開業這麼久，終於有機會來試一下，後悔沒早來。今次試咗佢哋嘅二人套餐，由湯底到配料都充滿驚喜。 **每日新鮮到店嘅五豐行靚牛** 最驚喜系見到開放式廚房入面，師傅即切新鮮牛肉。聽講佢哋用嘅系香港五豐行每日新鮮配送嘅牛肉，屠宰到上枱唔超過12個鐘。肉片色澤紅潤，油脂紋理分明，真系夠曬新鮮，掛喺碟邊點fing都唔會跌！ **10秒即食嘅鮮味享受** 套餐嘅鮮肉四寶拼盤集合咗吊龍、匙仁等唔同部位，每款都切得薄身均勻。最正系只需要喺滾湯度輕輕焯10秒左右，肉質即刻變得嫩滑又有嚼勁，牛味濃郁得嚟唔會韌。特別系個鮮切肥牛，油脂分布好似雪花咁靚，入口真系有種融化嘅感覺。 **手打牛丸彈牙爆汁** 手打雙拼丸絕對系誠意之作，牛肉丸同牛筋丸都系即日手打，咬落去唔單止彈牙，仲會爆出滿滿肉汁。同一般雪藏丸完全唔同檔次，食得出真材實料。 **潮汕特色小食有驚喜** 個四色水晶粿外皮煙韌，餡料有甜有咸，最鐘意芋泥味，香甜唔膩。仲有個小吊梨湯，燉到出膠，食完濃味火鍋飲返碗，喉嚨即刻舒服曬。 **抵食程度超預期** 以咁高質素嘅牛肉來講，二人套餐價錢算合理。每款肉嘅份量都足夠，最後仲有果蔬三色面吸盡湯底精華，飽到捧住個肚走。 **溫馨提示**：晚市人氣爆棚，建議提早拎位。想試勻唔同部位嘅朋友，可以單點多幾款鮮切牛肉，聽講每日限量供應嘅五花趾同胸口油都好值得試！ **八合里牛肉火鍋** 沙田新城市廣場一期6樓…查看更多
