ricowongfoodie的个人专页

去開九龍灣買枕頭，肚仔餓搵野食，突然想食泰國野，咁岩見到呢間野，雖然裝修唔係好泰式。不過就試一試佢。8:00pm等左一陣，有得入，２個人叫左４碟野，第一樣上菜，豬頸肉，一望落去好似有Ｄ乾乾地，不過食落就唔算好乾，外面燒到小小脆，幾香口，個醬汁係畫龍點睛，有種酸辣感覺，即刻想撈一撈飯。第二樣係　椰汁青咖哩雞，個汁比較稀，味道較淡，甜甜地，冇果種泰國既感覺，算普普通通，雞肉唔夠嫩。第三樣係　菠蘿海觧炒飯，認真唔錯，海鮮份量比出面果Ｄ足料，青口都有三隻，味道好食，再配青咖哩會想叫多碟，值得推薦！最後，冬陰公，＄１３８兩人份略貴，話就話兩人份，得一隻蝦開半邊，肉少，湯就可以倒到幾碗。味道就可以，夠酸，開胃，可以辣Ｄ。整體黎講可以再戰試其他野。…查看更多

一直都知呢間餐廳的存在，聽聞食西餐入面算經濟，所以去睇戲前去試一試。已經過左Lunch Time，所以食Brunch，望一望個餐牌，百幾銀，有湯有飲品有主食，算係咁。之後就叫左個烤蘑菇忌廉寛麵配香烤雞肉‧野菌，同車打芝士煎蛋牛肉漢堡配薯條，兩個餐都跟蘑菇湯，餐包同鮮果茶。首先講個鮮果茶，係橙鮮果茶，可能我飲唔慣橙味既茶，果陣淡淡既橙味同茶真係唔多夾，可能我飲慣檸檬茶啦蘑菇湯係唔錯，有粒粒蘑菇肉，味道好香，同個餐包外脆內軟，點下個蘑菇湯食，係好食的，值得一讚！但最重要當然係主菜，個車打芝士煎蛋牛肉漢堡，賣相唔錯，但塊牛肉有Ｄ乾，味道算係合格，薯條好食，份量黎講都會飽肚。主角來了，烤蘑菇忌廉寛麵配香烤雞肉‧野菌，個名就勁，個麵賣相已經唔多好，塊雞肉「鞋」過我用黎煲湯Ｄ豬肉，唔可以話佢冇味，淡味囉。Ｄ野菌用醋醃過，我明想做人地黑醋醃野菌，但呢個酸既野菌，配淡味雞肉同寛麵，我只係食到醋酸味，唔得。呢個我比唔合格。…查看更多

行過經過唔好錯過，呢間野係唔錯！因為係旺角做野，之前都食過，不過朋友突然想食拉麵，就諗起呢間。其他佢唔多起眼，係牛角門口隔離，要落樓梯。不過都同大家介紹下，呢間築地唔算拉麵店，可以叫日式食堂，因為除左拉麵，仲有小食，串燒同丼飯。有時想食拉麵之餘，都想食下小食，但有Ｄ鋪都正係得餃子，所以都幾鐘意食呢間。講返野食，今次同朋友黎，見到多左新野，我就叫左爐燒厚鰻魚飯，朋友叫左大蝦拉麵，睇睇下發現到竟然有燒鯛魚！因為出面既店好少有鯛魚，仲要咁大條。食落去燒得好香，肉又嫩，岩岩好，$60幾蚊叫做抵! 而個鰻魚飯同出面差唔多，比較好係比較厚身，出面有Ｄ好薄。味道ｏｋ！而個大蝦拉麵，隻蝦係大隻又夠爽，不過好似我呢Ｄ大食既會覺得太少，多一隻就爽，溫泉蛋都係咁，冇咩特別。會再有下次…查看更多

第二次去食華嫂，都一樣等左３０分鐘，人多到不得了！雖然多人，但質素一樣冇問題！上次就食左個　招牌菠蘿油，入面有蕃茄蛋，不過個人個得，驚喜不大今次就叫左　招牌芝士咸牛肉，真係正～！個蛋黃漿完全食畫龍點睛！個油奶多，上次同今次都有食，個包脆得黎軟熟！果種暖暖包同凍凍地既牛油係非常好既配搭！１４蚊ｏｋ啦！到個主菜，蕃茄牛米線，牛肉都唔少，４２蚊的確算高質！不過個人覺得蕃茄味重Ｄ會再正Ｄ，　因為個人好鐘意食蕃茄系列野。個元茜豬扒，對鐘意元茜的係一個好好選擇，元茜多到不得了！　我就麻麻元茜，就食塊豬扒，正的！夠林！又香！杯奶茶，上次飲樽裝，因為冇冰，奶茶味ｋｅｅｐ住，今次杯裝，少冰，都唔錯！　睇到廚房師傅用奶茶拉奶茶～！而家好少見，認真唔錯！…查看更多

養心殿，打再台式火鍋旗號，當然要試下。Ｂｏｏｋ左１０：００ｐｍ入座，去到等左３０分鐘。叫左綜合鍋，麻辣鴨血加美人鍋，即係有隻鳥雞！個人經驗去台灣，成日食麻辣鴨血鍋，都幾了解一個鍋應該要點先夠台式。個人覺得鴨血部份唔錯，湯底揀左中辣個辣度岩岩好。美人鍋都幾好飲！想叫本地手切牛，但冇貨。叫左雪花牛，綜合丸，海蝦，松板豬，Ａ菜，響鈴，餃（唔記得咩名）總括黎講，個人覺得食火鍋只要料新鮮，都會ｏｋ，最緊要個湯底，特別打正旗號台式火鍋湯底的確唔錯的！…查看更多

見到個優惠，咁岩生日，　同朋友去TryTry，一行4個，Book左位，等一陣，入得。一開始即刻叫刺身！當時唔係用果Ｄ大船盤，用隻碟仔放，不過算啦！都係刺身姐，個人覺得新鮮好味的！放題黎講算中上！一班人食完刺身壽司開始叫肉，不過上菜有點耐，等左１５分鐘左右，個人推薦牛小扒，易熟易控制，好食的！　其他牛仔骨，雞翼，蝦，基本野都齊款，味道都係咁啦！燒肉係睇新唔新鮮，好唔好味自己控制。個火大左少少，易燶，所以唔好燒太耐。仲有樣推薦，不過冇影相，羊架的確唔錯，不過個香草汁太多唔多美觀。整體上算ｏｋ啦！　有機會的確可以試下。…查看更多