mark li的个人专页

為了應付源源不絕的訂單, 已經係連續五晚收九點鐘, 金融海嘯? 已經無人再提放工後, 走去金寶食晚飯, 餐廳同九龍城的老店裝修好唔同, 唯一認得同老店一樣係門口尊佛像 一見到佢, 即刻合十講聲 "沙娃d給", 唔知會唔會真係會帶來好運呢菜色就無九龍城咁多款, 不過招牌的蝦刺身, 菠蘿炒飯同冬蔭功都有, 每一樣都有叫, 加埋炒油麥菜同兩枝苦澀的泰啤, 就成為我今晚同老友的晚飯開分店的舖, 通常都唔可以keep到水準, 不過金寶的新店, 幾款我叫的菜色都好, 特別係個菠蘿飯, 比起於九龍城食的好食, 放在飯面那三隻蝦係幾大隻的, 肉鬆不嬲都係惹味, 配菠蘿飯係一絕生蝦的酸辣汁同九龍城的味道係一模一樣, 既然九龍城的已經介紹過, 在此都無須多講, 只可以講係唔可以錯過侍應大多都係上了年紀的阿姐, 不過服務都算ok既, 反而最後生個兩個就最hea唯一個weak point 係兩皮泰啤唔係好夠凍, 所以完全無encore的意慾, 故稱之為"苦澀的泰啤"…查看更多

晚飯其實有好多選擇, 間間都好多人等位, 我同一時間去了壽司店, 意大利餐, i-thai 同pokka攞籌, 邊間有位就入邊間食啦不過雖然意大利餐有位, 但唔知點解都係俾pokka吸引住, 好似覺得佢的食物會岩我食多的呢間pokka, 有多款鐵板食物供應, 賣相都好似好吸引, 我就食一份西冷牛扒, 加埋女友份咖哩豬扒飯餐, 就成了今次的晚飯個鐵板用紙圍住, 同pepper lunch的做法一樣, 芽菜, 紅蘿白, 冬菇做菜底, 食真的會有好重的牛油味, 味道都ok, 西冷牛扒好淋身, 優質的牛扒一塊咖哩豬扒飯的咖哩汁味道好好, 豬扒的吉列部份好脆, 豬扒件有肉汁, 有豬肉的味道, 絕對唔係急凍的無味肉service都唔錯, 叫加水即刻到, 食物, 服務都幾好, 值得我等呢…查看更多

在新城市的citysuper行街街 發現了一條小人龍, 原來大家都係為了一杯扭絞綠茶雪糕而排隊 (條隊唔係好長, 不過都有五六人)我都好想知點解咁好人食, 所以就排埋一份 支軟雪糕雪糕的部份都幾多, 所以我要用匙更食 味道真係好正, 哈哈 牛奶有股酥香, 綠茶的味道偏柔, 組合成一枝日本味十足的軟雪糕, 真係好正, 所以下次會再買的, 一定一定…查看更多

最後的希望落在pizza屋, 雞同熊貓都以disaster 告終, 當然pizza 都唔敢寄予厚望 不過個肚仲未飽, 都唔知點算了在pizza屋買了一個hawaai pizza, 其實味道都叫做正常一d, 不過個餅身就... 又係唔知點解, 沒有水份咁, 變得硬而唔脆, 所以同女朋友只咬了中間的菠蘿肉, 肉腸, 同有茄汁的部份, 個pizza 邊完全放棄點解海洋公園d食物可以咁差? 最後悔係: 點解唔穩穩陣陣食麥當奴就算?…查看更多

因為大熊貓失敗的午餐, 睇完三點半海洋劇場的show後, 肚皮已經餓得發荒行到食店集中地, 首先見到係m記, 但心想, 黎到海洋公園食m記? 唔係掛 所以就食金香雞唔知同肯德基家鄉雞有無關呢? 不過相信就唔會有了, 因為味道真係差好遠..四號餐係磨菇雞皇飯餐, 餐有埋薯條同可樂一杯, 但係又係好難食, 飯粒粗糙, 又乾, 有啃的感覺 薯條鞋晏晏, 又唔熱..下次入海洋公園, 提議大家自備三明治先好去…查看更多

尋日女朋友牛一, 特地去到海洋公園玩, 慶祝佢廿五歲生辰我地從正門入口入場, 所以先去了熊貓館睇熊貓, 正好睇完之後係一點鐘, 便順道在大熊貓餐廳食午飯, 未入去前, 見門口的poster食物相都好吸引, 而且以東南亞菜色做招徠, 應該都會唔錯的一入到去, 侍應就叫我地自己揀位坐, 雖然間餐廳睇落好似係有service的, 但原來係foodcourt形式, 有點意料之外, 不過無所謂啦但係入到去揀食物的地方, 發覺大鑊! 價錢超貴, 又唔多選擇, 好似個香茅豬扒湯檬, 居然要成九十八蚊一碗, 結果都係食一碟八十八蚊的义雞飯便算, 雖然有杯hagaan daz 送, 但都覺唔平..價錢都唔係最主要的問題, 最唔掂係碟飯完全唔好食, 雞肉好鞋, 無雞味, 似乎係用雪雞整, 义燒都係油膏同肉分得好開, 瘦的部份好瘦, 肥的部份就好油, 真係一件唔好食的"半肥瘦"作為遊客景點, 食物都做得唔好, 咁點可以俾個好印象外國人呢, 雖然兩隻熊貓同幾隻小水獺真係好可愛…查看更多

今日去食完峰壽司之後, 覺得這間壽司店的水準很高, 可算是全港頭三名好食的壽司店 (我自己的排名)特別好味的, 係燒鵝肝壽司, 第一次食, 有豐富的肉汁, 好香的味道, 面頭的金薄對味道幫助不大, 但令到賣相更高級, 加上香蔥的味道配合, 忍唔住再叫多兩碟食, 自己總共食了三碟, 但完全沒有肥膩的感覺另外的壽司, 都好好食, 今次仲食佐炸蝦天婦羅, 三文魚腩, 蟹棒, 飛魚子壽司, 好味, 很大的原因係壽司飯夠酸, 很開胃, 又或者因為這原因, 食了三碟鵝肝都唔漏價錢唔係貴, SERVICE 不差, 我會再去食的…查看更多

想食PIZZA, 起初係食意粉屋, 但係上多一層原來有間新的PIZZA店, 標榜"更多"選擇, 於是一試了, 截了意粉屋的糊其實選擇就唔係真係好多, 不過有牛扒叫, 美式的, 比起RUBY TUESDAY平, 只係百六蚊一份, 味道都唔錯, 肉質唔係UN, 黑椒汁用一小砵裝住, 味道都好好, 牛扒雖然係七成熟, 但唔會好燶!蒜蓉包好似一舊長方型的大磚頭切開十件, 蒜蓉的味好香, 不過包身比較硬, 如果軟熟D會更好食什菜湯同一般羅宋湯最大的分別係有意粉條同早紅色的大豆在其中, 味道則比較咸, 係比較差的一個環節!客人唔多, 可能因為俾一樓截左大部份客, 不過其實食物的味道都不錯, 一樓無位都不妨上去睇睇!…查看更多

入鼎泰豐食, 不得不佩服他們的服務, 真係好到不得了食物的種類不多, 最主要都係食個蟹粉小籠包, 一籠四隻, 雖然五十幾一客, 但總覺值得; 擔擔麵的味道就普通了一點, 唔刺激, 太平淡, 不酸, 不辣, 處理得太保守, 麵身幼, 有點很斯文的感覺, 就因為咁, 所以食得唔過癮!蒸糭都幾好食, 不過入面件豬腩肉我覺得唔夠香, 但糯米, 綠豆的比例很適中, 做成很好的口感! 酸辣湯同擔擔麵一樣, 太斯文了, 既然飲得酸辣湯, 就係想刺激一吓味蕾, 有點失望但服務太好了, 去洗手間都有賓至如歸的感覺, 覺得此店誠意十足, 食物不太差, 價錢可接受, 值得再來的…查看更多

個人不太欣賞麥當當的薯條, 因為炸得太燶, 而且炸粉多過薯肉, 更什係其實薯條的薯肉係薯粉, 成本超低, 所以根本沒有薯味, 但諷刺的是, 年輕人對這種炸物很喜愛, 因為香口要吃真正的薯條, 其實不太難, 坊間開了很多薯條專門店, 質素都比麥當勞好得多, 像愛爾蘭瘋薯都不錯, 不過這間New York Fries 的出品給我幾好的印象買了一客veggie, 四十幾的價錢, 跟pepper lunch的牛肉飯差不多, 不過我會覺得薯條係比較值得食, 每條薯條都很有薯味, 咬落有彈性, 沒有什質(即係無炸粉之類), 加了生蕃茄, 青蔥等, 再配合cream汁跟茄汁食, 讓我拾回食薯條的感覺, 而且雖然係食炸薯條, 之但係因為唔係把薯條炸得太燶, 而係適中的火喉cook過, 保留薯仔本身的味道, 所以唔覺太熱氣不過客人不多, 始終薯條唔係太受中國人歡迎, 但質素係不錯的…查看更多

Today 買佐份黑椒牛肉飯餐, 包汽水四十三元, 牛肉的份量係比正常的多出一點五倍, 正常的賣三十八元, 那麼當然要加大SIZE啦一邊等一邊看電視的示範, 看到電視入面的鐵板轟烈的把食物弄熱, 口水都流了, 一直期待食物快些到手, 等候的時間唔長, 上次來仲有個牌寫住要等超過三十分鐘, 所以放棄了, 今晚買唔使等, 五分鐘有得攞鐵板無電視示範的咁轟烈, 不過總算熱的, 生的牛肉片唔厚, 所以好快就熟了, 雖然係一點五倍的份量, 但牛肉就鞋霎霎的, 唔係好好食, 而蜜糖味的汁醬都不見很好, 夾雜粟米粒的飯本身幾好, 因為係珍珠米, 但可能下了太多汁的關係, 煎了一陣之後, 味道變得好咸四十幾一個鐵板飯, 吸引的係個耐熱的鐵板, 但有點不切實際…查看更多

尋日晏晝經過先達門口, 見到日出茶太的分店, 便抱住一試的心態去買杯飲飲揀左杯黃金玄米奶綠, 茶味夠濃, 比同類的貢茶更好, 奶滑, 玄米的味道好特別, 係一種似麥的味道, 感覺有點似啤酒中的麥味, 份量比貢茶細杯少少, 但足夠解口渴有餘了一杯十三蚊, 可以一試…查看更多

早兩個星期見頭二名的都係糖百府的分店, 有點驚訝 真係咁受歡迎?去到這間黑布街的分店, 哇! 人山人海, 真係好多人, 要等位先有得食, 兩個人, 我食杏仁秋香, 老友記食牛奶秋香, 賣相特別, 就像一坐小雪山, 這種雪花冰的食法恕小弟愚昧, 之前未食過, 完來都幾好食, 口感不錯!我的杏仁秋香, 有芒果同珍珠粒做陪襯, 杏仁味係有的, 而且都很明顯, 畢一更雪花冰入口食, 在這種三十五度的天氣, 都可以算係一種享受, 可是這股熱潮不知可以持續多久呢? 無人知, 但我都會再嚟幫襯的!…查看更多

食完個鐵板沒有飽的感覺, 唯有轉而去吉野家食多個細碗飯套餐補中之前只係食過牛肉飯同燒雞飯, 今次試一試佢個蟹子三文魚飯餐, 廿七蚊一客, 有一杯16安士可樂送!比起鐵板餐, 這個細碗飯當然無咁有趣啦, 珍珠米上舖上了很多的蟹子同三文魚肉, 其實味道係唔錯的, 吃的時候把三文魚肉同蟹子撈埋一齊食, 都有啖啖肉的感覺份量其實同鐵板飯差唔多, 但係如果想食飽一點, 一份大碗的相信會比較夠飽…查看更多

pepper lunch 最近都幾 hit, 大家樂抄完又到大快活抄, 仲要抄埋個名叫 pepper rice, 自有其吸引的地方我昨晚去試, 買一份黑椒牛肉飯食, 因為大家都推介, $38 一客, 價錢中等啦, 起碼有塊鐵板煎住食, 道具分都俾多兩分了飯其實係已經熟了, 就算即食都可以, 牛肉片就係半生的, 用筷子兜兩兜都熟哂, 味道不錯的, 加入一兜甜甜地的醬汁食味道唔錯, 不過醬汁切記不要加太多, 因為會太咸的雖然可口, 但份量比較少, 食完唔覺好飽, 要飽肚可能要在其他餐廳再加小食了…查看更多