂枱，訂到枱與否要真係好講運氣。欣賞佢地會不斷研究，配搭新穎，每次味道效果唔會霸道，但又有層次的，知道佢地對食材要求奄尖，專向本地漁民、小型供應商取貨，臘肉都堅持自家曬製👍，大班樓係百分之百在香港誕生、紮根，並致力宣揚粵菜的餐廳。今餐個人最喜歡菜式有：二年陳桂花冰肉豆腐花、雞油花雕蒸花蟹配陳村粉、羊腩片叉燒、椒刴鹹肉蒸龍躉魚頭，整個餐單都非常滿滿又滿足🥰🥰#全球50最佳餐廳本港唯一上榜餐廳#世界排名24位#2021亞洲最佳餐廳排名第一位#大隻bowieyim …查看更多

睇戲前見有少少時間，又有少少肚餓，所以決定食一個快閃下午茶，見［亞金南洋茶室］門面都企理裡面又唔太多人👍想快當然選擇茶餐廳，入到店舖坐低自己電話落單，食物上枱速度係快嘅，但質素真係好一般😥，咖央多士係最快到亦係最正常亦好味道嘅👍👍，另外叫嘅馬來肉鬆練奶油酥餅 、雞絲青瓜、白玉仙草就真係好麻麻啦😥，尤其碟青瓜手撕雞，份量少得可憐😅，二杯奶茶就正常茶餐廳水準，不過相信下次應該唔會再來幫襯😅…查看更多

行觀塘見到馬會新裝飾到好靚，仲分咗幾層又有露營佈置好特別，見到二樓仲有餐廳，環境非常舒服闊落，即刻入去試下😂感覺好似好勁咁😜餐牌內容啲名好得意，睇得好開心🤣🤣見好多野都好吸引，但見隔離枱pizza同漢堡都好正，二選一我就揀pizza，Honey 就揀和牛飯，揀咗二杯特式咖啡［自家製薑汁牛奶咖啡］有薑茸茶匙自己加落咖啡到，薑味都適中好飲👍😋［我唔喺肉鬆其實係芝士咖啡］ 好吸睛又香，附送曲奇好味，初時諗住個名得意，以為會唔太好飲，點知好好飲喎😋😋pizza，係我鍾意嘅餅底，薄身又脆又煙un👍👍和牛飯，牛夠嫩滑，加埋溫泉蛋，正😋😋坐得舒服 侍應生有禮貌，食物有驚喜嘅，推介🥰🥰…查看更多

去北角Staycation前，當然要食個Lunch先，食力啟動嘛🤣選擇了［太元樓］，估唔到呢間超有驚喜喎，原先諗住叫啲啲頭盤邊食邊傾…跟住個份量似主菜咁大碟，仲碟碟都有驚喜😍😍，由其係香煎腐皮卷，個皮超脆仲腐皮香味👍👍👍碟醉豬手又係超正，口感味道都不得了，雞絲粉皮又滑又香又好味，跟住見有午市套餐客飯，叫了鍋酸菜魚配酸辣湯或豆漿，加$25可配小食一款，價錢非常唔錯低食，不得了，飽到去酒店食唔到個下午茶😂😅下次再去北角一定會再去🥰#bowieyim …查看更多

係九龍城找食，今晚好想食啲濕濕地嘅食物，周圍行，行到獅子石道 (近太子道)，見到區內這間越南泰國餐店，朋友話原來已經開咗好耐，就決定入內試下，晚餐餐牌有推出經濟間晚餐，價錢非常實惠，不過我都係決定單點。店內員工人數不太多，但態度非常好。點了火車頭、蒸粉卷、馬拉盞炒椰菜苗、軟壳蟹米紙卷、椰青及青檸梳打。嘩...原來火車頭係咁大碗好多餸😍，湯底好濃牛肉味，牛舌超淋，牛肉片，牛腩仔都超正👍👍炒椰菜苗都非常美味又唔太咸👍蒸粉卷比平常的店鋪大碟，食落好多雲耳碎的內餡好好味道👍軟壳蟹米紙卷就變得普通了一點了，二個人食唔晒，所以要打包了食剩的返屋企😅開始時太肚餓關係，食到一半先記得影部分相片😂🙈…查看更多

行行下花園街突然行雷落大雨，所以即刻走上Moko，honey話有啲肚餓，見Urban咁啱無人排隊，就入去試下😋，見到Menu同埋甜品嘅賣相好吸引，又點了碟蝦意粉，意粉味道中規中矩，蝦比較實但有蝦味，意粉餐有龍蝦湯及牛角包附送，水準即一般而也，反而個甜品［拔絲超多芒窩夫］賣相靚好有心思，以為好大堆忌廉，但原來中間係雲尼拿雪糕，與窩夫和芒果一齊食好正，另外要了杯美式咖啡和薄荷朱古力咖啡，我杯薄荷朱古力咖啡無薄荷味及太甜😅不過整體來講都唔錯嘅，位置舒服，侍應們都有禮貌及動作都幾快手😁👍…查看更多

一心諗住瞓到自然醒👏👏諗好上山頂行下再吃一頓豐富的Brunch早午餐，去了山頂先行了一圈，四周環境比起之前又不同了，今次選擇了山頂廣場的Fiamma By Enrico Bartolini，店舖裝修環境舒服，大部分食物都係有水準非常美味👍😋😋，如果碟Risotto可以煙un一點就更完美了😜，食飽飽後當然要付出返少少啦！就當然要行埋老襯亭啦！可惜天氣不太好😅又無咩風呢！所以望落去景色唔太清😄#FiammaByEnricoBartolini #bowieyim #食好東西推介…查看更多

今次試了這間黎巴嫩餐廳 ，試一下黎巴嫩菜式異國風情的一次晚餐👍，環境裝修、食物容器餐具都非常有特色，忍唔住係咁影相，最啱打卡呢！😊店內職員非常有禮貌，見到他們都很忙碌，但也會給你介紹菜式及問番客人對食物的意見。雖然佢地講完都未必聽得明佢地講咩😅🙈最重要還是食物，每款都好有驚喜，我自己最喜歡👍mixed grill👍，燒烤過的肉類在侍應上桌時已聞到強烈烤肉香氣，真係好香，重點食下去完全不鞋而且十分香口，就咁食或配搭蒜泥慕士十分夾。頭盤叫嘅不同醬料都好味幼滑的很好，但那個薄餅很鬆軟先係重點 ，而個長米飯亦非常有驚喜，食到好香甜，忍唔住食多二啖，原來用咗羊肉汁去煮，非常特別😋另外👍roasted eggplant👍，這個上枱時，半邊燒過的茄子，上面有醬汁紅石榴各種配菜，顏色配搭看來像一幅畫，看見已經流口水，烤過的茄子十分軟嫩滑，神來之筆是旁邊的青白色蒜泥醬汁，超好味😍😍#bowieyim …查看更多

一行5人睇完音樂劇之後當然.....無錯啦！繼續唔好比佢停，又食野🤣🤣今晚去咗荃灣哈哈燒食海鮮燒烤，地方好光猛好企理闊落，欣賞佢地員工好多，所以清潔好快好認真，地方一啲都唔會油淋淋，員工態度亦適當的熱情，非常抵讚👍👍👍，除咗每人送一條鱔外，海鮮及其他肉類等食物款式好多，熱盤食物都有少量提供，全部都好乾淨企理，一般食物味道偏淡味，最好自行加些調味粉味道就一流啦！飲品亦好夠凍及款式奇多🤣🤣數下數下我原來飲咗6款飲品😅，限時2.5鐘頭，食下傾下真係好快過，我個人覺得時間真係啱啱夠😋😋，如果真係覺得唔夠時間，亦可以每人加時$50半小時嘅，隨客人選擇都好合理👍…查看更多

幾個月前相約嘅睇話劇日子，終於來臨啦！大家睇話劇前當然要食飽飽先入場啦！專登book露天位置😜lunch set 雖然抵食，但我都決定加部分散叫，因為好多好吸引，食物飲品都完全無令人失望🥰整體食物都非常好，尤其紅菜頭香芒葡萄藜麥沙律，炸雞翼，蛋奶香濃郁的卡邦尼意粉、千島香芒牛油果雞肉薄餅，都非常唔錯啊！侍應們的服務相當細心有禮貌👍，因為坐露天位置關係，變幻嘅天氣亦令環境充滿不同感覺，有陽光嘅時間影相，自然光影出來食物真係好靚，但竟然唔記得影大合照🤣😜#Bowieyim…查看更多