業餘食評家的个人专页

之前食過覺得都OK，再訪比平日好生意，然後店員就完全處理不到，再不論店員黑口黑面一到舖頭，店員再次提醒用餐時間90分鐘四個人叫咗兩個二人餐，套餐包括餐湯，主菜及飲品1人餐$178 2人餐$338餐湯升級龍蝦湯加$28沙律升級三文魚凱撒沙律加$28升級parma ham加$28主菜升級西冷加$88加購小食芝士薯條加$68呢個價錢不過不失，不過食物嘅質素完全達唔到呢個價錢嘅水準主菜方面，我哋揀咗：夏威夷pizza、燒春雞、fish and chips 同西冷 (+$88)夏威夷pizza係薄批，賣相正常，我諗佢嘅菠蘿應該非常昂貴，因為數量都比較少，平均一塊就有一片菠蘿燒春雞(半隻)份量正常，中間肉質可以接受，旁邊的比較粗糙西冷嚟到都有少少愕然，就係一塊完全唔吸引嘅牛扒，我哋嗌咗medium well，嚟到well到唔well 畢竟其實計返都過$200，質素仲低過茶餐廳當我哋用餐時間已經超過90分鐘嘅時候，我哋嘅Fish n chips仍然未到達，同店員查詢得到嘅回覆係：今日廚房好忙 然後就沒有然後過多15分鐘之後再查詢，如果而家提供唔到就想取消，因為已經等咗好耐，店員聲稱要諮詢經理意見得到嘅回覆係: 唔可以取消，因為我哋嗌咗total 2個2人餐，所以唔可以取消我哋再問：咁而家有咩處理方法？經理 : take away我哋好無奈，因為我哋等一碟fish n chips超過一個半鐘，而你嘅用餐時間本來都只係得一個半鐘，到我哋取消又唔允許，但又俾唔到我之後經理話5分鐘之內俾到我哋最後，經理本人用外賣盒裝俾我哋掉喺枱面因為我哋本身趕時間就即刻快快手食，一食落去，舊魚霉到不得了！根本就係完全未解凍，為就咁即刻炸，超級難食！真係未食過咁難食嘅fish n chips最後盛為$1038成肚氣…查看更多

西貢呢個正方形嘅西餐廳成日都做買一送一優惠，今日經過見到呢間寫住main course買一送一職員出嚟介紹：主菜買一送一，叫牛柳送豬仔骨我哋就話：有豬手同ribs都幾吸引，好就食呢間職員就帶我哋上樓上坐上到去另一個職員攞餐牌俾我哋，但就偏偏冇攞到買一送一嘅兩張Menu 問佢：頭先樓下同事介紹主菜買一送一嗰張Menu想睇一睇佢一臉愕然：今日有咩？之後佢拎到嚟直接就話，冇豬手同豬仔骨，因為琴日好多人，賣晒，要醃製48個鐘（我當日只係見到大約三台客)我哋直接就話：但頭先樓下職員冇同我哋講有缺貨，佢只係回答，可能佢唔清楚其實你主菜得五個選擇，如果有兩款都冇嘅話，點解唔喺門口我哋入去之前講？另外一張買一送一Menu同樣寫住買一送一，並無其他字眼解釋pizza有寫價錢，而意粉冇寫價錢正常人理解唔係pizza送意粉咩？當我哋諗住叫一款pizza加一款意粉嘅時候，職員話唔係咁嘅意思，係嗌主菜送Pizza或者意粉呢餐都食得幾唔開心大家可以去試一試…查看更多

之前朋友推介佢嘅雞煲幾好食，今次試吓先，點知除咗雞煲之外，仲有烤魚、乾鍋、魚鍋同小菜，勁多選擇水煮魚嘅威力實在太強大，所以毅然放棄左朋友推介嘅雞煲青藤椒土豆牛腱 $68本身睇Menu佢張相份量都唔多嘅，諗住好吸引都試吓啦，點知嚟到份量有驚喜，根本一啲都唔少，薯仔軟硬適中，都幾入味，牛腱煮得夠腍，正重慶麻辣濃湯魚片鍋 $188份量有驚喜！這個大鍋，下面有蠟燭一直熱住，魚片好大塊，魚肉好滑！好食！入面仲有好多配料，包括蓮藕、薯仔、萵筍、豆卜等等非常滿意椒鹽杏鮑菇 $42以為好似台灣夜市嗰種切到一粒粒，點知佢係大大塊，好厚肉，仲好Juicy，讚番石榴青檸烏龍茶 $36荔枝乳酸氣泡梳打 $28飲品呢個價錢嚟講就算好大杯，甜度適中，唔錯唔錯整體而言呢間餐廳評分都幾高，仲要勁多選擇，推介大家可以去試吓…查看更多

前排屋企人話有人介紹呢間餐廳，所以就一齊去試吓係一間社企，除咗會聘請銀髮一族，去到門口發現原來佢哋仲會派飯嫁餐廳比我想像中嘅大，有卡位，坐得都幾舒服主餐牌嘅食物已經包含咗自助沙律吧、湯同糖水，可以無限任食，當日湯嘅款式係海底椰無花果雪耳腰果湯，糖水係紅豆沙流沙黃金蝦 $168係滿滿嘅鹹蛋黃醬汁，金黃色好吸引，炸醬唔算太厚，蝦肉彈牙，美中不足嘅係要自己搣殼，哈哈酸菜魚 $188簡直係色香味俱全，完全超出預期，魚嘅份量都算多，肉質幾嫩滑，好多酸菜川香辣雞煲 $158雖然雞件嘅份量比較細，但可能因為係咁所以煮得好入味，好夠獲氣由於呢三款餸太啱送飯，所以加多咗個白飯$15 每晚七點仲有live Band，店舖職員介紹都係佢哋嘅銀髮族職員，以為一定係聽啲舊式廣東話歌，竟然九成都係英文歌，有驚喜見OpenRice有啲comment話唔好嫌棄佢哋動作慢，但根本佢哋動作一啲都唔慢，仲比現時餐廳年輕人多一份細心雖然佢價錢唔算好平，但畢竟係一間會回饋社會嘅社企，又會派飯，一餐飯嘅價錢又有得食，又可以幫到人，我覺得好值得…查看更多

成個格局好似私房菜咁樣，座位唔算多，但平日晚上座無虛席，佢哋最大嘅賣點就係無限時，鍾意食幾耐都得今次試嘅係$278套餐，已經包咗雞煲、牛肩胛、牛頸脊、豚肉及雞，仲有出面自取配料材料區位置唔大，但款式都好多，最特別嘅仲有啲出面冇見過嘅丸，仲有啲好似即包燒賣既款式係日式雞煲，所以唔辣嘅，雞嘅份量都唔少，食完雞煲之後店員就會上蒸海鮮，當日款式有鮑魚、蝦、扇貝、蟶子及蠔，都幾新鮮，食完之後就可以打邊爐喇，牛頸脊同埋牛肩胛都好新鮮飲品選擇眾多，好多都係出面好少見嘅，我哋都試咗幾款韓式飲品都仲有甜品櫃，最好食一定係呢個千層啫喱，簡直係充滿兒時回憶👍🏻👍🏻👍🏻👍🏻…查看更多

見到呢間冰室開咗幾間分店斷估都唔差，佢主打嘅係豬扒，仲要有成頁豬扒菜式，例如咖喱豬扒飯、焗豬、豬扒包，一於試吓先焗意式厚豬扒飯 $65豬扒夠厚身，都幾大塊，肉質幾嫩，醬汁夠濃味，飯底粒粒分明，唔錯唔錯！招牌口豬扒配魔鬼醬脆豬包 $54真係黐線咁大個！size係澳門嘅Double！豬扒仲要唔薄，都算幾Juicy，醬汁原來係Wasabi沙律醬，好特別全日早餐：魚柳 $55配薯蓉、火腿嫩滑炒蛋、蒜蓉厚多士超級大份，簡直係巨型size！$55呢個份量嘅order Breakfast完全係冇得輸，蒜蓉多士夠晒香，魚柳雖然唔算太厚，但係超級大塊，芝士薯蓉又香，掂！紅豆冰+$5勁足料，超多紅豆！凍檸賓 +$5法蘭西多士 $36炸到金黃色，仲要糖漿另外上，睇一睇係用韓國嘢㗎！俾你自己落，真係勁邪惡勁正星洲炒米熱辣辣上枱，勁夠鑊氣，職員話原來佢哋嘅咖喱係自家製！好香口，唔係講笑，連舊叉燒好食，值得一試…查看更多

之前經過見到呢間冰室已經覺得佢好吸引，勁多選擇，除咗焗飯炒飯，仲有西式意粉、鋸扒餐今次約埋朋友一齊去試吓，去到門口仲見到佢伸出咗個鐵板瀑布芝士漢堡包做緊優惠價，今日一於試吓下午茶餐：粒粒西多士配瑞士汁雞髀$46飲品轉黃牛 +$9以為下午茶細細份，一粒粒以為平時出面食開嗰啲size，點知嚟到係三件，絕對唔可以用粒嚟做量詞中間有花生醬做夾心，雖然知道西多士好肥，不過食落口感一啲都唔油膩，配埋糖漿同牛油超級正瑞士汁雞髀一啲都唔惹少，份量非常之足，而且醃得好入味恕我孤陋寡聞黃牛都係第一次見，即係雲呢拿雪糕溝忌廉，正呀鐵板套餐：肉眼配鵝肝 $208套餐配咗蒜蓉包、紅/白湯及飲品，鐵板配菜可以揀薯條、意粉、飯一嚟到馬上好靚，肉眼都幾大塊，雖然鵝肝size唔算好大，不過計返只係$40 ，過下口癮都好足夠薯條份量都幾多，順帶一提，佢連配菜嘅翠玉瓜同埋蕃茄仔都整得好好食鐵板瀑布芝士漢堡包 $98做緊試食㗎，所以都幾抵食賣相仍認真，下面仲要有火燒住啲芝士醬！個burger勁熱一開始好難攞，但係夾埋啲溶咗嘅芝士醬真係超級好食薯條份量勁多！呢個餐抵玩…查看更多

見到新開左一間餐廳叫做陳鵬鵬潮汕菜，隔離有個蔡瀾嘅字覺得好好奇，上網一search原來係佢都極力推薦嘅，就去試吓啦門口見到有個lunch set Menu好似好抵食，原價成$486，而家只係需要$188 ，仲要免茶介免加一一嚟職員會先送上熱茶同埋小食，係山楂棒，第一次食呢一樣嘢，好似細個嘅山楂餅金獎滷鵝拼盤包括有滷水鵝，秘製糖心蛋，滷水豆腐，潮汕肉卷同滷水鵝肝全部都醃得好入味，滷水鵝肉質彈牙，糖心蛋非常出色雞汁普寧炸豆乾係炸三角豆腐，外皮炸得好脆，好似臭豆腐外皮嘅質感，但係入面竟然係嫩滑嘅豆腐，好出色，點埋潮式鹽水鹹鹹地幾好食香煎金䱽魚賣相都好靚，好似俾返成條魚嘅形狀，外皮煎到金黃色，但係條魚嘅肉質竟然仲係嫩滑潮汕七樣菜雜菜煲咁樣滾住嚟，加埋啲麵豉醬鹹鹹地唔錯主菜可以揀蠔仔泡飯或者酸菜牛肉柯飯，我哋揀咗後者飯粒就得夠鑊氣，又唔係好重酸菜嘅味道，有啲鵝肉粒喺入面好香口本身以為二人餐有咁多樣餸每樣係細細碟，點知樣樣都係正常size，總括而言呢個餐真係非常抵食！…查看更多

約咗朋友食個early dinner，見到佢哋lunch set竟然去到5點半，仲要配埋嘢飲，又可以用優惠價加配小食，即刻衝入去試吓先泰式海南雞飯 $70份量都唔少，海南雞都有超過10件，冇骨，肉質都幾嫩滑泰式炒金邊粉 $78顏色勁吸引，熱辣辣，金邊粉口感好煙靭，係我鍾意食嘅嗰種，上面仲有幾隻蝦，CP值超高香葉肉碎煎蛋飯 $65個肉碎炒得非常之香，煎蛋仲要係流心太陽蛋，勁惹味，份量仲要超級多，根本食唔晒啲肉碎生牛肉船麵 $62牛肉僅熟，都有三大片，金邊粉生熟程度啱啱好，唔會煮得太淋，湯底幾香幾濃郁，加$5可以要凍飲，加$15可以轉特飲午市套餐加配小食春卷 +$18有4條，呢個價錢真係冇得輸，炸得好脆，唔錯 泰式蝦餅 +$38有4件，而且size一啲都唔細，超級抵食，強烈推薦大家都要加蝦餅之後再單點咗啲小食豬頸肉 $78份量都真係幾多啊，而且烤得好惹味，醬汁都夾得好好食串燒 (雞/牛/豬) $88 (半打)沙嗲醬汁都幾惹味，肉質亦唔會好乾泰式酸辣青口 $138醬汁酸酸甜甜幾開胃，幾惹味17:30之前仲要免加一!!!真係CP值超高…查看更多

見到呢間餐廳裝修都幾靚，仲有片皮鴨食，而且價錢好似都幾抵，就去試吓茶有四款選擇，除咗常見嘅香片普洱之外，仲有瑰荔堂煌同桂花烏龍今次試咗瑰荔堂煌，淡淡香同埋荔枝味，幾特別古琴酒糟烤北京填鴨 $245半隻從來都只係食過原味嘅片皮鴨，呢間餐廳有酒糟版就梗係試吓啦你都已經聞到濃郁嘅酒味，食落酒味唔會太搶味，淡淡地，又幾特別呢間舖頭有個特別嘅係除咗平時常見嘅青瓜同京蔥作為片皮鴨配料之外，仲配左哈密瓜，京醬同秘製蜂蜜黃梅醬，用甜味令到鴨既味道層次再提升仲有好特別，佢哋會附送幾舊片皮鴨嘅小皮仔，店員介紹叫做一口酥，教你點砂糖同埋黃梅醬食南翔小籠包 $85/6件呢個價錢CP值都幾高，仲要好貼心個底放咗塊蘿蔔片，令到小籠包個皮唔會黐住張紙小籠包入面湯汁都幾多，要小心啲食，如果唔係會流晒出嚟木桶包菜飯 $118見到佢嘅造型好得意所以嗌，點知嚟到有驚喜，有一陣好香嘅甜豉油味道，飯粒炒到粒粒分明，但又帶點黏性，好似介乎於白飯同生炒糯米飯中間，味道真係好唔錯仲有現金禮券可以即買即用，有九折仲可以送半隻片皮鴨…查看更多

牛気不嬲都唔錯，今次揀咗Level 4，$338/位 除咗澳洲安格斯牛、牛小排、美國極黑牛之外，最大嘅賣點係海鮮，海蝦、青口、帆立貝、花膠等等，仲包括三文魚刺身！原來牛気已經10周年，而家仲做緊一個叫做牛気沖天既活動，累積消費可以換$5000日本旅遊禮券今次我最欣賞嘅係佢prime美國肩胛肉眼，花紋勁靚，牛味勁香，肉質鮮嫩佢仲可以有三款迷你丼選擇，包括吉列炸蠔、吞拿魚腩同明太子三文魚，雖然佢話係丼，其實係壽司size，食材都非常新鮮，到都忍唔住encore咗出面自助區當然飲品選擇非常之多，雪糕就有軟雪糕機有兩款口味選擇，當天款式係牛奶同雞蛋仔味，最特別竟然佢有棉花糖機，真係重拾童真蔬菜同埋配料款式都唔少，公仔麵竟然有出前一丁麻油味同豬骨濃湯味，日本烏冬及拉麵佢哋仲有自家製甜品包括芝士蛋糕朱古力大福，仲有焦糖燉蛋㖭！水準都真係keep到…查看更多

見到佢啲選擇都幾吸引，款式都幾多，價錢仲要好親民，最平嘅$59就有交易，仲要已經配埋熱飲，仲可以以優惠價加配小食及升級飲品安格斯牛肉芝士漢堡配黑松露薯條 $128 Burger俾我想像之中巨型，漢堡扒都煎得好好，微微帶點粉紅色，處於僅熟狀態，仲好juicy至於黑松露薯條我以為係普通薯條加一個黑松露醬，原來係薯條上面已經加咗黑松露，好香焗醬燒豬肋骨配沙律及薯條 $88本身諗住呢個價錢都係淺嘗一下，見佢幅圖都係得五支骨，點知嚟到竟然勁大份，大約有八支骨，真係非常驚喜燒得都唔乾，仲juicy，肉都幾嫩，薯條份量都好多套餐飲品凍奶茶 +$5法式朱古力 +$16啲加配小食都好吸引，不過今次太飽試唔到，揀咗加配甜品甜蜜花園+38雪糕配朱古力蛋糕，雪糕就可以自選朱古力口味驚喜蛋糕係暖嘅，係icecream brownie既feel，好食，賣相都幾靚，幾得意…查看更多

西九龍中心food court多嘢食出晒名，今日就去覓食一下先極多選擇，由中式涼拌菜、酸辣粉、日式丼飯、韓式料理、Pizza、鐵板餐乜都有，見到有間韓式嘢叫樂樂豬手，好似性價比幾高，試吓先半份豬手$78 ，平時出面韓式餐廳一份都要$250左右啦，仲有原味辣味同埋蒜味，唔使喺銅鑼灣排隊可以試到蒜味豬手好正仲要連埋骨嘅位都會俾埋你，一食落去真係感受到滿滿嘅骨膠原芝士吞拿魚飯卷 $49飯卷選擇都幾多，有成九款，估唔到小店嘅飯卷都係即叫即包，因為我唔食青瓜，問職員可否就青瓜竟然可以，加分加分都幾足料，幾好食玫瑰卡邦尼炒年糕公仔麵 $69平時去餐廳食呢一樣嘢起碼都要$130 ，呢度只係半價咋！同埋一啲都唔細兜，非常重手！醬汁非常之濃郁，微辣惹味，年糕同埋公仔麵都非常掛汁總括而言，呢個價錢可以食到韓式料理，仲要包埋豬手真係超級抵，推介比去西九覓食嘅你哋…查看更多

日本味道嘅佈置，除咗普通枱，仲有壽司吧枱，亦都有房可以靜靜地食飯食物選擇都好多，由刺身、壽司到串燒、一品料理都有和風三文魚沙律 $85好清新嘅沙律配上日本沙律醬汁，有幾較大嘅去皮蕃茄，仲有大約三四片厚厚地嘅三文魚，幾唔錯嘅一個沙律溫泉蛋天婦羅 $58嚟到嘅顏色實在太吸引啦，橙黃色嘅蛋黃，半液體嘅狀態，一啖食落去溫泉蛋充滿咗成個口，正牛油果軟殼蟹卷 $82呢個可能係我食過性價比最高嘅軟殼蟹卷，佢真係用咗兩隻完整嘅軟殼蟹除咗包咗喺卷入面，仲有兩個蟹殼都俾埋你，抵食大蝦天婦羅卷加吞拿魚腩蓉 $68+$20因為我唔食青瓜，所以問吓職員可唔可以走青瓜，呢間舖頭嘅壽司師傅都好人性化，所以兩款卷物我都走咗青瓜天婦羅蝦好新鮮，睇得出都幾大隻，就算冇咗青瓜都唔會顯得卷物好細嚿強烈推薦大家都要加吞拿魚腩蓉，口感好豐富！鍋燒烏冬 $89好足料嘅一個鍋燒烏冬，除咗一隻大天婦羅蝦，入面仲有兩款菜、蟹柳、鳴門卷、竹輪、雞肉、金菇同埋雞蛋烏冬嘅軟硬適中，唔會太淋德美壽司 (德民街) (紅磡)紅磡黃埔新村德民街31號地下1B號舖…查看更多

呢間上海菜館以前食過佢嘅擔擔麵都覺得水準唔錯，今次見到佢有蟹皇盛宴即刻去試吓為咗膽固醇唔好爆錶都唔夠膽全部嗌晒蟹王系列，今次小嘗咗兩款都好滿意，下次會再去試其他！蟹粉小籠包(2隻) $38即叫即蒸嫁，皮都算薄，咬開滴晒啲肉汁同埋蟹粉出嚟，建議你哋一定要一啖食晒佢紅油抄手 $40一份有六隻，水餃好大粒好飽滿，皮好薄醬汁係甜甜地，微微既辣，不過上面加咗炸蒜，簡直係令到成個味道再昇華！好好食蟹粉豆腐煲 $80金黃色好吸引，真係肉眼見到好多蟹肉！味道鹹鹹香香好惹味，真係忍唔住一啖接一啖砂鍋雲吞雞(半隻) $118嚟到真係嚇親呀，真係砂煲咁大個鍋！完全feel到係滾完就即刻拎過嚟奶白色嘅湯，入面收藏住幾粒大雲吞，仲有好大舊雞，啲小棠菜都煮到入晒味雞雖然稱唔上超級嫩滑，但一啲都唔算鞋，雲吞皮非常之滑，湯底非常之好飲呢個價錢真係超級超級抵食，十分之推介大家試吓白飯 $12夏麵館 (新都城中心二期) (將軍澳)將軍澳寶琳欣景路8號新都城中心二期2樓2013號舖…查看更多