yingying930124yy的個人專頁

雙重芝士燒肉丼燒肉丼嘅牛肉比起普通牛肉飯嘅牛肉多咗一份鑊氣焦香感，牛肉肥瘦比例適中，配上勁量熱熔拉絲芝士同珍珠米，令人一啖接一啖咁停不了口！芝士雙重魔王堡估唔到快餐店都可以整到咁出色既漢堡！食得出係落左order先即刻煎~牛肉漢堡patty濕潤有肉汁，牛肉味香濃，配上酸瓜千島醬汁&芝士同烘香左嘅牛油包包，一口咬落去大滿足！套餐入面有配既蜜桃汁同冰紅茶都好好飲，唔會太甜又解膩！真係價廉物美！份量夠大食得好飽…查看更多

刺身種類繁多，有三文魚、北海道帶子、虎蝦、生蝦同北寄貝，食得出好新鮮！又夠厚切啖啖肉成個放題唔止有刺身，仲有魚翅羹、燉湯、串燒、炸物、乳鴿等等，就算有選擇困難症都唔怕甜品方面，有大大個甜品櫃仼你揀～有Haagen-Dazs、movenpick 雪糕、同原個芒果冰任食、小朋友至愛既candy bar同朱古力噴泉，仲有得免費升級馬來西亞直送榴槤！老母覺得呢度坐得闊落舒服環境又衛生，上菜、refill快又無漏單，菜式種類又夠多元化，就算有小朋友老人家都唔怕唔啱食！午市時段坐足三個鐘仼飲仼食真係性價比一流！…查看更多

今次見到呢間本地品牌荳品廠，入去試一試佢！杏仁豆腐花 滑溜豆腐花配上杏仁露同香脆既杏仁薄片，一滑一脆雙重口感泰茶麥芽桃膠豆腐花麥芽同椰香味幾重，中意佢唔太甜，仲有好多桃膠！杞子圓肉紅棗黑糖豆漿冬天當然要滋補一下！呢隻有齊杞子、圓肉、紅棗、黑糖同薑，夠晒溫補滋潤，啱晒女仔飲。圓肉紅棗薑味好出I like，仲唔會太甜！原味豆漿原味先飲得出豆香！完全無豆腥味，又十分香濃魚肉煎豆腐 自家制嫩滑豆腐煎得外脆內軟，配上煙韌魚肉，係經典的美味！蘿蔔糕 入面食到絲絲蘿蔔，十分鮮甜！肉鬆蛋餅 佢地既蛋餅粉漿係用豆漿同蕃薯粉調配，食落有淡淡豆味之餘，仲多左份煙韌柔軟感！配上古早味醬油膏真係好似翻左台灣早餐店食咁喎老乾媽炒米粉 炒得好香口，好有獲氣但唔油膩(佢所有煎炸野都唔油好乾身)加上爽脆菜絲令人忍唔住一啖接一啖開心果蛋餅近期大熱既開心果口味！煙韌蛋餅上面淋滿朱古力醬同開心果醬，入面都夾左勁多開心果醬！開心果控必試！食物味道不錯又新鮮！仲要好大份！性價比一流！媽咪最中意佢地所有豆品都係減甜口味，啱晒小朋友食夠健康…查看更多

見到有咁可愛既PC狗主題仲要係拉麵，我個仔一見到話好想食特製黑松露忌廉烏冬煙韌麵條掛上濃郁奶香忌廉，伴有淡淡黑松露味，小朋友實中意食！特製牛奶拉麵湯底加入左牛奶，有種豬骨湯既濃厚感！麵條係太麵，口感QQ特製椰果可爾必思梳打上面有可愛綿花糖同忌廉奶蓋，下面係可爾必思加梳打水同粒粒椰果，好飲特製啫喱青蘋果梳打上面都係可愛綿花糖同忌廉奶蓋，入面有青蘋果粒同蒟蒻，幾refreshing~兩款飲品都好清新，配拉麵一流！特製蝦餃入面有彈牙蝦仁同筍，皮十分煙韌但唔會過厚，有酒樓既水準，加上pochacco樣子加分！特製黑芝麻蒸包軟熟包包夾住美味麻蓉~簡單的美味兩款點心都係超可愛！叫人點捨得咬落去特製北海道牛奶芭菲日本特濃牛奶味雪糕＋巨峰葡萄口味蒟蒻，仲有dango團子同哈密瓜波波，各種口感一次滿足！小朋友見到實心心眼，唔經唔覺又食多幾啖…查看更多

同家人去食過咁多間自助餐，呢間算性價比幾高海鮮種類唔算超多，但refill得快同算新鮮，有麵包蟹、蝦、青口、小龍蝦，最緊要有長腳蟹！又有cheese platter、刺身熟食種類都算多，最中意佢個燒乳豬，燒到好乾身，係葡式嗰隻，無晒皮下脂肪豬仔腳超嫩滑又有芝士焗龍蝦、日式串燒、即淥粉麵、印度咖哩等等等等十分之中意佢個甜品櫃，樣樣都的的色色又精緻，細細件又可以樣樣試下仲有哈根大師雪糕，同自己擠既frozen yoghurt佢個蜂蜜蛋糕勁好味、花生麻糬又正，上面係花生忌廉好特別…整體上都好食又精美生日仲有送生日蛋糕慶祝~如果係會員的話總結一下，款式夠，總體幾精緻，性價比不俗…查看更多

去完葵廣行街街之後，居然比我地發現到呢間隱藏喺葵芳邨入面既小清新cafe~中意試新野既我地當然要去打個卡招牌龍蝦濃湯蟹肉帶子麵果然係招牌菜~仲係極考功夫既一道菜！龍蝦湯極鮮甜濃厚好掛面，龍蝦味pack quite a punch! 仲有淡淡白酒香氣同蔬菜鮮甜味飲得出真係長時間熬煮，估唔到小店都做到高級餐廳既味道！配上Al dente既墨魚汁意粉，仲有海量既手拆蟹肉，大滿足秘製流心蛋治 烘到外脆內軟既brioche多士，夾住勁爆多既garlic aioli+蛋沙律，再topped with滑嫩既糖心蛋，份量大到兩個人食都夠！黑松露蛋黃醬炸薯條/蒜香雞翼 (跟餐+20)薯條新鮮炸起，配上黑松露蛋黃醬，簡單直接的美味！雞翼外脆內肉汁多，醃得十分入味。朱古力心太軟配開心果意式手工雪糕🍨手工雪糕個開心果味超濃😋整體順滑無冰粒感。朱古力心太軟又係水準之作！苦朱古力十分濃郁，同雪糕十分balanced，不會過甜。凍朱古力鮮奶小孩至愛！應該係用Hershey’s，係減甜口味藍瓶水母咖啡顏值一流，味道也一流！蝶豆花茶配上佢自家調配既咖啡(用兩款不同既豆)，帶烘烤nutty flavour加上有微微既花香幾好Cafe整體感覺好有feel又好chill！又寧靜舒服、闊落好坐，最啱約埋三五知己嘆咖啡打卡，仲係pet friendly！喜歡食意粉、西餐既人一定要來試下喇。食得出係心機之作，顏值亦爆表！…查看更多

同朋友gathering，去左試呢間台灣野鹽酥雞醃得入味，炸得乾身唔油，但仍保有肉汁粟米仔墨魚滑幾惹味，墨魚膠墨魚味重，又有花枝粒粒蛋餅略嫌過甜，芋泥太少，食落一陣風。芝士味欠奉，可以加多少少美奶滋+芋泥+芝士碎無咁dry台灣腸好味，不過加工食品好難唔好味沙茶肥牛火鍋湯底惹味，沙茶醬味可以再重少少就好，肥牛得好少應該加d粉絲索下汁就更好。甜品，奶蓋味道也不錯。總括而言，菜式整體不錯，但全部份量太細…查看更多

叫了佢地個出名組合，紅豆冰同菠蘿油，係Standard的味道，唔算太有驚喜紅豆冰太水，應該要多加奶或淡奶，而家飲落淡茂茂仲有牛油太過薄啦，夾入去勁快就溶晒，食得唔夠爽！建議厚三倍先做到冰火效果！奶茶飲落十分濃郁，奶同茶比例算幾好。炸雞肶個味道不錯，好似香葉包雞嗰隻味！好多香料好入味！但唔中意佢切得太多刀，搞到肉汁流失晒！搞到好乾爭爭沙律就無乜特別，太多罐頭什果啦，加d蘋果薯仔咪好。總結係中規中矩啦，…查看更多

原本想飲杯野，但見佢午市套餐幾抵咁，就試下啦！我揀左醉湯烏冬+滷牛腱+醉雞卷+醉鴨舌+奶蓋炭焙烏龍清甜醉雞湯為上煙韌烏冬好夾！佢地採用特別調配既台南冰糖滷汁，令到滷水類全部炆得軟稔入味，牛腱煮得剛好，不太韌也不會過稔！花雕酒味香濃而不嗆！雞卷雞肉嫩滑，鴨舌處理得好好，入味之餘口感Q彈無腥味最中意佢個炭焙烏龍飲得出係靚茶，烤過之後入口更回甘香醇，配上芝士奶蓋又幾正另外揀左滷肉飯+滷牛肋肉+脆炸雞扒+台灣腸+芒果奶蓋草莓沙冰肥瘦均勻既滷肉撈埋煙韌珍珠米，配上辣辣地既榨菜，好吃！牛肋肉牛味香濃~十分軟稔！雞扒外面炸得香脆但入面仍然軟嫩。芒果奶蓋草莓沙冰味道唔假~仲揀左小食:夜市雞捲用炸到脆卜卜、皮下脂肪無晒既雞皮包住鮮嫩既雞肉，一口咬落去爆汁，大滿足！炸花枝丸上枱熱辣辣，食到好香魚味同花枝味，口感實在啖啖肉鳳梨蕃茄特飲見係佢地signature, 當然要試下啦~原來酸甜鮮味既蕃茄仔同菠蘿加上清新綠茶係出奇地夾，飲落好順口！入面仲有粒粒菠蘿芒果茶凍芋圓入面有仙草凍、台灣芒果刨冰、寒天同清香茶凍，食落有唔同層次又好清新！刨冰底都有清香茶味，唔會過甜…查看更多

今日同家人去飲早茶，第一次試呢間叫左人參湯蝦餃，食落係幾創新，人參味都濃，但個湯汁略嫌太杰，整體偏咸！炒銀針粉個粉同料比例係9:1…但味道係ok既…個紅米腸嚇死我…個米皮都還好，但有點太過淋一pat野！入面係翻炸既油炸鬼索晒油，睇個價錢($30)仲以為會有蝦膠….成舊野勁油！杏汁鮮竹卷味道ok，杏汁食唔到係杏汁味，內餡係一pat野，建議整翻少少菜絲增加口感整體上好咸好油。感覺上而家大部分大酒樓既點心都好hea…反而小店仲會用心點…查看更多

見到呢間咁cyber既燒肉餐廳，忍不住入去試。白飯用日本越光米不錯吃，不過可以再煮乾身少少。有自家調配既甜辣醬、梅子醋、鹽味汁同bbq汁，用心又或者簡簡單單用佢地既電動即磨玫瑰岩鹽or原粒黑椒去調味都已經夠好食。最特別既係佢地用飛船送餐，我個仔未食都先興奮！宮崎和牛(A5肩胛肉眼心/A5上等牛肩胛/A5肩胛腋板)大理石紋既脂肪睇落就知正，牛味十分濃厚。三個部位均有不同口感，肩胛肉眼心夠軟嫩 ; 牛肩胛較結實，肩胛腋板油花最豐富，入口即化！Prime Grade 牛五花+ 西班牙豬五花牛味十足有少少筋有咬口，不過都係建議先食呢個再食宮崎和牛~西班牙豬油花與瘦肉分層均勻分布，豬味出但唔羶！魷魚一夜干一夜干係將新鮮魷魚清洗後經過調味同自然風乾而成，令到佢鮮味更加濃縮，好惹味咸香肉質仲好爽脆，勁中意個口感日本蕃薯用細火慢慢烘，烘完出完脆，入面香甜軟糯，好似栗子咁鬆軟！青梅梳打清新微甜但梅香十足既梅酒加上梳打水配上燒肉，感覺上有消食及去膩的效果，飲完仲更加開胃！整體來說食物質素不俗，性價比高。值得一讚既係燒左兩個鐘都無燒到成身油煙味，抽油煙做得好冷氣又夠。仲有好乾淨，唔似其他燒肉餐廳，枱櫈同調味料樽完全無痴立立，又有置物籃比你擺袋，認真細心…查看更多

原本想吃的荔枝蝦球沒有貨！不過好在其他的菜式好看也好吃！✨辣子雞十分經典的一道川菜！不過呢度餸菜既辣度可以自己揀，十分貼心。揀左少麻少辣，連小朋友都食到！雞粒炸得香口但不會過乾或太油，與花生、乾辣椒同炒更突顯香氣，送飯同送酒都正！✨拔絲咕嚕肉一上枱就覺得好靚！但拔絲要快手食如果唔係會比下面熱辣辣既咕嚕肉整到溶晒！炸粉不會過厚又唔會皮肉分離，豬肉肥瘦均勻而且大大件，加上酸甜汁同脆脆拔絲令人一舊接一舊！✨豬油拌飯就是一碗白飯，topped with 紅葱酥、豬油渣、蒽花，再按自己口味淋上豬油同佢既特制甜豉油，係簡單直接的美味！屋企個老人家唔係得別好飯都裝左兩次✨雞絲粉皮粉皮煙韌爽口，本身呈卷起狀態，食落口感更佳，配上雞胸絲、青瓜絲同海量麻醬，每一口都裹滿醬汁，入口大滿足！✨桂花紅棗麻糬心太軟女生要多吃紅棗！喺清甜紅棗中間夾上煙韌既麻糬，再淋上桂花糖，十分滋味，係一道又養生又好味既甜品！仲叫左洛神花茶，夠冰凍酸酸甜甜，入口好清爽，同辣野好夾！…查看更多

呢排天氣悶熱，令人無乜胃口，行過airside見到food court 有呢間苗家菜，又有酸湯，所以就想試下喇！✨肥牛酸湯米粉佢苗族既米粉就好似米線咁，不過就幼d同淋d，所以比較入味！上網睇酸湯係用米水發酵，所以有天然又比較溫和既酸味，唔會似加左醋咁sharp。所以好易入口！同加上佢有酸筍，十分順口！不過肥牛就正常發揮啦！但個酸湯已經吸引我翻去食兩次！✨煙火炒飯粒粒分明獲氣夠，但唔會過油！不過味道上個木魚？定某d煙熏味太過出，所以唔係最好味。✨桂花米糕似白糖糕，但無over發酵，所以無白糖糖嗰種酸味，雖然面頭見到有桂花粒，但食落無桂花味，建議用桂花糖搽面！✨ 香到鳳凰街的雞燒春雞既size，味道不錯，但略嫌炸得太乾！✨臭豆腐夠臭！但太過細粒！✨黑糖桃花淚好香黑糖味，入面有桃膠，冰冰涼涼同辣野好夾！…查看更多

今次去試呢間位於觀塘既老字號小菜館——樂翠園海鮮菜館，見識下香港既大排檔✨美極台灣鴨舌果然係招牌菜！上枱熱辣辣，超級惹味(搞到我想嗌啤酒)！應該係先炸後炒！外層酥酥的，入面仍十分軟嫩同入味！連仔仔都搶住食！✨手抓骨好大陣香蒜同孜然味！睇落以為好乾但原來肉質幾淋！用有揸住成舊食都幾爽！我自己本身最中意食連住骨既肉，因為有爽脆既筋同咁先夠肥，所以好啱我食！✨3D芥蘭問左老闆娘點解3D，佢答唔出我自己估係因為有三種菜既煮法/食法？因為入面有炸過既芥蘭葉、芥蘭莖同生菜配上好有獲氣既炒肉碎。食法就係好似生菜包咁，加上炸芥蘭葉好似紫菜咁香口，整體又幾層次豐富！又係十分惹味既一道菜。✨蒜蓉粉絲蒸扇貝老闆娘推薦我嗌，但…to be honest還好。扇貝肉都算鮮甜厚實的，但正常發揮啦！總括來講，佢既大排檔小菜係十分出色！不過唔食omakase唔好聽員工推介是常識吧…查看更多

大叔拉麵 x Hangyodon 期間限定Menu入面全部item都好可愛！打卡一流✨黑松露雞白湯拉麵雞白湯超鮮美又濃厚！飲得出係要長時間熬煮先有既嗰種鮮甜味，肯定無味精！面頭有一層香氣滿溢既雞油但不會過膩，因為好濃，所以好掛麵！飲完幾啖湯之後先撈匀黑松露醬，湯麵加上黑松露既香氣，成件事升左level！同叉燒又軟嫩，脂肪部分入口即化！✨特色章魚燒小丸子做章魚頭，將腸仔開十字變左做章魚腳。加埋少少辣既明太子沙律醬、美奶滋、紫菜絲同章魚燒醬汁再配上牛油果salsa一齊食層次好豐富✨蘋果蝶豆花康普茶發酵過有好多益生菌好健康架！但蝶豆花味真係第一次試！少少甜有淡淡既花果香，好清新無負擔，酸酸地又有少少氣泡配上惹味既拉麵好解膩！✨紅豆酥配日本茶超級可愛的骰既紅豆酥！上枱時熱辣辣，外層係鬆脆酥皮配上紅豆沙餡，一口茶配一口酥，好正！✨日式焦糖布丁富有蛋香，忌廉同雲呢拿味好dominant！係日本的味道！好嫩滑又口感綿密！加上當季生果: 大大粒藍莓、奇異果同芒果，大滿足！唔單止顏值爆燈！味道都一樣滿分…查看更多