ioooo的个人专页

有時要出街做嘢，想試下非連鎖餐廳。今日去開柴灣，又就黎tea time要醫下肚，就上網搵左呢間靚靚餐廳🥰入座時只得一枱，但侍應不停傾計，入到去一陣先招呼我。當時2點，我問男侍應有冇下午茶餐，佢答我有。之後佢再向Senior同事求證，原來2點半先開始。。。我叫左午餐-香草忌廉三文魚貓耳朵$78, 連飲品，叫左Latte，以為只係加$8-$10，後尾見到張單先知係$21，個男侍應完全冇提過要加錢講返味道，其實粉同咖啡都好一般，冇食評所講咁好味，令我有少少失望…查看更多

因為唔係太肚餓，2個人只叫左幾樣嘢。三文魚盛合 (唔記得個名)$8x呢個最好食，三文魚夠厚，充滿油脂杉肉特製南蠻炸雞$42一般水準，味道略咸海陸峰會天婦羅$58天婦羅夠脆，大概有5-6件屋台風魷魚炒麵$30份量太細，麵條太咸，但魷魚都幾多牛肉烏冬$38正常發揮可能下次試午餐，性價比更高。。。…查看更多

夏天打邊爐就好似冬天食雪糕一樣，一個字：爽！朋友介紹話呢間火鍋放題好多野食，身為＂為食達人＂嘅我當然要嚟試試啦！一開Lift門，全是紅噹噹，非常有宮庭Feel。餐廳嘅裝修，加上牆上裝飾嘅面譜，令呢餐飯充滿中國藝術氣息～ 篤撑，今次我揀左$298 任食，首先嚟個微辣雞煲，份量比我想像中多，味道不是死辣那種，令人一舊一舊想接住食。。。食完雞煲就可以打邊邊，我揀左藥膳養生湯同椰子雞湯。2款湯底用料十足，藥膳湯仲有我最鍾意嘅圓肉，即刻滋補晒！呢度海鮮選擇都幾多: 鮑魚,廣島蠔, 帶子, 沙白, 脆鯇片等等, size 都唔細, 而且好新鮮, 啱晒海鮮控! 最特別係平時好罕有嘅黑毛肚同豬黃喉，起初我以為係豬嘅喉嚨， 問一問店員先知原來係大動脈血管，有豐富蛋白質，而且係四川火鍋必吃配料，一試發現質地好爽彈，即刻再reorder除左手機點單，出面仲有好多沙律， 小食，丸類，菜類，飲品，甜品，冰粉，最正係Haagen Dazs 雪糕都有得任食！！醫飽個肚發現仲有其他野玩，門口位置有一系列漢服可以扮皇帝扮宮女，十分過癮！另外，$298放題餐原來仲包埋可以book房打電動麻雀或者唱Ｋ，係免費免費免費架！可惜今次我只得2個人食, 唔夠腳打牌。如果幫襯$168放題，每人都只係加$60，唔止刷餐飽，仲玩餐飽。下次一於約齊腳再攻成。。。。。。…查看更多

以前喺大埔返工，間中會黎食佢嘅午餐。今日重遊舊地，心思思去食我嘅至愛軟殼蟹意粉可能係lunch時間，等左10分鐘先有位。店內環境舒適，因為成間舖full晒，所以好多大家傾計嘅雜音，都幾嘈講返lunch set，選擇算多，有約10個餐，我當然係揀我嘅至愛啦黑松露軟殼蟹意大利粉Lunch Set ($86)意粉一上枱已經聞到陣陣黑松露菇菌味，軟殼蟹份量亦恰到好處，炸得非常酥脆，咬落去有“咔”一聲，不過今次略嫌咸左少少。飲品我揀左凍檸蜜，不過不失。…查看更多

裝修簡約樸素，予人強烈休閒感覺。:)上次假日幫襯，排左半個鐘有多，今次閒日嚟，只等了數分鐘✌️💫下午茶套餐，精選包餅類加咖啡$65身為牛角包控嘅我，今次試朱古力麻糬牛角包，size比一般牛角包大，酥脆嘅包，配上流心朱古力醬，仲有份量恰到好處嘅煙韌麻糬，成件事配合得天衣無縫如果可以再熱少少，就更加錦上添花！好多人為左杯咖啡慕名而來，我今次飲嘅Latte都冇令我失望，飲到好rich嘅混合豆味，比起其他餐廳嘅Latte稍為濃d...飲完頓時有飽腹感…查看更多

首先，不得不提嘅係林記點心嘅營業時間，係由半夜三點到下午三點第一次下晝2點幾黎到，只剩少量點心，今次一於十一點幾就到。。。呢間位於街市上面嘅點心舖聽聞已有幾十年歷史大多數食客已是銀髮族。今次只係試食心態，2個人只叫左5款點心：1️⃣鮮蝦餃 $14 2️⃣乾蒸燒賣 $143️⃣馬拉糕 $9 4️⃣四寶雞扎 $155️⃣豉汁鳳爪 $14整體來說，同平時酒樓嘅點心確實味道有些不同，唔知係保留左傳統嘅製造方式或是其他原因，只可以說或者呢d就係叫古早味。但價錢比起酒樓差唔多平一半，茶錢只係$5，$6，今時今日真係好抵！…查看更多

聽講呢間幾好食，終於有機會黎試下舖頭唔算大，但用左木系裝修，感覺悠閒同幾舒服2點幾到，只有半滿，點知到3點幾已經全院滿座，果然有料到！同朋友share, 叫左5個配菜brunch set $178明太子鰻魚汁飯。。。一般，只有少量鰻魚汁甜酸椰菜花。。。怪怪的，不太夾蟹皇醬炒蛋。。。沒有蟹皇味黑椒燒牛舌。。。算ok西京燒比目魚(+$10)。。。魚很滑，5個之中最好食下午茶餐$88焦糖牛角包窩夫（配豆腐雪糕及芝麻奶蓋）熱烘烘的窩夫加上凍冰冰雪糕，冰火交融，好味茶餐加$9轉cappuccino 咭上有註明咖啡由多國咖啡豆製成，味道多層次，更有杏仁作小吃，讚德國班㦸配檸檬雪葩$88味道一般…查看更多

星期一晚，一行6人，大約7點去到餐廳，都有6-7成滿。搵左位之後出去俾錢，成人每位$139（食90分鐘），長者咭仲可以減$15食物俾我想像中多款式除左素食必有嘅各款蔬菜外，仲有比較新派嘅pizza, 三文魚sushi, 牛角包,朱古力酥。三文魚薄薄一塊，口感同真嘅都幾似，真係幾可亂真！而我覺得最有驚喜嘅係咕嚕豆腐估唔到豆腐都可以用咕嚕做法，廚師功藝果然了得。飲品可以揀檸水，洛神花茶同羅漢果茶，另外仲有幾款湯同糖水。眼闊肚窄嘅我，食左2-3 round都已經飽飽了雖然寫限時90分鐘，但我地都可以坐到9:30，滿足地離開。…查看更多

<母親節花膠嫩雞竹笙米線>因工作關係，今日嚟到荔枝角，唔夠一個鐘嘅lunch，黎個快閃三哥！原來為母親節推出限定米線，一於滋補一下😝，花膠嫩雞竹笙米線配酒香藥膳湯底，再加任何飲品$54。湯底真係充滿藥材味，頓時感覺好滋補！花膠數量算ok啦，都有2塊半（呢個價錢你都唔預佢俾好多），雞肉同竹笙都各有3-4件，不過雞肉就較“孩”身。整體就不過不失啦。。。…查看更多