nico_bread的个人专页

我同囡囡二人就坐，叫了個炒飯及湯麪，是我自己沒有問清楚，麵來了是辣的，叫了侍應過來，態度友善不特止，仲話重新整一碗俾我，我叫佢整個齋麵俾我就可以了，因為都係小朋友食，最後他竟然坐喺碗面上面加咗配料，一路食亦都有問我哋有什麼需要，在香港這種服務態度已經買少見少真心欣賞，加油:):):)…查看更多

中秋-追月夜，一家人再聚，已經係第二次叫海鮮山，自己煮海鮮+海鮮山依舊新鮮好味，香辣剛剛好一流，個個屋企人都盛讚，新鮮好味隻長腳蟹煮剛剛熟，鮮甜的蟹腳肉食完一隻又一隻，簡直停唔到口，食完亦沒有口渴，真材實料叫海鮮外賣之選…查看更多

好耐都冇寫過食評，但今晚唔寫唔得，今晚餐飯食到一肚氣，叫左安格斯牛肉壽喜燒，個煲來的時候到30min 都完全冇滾起，我見有火的，但完全冇滾,中途有同侍應反映，侍應話應該冇Gas，之後佢想幫我換，但依然不能開火、之後我要求侍應直接入廚房煮熟，過左大概10min ,個煲終於出嚟，但竟然連個菜都係生嘅😵‍💫😵‍💫😵‍💫,牛肉就更加….侍應連僅有嘅禮貌都冇令外都有叫呢度出名的卷物-倫敦橋海膽係新鮮甜的，但完全唔特別，唔值呢個價錢網燒個樣係靚嘅牛舌心,但係個味道超鹹比較正常少少嘅係荔枝燒豚肉總括一定唔會再幫襯，同棟大廈有大把更好嘅日本餐廳可以選擇，至少對得起個價錢，做飲食行業態度同食材都好緊要…查看更多

銅鑼灣又一川菜好選擇聽老闆講，原來廚房師傅特登去咗大陸學師幾年，唔怪得知味道咁正宗，真係未食完已經好想聽日再食，樣樣都好得，味道一流！今日四人午餐必選推介鹽水鵝鹹香味十足（老闆話唔係日日有得食，限量發售）蔥爆牛肉孜然味好特別，好嘢味酸菜魚夠酸夠辣，又唔會死鹹連小食酥炸菇菇，姑姑入邊都好juice煉奶饅頭,沒有油膩感,都做得唔錯好味到要即刻encore比公司同事食，個個食完都問我邊間味道咁正宗,我諗晚市開返呢間一定大排長龍…查看更多

約舊同事食飯，原來佢已經變左個全素食者一到步見坐到滿滿的侍應係咁好hard sell冬瓜盅， 冤牌天氣咁熱試下都無妨， 的的色色嘅冬瓜盅好可愛，以為素會好清淡， 點知好好飲完全唔覺得飲緊素湯， 佢有落肥姐介紹嗰隻姚膠， 我哋兩個人每人分到兩碗跟住舊同事就話上次食啲手捲好好食，就試下啦，卷物就唔算好出色啦，不過就都好似食緊真嘅壽司咁嘅! 個芒果卷啲芒果好甜, 入面個吉烈唔知炸咩肉都幾好食連餸嘅蓮子紅棗糖水都好好味又唔甜…查看更多

同事介紹話呢間坐得舒適空間又大，因為今日有小朋友一齊食所以就試下啦叫左個晚市二人套餐有主廚是日餐湯~ 羅宋湯好足料，蕃茄味好濃仲有蘿蔔西芹薯仔，全部煲到蓉晒,餐包熱熱軟軟的墨西哥雞肉餡餅配莎莎醬酸忌廉，同平時pizza口感好唔同，小小辣配埋醬食好開胃凱撒沙律~芝士碎好多，羅馬生菜好新鮮雜錦海鮮意大利飯~又係一個抵食之選有蟹肉鱿魚青口蝦三文魚，大大碟，好creamy，兩個人根本食唔晒美國安格斯肉眼牛扒黑松露燒汁 配手工薯蓉蔬菜~叫左7成熟牛味好重仲要好淋，煮得剛剛好，但略嫌個黑松露汁唔算好濃味，但個手工薯蓉有細細粒薯仔係入面好有口感玫瑰花茶周圍環境真係好舒服， 枱同枱之間都好闊，待應個個都好有禮貌 ，招呼一流…查看更多

呢間串燒專門店叫重慶燒位於佐敦，附近都有幾間分店，主要提供海鮮燒烤系列及烤肉串燒，而且食物會配上秘製醬汁，味道似足重慶四川既感覺。另外交完order紙，待應會問客人食辣既程度，非常細心。首先，嗌左幾種平時都會食既串燒，燒花枝丸，燒雞軟骨串，燒豬頸肉串，燒司華力腸，燒豬仔脾。味道相當出色，醬汁配合得好好，雖然製作時間比較長，食落去熱辣辣，d肉都唔會韌。另外，嗌了一份蒜蓉焗美國石蠔，一份有6隻而且d蠔食落好鮮。另外嗌左一份燒原條茄子及芝士牛油焗金茹菜，茄子製作得很滋味，d金茹好香芝士味而且食完都的唔會好漏。最後，燒烏頭魚是最出色的，食落好鮮魚味，另外配上辣醬幾特別。…查看更多

朋友話帶我去間好特別既餐廳，地鐵官塘廣埸出，一直行去到一間工廠大廈，再直入大廈盡頭，心想這裡會有東西好食嗎？出電梯有個好大招牌一去到感覺好特別，有健身又有餐廳，而且裝修簡單整齊，坐低冇耐，店員話帶我地參觀下，地方雖小 五臟俱全的健身室， 個概念都好特別， 店員話原來做完運動反而食番啲嘢會令到肌肉更加容易增強， 我一路都以為做完運動食嘢會好肥添，原來錯左甘筍餐湯～第一啖飲覺得好淡， 點知愈飲愈出， 就好似打爛咗啲紅蘿蔔用咁， 越飲越清甜！安格斯牛柳配燒汁～ 份量都唔少， 牛肉煮得好嫩口好淋， 薯蓉同個燒汁都係好配， 略嫌配菜青瓜唔係好夠未！呢度好特別有啲好特別嘅嘢飲本身係for做完運動嘅人飲嘅但我呢種鍾意試新嘢嘅人當然要加錢試返杯飲啦， 我叫咗杯波波球波波球～ 有士多啤梨，橙，yogurt同埋蛋白粉，飲落酸酸甜甜好味道下次黎要試下其他特飲先！最衰黎我做野既地方太遠，如果唔係都想試下喺呢度做gym！…查看更多

Pom’s diner 是以歐陸為主的餐廳，地方雖然細小，但環境還是不錯。地方都很乾淨。今日食點了一份D11 set，原隻炭燒波士頓龍配松露薯條，和煙三文魚凱撒沙拉。Set餐包一客是日餐湯，而今日是雜菜清湯，湯真如其名，幾清淡，沒有一般市民上餐湯的濃雞精味。可是其附帶的法式蒜蓉包就猻色了一點。咬落去有點硬，也不是很脆口。而另一前菜是芝士焗蠔就非常出色，蠔十分鮮甜，它的蠔並不是全熟，食上去像生蠔加焗芝士一樣，多汁可口，如果可以單點，點一打也不為過。煙三文魚凱撒沙拉也出色，它的醬汁不會很多，吃上去不會膩。主菜炭燒波士頓龍蝦配松露薯條。松露薯條食，吃不停，本身薯條長短適中，新鮮炸完，外脆內薯。加上小小松露調味，在放進口的時候以聞到香味。龍蝦賣相也吸引，足料。稍微嫌焗久了一點，入口肉質有點幹。最後甜品芝士餅也不錯，賣相吸引，份量也不小氣。…查看更多

尋晚約咗朋友去旺角食飯，心思思想打邊爐，咁朋友就介紹食呢間日式火鍋。位置都幾方便，係行人專用區果頭，不過食飯時間就要等一陣𨋢上去。上到去等位大約等咗十分鐘，一入去就見到好多日本嘅達摩掛咗係到做裝飾，好過癮！首先我地先叫個近年好hit嘅蒸氣海鮮，有2層海鮮+1層雞粥。我最鍾意個蠔同埋扇貝，好甜好鮮味！食完海鮮再食最底層個粥，雞粥d雞好滑，粥底唔夠綿但係滲咗d蠔汁落去味道都幾好。然後我地就order咗d刺身、串燒、壽司同埋最重要嘅打邊爐湯底！刺身都幾新鮮而且有我最愛嘅油甘魚食，不過三文魚同八爪魚刺身就相對上出色d。雞翼串燒佢燒得好好，（出去拎嘢食會見到師傅係企係到跟單即燒嘅）雞翼皮脆，雞肉唔會過熟，不過如果再加少少黑椒就更加好。壽司其實都好多款，但係由於我地太多女仔，怕食太多壽司就食唔落其他，所以剩係叫咗兩款。佢個芝士鰻魚卷整得幾好食。食完第一輪，我地就叫牛肉同豬肉打邊爐（任點），牛同豬佢都切得好薄，好快就熟，而且肉質都幾好 我地都一人食咗一碟牛。但係好戲在後頭，呢間餐廳最令我驚喜嘅係佢d自助甜品，款式好多，而且味道好好。有好多款朱古力味甜品，o岩晒我。我覺得其中最好味就係水玄信餅、布朗尼同朱古力慕絲（好少食到3重口感嘅朱古力慕絲，超級推介）。仲有朱古力牛奶雪條（我都好耐無食過，勁懷念）以任食日式火鍋嚟講，呢間更加接近日式放題，樣樣都有得食，選擇都算多，又唔係貴，都幾值得再嚟。…查看更多

朋友專登從荃灣來官塘揾我食晚餐，當然問下同事附近有什麼比較特別的餐廳！同事諗都冇諗就介紹左呢間Deer kitchen俾我！放工就行去港貿中心，間餐廳好易揾apm前小小就係，入到去感覺真係別有洞天！好多隻鹿鹿係唔同位置我地點左set dinner首先係香草餐包，香草味好突出，仲要熱軟熟加埋黑甜醋一齊食磨菇薯仔湯～磨菇味好濃，而薯仔就已經打到好滑黑松露手制意大利雲吞～黑松露汁好多好足，加埋脆脆，一脆一煙un跟住就到主菜焗金文畢芝士海鮮三文魚扒～呢個好好味，三文魚焗到剛剛熟，好juice,加埋面頭既芝士真係好正，好諗過魚可以煮得甘好食！賣相已經好靚，連配菜都正，放在魚底下既脆肉瓜，索晒D魚味，食完真係好飽甜品有兩款酒jelly同木糠布甸，選擇了布甸，份量都唔小，好滑又唔甜！餐廳待應雖然唔多，但完全滿足到客既需求，又一間好正既西餐廳，呢間可以再去食…查看更多

有朋友生日想食雞煲，但令外朋友又想打邊爐，最終揾到呢間滿足晒兩個願望，唔揾openrice都唔知商業大廈內有得食好西，係旺中隔離好方便，一揾就揾到！選擇了海鮮火窩半放題！自己去拿飲品，選擇都有好多，韓國飲品，汽水，待應推介我地飲佢地自己煲既五花茶，唔太甜飲左三樽，全部任飲首先係會有個招牌麻辣雞煲，因為令外兩個朋友食唔到太辣，所以只叫了小辣，雞煲未到香味先到，待應叫我地兩分鐘要開蓋攪一攪，至六分鍾就加埋油炸鬼再攪，開蓋食得！我夾左舊雞脾肉，真係好嫩好滑，雖然小辣但還是很惹味，後加既油炸鬼先係精華所在，脆卜卜索晒D雞汁，好正，下次要揾D食得辣黎食大辣先得！我地選了花甲蟹窩湯底仲送左刺身，帶子+希靈魚，送都好有heart好好味海鮮拼盆重點推介，有龍蝦， 象拔蚌仔 ，桂花蚌，海蝦，鮑魚， 龍躉球， 脆肉鯇，帶子，墨魚滑拼牛肉滑，全部都新鮮鮮甜爽口，我最愛龍躉，冇骨啖啖肉，連皮都好煙韌！本地手切牛頸脊，牛味好重，一D都唔un其實食完呢度已經好飽，但見佢D材料真係好新鮮，所以就貪心是埋其他配料，依然都係正最終個湯底經過甘多配料，鮮甜得好誇張，加咩落去都有海鮮味， 成條響鈴好似食緊海鮮敢！ 遺憾佢果日粉絲買曬！下次一於約多D人再試，如果早D訂仲可以有房打麻雀同睇波,見食完甘夜都仲有人來，原來11:00後食仲有8折最後既3.6牛奶布丁，奶味好濃又唔甜，劃上 完美句號！…查看更多

好耐之前半夜食過銅鑼灣分店，經開尖沙咀厚福食街，見有楝大廈水牌個招牌甘屬口面既！緊係要上去試下，上到去見入面好多人，外面露台都有一半人！芝士蟹肉玉子燒～待應放下就叫我地影相，影完相就幫我地切開，食第一舊，覺得玉子燒蛋味好濃，香噴噴！到第二舊就肉眼都見到有濃濃的拉絲芝士，入口唔單只有蛋香，仲有芝士同絲絲蟹肉，即刻覺得等一等也是值得的深宵簿餅～同平時食既大阪燒有D唔一樣，最底下的麵脆卜卜，木魚絲，煙肉加埋沙律醬一齊食，口感好豐富！軟殼蟹沙律～單看賣相好吸引，有4大舊熱辣辣軟殼蟹， 略嫌唔夠沙律醬！如果加多D抽子汁應該仲正8吋蒜蓉大蝦～蒜蓉好多燒牛舌芯～比起平時食既牛舌嫩D豚肉露筍卷～呢個好方便，一咪一口，唔會太咸，露筍爽脆汁燒帆立貝～新鮮燒得剛剛好熟呢度真係好又收得夜，真正宵夜食堂！今次太飽了，下次黎試下碗貓飯同雞心先得！…查看更多

見食評有人話好食，有人話唔好食，甘就梗係約埋三五知己去試下台式香腸本身已經濃味，燒完更咸雞亦好乾身，冇肉汁亦冇乜味牛油粟米~麥當x级別，但價錢貴好多蒜蓉粉絲帶子~呢個叫最正常,帶子鲜味，粉絲索晒蒜蓉味！其他串燒都好普通，甘既價錢真係唔會再幫襯…查看更多

爸爸住院檢查身體，呢排天氣太熱唔想行去九龍城，就叫醫院飯堂！一等45min,真係未肚餓前要叫定！咖哩牛肉飯~比起大x樂更好味，咖哩好香，辣度適中，牛肉薯仔蘿蔔又夠淋蔬菜紅湯~材料豐富，內裡有螺絲粉洋蔥蘿蔔番茄,全部都已經煲到淋，入晒味！仲有呢到食野同出面價錢差不多！…查看更多