ruby.wan的个人专页

唔係第一次黎呢度食LUNCH，開業短短半年都無，而且佢第一日開業都有光顧，由佢安排坐位混亂，到依家尚算有一點點條理，可能依家已經無咩人幫襯。今日，本來已經病病地，唔係幾講到野，估唔到唔止我講唔到野，連餐廳上菜既侍應姐姐都唔識叫"小心睇後" .... 就係咁 ... 我係個位度，背向所有野，只係想要幫手移一移枱上面既野方便上其他食物。我隻手唔係伸我好高，但佢就係咁，聲都唔聲係我背後淋左碗出緊煙既湯河落黎，由上衣到腳。幸而我無咩事，無淥得嚴重，而且我都可能有一點點責任，但最可惡既係對方既反應，佢就然唔係即時謂"唔好意思"，而係一開口就怪責我  好大既架子 ... 唔優做 ... 叻!!! 你地叻晒!!!見同事都繼續食緊，當時我都算，繼續食埋佢，下次唔再黎就算。點知 .... 係碗野入邊.... 食食下 .... 竟然有一條長頭髮 ..... !!!!真係火都黎!!!…查看更多

之前曾經係旺角店光顧過，記得他們的蟹餅很好味，但都已經是多年前的事了。表哥相約下午茶，因他有新年禮物給BB。我們約了到沙田下午茶，知道沙田店剛新開不久，立刻就想要到這裡，可惜到餐廳後，原來餐廳沒有BB凳，幸好有靠牆的長凳，總算可以暫時安置到阿女，下次還是要查清楚究竟餐廳有沒有小孩配套的好了。又是因為沒有查清楚就進餐廳的原故，原來是沒有下午茶，也沒有餐的，都要散叫。散叫都算，菜單上的"dishes"份量都很大，吃過後都不知何時可以吃晚餐了。因為表哥遲到的關係，我先點了飲品，就點了杯Fruit Punch。Fruit Punch比我在其他地方飲過的淡一點，而且很細一杯，按那個償錢，有點不值的感覺。叫了一SET三個的迷你漢堡，鵝肝三文治和意式芝士肉醬餡餅。味道都是一般般，至少沒有令我有驚喜，也沒有不好吃的感覺，只覺得物非所值。這次的光顧，將一直深深刻在腦中的美味蟹餅都一併刪除了。…查看更多

轉左公司之後，因為公司都有供應早餐既關係，一直無留意附近既早餐店，直至 ..... 公司因內容裝修既關係而暫停早餐 .... 發現到附近有呢一間表面平平無奇，但價位同食物都相宜既餐廳。沙嗲牛肉麵係我細個食既味道 杯奶茶 ... 真係一流另外亦有試過佢其他既早餐...豬扒麵，豬扒另上，唔會浸到成碗麵油淋淋，而且醃得好入味雞扒麵，大大件，唔油，正！佢有戶外同戶內既座位，方便要食煙既朋友。室內亦都有好多大枱。價格方面，比起外街既餐廳亦相對便宜。一句，抵食！…查看更多

早在數個月前，來到迎海這裏，在隔壁的屋子生活午餐的時候，經過醉翁亭時，已經打算下次再來瀛海就要吃他！ 醉翁亭餐牌非常吸引，湯底有好幾個選擇，亦有雞煲。 每位客人都會有一客專屬嘅食物，有牛頸脊，有刺身拼盤，有海鮮拼盤，有水餃皇，亦都有蠔汁扣鮑魚。除此之外，任食嘅餐單裏面亦都有好多好好嘅選擇。總之就夠你食得好滿足。 上次黎迎海，塔馬鐵烏溪沙站經天橋，唔使5分鐘就到達。今次揸車嚟，平日夜晚＄20 一個鐘，黎食晚餐，當然有免費泊車啦！ 無論係搭港鐵，抑或揸車黎亦都非常方便，停車場就係商場嘅樓下，車位亦都非常充裕。 今次同老公仲有阿女一齊來，餐廳安排左一張BB櫈俾阿囡，非常窩心。有好多餐廳根本連BB都唔歡迎，而呢一度醉翁亭竟然有BB櫈嘅安排。不過，可能太多小朋友都座過嘅關係，條安全帶已經鬆晒，如果下次再帶阿囡嚟嘅時候，或者應該要預先準備一條私家安全帶比較穩陣。 醉翁亭既服務員相當友善，當下女喺度望住我地食嘢而佢無得食嘅時候，阿女係個位度慘叫，服務員都冇用歧視嘅眼神望住佢，反而喺度幫手氹阿女。 除咗每人有呀分嘅食物，任點嘅打邊爐配菜，無限供應嘅飲品之外，仲有一列2行項 嘅熟食小食喺飲品櫃嘅隔離。 話說回來，贈送果一客牛頸脊真係美味無窮，只需稍為淥一淥就可以食，入口即溶。 水餃皇，大過阿女既拳頭，餡料豐富，隻蝦仲好新鮮好大隻。 刺身拼盤亦都有返咁上下水準，真係唔hea 海鮮拼盤嘅海鮮非常新鮮，咁嘅價錢淨係食啱啱講嗰幾樣野都已經值回票價。 係呀！唔記得介紹我哋叫咗冬瓜瑤柱鍋，一梳梳既瑤柱係鍋底，冬瓜亦吸收晒所有精華，好味到不得了。 門口 門口 正門 內裡環境，有卡位 有BB凳，但安全帶好鬆，自備一條比較安全 餐牌，湯底及贈送食物 餐牌，點菜單 餐牌，湯底 餐牌，加$$食品 醬料盤，一應俱全 醬料 "足料" 冬瓜瑤柱鍋 熟食餐盤 蠔皇扣鮑魚(贈送) 海鮮併盤(贈送) 醉翁亭極級牛頸內脊 (贈送) 至尊水餃皇 (贈送) 刺身併盤 (贈送) 其他配料 (自選，任食) 其他配料 (自選，任食)…查看更多

朋友生日，來自5湖4海的我們都選擇了大家的中心點 - 旺角 慶祝其中一位媽媽級的生。因為佢帶埋2歲多既小兒子來，所以我地訂枱時都講明左，而餐廳則安排左最份既一個角落俾我地。位置尚可，略厭有小朋友的話，BB車都無位放。雖然餐廳有小朋友既加高墊，但小朋友又點會甘心成餐飯坐係度睇你班大人食飯丫雖然坐角落係唔會騷擾到其他食客，但係正廚房出口位，真係要萬二分小心。我地當然係share食，咁先可以食到多啲架嘛烤雞三文魚沙律（大）：份量大，足夠我地4個大人每人食2次南瓜帶子意大利飯：南瓜入晒味，意大利飯煮得軟硬適中原隻龍蝦龍蝦汁蟹籽蝦子麵：估唔到真係原隻連殼龍蝦上碟，麵底美味，再來的話，一定要encore 墨汁大蝦意粉：少有食墨魚汁的食品，今次一試，再三回味紫薯吉士法國西多士伴雪糕：紫薯是甜品界新寵，配吉士 法國西多士，加埋一球雲呢拿雪糕，完美結束左呢一個豐富既晚餐。總括，香港親子餐廳真的沒有太多選擇，呢間有小朋友座椅已經係非常好既一點。菜色方面，色香味美，可以再來一試。…查看更多

老公揸車返工既一早，經過觀塘，早上既時間無需要等位，泊左架車係附近就入去食個快早餐。今朝突然好想食豬扒，見到餐牌上邊有豬扒 米線、米粉同通粉，就揀左米粉。湯底有standard，亦都有特別味，難得出黎食早餐，梗係揀個特別架啦！冬陰公湯底，老公就揀左雞翼番茄湯底。飲品原來無包，全部另計。建議下次唔係特別口渴都唔駛叫，飲水慳返啲。好快就上菜，勁大塊豬扒，又厚肉又淋，正呀！雞翼入味，但未至於「骨肉分離」。冬陰公同番茄湯底都相當濃，係濃湯，好味！下次要試下佢既招牌三明治先得。…查看更多

話說細佬係附近住，亦都幫襯左呢間임치킨好一段時間，佢話老闆係真。韓國人，咁岩今日經過紅磡，所以就幫襯左。學過幾個月韓文既我，俾老公派遣出去叫「雞」。點知 ..... 原來早既時間會有個part time係香港人，識講廣東話 不過落單都搞左我幾分鐘，因為太多選擇喇首先係款式，其次係味道，再之後就係size。款式都有好多，有單點，雙併，又有combo box，花多眼亂。佢地既炸雞都係即叫即做，正最後，我點左一盒炸雞塊同一個小既韓式年糕，等左10分鐘左右就搞掂，即刻返上車同老公分享。先食左辣雞塊，頭幾件都唔覺辣，但點個越食越辣不過爽呀再食蜜糖味，又唔會甜到漏，味道岩岩好食埋個年糕，有星星同心心造型，炸既韓式年糕，別有一番風味下次再經過，一定要再點其他味道，尤其佢隻芝士味 …查看更多

搬入馬鞍山已經一段時間，人人都話馬鞍山係美食沙漠，其實又未至於既 .... 只係屋苑多，人多，令人覺得「無啖好食」。馬鞍山既小店有好多，特式餐館都有不少。今次終於黎到呢一間想去嘅其中一間餐廳 - 屋子生活。屋子生活位於烏溪沙一個新型私人屋苑，喺馬鐵溪沙站落車，就可以經過屋苑嘅天橋行到商場，極之方便！可能係入伙無幾耐，喺餐廳門口嘅空地仲有好多地產經紀招攬生意。屋子生活就係位於地下其中鋪位，亦都商場一眼就會見到。講返今次餐廳嘅體驗，我同老公仲有BB一齊嚟到呢間餐廳打算食午餐，可能時間仲早，兩家人排緊隊等位。有好多家長都有推BB車一齊喺度排隊等位，我哋大概等左20分鐘就可以入座。餐牌方面，以學生嘅練習簿為樣式，很特別！可惜可能已經開業一段時間，餐牌已經變得溶溶爛爛。除咗餐牌上面嘅食物，旁邊水吧位有幾塊黑板，寫上別推介嘅食物。餐牌上面嘅餐單應該係鋪頭入面嘅人寫上去，字體有待改善。其實食一餐嘅時間唔會好耐，但係會唔會去到一啲餐廳見到佢哋嘅餐牌上面寫住限時，就會覺得好催逼咁 .... 亦都會反問鋪頭上餐嘅時間要幾耐。呢一餐其實我哋需要嘅時間只係九個字就完成，但係睇到餐牌上面寫住限時90分鐘，就會覺得好逼迫。老公點咗緊啲黑豚定食，上菜嘅時候感覺好精緻，可能係因為佢啲餐具嘅關係。賣相有90分，食落嘅味道有70分，價錢方面就係60分。我點左溫泉玉子牛肉定食，賣商有60分，味道都有90分，價錢方面70分。今次我哋帶埋BB架車一齊嚟到呢間餐廳進食，可以枱之間嘅通道尚可，我哋架BB車都可以泊係枱嘅側面，等BB可以一齊用餐。總括來講，周末休閑一家大細去嘅話，你間餐廳都可以值得推薦！…查看更多

間唔中出街食下野，都係一件賞心悅目既事。今次去左馬鞍山既茶木食下午茶。無食午餐，直接食下午茶，所以叫左一份重量級既餐 C2 炸雞排肉燥飯 加多杯珍珠奶茶。呢個餐$52，再加一。下午茶黎講都貴架！但如果當午餐既話，價錢都差不多。珍珠奶茶好快就到，之後等多一陣份炸雞排肉燥飯都黎埋。不錯！不錯！有青瓜粒拌飯，清爽清新，但另外既梅菜（？！）就鹹左少少。滷蛋同肉燥都做得好正宗。炸雞排唔肥膩，但略嫌炸皮比較鬆散，一叉就甩出黎。珍珠奶茶比樓下間天仁好味，好有茶香，珍珠亦好Q彈。湊住個女食野真係唔容易，想歎耐啲都難。下次試下早少少試埋佢個午餐先得。…查看更多

同姊妹食完晚飯，意猶未盡之下，我地由油麻地行左去旺角朗豪坊繼續食好西久未「出城」既我，去到朗豪坊，好似發現新大陸一樣，有好多餐廳已經轉左。本來想食awfully，但去到已經太夜，差不多11點，awfully已經落閘。唯有轉身去對面既 i Cremeria。好少女，好elegant，好fancy 睇到餐牌，睇埋廚櫃，好吸引呀可惜我真係好飽，唯有食最基本最基本既 宇治抹茶杯。（下次我一定會食佢既芭菲）杯底墊有 有機玄米，好好味，卜卜脆抹茶雪糕香軟幼滑，而且大大杯下次我要食芭菲，同埋cake先得又或者high個 elegant tea都好…查看更多

因為有BB，生完之後要餵母乳既關係，至少有一年嘅時間都冇試過同姊妹一齊出嚟食飯。BB終於過咗四個月，終於可以放鬆一下，搵返班姊妹出黎「放監」，打我最鍾意嘅邊爐遲咗放工，好彩地點唔難搵，油麻地站A1出口，行10分鐘就到。黎到喜鍋，雖然鋪頭細細，魚缸又係門口，但環境算乾淨企理，唔會一地水。先係選鍋底，係唔係我太耐無「出城」呢？個個都好吸引最後揀左個「女士恩物」 - 花膠鯊魚骨膠原鍋，仲跟埋泡飯。起初睇相，以為泡飯係飯焦，但黎到一睇，原來係炸左既飯粒，好特別！脆口野我最讚成！舖頭哥哥介紹係要用未「汆汆」下之前既湯底滾起後，加落泡飯度一齊食，但我口痕，乾食左幾粒，一啲都唔油，又脆脆，好似食緊早餐果啲可可米咁鍋底又真係有花膠，鯊魚骨，仲有雞腳同豬骨淆製。即時感覺好養顏我地叫左刺身，章紅魚。坐係門口魚缸旁既我地，睇住落單後，即時係魚缸錨起活躍生猛既章紅魚。上枱後，魚肉晶瑩剔透，條魚仲震震下，有啲得人驚配料未到，食住餐前小食先。墨魚油炸鬼，墨魚肉爽，油炸鬼脆，仲有粒粒蟹籽係面。比起之前曾經食過，要淥黎食既，別有一番風味。配料到，仲叫左至尊本地手切牛頸，放落鍋3秒。嘩！不得了，入口即溶真係想大叫「好好味呀 ～～～」（原諒我「放監」後食好西既浮誇，但堅係入口即溶！）至於佢地秘製既芝士墨魚丸，最初不太寄與厚望 (是我的壞習慣，不看好推薦食物)，但食落又真係名不虛傳。墨丸爽滑彈牙，芝士唔係好水果隻，所以唔會辣到咀，但芝士味濃。反而芝士竹輪就一般水準。鮮淮山，爽口！仲有一絲絲連住，真正既 "鮮淮山"！！自家製響鈴一D都唔油，我自己喜歡林一點，5秒，岩岩好。正所謂3個女人一個墟，邊食邊講，7點食到10點幾，搞到好似十年無見咁。哈哈不知不覺間，已經食到飽到上心口。好豐盛既一餐，最緊要係每樣材料都好新鮮，物有所值。…查看更多

掛念港式扒房風味，每次都會黎到太子呢間「第尾牛扒」。今晚放工，又再想念呢種港式風味。幾好既牛扒，幾靚既環境，幾貴既餐牌，都難以同港式扒房相比。黎到呢度，梗係食佢地既「好味道晚餐」餐牌上既套餐。有湯、餐包、扒、同餐飲，一個餐都唔駛一百蚊，整個餐牌最貴個餐，一百蚊有找。上次黎食左雜扒，今次回歸起點，食西冷扒點左羅宋湯，黑椒汁西冷牛扒，同熱檸水，樣樣都港味十足呢度既羅宋湯，係屋企整無限次都整唔到佢既味道真係獨一無二西冷扒要7成熟，但仍然好軟滑，充滿牛既味道伴碟有薯菜，真係絕配…查看更多

心思思，放工同老公2個人去左食酸辣粉。唔食得太辣既我，次次都只係會食少辣。長情既我更加每次都只會揀食口水雞唔知係唔係我太耐無黎，今次竟然有加大既口水雞餐，梗係一定要叫啦！以往例牌都食到到喉唔到肺，今次加大左，份量岩岩好可能雞既份量大左，亦都多左肉食，無以前咁「骨參參」…查看更多

周末同男友去搵食，今次嚟到太子。由太子地鐵站D出口，靠右手邊大直路一直行大概三分鐘，向左手邊就會見到一間睇起上嚟古色古香嘅小店。近日天氣涼左，而周末呢條街都比較靜，見到有些食客都坐左係店嘅外邊。店舖入面嘅座位本身都比較少同狹窄，咁岩今日我哋坐喺店入面嘅一張四人枱，同後面枱嘅人背脊對背脊。餐牌上面嘅食物都比較少選擇，但飲品就有好多，有咖啡、朱古力、雞尾酒……店嘅外表裝修得好中式，但餐牌裏面嘅食物都係西式。好快咁點左我哋想要嘅食物同埋飲品，咖啡先上，然後就係意大利飯，全日早餐就係我哋食完意大利粉之後先至嚟，好似比較耐咗少少…… 因為店內地方狹窄，好快食完之後就埋單走。我哋環觀呢條街嘅四周，都唔見有同類型嘅餐廳。總結一句，食呢類型嘅食物，都係想要一個比較休閑又坐得舒服嘅環境………查看更多

今日去做完運動，想食啲清淡輕怡既食物，所以嚟咗Oliver's Super Sandwiches。好耐冇黎啦！原來依家點完餐會有一部機仔，將部機仔放返係枱上面個貼紙度，當食物準備好嘅時候，工作人員就會知道送去邊張枱，好神奇！一如以往，Oliver's既焗薯水準仍然非常好！吞拿魚嘅份量同焗薯差不多一比一，伴碟嘅凱撒沙律仍然係新鮮爽脆。男友點左公司三文治，工作人員送上來嘅時候，佢比三文治嘅份量嚇親。哈哈！Oliver's既三文治份量多到連一個肥佬都驚食唔晒。唯一有啲失望嘅係佢嘅周打魚湯，可能有啲草菇嘅關係，有我最唔鍾意嘅草青味，所以飲左一啖之後，成杯都比曬我男朋友飲。…查看更多