傑斯仔的个人专页

本身很愛吃米線，這間老闆娘米線可以列入我的心水三甲之內，自從它在香車街消失了之後，我失落了一陣子，幸好得知它重出江湖，實在太開心了！以米線來評價，我覺得它的米線不算特別出色，但是它的配料實在太好味，比其他米線舖嬴成條街呀！之前食過牛腩同豬軟骨，好稔好好味，今次試埋新疆小排骨和野菌腐皮卷米線。新疆小排骨都算OK，不過我較喜歡豬軟骨野菌腐皮卷好脆好味，必試！全部都是大大碗，每次吃完都很滿足了。…查看更多

好少出沒港島東，一次午飯時間途經鰂魚涌，見openrice咁多好評，決定試試坐忘的「軟煮牛肋咖喱配蕃薯南瓜粟米飯」，咖喱唔辣，是日本家庭式風味。除了軟腍的牛肋肉，豐富多樣化的蔬菜(紅蘿蔔、薯仔、茄子、車厘茄、西蘭花、棷菜花、西芹)叫人一試難忘。今次去太古城看Lego展，專程帶女友人來試晩餐。蕃茄咖喱煎雞飯：雞的外皮已煎香，咬落沒有雪味。大大件蕃茄加上野菜，很豐富！但個人覺得微酸的蕃茄與咖喱汁不太相襯，還是上次吃的牛肋咖喱較佳。豬軟骨烏冬：喜歡豬軟骨的朋友一定要試，有兩大件，非常入味，這是我在香港吃過最出色的豬軟骨，大滿足！建議最好和朋友share吃，一個女仔如果一口氣食哂兩件，感覺會有點肥膩。扁身的滑溜溜烏冬，很有日本地道風味。黑板上寫著「抹茶布甸」，甜魔朋友雖然話好飽，但一場嚟到點都要試。賣相與想像中的布甸不同，凹凹凸凸咁，一食落去，是抹茶的苦澀味，喜愛抺茶的朋友一定受落，登時幻想自己去了京都。朋友話下次一定要嚟試其他甜品。看雜誌介紹，這裡由一對來自日本川崎的夫婦經營，主打湯麵、咖喱及沙律，注重無添加、無味精、多蔬菜及少油的烹調方法。朋友話呢度的感覺似日本民宿的晚餐，很窩心很溫暖。如果屋企樓下有呢間餐廳，你話幾咁好！雖然遠，但我一定會再來的。…查看更多

好耐冇去幫襯紅螞蟻喇，知道佢響沙田開左分店，上星期日即刻去試試先！呢間新舖裝修得好幽雅，大部份傢俬採用白色，設計趨向西式。同女友點了兩個lunch set ($58)，包一杯飲品(我地叫左西瓜汁)，免加一收費。呢度見唔到之前食評所講既服務不周，可能新員工已經熟習左啦，值得一讚。咖喱忌廉汁田螺肉燴天使麵唔錯喎，咖喱加忌廉汁唔辣o既，最意外係佢加左好多什菌落去，好開心。千島汁焗牛油果龍柳飯就中規中距啦。見到隔離檯叫左個疏乎厘，賣相好吸引，可惜我地太飽，食唔落喇～…查看更多

回應「老富昌色彩會員」：其實因為我係舊會員(當年已俾入會費)，所以可以免費換張新會員卡，同埋有coupon送。不過今次冇得抽獎，又冇得用coupon，要下次先得喎~~當日沙田及九龍灣店突然執哂，等我仲以為我儲埋0個二千幾分冇哂添！好彩而家D分都轉得番落張新卡，不過唔可以像以前般無限儲，一年就會到期。…查看更多

這間店主打waffle, crepe與illy 咖啡。Lunch set $58 (不用加一)包括主菜、朱古力waffle與餐飲，很豐富。店內梳化椅質地舒服，輕輕鬆鬆唔駛同人迫，落地玻璃門透進陽光，鄰座的外國人悠閒地揭著報紙，很舒服呢！我地點左兩個lunch set - curry chicken & beef lasagne，個賣相令人垂涎三尺。curry chicken既咖喱味道同平時食開果ｄ好唔同(佢冇加椰汁)，辣辣地好惹味，唔錯。beef lasagne只是暖，不太熱，軟軟的cheese+蕃茄+碎牛肉，幾好味呀！雖然waffle只係甜品，但我就當正佢係主菜，waffle賣相都好吸引丫，眨眼間已經被消滅喇！…查看更多

同女友一直都有幫襯開老富昌，新世紀呢間新舖裝潢幾靚，見到分左兩隻色既區域- 粉紅& 綠。我地有幸坐到粉紅色的卡位，都幾舒服！可能新開張的關係，佢有幾個優惠喎，甜品拼盤同飲品半價，而且仲送左幾張coupon比我地添。我地叫左個Color拼盤+焗豬柳飯+辣汁三文魚意粉+曲奇妙趣。食物整體質素都算唔錯，加上價錢比較大眾化，可以一試！但係餐牌內見唔到至愛o既"墨魚汁麵"，只係有類似o既"海鮮墨魚麵加意粉"，唔知係咪呢間冇得供應。因為太飽的關係，所以最後冇叫到甜品食．．．…查看更多

我叫左個炸醬+鯊魚丸米線(小辣)，醬爆鯊魚丸ｏｋ，炸醬就比較大粒(我以前食開果ｄ食肆係細細粒架)，小辣原來唔係好辣，下次試下中辣先！連埋杯豆漿，$29算抵食喇～P.S.地方淺窄，都幾迫下。…查看更多