pigdin的个人专页

🩵 Bottle and Steak @thebottleandsteak | 灣仔前幾日見到呢間餐廳做緊試業，做緊$98一個lunch，決定試一試佢我地叫左一份牛扒，一份油封鴨髀；加左一杯 house beer！一邊等一邊滿心期待，呢個時勢有$98一個lunch究竟會係咩質素呢？唔知會唔會係我大驚小怪，但我食港式扒房都要$120，$98真係好高興。一黎到，我地見到好大份：一份沙律菜、一份粗薯條、一份意式白麵包，再一份肉～ 本身我會覺得個麵包有啲多，但見到麵包熱辣辣，香草香清新，反而覺得好夾！講番件牛扒，牛扒比較細塊，但切開有肉汁，粉紅色，medium rare，煎得好好！兩邊有燒烤香，感覺個爐夠火候，封好肉汁，胡椒入味，好食！鴨髀本身以為比較乾身，但點知拆開少少，感覺成塊髀都好入味，偏咸，肉質剛好，夾麵包真係好好食！兩個餐佢亦配左一個gravy 醬，同肉都好夾～我地一邊食依然係一邊驚嘆點解做到呢個價錢～佢一至五晚餐仲有個任食牛扒嘅menu，好想試！餐廳嘅啤酒款式同酒款都好多，雪櫃好多野款imported beer，可以慢慢揀～ tap方面，我地去到有佢嘅house beer同 black kite，幾好～店面就似快餐店，但好舒服～二樓有環迴立體聲嘅喇叭，有feel嘅！佢除了灣仔之外仲有西環店，唔知有幾出名，但幾有趣，同大家推介下！THE BOTTLE & STEAK網上訂座即賺Rice Dollars 網址: https://s.openrice.com/QrbS06bOD00~uZ5MGAA地址: 灣仔廈門街29號廈門樓地舖電話: 52419896=====================#灣仔 #廈門街 #牛扒 #午餐 #灣仔美食 #灣仔午餐推介 #啤酒 #啤啤 #hkfood #wanchaifood #hkgirl #hkig #foodie #hkfoodie #hksteak …查看更多

🧪壺 ｜灣仔之前聽朋友介紹灣仔同尖沙咀都開左嘅人氣茶飲店，佢哋話個茶好出色之餘，個啫喱亦都好飲，特意推介～覺得店舖都幾有台灣風格，店員仲會重點推介茶飲，幾好！原來店員話佢係台灣研發，所以重點推介茶品～ 我自己幾鍾意台灣嘅紅茶！🧋熟成紅茶 配豆漿凍豆漿凍第一次聽！份量超多，有成大半杯！食落有啲似豆花，加落茶飲好滿足！我果杯減左糖，飲落先覺得佢本身應該都唔係好甜🤣紅茶好飲，唔會有茶澀味，但又自然啲，唔係只係糖水～🧋壺桃花紅茶凍奶茶 配桃花紅茶凍因為太想試佢個茶凍，於是再加碼🤣 我自己都幾中意呢個配搭，本身擔心個味會撞，但係其實個奶茶入口好香，茶凍反而加強咗茶味，更加好飲！幾適合行街同埋食飯之前開心下🫶🏼#灣仔美食 #灣仔茶飲 #手搖飲料 #壺 #potionhousehk #potionhouse #hkgirl #hkfoodie #hkig …查看更多

朋友介紹之後一星期黎左2-3次，超推介西餐生酮menu，大愛！低碳食得健康，開心又好食！極推介🍝 明太子蟹肉意粉人氣no. 1 ，枱枱都有叫，個個朋友食過都認同最好食！超creamy嘅忌廉醬，蟹肉份量超多，明太子味道亦好新鮮！🍝 卡邦尼意粉傳統手法，蛋味濃郁，份量剛好唔會太dry，但煙肉先係重點，因為佢嘅煙肉係自己煙薰，超香口好好食～每一舊都令油香留係口腔迴遊，好正🧆封門柳配牛油果封門柳嘅肉味好強，佢份肉已經rest左，食嘅時候肉汁已鎖起，餐廳會再切埋一片片，溫度少少唔係好夠，但烤邊好香～加埋沙律同牛油果配合，好滿足！🥓 蜜糖五花腩配烤菠蘿五花腩超邪惡，豬腩肉同肥肉分佈都均勻，但極香口同有焦糖烤邊！比叉燒極肥美，餐廳有大火烤香，迫出油份，出爐後個溫度同香氣都係天花板！烤菠蘿都有焦糖味，烤完微酸，中和油膩感，非常正！從口感到平衡到味道，都感到係用心之作～🍗小食拼盤、the site 烤雞呢兩份比較普通，雖然價錢相宜，但炸物就有待改善～可能原因係餐廳主打西餐，第一次比較少枱會叫酒，所以亦比較少會叫小食～不過多人聚會嘅時候，我就忍唔住研究點樣加餸🤣🍮 巴斯克蛋糕我地分別叫左一份原味、開心果同埋生酮版巴斯克蛋糕，非常好食！佢接近流心嘅芝士內涵，好正，亦好適合一齊分食！另外我地亦試過焦糖布甸、提拉米蘇，但就比較普通～餐廳用心製作，食物素質中上，氣氛一流，經常爆滿同餐點賣晒，要食就要早啲book位！好味好推介！❣️…查看更多

🥩 Le Moment | 中環 冬至晚飯反其道而行，去了扒房撐枱腳！大火烤香再封肉汁嘅厚切牛扒，加上嫩滑入味嘅羊扒，永遠不會令人失望！配菜是燉大蔥同千層薯仔 🥔 好味道套餐有我最喜歡嘅蕃茄湯，粒粒蕃茄加芝士流，creamy但有口感～蜜糖walnut加羅馬生菜～兩者都是好正嘅前菜！當日佢有極生猛嘅青口，好鮮甜～ 我地另外加左烤芝士同埋烤鵝肝～紅酒方面，老細Bob介紹了意大利北西西里島嘅紅酒，入口層次分明～雖然Bob老外形象分明，對食物要求痴線地高，而且風趣幽默，用餐同享受體驗都好正，不過突然聽到佢講流利廣東話好有反差！每人消費：$1,000😂🫰🏼#中環美食 #中環黃店 #黃店扒房 #扒房 #特色餐廳 #牛扒 #羊扒 #烤芝士 #紅酒 #hkfoodie #hkfood #hkig #hksteak #steakdinner #hkredwine #lemoment #lambchops #greatfood …查看更多

🐄牛川日本和牛專門店🐄銅鑼灣🐄日式燒肉Blue Monday約咗一個同樣喺銅鑼灣放工嘅朋友去食呢個和牛放題😎 餐廳除咗和牛燒肉之外，仲有刺身、串燒、海鮮等等，其實個格局有啲似坊間普通放題嘅，不過餐廳主打和牛，一塊塊和牛你可以自己燒🔥先推介唔洗燒直接食嘅小食刺身：🍣 刺身三文魚、希靈魚同帶子都好出色，三文魚好甜；希靈魚好爽口🦪焗蠔，呢個相對上就冇咁出色，調味料味道蓋過咗原本海鮮嘅鮮味；會比較推介燒生蠔！🔥燒海鮮方面：🦪燒生蠔係唔錯嘅，燒完之後仲會食得出生蠔嘅鮮味，但同時冇海水味，真係唔錯👍🏻🐚 帶子好鮮味，燒完之後牛油味好香餐廳主打嘅和牛質素令人期待，咁每人五百幾蚊食和牛放題質素你唔可以要求太高，不過有水準！餐廳有分兩種和牛去燒🥩：一種就係普通揀牛嘅唔同部位去燒，例如千本根、後腰肉等，油脂平均，鮮味同肉味平衡🥩 另一種牛肉就加上一層燒汁喺上面，個重點放係醬汁，就唔係牛肉始終有啲香港人食物要求上都比較濃味，咁鋪上一層燒汁就會滿足到嗰類型顧客嘅要求，保持燒汁味道同牛肉本身嘅鮮味👍🏻整體黎講，選擇都幾多，親民價錢！牛川日本和牛專門店=====================#牛川 #和牛放題 #放題 #慶祝 #解放 #海鮮拼盤 #和牛拼盤 #和牛 #牛肉放題 #牛魔王 #牛肉 #稀有千本根 #後腰肉 #牛肩梅花 #銅鑼灣美食 #銅鑼灣 #銅鑼灣好去處 …查看更多

🌿Apinara🌿金鐘🌿泰菜🌿Happy Friday 接朋友放工，所以去左金鐘搵間好食嘅餐廳撐枱腳～金鐘餐廳唔係好親民，今次就揀咗呢間classy嘅泰國餐廳～我自己就覺得真係有above average嘅食物同服務！🥙 泰式東北小食拼盤我自己幾中意東北泰菜，因為口味更重口，大咸大辣，同埋更多街頭小食～今次小食拼盤有豬肉丸、肉腸、肉碎沙律，香脆泰式香葉同埋茄子，好有風味！將小食配以生菜同娃娃菜，味道剛好而清爽！肉腸同扎肉相似，香葉更搶味，而豬肉丸亦更粉狀，口感有趣！🐚 泰式椰子蜆煲清甜嘅椰子蜆煲有驚喜！酸酸甜甜嘅湯好飲、配上大蜆鮮甜好味！椰子都好香甜，我有特登配以一口椰子一口蜆，都好夾！🍜 泰式和牛船麵湯頭超濃，係以豬骨、牛骨、雞腳去熬煮出湯頭～船麵嘅配料份量都好多，牛肉片、滷水牛𦟌、牛肉丸，豬皮，真係大滿足！牛𦟌都好大片好入味，牛肉比較實心，朋友就中意彈牙多啲～🥭 芒果糯米飯 配椰奶芒果大大塊鮮甜！朋友想食好耐，終於可以滿足下呢個癮！我幾中意個糯米飯有米脆脆，口感好正！🍸 我地仲叫左杯 Apinara Cocktail，是Whisky底配菠蘿、蘋果、檸檬汁！同埋一杯OOTD，是茶底Gin and Tonic，清爽入口，舒服！🥂同朋友聚會一流！…查看更多

🔅五感日常🔅中環🔅健康晚餐🔅同朋友相約一齊減肥，同埋想保持健康生活，咁啱同事介紹呢一間係中環擺花街嘅「五感日常」，係以蒟蒻食品做專門店，超吸引！我平時 #keto，所以食呢間完全係無負擔，食得好開心！🍛 香辣和牛炒蒟蒻飯 $48飯粒爽身，一粒粒好好味，佢唔會有炒雞蛋，不過好多配料，有牛肉啦、菇、蘿蔔，有韓味～唔會好辣，近甜辣多啲！口感幾好，唔會覺得食緊飯嘅替代品🍜 烤豬頸肉蒟蒻麵配椰子螺頭雞湯 $68朋友試個湯麵，個蒟蒻質感更加重，但係以湯頭配搭，螺頭雞湯好好飲，夠味！店員仲好友善咁問我地夠唔夠味，話佢地同唔同顧客調節緊個湯頭，好用心收集緊意見～個烤豬頸肉好值得一試，脆邊而且香口，比一般少油膩感，亦都好夠味！🍲 每日新鮮煲椰子雞湯 $38朋友見我大讚湯頭甜，就叫多咗碗湯試試～ 超多料！椰子香味、雞味都好濃，好新鮮，以38蚊一碗好抵飲！湯入面嘅雞都好嫩，好好食～🍗 自家花雕醉雞卷 $48我地再叫左個小食share～雞卷好入味，但酒味唔出～ 但無出面餐廳果啲油膩感，肉質鮮甜，卷中間仲有杞子，繼續提升健康感！🥗 素食油揚蒟蒻卷拼沙律 $42素食嘅朋友唔可以錯過，油揚蒟蒻卷幾開胃，配上沙律好清新好light! 整體而言，我覺得餐廳好用心咁present蒟蒻食品，的確係好有特色嘅！同埋好符合diet要求，食得無負擔，好開心！#ketofriendly同埋我覺得價錢都好相宜，店員話老細有心推廣，所以都有做親民價錢，好開心！平日食晏外賣都可以考慮！五感日常 網址: https://s.openrice.com/QrbS0Hr8C00~uZ5MGAA地址: 中環擺花街1-7號1號廣場地下9號舖電話: 57419488=====================#蒟蒻 #OL日常 #中環 #中環美食 #中環好去處 #上環美食 #健康飲食 #減肥餐 #沙律 #hkfoodie #hkgirl #hongkong #hongkongrestaurants #centralrestaurant #中環食乜好 #蒟蒻麵 #醉雞卷 #蒟蒻卷…查看更多

🔅MURA🔅尖沙咀🔅清酒吧🔅呢間係尖沙咀山林道附近，是大坑角川姊妹店，主攻專業飲Sake 清酒，配上日本料理，極推介！我地一去到，餐廳先上沙律開胃，由三文魚籽帶子wasabi沙律，再逐一詢問喜愛sake口味～我地一行六人，二人中意甜度較高，二人中意辛口同米味重，一人中意果酒，一人大概咩都飲，餐廳都有推介，哥哥又專業又詳細咁解答我地對sake的所有問題，好舒服嘅體驗～一開始餐廳先俾我哋試四杯，測試下大家選擇，然後就根據喜好，再推介正野俾我地續杯～🍶 燕子花 純米大吟釀🍶 松之壽 純米吟釀 夏之酒🍶 水府自慢 10號 純米大吟釀 （本人全晚最喜歡）🍶 光榮菊 無濾過生原酒🍶 新潟 村祐生酒🍶 陣屋大吟釀（平衡之選）辛口推介有：🍶 日高見 山田錦の母親 山田穗 純米 （推介！入口更舒服）🍶 日高見 純米酒 短稈渡船🍶 長珍酒造出的令和5BY由於我哋每人對清酒嘅口味不同，所以我哋逐杯叫，每杯80-100左右，價錢合理～ 如果開一枝，就8杯計不得不推介佢嘅料理，極高質！我地試左：慢煮紫蘇雞肉、味噌牛小腸、味噌牛仔骨、鱈魚乾、炸番薯片、唐揚雞軟骨、牛蒡、青椒仔、；後來因為試過蘿蔔真係好好食，再加點關東煮🤍 基本上喺店長調理一行揀，都非常好食真係極度推介牛仔骨，同埋紫蘇雞肉，每啖好食入味，我哋後來encore左牛仔骨，不過好似無黎到（醉醉地唔記得😂）炸番薯片亦都有驚喜，每一片都脆口！氣氛一流，品酒師專業又善良，而且店內位置唔多於10人，感覺非常cozy and sweet！非常推介🤍🍶Sake Bar MURA 網址: https://s.openrice.com/QrbS0Dc8B00~uZ5MGAA地址: 尖沙咀柯士甸路15號金巴利大廈B座地下D號舖電話: 37976146=====================#清酒 #黃店 #良心小店 #清酒🍶 #清酒吧 #清酒文化 #清酒香港 #sakebar #sakebarhongkong #角川 #純米大吟醸 #果香 #米香 #辛口 #清酒品嚐 #特別餐廳 #推介美食 @sakebarmura…查看更多

🤍 大班樓 🤍 中環🔅 山楂梅子脆皮豬尾🔅 荔甫鴨盒🔅 炭火厚切叉燒🦀 雞油花雕蒸花蟹配陳村粉🐐 避風塘蒜香羊肋骨🪿 樟木煙熏黑腳鵝🥬 豬皮櫻花蝦燉時菜🍲 蟹肉鮮蝦蝦乾蝦醬炒飯🍰 甜品三味：杏仁茶、冬瓜餅、桂花糕🤍 依家最愛個花蟹，啖啖鮮甜，但覺得陳村粉如果唔係摺疊得太厲害會更加入味🤍個煙燻鵝超級smoky，超級好食，上下髀當然係最好食🤍羊肋骨有少少油膩，但係非常入味脆口，入口絕不蘇，極度香口！對於鍾意食羊嘅人嚟講不能錯過！梅子豬尾有驚喜，口感有肉有骨膠原，脆皮，食完好開胃～ 炭火叉燒肥瘦均勻，肥肉入口即溶，脆邊！男友對蝦敏感，所以個菜我哋另上咗櫻花蝦，反而喺個炒飯度加埋櫻花蝦一齊食，真係極度奢侈～炒飯係一半配料一半飯粒，粒粒仲要晶瑩剔透，材料好豐富！時菜個菜尾係削咗，每條菜心爽口，見到落晒功夫！加埋個湯底配上豬皮、蘑菇、同櫻花蝦，好鮮甜2023年booking已滿，之後會再排隊book下！$980一位，一年一次已是非常奢侈～拎黎孝順父母就差唔多☺️大班樓 網址: https://s.openrice.com/QrbS0zMA5W0~uZ5MGAA地址: 中環威靈頓街198號The Wellington3樓電話: 25552202=====================…查看更多

🤍The Right Place 🤍尖沙咀🤍酒吧餐廳🤍朋友失戀，一班friend 嘻嘻哈哈一齊散下心，今次揀左呢間好多foodie推介嘅餐廳，主打無味精嘅酒吧小食，去到先知佢sell香港情懷，聽極多#失戀情歌 ，超有feel！老闆咁啱係店內，同我地介紹重點都為 the right place at the right time with the right people，希望我地放鬆同朋友傾計休息，一齊享受呢個以香港做主題嘅環境，我地都覺得老細超friendly，傾左好耐～我地8點前入座有happy hour，朋友失戀梗係由酒精醫治🥲 我地叫左一杯 #merlot 紅酒、兩杯 #riesling、兩杯啤酒，同埋一杯周星星同學會～ 周星星同學會，係由荔枝為主嘅方式去呈現最有趣嘅mocktail，個名亦都係以周同學為主題～ 食物方面，我哋叫咗好多菜式一齊分享～🫔 避風塘魷魚鬚呢個係佢香港系列嘅一款，由避風塘脆脆炸成嘅魷魚鬚，惹味又開胃～味道方面唔會太咸，口感為主，亦唔會食完好口渴～佢上菜嘅速度超快，幾乎唔洗等～🫔 吞拿魚他他配蛋黃及多士另一道超開胃嘅小菜，吞拿魚好新鮮又大粒，配上少少洋蔥同蛋黃撈勻，好好食，同好滑！朋友食完失戀都無咁痛🥲 講講下個playlist仲要hit中，超情感流露sad #失戀語錄 #失戀必聽 🍝 澳洲牛面頰肉醬溫泉蛋意大利粉我地亦叫左個溫泉蛋意粉，本身期望不高，但牛面頰肉肉香更強，油脂香亦都重味啲，整個意大利粉嘅牛肉味就香濃好多，加上蛋黃醬令到意粉creamy，口感亦好好～ 最後幾啖肉醬亦好好食～🐚 白酒香草炒蜆呢個其實係小菜，都係開胃小食，有白酒好濃嘅醬汁煮大蜆，三人分每人4-5隻，都幾多！🍟 黑松露薯條一邊飲happy hour嘅酒一邊傾計，當然要叫個薯條分享～ 呢個薯條有黑松露碎片加埋芝士碎，風味十足，好raw，反而仲有質感🍰 朱古力心太軟配雪糕朱古力心太軟流心，配上雲呢拿雪糕，甜度剛好，亦有少少水果配搭，好合適幾人分食！🍰 西班牙Churros 配雪糕失戀除咗聽失戀情歌之外，當然要食甜品啦，呢一個炸churros完全滿足左內心空虛，一碟有6條，加埋雪糕，一啖有兩種享受～同老細傾開先知餐廳經營左6、7年，見到大家都係三五知己傾計，有時溫馨有時激動，香港人都辛苦了，係時候食好西慰勞下自己🥲The Right Place (寶勒巷)地址: 尖沙咀寶勒巷17-19號地舖電話: 23117212=====================#特色餐廳 #酒吧 #酒吧推薦 #西餐廳 #環境舒服 #k歌之王 #失恋 #失戀 #餐廳推薦 #尖沙咀 #尖沙咀美食 #尖沙咀好去處 #尖沙咀酒吧 #hkfoodie #hkgirl #hkig #開心❤️ #失戀去唱k …查看更多

🔅蝦麵店🔅灣仔🔅星馬菜🔅同男友去食個快飯，但男友蝦敏感，係蝦麵店估唔到都幾多選擇！我地叫左一個炸雞髀椰漿飯，同埋一個黑豉油無骨雞飯～椰漿飯超有味，好香口，雞髀肉質亦好好食，加上花生同辣醬，好惹味！不過我就覺得隻滷水雞蛋咸咗啲，麻麻地～無骨雞飯就好有驚喜，雞肉好滑，甜豉油都好好食，唔會太大碗，一人份量岩岩好！上次亦都叫咗肉骨茶，超好食！排骨炆得好稔身、入味！蝦麵店 網址: https://s.openrice.com/QrbS0qmWC00~uZ5MGAA地址: 灣仔蘭杜街2號麗都大廈地下3號舖=====================#蝦麵店 #椰漿飯 #炸雞脾 #無骨雞飯 #星馬菜 #灣仔美食 #灣仔黃店 #灣仔好去處…查看更多

🔅Little Cove Espresso 🔅堅尼地城🔅Cafe🔅話說想去看海，如何一次話感受兩樣海邊風景，就係去堅尼地城果間西貢好出名嘅cafe，一次過回味兩種香港😂🤍！堅尼地城嘅little cove更近海邊，menu類近但唔完全一樣～之前聽說佢無西貢分店咁好食，試完之後我認為並不是，都是同樣推介！🧆 Slow Cooked Lamb我地好中意西貢果烤羊，但呢個係變奏版～羊肉炆軟，偏淡，無烤香，酸酸甜甜，羊肉配上烤長柄西蘭花，偏向似熱沙律，最點精係石榴粒粒，同青豆粒粒（完全無青味）配搭下個羊再鮮味啲！我覺得西貢果款出眾啲，但呢個都唔錯！🍳Beef Benedict 牛肉班尼廸呢個好出色！Sourdough上有牛油果、炆牛肉、poached egg，芫荽，最愛茴香籽，香料味重，旁邊配荷蘭醬異常地夾，又符合Benedict想像，好好食！poached egg偏熟，反而更舒服～ 咖啡我地叫左dirty同埋almond milk flat white，轉almond milk唔洗加錢覺得感動～Little Cove Espresso 網址: https://s.openrice.com/QrbS0DBOB00~uZ5MGAA地址: 西環堅尼地城新海旁3-5號五福大廈地下3號舖電話: 67376242=====================#cafe #cafehk #cafe黃店 #cafehoppinghk #堅尼地城美食 #堅尼地城 #堅尼地城黃店 #港島cafe #hkfoodie #hkgirl #almondmilk #slowcookedlamb #beefbenedict #dirty #cafesinhongkong #hongkong …查看更多

🥩和牛燒肉一郎🥩銅鑼灣🥩和牛盛宴～～～ 同朋友慶祝考完試，就book左銅鑼灣的燒肉放題，特登餓左一個lunch，去準備開大餐！我同朋友叫左和牛D餐，佢會附送和牛同海鮮，再俾你QR Code落單，任叫唔嬲！講明係和牛專門店，我全部牛肉都叫左一round，亦叫左灸燒生牛肉，好特別！🥩 和牛A4 和牛扒有專人幫手燒，確保唔會因為我地自己技巧燒衰左塊和牛扒😀 燒完就係油脂香滿滿，入口即溶，好開心，唔洗點調味都夠味🥩 和牛肉眼、和牛牛肋肉我自己好中意個牛肋肉，個油感真係好正，入口即溶🤍個肉眼嘅肉味會重啲，亦都好好味我自己就麻麻地個牛里脊肉，瘦啲同埋個口感無咁好🥩 蔥花牛舌薄切超好食，輕輕燒完一邊已經好，少少口感，唔錯！🦐 海鮮拼盤 有海蝦、青口、同埋大大條魷魚！魷魚好新鮮，燒起上黎好好玩，脹卜卜，剪好一個個圈就點上蔥油醬，好滿足！🥚灸燒生牛肉牛肉味好特別，炙燒完超香！加埋雞蛋overflow成個蝶，好有feel! 我地都叫左牛油帆立貝、泡菜、菠菜、玉米筍、蛋花湯、醬汁等等，配住食～另外飲品同甜品都係任食！留意返，餐廳冷氣整緊，雖然有風機，但去到某啲位會大煙啲同熱啲～唯有食多條雪條🌝餐廳仲做緊like & share優惠，折完每人$478加一！和牛燒肉一郎 (寶漢大廈)網上訂座享8折優惠兼賺Rice Dollars 網址: https://s.openrice.com/QrbS05kKA00~uZ5MGAA地址: 銅鑼灣波斯富街24-30號寶漢大廈2樓電話: 22679688=====================#和牛 #放題 #牛肉 #任食 #慶祝 #銅鑼灣美食 #銅鑼灣 #銅鑼灣好去處 #和牛食べ放題 …查看更多

🔅 Sow by Loft 7 溯🔅上環🔅西餐🔅前輩請食飯，而且前輩都係超級foodie，佢介紹嘅餐廳值得一記！一行十幾人去左間又放鬆又高質嘅西餐廳，由前菜到主菜到甜品同紅酒，我地都讚不絕口～ Gordon為我地設計特色menu，係廚師發辦💕 份量大份又適合share～好細心，小朋友會有卡邦尼意粉添～前菜：🥔 芝士黑松露蕃薯條🐙 油浸八爪魚🥖 意大利麵包盤🍗 避風塘雞翼、黃金炸雞翼🧆 黃金雞粒粒出色嘅小菜，八爪魚鮮甜，單骨雞翼惹味開胃，咸蛋黃同避風塘脆脆唔會太咸，麵包好多款，配小食都好好主菜：🍖 西班牙乳豬必食！外脆內軟，油香好食，主廚介紹係慢煮左兩日再烤香外皮，難怪極度juicy! 旁邊嘅薯蓉同烤蔬菜都超入味，好正！🥩 Tomahawk 牛扒好奢侈嘅享受，牛肉中間鮮嫩，係餐廳先做到高溫鎖住肉汁，好好食！蕃茄仔吸晒啲牛肉汁，juicy爆！🥘 鴨肉意大利燉飯鴨肉都係粉嫩，片片鮮甜，意大利飯偏硬身反而更為傳統，香草香氣十足！ 🍝 四川椒辣豬肉扁意粉我幾中意佢麻而不太辣嘅配搭，意粉同樣好出色，係西餐廳食到混血菜式，有驚喜～🦪 仲有沙白、青口、卡邦尼～多人食嘅好處就係咩都試到少少，好幸福！甜品🍫 心太軟超流心嘅心太軟，朱古力唔會太甜或假，忍唔住食多幾啖🍨 火焰雪山軟綿綿嘅蛋白泡泡加酒精火焰～酒味唔係好重🍮 焦糖燉蛋配雪糕好creamy～雪糕超好食食完大餐超級飽～店員超友善，黃店，好滿足！一齊傾偈好開心就一晚～Sow by Loft 7網上訂座即賺Rice Dollars 網址: https://s.openrice.com/QrbS0uAiB00~uZ5MGAA地址: 上環荷李活道189號華冠大廈地舖電話: 61361309=====================#hkig #hkfoodie #hkgirl #香港餐廳 #香港餐廳推介 #西餐 #上環美食 #上環cafe #上環黃店 #餐廳美食 #聚餐 #聚會餐廳 #牛扒 #羊扒 #心太軟 #火焰雪山 #烤脆豬 #四川意粉 #鴨肉意大利飯 #避風塘雞翼…查看更多

🔅飲館🔅灣仔🔅小酒館🔅係灣仔附近搵野食，見到有生啤同鬼馬menu，覺得個vibe好岩，於是興高采烈去幫襯！同老細Justin傾計知道佢嘅目標係做高質小店，雖然之前疫情真係捱得好辛苦，但依家都做到有聲有色～我覺得都好成功！食物好高質，個蜆好耐無食過咁新鮮，問落先知佢係每朝新鮮去灣仔街市買材料，梅嘅會丟，所以粒粒都脹卜卜！所有海鮮都係，唔用批發貨，所以佢話有啲菜式要特別預訂，就係因為佢要去街市新鮮攞貨～講下我果日食左咩～🔅 辣椒靚蜆跨啦啦好惹味嘅泰式辣醬，加上新鮮九層，所以偏甜唔太辣，好好食～啲蜆超級新鮮，粒粒脹卜卜juicy爆，完全無沙無腥味！我地用個泰式辣汁再點蕃薯條，唔俾店員收走😂🔅泰黃油喇… 阿雞超推介嘅主菜，因為塊雞皮真係超級香脆，又薄又香口，完全唔油膩！雞肉，真係好嫩口多汁 佢個醬汁亦都係超級好食，有香茅，雖然話有泰式辣汁，但係一啲都唔辣～🔅 冬蔭薯條好L過癮呢一個薯條都做得好出色，薯條唔會話太幼身，所以薯條掛汁得來又夠口感但係個冬陰沙律醬先係重點，我每一啖都會點好多醬😂🔅 甜薯你無陰功個名係有啲無厘頭，但係番薯條係厚切，無冰雪味，新鮮炸起，都好香脆！餐廳配茄汁，但係我就全部用蜆汁去配搭，好食10倍！🔅 飲館泰串燒蠔蠔好大隻，肥美鮮甜，鮮味為主，有少少香茅點綴，好好食！🍻🍻🍻🍻另外小酒館做緊買一送一啤酒優惠，佢除咗有本地手工啤，Lovecraft，carbonbrew，亦都有自己釀製/品牌嘅Pale Ale，清爽！佢另外亦都有閣樓釀造嘅高質 Gin & Tonic！個Gin有茉莉香片茶香，好好味！Justin特別推介，整杯都係本地製造，值得支持！好鍾意同老細傾偈，理解下佢經營理念，又可以識個朋友～大力支持！飲館 網址: https://s.openrice.com/QrbS0z1O5W0~uZ5MGAA地址: 灣仔景星街3號地下B號舖電話: 92439959=====================#灣仔美食 #灣仔好去處 #灣仔美食地圖 #酒吧 #灣仔酒吧 #酒吧推薦 #特色餐廳 #黃油雞 #冬蔭 #冬蔭辣醬 #蜆 #泰式辣蜆 #燒蠔 #閣樓釀造 #手工啤酒 #手工啤酒香港 #飲館 #灣仔必去 @yumkwun.hk @mezzaninemakers…查看更多