rilakkuma522's Profile

5月的天氣已經開始好熱🥵由開園玩到下午已經好鬼攰正想離開海洋公園之際見到餐廳呢個下午茶餐牌真係要嘩嘩聲🤪🤪🤪16:00-18:00 $48 泰式輕食小食拼盤 包一杯飲品，嘩….. 見到咁鬼抵，無理由唔試，即刻入去坐抵嘆冷氣4款小食除咗沙律無乜味，其他都好掂👍🏻特別係蝦餅，好彈牙😍😍飲品可以選奶茶、檸茶、汽水或果汁出面小食亭是但一款小食都唔止$48，仲要無冷氣🥵🥵所以真心覺得餐廳好佛心🤣🤣🤣…Read More

又去九龍城小曼谷食嘢喇……佢地嘅午餐/下午茶真係超抵食👍🏻👍🏻午餐：泰皇咖喱軟殼蟹配薄餅 $125軟殼蟹應該有足足兩只，炸得剛剛好，好鬆脆👍🏻👍🏻 咖喱非常濃厚，味道係帶甜味，小朋友都一定岩食😊下午茶餐： 泰式燒牛仔骨配木瓜沙律 $49一整塊有三件牛仔骨，再配上清新酸辣木瓜沙律食完真係會舔舔脷😋😋😋午餐/下午茶有幾款優惠價錢加配食物。我加了豬+雞串燒 配上 沙嗲醬 邊度有得輸🤭🤭🤭今次見到大menu有新菜式，當然都要試一試冬蔭海軍海鮮部隊鍋(小)$138 嘩……同menu張相一樣，仲要再吸引好多🤩🤩青口、蝦、帶子、扎肉、蟹柳、泰式腩肉、魷魚、兩個雞蛋，裏面仲要有部隊鍋必備嘅公仔麵 😍😍😍 賣相真係非常吸引 ，冬陰功湯底如果再辣d應該會更好食🤤， 呢款新菜式我下次都會再食，因為有咁多餸真係好正😋😋飲品：芒果沙冰 +西瓜沙冰 兩杯都夠味，西瓜沙冰仲有好fresh 嘅感覺添☺️☺️…Read More

隔咗幾個月無去貓cafe，今日又得閒，去咗Urban cafe 兆萬呢間新場， 入面光線充足，地方夠大夠闊落，一入去感覺非常舒服😌今日order左2個set lunch + 一個甜品 😋餐前小食：牛油多少條～甜甜脆脆可口👍🏻餐湯：南瓜忌廉湯 ～ 好creamy 😋千島海鮮薄餅🍕餅皮軟熟👍🏻配料算多，味道中上😋日式吉列豬扒麻醬冷烏冬豬扒大件，炸得夠脆唔柴口麻醬撈烏冬，點都冇得輸😝😝雙層朱古力楓糖吐司配雪糕吐司搽咗朱古力醬再加楓糖面令到吐司非常之脆朱古力又唔會好甜，所以兩人share都唔會覺得好膩😍😍主角 ～ 貓貓🐱全部都好可愛😍我自己帶咗支貓棒去即刻好受歡迎😌部分貓貓就好似好眼瞓咁唔睬我🥺我唯有出殺手鐧 ～ 貓零食😆😆Cafe可以俾錢買零食濕零食$58 ，零食一出已經一大堆貓圍住店員，交去我手上，貓貓無不瘋狂🤪🤪個個都走黎搶嘢食，唔知以為餓咗佢地好耐😂😂觀塘同兆萬分店，我下次會再黎兆萬呢度因為係咁多人，地方又新又乾淨👍🏻👍🏻…Read More

夜晚想食點心，又唔係好多地方晚市有做點心，上黎OpenRice 度search下，竟然搵到大鴻輝中心12樓常滿百家菜做緊$198 任食點心+任點幾十款小菜，+$10仲可以無限暢飲啤酒汽水茶等等……晚市仲要送大大隻既蠔皇扣鮑魚添呀😍 另外，最重要係無限時‼️環境同一般舊式酒樓差唔多，當日幾乎全場坐滿坐，好彩仲有二人枱😌坐底急不及待落order，可能真係即叫即蒸，都等好耐先有點心食，不過等緊都可以係出面自助區拎湯，小食，甜品頂住肚先🤭🤭點心基本上都係大路野：蝦餃、燒賣，鳳爪、排骨、牛肉球、叉燒包等等…….賣相就一般般啦😅味道同一般酒樓差唔多，正常野小菜細細碟，所以我都算叫咗好多款式。食下食下原來食咗好鬼多😝😝好豐富滿足既一餐🤗🤗…Read More

餐廳：笑酤和味炭燒地址：淺水灣海灘道28號The Pulse L1樓 109號舖 是日慢遊淺水灣，沙灘🏖️行咗個圈，又到lunch time 喇🤗沙灘附近都有幾間餐廳，見呢間裝修都好似幾靚，又有串燒食，所以就試吓🤭平日有lunch set 包沙律 & 味噌湯 🎀備長炭串燒拼盤+和牛迷你炒飯 $298 串燒有雞翼，雞軟骨，牛舌，豚腩，豚肉腸，迷你番薯六款串燒入面，我認為最好食嘅係牛舌 & 豚腩 🤤厚切牛舌夠爽口，牛味濃😍豚腩油脂比例好好，少少鹽香味，好正😋🎀迷你和牛炒飯 好足料👍🏻👍🏻夠獲氣，啖啖都食到和牛粒 🎀溫泉蛋雞皮飯 + 笑酤卷 $268炸雞皮圍住溫泉蛋賣相靚👍🏻👍🏻 雞皮卜卜脆 🤤 溫泉蛋+秘製醬汁撈飯 ，好食到停唔到口🤭🤭🎀笑酤卷 = 軟殼蟹+炸蝦天婦羅 配 甜辣醬汁 炸得好鬆脆，醬汁調得好味😋 成個配搭好鬼夾🤤🤤由於牛舌太好味，所以再order 一串牛舌$78 +雞腎 $48跟餐 + $38 有咖啡 & 雪糕邊嘆咖啡、邊放空，今日真係好寫意😌😌搵日平日要再去淺水灣hea 下😘…Read More

餐廳：極尚大喜屋(觀塘) @daikiyakt 地點： 觀塘開源道79號鱷魚恤中心3樓 環境：好大，光線充足，坐得舒服價錢：大約$300一個, 睇你食咩時段，但種類極多，絕對物超所值👍🏻👍🏻坐低就自己掃QR code 落單，刺身、壽司、鍋物、炸物、小食自己選擇要邊款 + 數量。我自己應該order食個list入面一半既食物左右都已經要投降😂😂😂自助區有湯、冷熱盤、甜品區、巨型飲品櫃(包括清酒🍶，梅酒，酒精飲品)、自助軟雪糕機，咖啡機等等…….⭐️⭐️⭐️重點推介⭐️⭐️⭐️🎀刺身～全部都新鮮，所以可以一次叫哂所有款式😂😂🎀醉雞翼尖～ 好入味🎀黑椒蜜汁一口牛 ～肉質夠腍唔柴口🎀薑蔥爆鱔球～未試過放題有鱔食，仲要整得好食無腥臭味👍🏻👍🏻👍🏻🎀王牌燒乳鴿皇 ～ 放題有乳鴿食都幾特別😋😋🎀醉鮑魚 ～ 浸得入味無得輸😋😋🎀蒲燒鰻魚 ～ 細細件，一口食哂，encore 多次😆😆🎀燒香草羊鞍 ～ 好正，唔會有太多肥膏，所以得少少羊臊味，一食再食🤤🤤我見枱枱都order勁多🤭🤭🎀天婦羅 ～ 即炸，夠脆口，咩款式都好食😋未時好少飲酒既我，見到有apple cider 當然唔會放過啦🤭🤭 其他酒類都有幾款，我就無乜興趣喇😌甜品就樣樣都試過哂，不過不失啦⋯⋯有埋哈根大師雪糕任食，又幾唔錯喎☺️☺️樣樣都試吓，都食唔哂所有野，鍋類，麵類呢d 全部都未食已經要捧住個肚離開🤪🤪下次要再試其他野👍🏻👍🏻👍🏻👍🏻👍🏻…Read More

餐廳：Billow地址：大埔滘紅林路2號白鷺湖互動中心地下B號舖好似係第一次去小白鷺🤔真係好靚，好有去旅行feel👍🏻呢度有兩間餐廳，今次食西餐，下次可以試埋隔離間中餐廳，有點心食😋平日set lunch 會包餐湯/ 沙律🎀燒美國牛肩肉·南瓜·牛油果·羽衣甘藍 $238肉質鮮嫩，牛味濃厚，配菜全部都好新鮮👍🏻👍🏻🎀蟹肉三文魚籽扁意粉 $178賣相幾靚，不過無乜味😅呢度真係主要食靚境，兩款食物得一款好食，不過我都會再黎呢度，因為真係好舒服😌呢期種植咗好多鬱金香🌷超靚😍😍我仲買咗種子返屋企種😆😆…Read More

餐廳：好吃吃光 @eatup.tkt 地址：九龍大角咀博文街4號地下晚市18:00先開始，我大約17:50到已經有4組人係前面排緊隊，18:00好準時開門😊手機掃QR code落單，款式唔算多，重點一定係滷肉飯🤤🤤🎀鹽酥雞滷肉飯 + 珍珠鮮奶茶 $81鹽酥雞有5大件，炸得好鬆脆，外脆內多肉汁🤤🤤套餐有配小菜，芽菜+豆卜，酸酸地，幾開胃😊滷肉飯D汁甜甜地，肥瘦適中，食到少少油香味🤤🤤好有台灣既感覺🥹🥹珍珠奶茶🧋茶味香濃，珍珠就硬咗少少🤏🎀香酥排骨滷肉飯 + 阿薩姆紅茶 $63排骨同鹽酥雞比較下，鹽酥雞完勝😆😆紅茶應該有落糖水，所以有少少甜味，似珍珠奶茶個茶底🎀夜市台灣腸 $32烤腸再配上蒜片份外野味香口😍😍🎀芝士肉鬆蛋餅 $35平時我係屋企都有整黎食，但係點整都係無人地咁好食🤣🤣🎀手工鮮奶麻糬 $40又好玩，又好食😋😋麻糬QQ彈彈的，配上花生，非常好味🤤食完呢餐，真係好想快啲可以去台灣自由行…Read More

餐廳：Urban cafe @urban.cafe.hk 地址：觀塘開源道62號駱駝漆大廈1座6樓A室 太掛住呢度D貓貓，所以要黎探下佢哋🥰上次黎食晚餐都已經覺得唔貴，今日黎有lunch set 原來仲抵🤭🤭每個set都會包牛油多士條+餐湯 + 飲品（$38以下）🎀餐湯 - 南瓜湯🎃好濃郁，有好多南瓜溶，好好味😋😋🎀牛油多士條脆卜卜，超香牛油味 👍🏻👍🏻🎀意式肉丸芝士肉醬闊條麵 $83 賣相普通，就咁睇粒肉丸乾爭爭 ，原來好好食🤤，脆脆地，肉醬就唔算好夠未，如果個醬都濃味D就very good😜🎀紐西蘭牛肉眼扒+ 百里香牛油 配薯菜 $128都算大塊👍🏻👍🏻 本身無跟汁諗住會無乜味，但原來有百香里牛油已經好足夠🤭🤭因為佢本身會有少少鹹香味，再加上塊扒肉味濃厚，成件事好夾😍😍🎀朱古力鮮果忌廉牛角包窩夫 $98賣相好靚🥰牛角包🥐好香牛油味，食到層層分明既感覺，沾上忌廉 / 雪糕會令個好感Lv up 🤭🤭呢間餐廳真係可以一試再試，性價比高，價錢唔貴，食物質素又好👍🏻👍🏻更重要係呢度有超多貓貓，而d貓貓唔怕人，有d仲可以比你抱抱😍😍如果想再受貓貓歡迎，可以向店員買罐罐($18)餵佢哋，貓貓一聽到敲罐罐既聲會即刻9秒9衝上枱等你餵😆😆…Read More

餐廳：鎔記潮州飯店 @yungkeechiuchow 地址：九龍城城南道33號地下突然好想食蠔仔粥🦪，見呢間店個門面都幾乾淨，好似有係度食過，唔理咁多，衝入去食咗先講😜🎀韮菜豬紅 豬紅非常入味，又香又滑🤤韮菜亦食得出好新鮮😊🎀墨魚拼紅腸招牌潮州嘢點會唔好食呀🤭🤭🎀蠔仔粥🦪嘩…..粒粒蠔仔都脹卜卜，又大粒，一咬落去食到蠔既鮮味🤤🤤，真係要夠大粒既蠔仔先會食到蠔味👍🏻👍🏻👍🏻🎀豉椒炒蜆大大蝶，味道偏甜，好岩我好味😋 蜆洗得好乾淨，完全食唔到有沙整體來講得幾好👍🏻👍🏻👍🏻見到隔離枱食兩大碟獅蚶好似好正，等我下次黎又試吓先🤭🤭…Read More

餐廳：九爺牛腩地址：尖沙咀漢口道17號新聲大廈地下F 及 G舖都好耐無去食牛腩河，路過見到店面四四正正，就走入去食碗河粉😊🎀招牌八寶米粉 $60牛丸、魚旦、墨丸、貢丸、魚皮餃、牛腩、牛肚、牛筋呢八寶入面，各有驚喜之處🤤貢丸唔係平時食開既台式貢丸，一定要試👍🏻👍🏻，牛腩牛筋牛肚好冧😋魚皮餃有少少梅🤨可以不吃🎀牛腩雲吞河 $46鮮蝦雲吞好彈牙👍🏻👍🏻如果碗粉可以再多D腩汁會更出色😊🎀炸墨丸 $28本身墨丸好食，所以炸完再配埋泰式辣醬好鬼夾🤤🤤🎀蠔油芥蘭 +$12份量都多，芥蘭亦都好新鮮👍🏻👍🏻凍飲跟餐 +$8 奶茶好正，茶味夠濃飲落亦好順口，大推👍🏻👍🏻👍🏻九爺牛腩整體都幾好👍🏻尖沙咀區黎講性價比都好高👍🏻👍🏻…Read More

餐廳：茶舍Hi Tea (九龍灣) 地址：九龍灣牛頭角道77號淘大商場2期地下G242-245號淘大呢邊既餐廳越嚟越多款，眼見今日平日都係得呢間餐廳要排隊，當然唔執輸排隊試吓啦🤪🎀蛋黃煙肉卡邦尼長通粉$57 一放低已經聞到好香，每條通粉都有蛋黃醬包住，煙肉蘑菇的份量都好多👍🏻👍🏻🎀慢煮咖哩牛腩飯$59杰身既咖哩汁，睇到有洋蔥係入面，慢煮牛腩好冧，咖哩汁微辣帶甜，牛腩食入口都有甜味🤤🤤🎀蒜香雞中翼 $32生炸雞翼一定無得輸👍🏻外脆內Juicy 🤭🤭🎀煙三文魚沙律 $484大塊煙三文魚配上大量蔬菜+黑醋汁，美味🤤🎀朱古力芝士蛋糕 跟餐+$16朱古力味唔算太濃，但芝士味好出，呢個價錢都算係咁😊食完野先發現枱面有張貼紙，原來like 茶舍社交平台有得送2隻柚子雞中翼，但我已經食到好飽🥲 機會真係唔等人架😆…Read More

餐廳：小火焰韓式咖啡廳(樂富廣場)地址：樂富聯合道198號樂富廣場A區1樓1171-1179號舖呢間韓式餐廳都開咗一段時間，今日終於有時間去食☺️Lunch set 有好多選擇，自己掃QR code落單。酥脆蘑菇雞翼湯烏冬 $68本身係蕃茄湯底，可以免費轉豬骨湯底+走葱去骨雞翼入面釀了芝士蘑菇🤤 豬骨湯底亦非常濃味，一飲再飲，食完麵後可以一滴湯都無剩😝泡菜肥牛炒淮山麵 $68可以自選辣度，我選少辣都好夠味，淮山麵個口感都幾好，印象中好似無食過淮山麵，原來都幾好食👍🏻👍🏻份量都多，肥牛亦唔少👍🏻👍🏻芝士夾餅 跟餐+$15以為會有拉絲效果，最後係無既😅，不過味道唔錯甜辣韓式炸雞 跟餐+$12唔夠多醬，味道正常精選迷你蛋糕 跟餐+$15係芝士蛋糕，上面d cream 好奶味，蛋糕都好棉密🤤🤤白桃乳酸特飲 +$12凍Mocha +$13兩杯飲品都夠味，好飲🤭…Read More

餐廳：牛站(駅)麻辣火鍋放題-觀塘 @beefstationkt 地址：觀塘觀塘道414號亞太中心6樓聽觀塘區返工既朋友講話呢度開咗間新嘅麻辣火鍋放題，身為火鍋控嘅我當然要黎試吓咩料啦😏招牌仲有紅紙包住，真係好新😂😂餐廳環境整體好大，燈光亦好舒服😌入座先選好湯底+邊個價位嘅食物。我選秘製麻辣鍋+藥膳牛骨鍋（+$48選鴛鴦鍋）食$178中價放題之後急不及待出去自助區繞場一周睇吓有咩好野🤭嘩…..真係好多選擇菜類除咗基本嘢，連羽衣甘藍，水蓮菜都有👍🏻👍🏻👍🏻麵類有烏冬、王子麵，新竹米粉、壽桃麵，寛粉、出前一丁丸類最特別係有咸蛋流心丸 、糬來寶，其他都係正常嘢飲品區有超超超多選題，茶類、咖啡、果汁、汽水包羅萬有，梗有一款岩你飲甜品區係最有驚喜😍自助軟雪糕🍦甜品櫃、雪條櫃都有好多選擇，我食咗勁多款甜品😂😂出去行咗個圈，拎咗少少野返埋位座底，終於可以開餐😆😆麻辣湯好香，小辣對我黎講都好夠辣，再辣我就覺得會食唔到食材本身嘅味道藥膳豬骨湯真係好足料，連人蔘都有幾條👍🏻👍🏻除咗出面自助區嘅食物，仲可以自己scan code 落單，我主力係食牛🥩 $178呢個價位可以食特級肩胛肉眼 & 肩胛肉，兩者都有牛味，但兩者比較就肉眼好食D 🤤🤤甜品我試哂所有朱古力類既嘢，一般都會太甜，食兩啖就唔想食，但呢度d朱古力又唔會好甜，我可以全部清晒🤭🤭綠色奇異果🥝雪條幾特別da Dino getali 既朱古力雪糕杯真係唔可以錯過，濃郁得嚟唔會覺得好甜，但食哂一杯都有少少膩🤏自助區+手機order每款食一件都會飽死😂😂😂午市呢個價錢真係好食又抵食👍🏻👍🏻👍🏻平日14:00後入座仲有88折優惠店員仲話晚市新張期間仲每人頭送一客A5和牛，搞到我想拿拿聲約朋友再食😂😂仲有仲有，記得download app做會員，新做會員有環保袋送，下次惠顧可以免$48食鴛鴦鍋，儲分去到某個額可以升級，到時好似有85折，詳細資料可以自己打電話去問下😝…Read More

餐廳：URBAN Cafe 觀塘店 地點：觀塘開源道62號駱駝漆大廈1座6樓一入門口就要穿鞋套，保護貓貓及環境衛生👍🏻👍🏻呢度好大，好多唔同品種嘅貓貓😍目測有超過50隻😊貓貓有D懶洋洋，有D就四圍行，間中又會跳上枱坐係你隔離想你摸摸🥰二人set包餐湯+沙律+$28轉小食拼盤 + main+飯/麵+ 2杯飲品(部分要另加錢)🎀粟米忌廉湯 + 沙律正常味道，份量剛好🎀 小食拼盤6隻麥樂雞+1大碟薯條🍟麥樂雞正常，薯條新鮮炸起，所以好脆口👍🏻👍🏻🎀三重芝士肉醬闊條麵大量肉醬配上芝士撈好後每條麵麵沾有肉醬，好正😋🎀安格斯牛肉手工漢堡配薯條安格斯牛肉好厚身，肉質好嫩，一D都唔柴口👍🏻👍🏻🎀Oreo脆脆特濃朱古力 +$21真係好濃郁，超好飲🤤🤤🎀特制生日朱古力水果窩夫嘩…..好靚呀😍😍，貓貓畫都好等靚，D字又寫得好靚👍🏻👍🏻切開係心型嘅朱古力窩夫，朱古力味又勁濃厚，又靚又好食😋😋😋 呢款生日窩夫記得要提早預約，就算唔係生日都可以order，因為真係太靚喇😍😍2人set + 特制生日窩夫🧇 埋單都係$560 食物質素比同類貓cafe好太多，價錢真心唔貴，最緊要係無額外收入場費，只係每人有最低消費$100真係好合理👍🏻👍🏻食緊野其間，見到有幾個人會自己帶玩具黎同貓貓玩，令佢地更加活躍🥰同埋可以係現場買罐罐喂貓貓一開罐罐，會有最少5-6隻貓衝上枱等你餵佢，真係為食貓🤭🤭…Read More