Daniel11111的个人专页

今日去咗呢度食，佢哋安排咗個位喺廁所出邊，都算啦。但係，頭上面有個滅蚊器，成日有蚊飛過去，而且佢哋又冇清理過，結果成日食食吓跌啲蚊嘅屍體落個頭上邊。同佢講換位，佢個樣串過碼頭咕喱，啲位又逼到死。之後叫咗個嘢食，又漏單，等咗成個幾兩個鐘都唔嚟，之後夠膽死喺我哋埋單嗰陣，想收我哋嗰碟冇嚟嘅嘢食。啲態度勁差仲想亂收錢，地下線個溜冰場、滿滿疊疊油個油站，好似俾錢去坑渠度食嘢咁。以後都唔會再去，喺九龍城都好難搵到一間態度差、勁污糟、逼到癲、亂收錢嘅餐廳。其實九龍城仲有其他潮汕嘢，亦都比佢好食，真係唔好信啲KOL講嘅推介。…查看更多

野食質素未算高，但份量極少湯底未算好特別……入到去坐，啲裝修一般啲櫈又爛爛地收人茶介但一杯水都冇 逼你買酒飲食到我啲老鐵一肚火去廁所仲要有屎係洗手盆唔會再去依間野了！…查看更多

入面好污糟…地下、枱面同櫈都係癡笠笠坐坐直頭身痕…好癲啲麵完全係茶餐廳味….同係越南食嘅味道差好遠好遠啲湯勁難飲！冇牛味！味精湯咁……唔係其他寫手咁寫到咁好味囉…佢地冇良心架！唔好信佢地！我就係比佢地食評呃咗！唉！佢地係咪食開餿…查看更多

買3個外賣：蝦腸、小籠包、鮑魚燒賣蝦腸唔好味，啲皮好厚…好似街市個啲咁….啲蝦有蝦臭味同雪藏味….食唔入口千祈唔好叫小籠包就有啲有湯 有啲冇……鮑魚燒賣就鮑魚還鮑魚… 燒賣還燒賣…個鮑魚係跌落嚟嘅…. 我覺得唔值得再買………查看更多

估唔到何福堂都有藍店！初初唔知，以為普通餐廳！見佢門可羅雀，唔洗等位，就去試試啦食食下聽到老闆娘、侍應同一個食客傾計，聽到佢地原來係支持警察！我立即起身致敬！ 播埋國歌！一齊唱！依家個環境，一定要撐藍店！我叫左斑腩飯！不過食落應該係鯰魚柳！大獲！大家藍友都呃！仲要冇味…. 影衰藍友所以打算報海關，睇下係咪真係斑腩，希望可以還佢清白🙏🏻講返個飯，啲飯一食就知係cheap 野，一啲飯香都冇，一定啦係祖國絲苗米，亦唔係泰國香米，懷疑係平價越南米…. 奶茶就冇茶味，一定冇用立頓Lipton… 唔合格啦！難食唔緊要，只是係藍色良心店，我一定會撐！點知道… 今日二十大開會，習主席先話要堅持清零，依間餐廳竟然唔洗人用安心出行！嬲到我一肚火！我拍枱問佢地有冇搞錯！點解入左兩枱人都唔洗用安心出行？佢地理都唔理我！我放低啲錢就走！真係激死我！我懷疑佢依間野係扮藍搵錢！呃政治飯食！…查看更多

星期日晚飯一個人叫外賣買左佢嘅晚飯套餐叫完大約等咗10分鐘左右就拎到唔算等好耐就咁睇佢環境，算企理乾淨，唔似隔離個間生X龍雲吞，啲麵煮到又淋、雲吞放係麵上面….好似唔識煮一樣。椰仔冰室個晚餐就正常好多！奶茶有茶香味，唔會澀同苦飯就粒粒分明，餸就鹹咗啲啲，但都可以接受。如果想食正常水準茶餐廳，喺新墟一定搵佢。想食雲吞麵就唔好去附近個間XX龍雲吞。…查看更多

超級難食！買佢外賣雲吞麵，30蚊，算平。返到屋企打開一睇！啲雲吞擺晒係面！係咪外行人嚟架！有冇常識架！搞到啲麵淋到不得了、啲啲湯冇大地魚味… 啲雲吞爽口但肉同蝦比例一般。入面衛生環境惡劣！同佢隔離個間一樣！嘥錢嘥時間！…查看更多

係香港搵好味嘅素菜一般都要去一啲小街小巷，或者要口耳相傳先知道。但係依家素食，係鬧市入面，好易搵到。再者，雖然食埋睇落好似好少咁，但係食落都會覺得好飽！ 當中佢地嘅柚子漬蕃茄就好正！好適合係夏天食！…查看更多

早日行經太子，由於肚餓就是但搵間餐廳食，見到間野裝潢唔錯，就入去食一餐，諗住應該唔會太差。點知死啦，我叫左碟乾炒牛河，一黎到就睇到好似好少牛，我就數一數，成碟野得三片牛肉... 係三片咁多呀！之後啲河粉又炒到斷晒，好似係未學過廚嘅人亂咁炒一樣.... 依餐野超失望！講真，咁嘅價錢行落旺角都食到，而且唔會咁少塊牛肉囉... …查看更多