citisleeper的個人專頁

幾日前同幾個女仔朋友去，個湯有D怪怪地，好似係黑蒜湯。 有個朋友係無咩飲。 啲set選擇都係嗰啲雞、豬、牛、蝦等。 味道一般，我只係當一個貴嘅碟頭飯嚟食。 揀佢係因為佢靜靜地唔會嘈，但呢個$500 －位係太貴。 對後生仔嚟講個份量係太少。 建議唔好做食，專心搞whiskey bar 嗰啲特色酒館仲好。…查看更多

早前老媽子大人生日，佢指定中餐，所以就訂咗呢間餐廳。兩個人消費$3000有找，值唔值得見仁見智啦，最緊要阿媽like. 餐牌可以睇相，個人覺得所有野都好，除咗隻🦀️瘦左D同埋食得有啲麻煩。其餘我最鍾意係鮑魚同隻慢煮嘅乳鴿，全部好入味而且調味好特別。個湯都係我媽咪嘅favorite。服務亦好專業，好有心機逐碟介紹係用咩方法烹調，同埋點樣食先可以保證原汁原味。做得唔錯！地方唔太大，有三間房可以俾朋友聚會，個人覺得幾好嘅！…查看更多

呢間舖裝修後第一次光顧，水準keep 到嘅，而且個晚市套餐真係可以食飽全部人又冇人投訴唔好食。所以都值得推薦一下。😎 個醉雞同鮑魚我個人最喜歡，北京填鴨切得大件咗，個皮亦都厚厚地。最唔好食係個甜品，開粉嗰隻。人均五百幾蚊依家嚟講真係抵，4個人去就perfect! …查看更多

大家可以睇圖，D骨頭佔一半個瀨粉，仲要收$60！不知所謂！如果唔係外賣我一定攞返去換！味道仲要麻麻地。完全不知所謂！大家要小心考慮係咪值呢個價錢先去幫襯呀！無謂中伏。…查看更多

中伏！可以話係我一生人食過最細粒嘅壽司。味道方面可以，不過$148呢個價錢實在太貴。堂食好似大件D。總之，建議大家唔需要去，除非想節食！仲有就係門口個妹妹話套餐包沙律同湯，點知收咗錢俾咗個盒我又話堂食先有送。唔係化？…查看更多

好耐無見過呢個同學仔，所以就約出來一聚。很少去西區，不過去到發現有好多cafe 同餐廳。呢間未去過，樓底高座位都舒服。如果住附近不防一試，如果要搭車就要諗下。點解咁講？因為整體來說並不特別好食，淨係一個字鹹，以為食緊臘肉！嗰塊包又硬又黑唔知點食，仲有一塊黑色唔知係咩嘅嘢，無任何味道。份量亦唔係特別多，收費一百七十幾加一未加飲料我覺得唔值。 …查看更多

去過兩次，每次都叫唔同嘅湯底。上次係雞，今次叫芫茜皮蛋，配上海鮮併盤，非常夾。我哋兩個女仔食，份量剛剛好。D蝦最新鮮，其他例如：鮑魚、蜆等都唔錯。應該係近街市附近嘅海鮮檔即日買返嚟。最正係會員有折扣！而且成日有唔同優惠俾大家試。一間食物水準唔錯，服務又幾好嘅餐廳，係值得推介嘅。…查看更多

一行三人食中午飯，雖然工作地點接近但未有機會去試過，今次可以一嘗佢嘅牛扒。呢個份量係三個人嘅。Porterhouse 係二人餐，三人食要加七百幾，不過都係剛剛好夠食。我哋兩女一男，加咗啲薯條、菇等side dishes。肉汁豐富，牛肉亦燒得啱啱好，係我哋要嘅medium well。唔易做，因為通常就熟曬或者見血，呢度做到七成熟真係幾好。值得一讚。另外，佢哋嘅服務質素都唔錯。咁當然，以每人八百幾蚊嘅價錢，呢個服務質素係最低要求啦。個場唔full, 想少啲人食飯唔好咁嘈呢度係一個好選擇。…查看更多

2019年最後一天和一班同事去吃午餐。自從餐廳由金鐘搬到中環都未有幫襯過，今次終於有機會再回味一下。我特別喜歡這裏的牛扒，Hong Kong cut 配lobster soup係我每次必點的菜色。個湯可能係全香港最好味的龍蝦湯，雖然肉質並非特別爽口，但用來煲湯的龍蝦算好好。牛肉我偏向medium well，當然完全冇失望。所有人都拍案叫好！希望2020大家努力，開心快樂！（套餐甜品就麻麻地，我㨂咗個cheesecake，可能個朱古力蛋糕會好味啲！）…查看更多

蟶子肥嘟嘟的季節，就趁母親節和媽媽及幾位aunties慶祝一下。揀咗星期一，雖然係公眾假期，但勝在有＄1換1哩的優惠。所以大家都無異議。首先，門口嗰杯薑茶好得，但就甜咗少少。希望可以減甜咁就更適合老人家。五個人食咗$1200，而且試了三款蟶子和好幾樣小吃，算是抵了。每碟份量雖然小小哋，但最後飽到個麵都要打包帶走。現在的$198兩款蟶子每枱只可以叫一次，第三款開始就要俾正價。個人比較喜歡焗嗰隻蟶子，蒜味嗰隻都ok。C hum係生生地，唔慣的人就唔好叫了。個芋頭我哋每次都會叫，甜甜地無拔絲嗰種咁硬。…查看更多

又係慶生飯，環境氣氛一流，靜靜地無幾多枱客。我哋被安排坐喺窗邊的一張枱，可以盡情傾計唔怕影響其他人。食物方面我比較喜歡個牛扒，條魚唔知點解腥腥地又多骨。前菜個lobster 加sea urchin 都ok，可以一試。當然個dessert就最正，因為係一個淋咗熱raspberry source 嘅朱古力蛋糕。小女最愛嗰個陪襯雪糕！原來呢間都有做嗰個1.5小時食完就有優惠的活動，但我哋坐咗2.5小時都冇問題喎！…查看更多

慶生飯，地方和食物都理想，服務員都好落力招呼。唯獨是餐廳參加了嗰個一個半小時要吃完才有折扣的優惠就搞到大家好大壓力。最後啲野緊係上唔切而我哋又未食飽，所以焗住放棄個discount繼續食。最奇個領班阿姐唔俾我哋先埋單，後加的才用正價。佢哋都冇人排隊食飯，所以我哋都好無奈。我哋五個人成張單都四千啦，招呼好啲都有打算叫多支酒，都已經係一抬客的飯＄吧？依家搞到大家下次都唔再嚟，老闆真的要反省下喺咪值得咁樣趕客先？ 個excuse仲奇怪，話將我哋原先的discount俾了其他人，所以我哋可以繼續坐。但又唔見嗰個其他人有走喎？奇怪！Anyway, 以下是一些唔錯的食物介紹。大家有信心1.5小時可以食完就來試試吧！…查看更多

Went with my dear sifu the other day, his comment is that many up and coming new restaurants are doing much better than this classy one nowadays, which I agree. I remember last time I went was some 4 years ago. The dinner was absolutely fantastic and everyone was so satisfied after the 2 hours dinner. I think the sets offered during lunch time is a bit compromised in terms of food quality so it cannot really show the standard of food this restaurant can produce. I ordered a grilled seafood set, it was ok, rather common. My sifu ordered some sushi set and he didn’t find it that tasty be honest. I really think dinner is far better than lunch at Nadaman, hope to go back soon and try its dinner again. …查看更多

以$298呢個價錢可以食幾個小時，喺CWB來說係好抵。食物水準不錯及多元化，無論男女老幼都可以搵到自己想食嘅嘢。讚！一坐下來就有一份海洋platter 加一客牛肉和一些sashimi. 樣樣都好新鮮，尤其啲abalone 和貝類海產。另外仲有好多熟食例如蝦和chilly crab, satay等。蔬菜類亦超過十幾種可以揀，仲有各式丸和飲料任飲。甜點差啲，不過有雪條和雪糕和雪米糍，好啱小朋友。個湯底好多選擇, 不過個麻辣火鍋就唔得，胡椒豬肚就好得！好滿意的一頓飯！…查看更多

母親是印尼華僑，本身亦在新加坡居住和工作過，一年總會去星馬印一次，我可以好肯定這家食物的水準比當地就算普通一個hawker centre 的都差一截，更往論「正宗」二字。我哋二人叫了一個海鮮喇沙、一個肉骨茶，加兩個甜品。喇沙啲蝦和魚片唔錯，但個獅hum連殻上我第一次見，個湯底亦唔夠熱。正宗嘅會有蔘巴chilly，我哋問嗰位靚姐佢俾個南記chilly俾我哋。成碗麵無海鮮的鮮味，唔得。個肉骨茶仲差，湯好少，兩塊肉，無garlic, 湯又係暖唔熱嘅。佢哋唔應該做福建式的肉骨茶，因為比清湯潮州人食的難做。個藥材味唔夠係好難做得好食。不過，食物水準不足可以改善，但服務態度差就唔可以原諒。由於個碗太少，我問可否加啲湯。個阿姐停一停木無表情咁答我：要加＄。好似我唔知掟咁都問。其實你成個menu都無話加湯要＄，我問下有問題咩？最搞笑個阿姐即刻走出來想幫我加湯，咁我咪望住佢lor. 佢話：要加湯嘛？我咪話要＄唔需要啦。呢位阿姐一定唔係做開服務行業。基本上，成個午餐都麻麻地。…查看更多