ronkwanald的個人專頁

之前跟女朋友去到尖沙咀行街, 我地成日都經過呢間人龍沾麵店已經想試好耐架啦….最近天氣轉冷, 係一個借口可以去食好D, 食一D暖胃的麵食….我自己比較喜歡食拉麵, 因為女友好喜歡食沾麵, 所以就陪佢去下啦, 點知食完之後我都開始喜歡食沾麵啦….除左麵食之外, 仲有唔少的小食可以點叫...而今次主要黎既目的當然是沾麵啦…枱上面都準備左唔同的調味料, 大家可以自己享用的….點餐可以用上這張紙, 簡單清楚易明…自家煎餃($36): 一份有5隻自家煎餃, 份量大小適中, 而餃子都皮薄餡肉多, 沾上自家製的餃子汁唔錯呀….極上芝士蟹皇沾麵加飛魚子 ($158) :沾麵跟拉麵不同之處就是湯跟麵是分開上的, 我呢一份極上芝士蟹皇沾麵加飛魚子麵內都有附上豚肉, 半熟蛋, 紫菜, 青檸等配料….而極上芝士蟹皇同埋另外加的飛魚子都係分開上的, 蟹蓋上的稍為燒過的半溶芝士睇見都流哂口水, 而另外加的飛魚子份量都唔少wor….至於食沾麵唔可以缺少的就係呢碗上左枱仲係度滾緊既湯底, 上面仲加左少量既櫻花蝦….湯底十分鮮味濃郁, 好香的鮮蝦味道….而即焗蟹蓋上面的半溶芝士配上下面的蟹膏, 味道十分濃郁香口, 味道唔會太咸或者重口味, 蟹膏份量都唔少….仲加左口感十足的飛魚子混合入蟹膏食, 口感真係好豐富惹味….而呢度D麵都比較粗身, 混麵入湯底一齊食十分滋味, 而麵的軟硬適中, 有咬口….真係唔可以睇少碗麵, 食到我好飽好滿足, 食到最後仲可以將餘下的湯底混入佢地的鏗魚漡底試下, 可以將所以的麵食精華一飲而盡, 大滿足!!!我跟女朋友都好滿意呢一餐…下次再黎試下其他麵食.…查看更多

這天同女朋友放工去到銅鑼灣一間樓上的日式餐廳食飯, 因為係同事介紹,所以就去試下.餐廳內環境寧靜舒適, 空間感十足, 全以簡樸的木調家俱, 整潔乾淨.這到食午餐, 呢度既午餐都好多樣化, 但係唯一一點就是價格都比一般的略貴一點, 但係同事講到好正, 點都要試下, 辛苦搵黎自在食.我地一人點左個定食, 我呢個係海鮮丼定食, 定食都附有沙律, 前菜同埋蒸蛋…先黎就係沙律份量不多不少, 中間有芝麻醬, 酸酸地幾開胃, 沙律都幾新鮮爽口…之後到日式蒸蛋, 蒸蛋好滑有蛋味, 而入面有冬菇同雞肉, 唯一就是不夠熱, 如果熱一點會更好…跟住就係個主角出場, 海鮮丼出場了…上面有好多唔同款式既刺身款式, 有甜蝦, 魚子粒, 吞拿魚, 魷魚, 蟹棒, 海膽等…款款都好新鮮, 加入豉油不錯, 甜蝦好爽甜, 而魚子粒冇腥味, 吞拿魚肉質都十分鮮嫩易咬, 份量足夠, 好高質…最後附送埋一碗味噌湯作結, 味噌湯唔會太咸, 有小小豆腐粒同埋海苔, 清甜易入口…正當以為完左, 職員就送上一小塊哈蜜瓜為飯後甜品, 哈蜜瓜好新鮮爽甜, 同事果然冇介紹錯, 食物質素都幾高. 下次再黎過..…查看更多

之前跟女朋友去到中環影相, 因為天氣天熱同埋行到腳仔軟, 行過見到呢間黎自日本的甜品蛋糕店, 入面仲有幾個堂食位, 我地就諗都唔諗入左去買左兩件蛋糕坐低慢慢食, 順手休息下除左有唔同既蛋糕賣之外, 原來呢度都有雪糕同埋唔同既飲品賣店內都唔算好大, 但就有幾個堂食位可以俾你係度小休同享用佢地既甜點.我地一人叫左一件食, 一件係原味千層, 另一件就係佢地個皇牌堂島卷原味切餅呢個皇牌第一次係日本食, 俾佢入面軟滑既Cream所吸引, 外面是海綿蛋糕, 包住好多白色軟滑Cream外面蛋糕好軟熟有空氣感，有蛋香味，連埋唔同口感的Cream一齊食真係太好味了, 唔會太甜, 香港食同日本食味道都好一致!而原味千層就有另一番風味, 千層好有口感, 不過Cream就唔夠切餅多, 不過層次好豐富, 甜度適中, 不過我自己比較喜歡切餅多D!…查看更多

這晚跟女友再次來到呢間Cafe 食Dinner...我地一人叫左個一個晚餐....巴黎式紅酒慢煮紐西蘭羊膝 套餐HK $198 套餐包左是日餐湯、田園沙律、是日甜品、咖啡或茶先來是是日餐湯，是西蘭花忌廉湯，西蘭花忌廉湯好香滑，有淡淡蔬菜味，味道特別，唔會太咸！飲完個湯就到沙律，沙律菜很新鮮爽口，混入酸醋汁，好開胃...巴黎式紅酒慢煮紐西蘭羊膝：羊膝份量不少，肉質鮮嫩，有陣陣的羊SO味，肉質唔會太韌，配上特製的紅酒醬汁十分惹味，旁邊還配上南瓜蓉，以及翠玉瓜及茄子等配菜，這道菜誠意十足，正呀！芒果雪糕份量都唔少，有一球，芒果味非常濃郁，中間混入先芒果肉，有口感，好有芒果味！套餐可以有一杯咖啡或茶，我就點了一杯凍檸水，附上一小杯糖漿可以自行按分量加入！…查看更多

講起PIZZA好似來來去去都得果間大型連鎖店，食到都有啲悶，就上網特意搵到呢間小店，帶埋女朋友去試下小店係中環扶手電梯旁SOHO區，都唔算難搵這間餐廳主要以西餐為主，主要有前菜、沙律、意粉、意大利飯及PIZZA等等，種類都幾多，總有一款大家會中意！粗薯條炸得金黃香脆！上面淋有車打芝士，好惹味～側邊仲配有今次重點的黑松露醬，黑松露醬也濃郁香口！呢碟海鮮意粉海鮮種類不少，有青口、蝦、魷魚及魚塊等等⋯⋯海鮮配料好豐富，用上蕃茄汁煮成整份意粉，微酸惹味，海鮮們都好新鮮！醬汁份量都煮得剛好，意粉軟硬度適中，有口感！正！呢度既PIZZA種類都是以名字是命名，好有趣wor........PIZZA SIZE適中，厚度也不厚不薄，口感十足，有不少煙三文魚，好鮮嫩！而PIZZA拌有蕃茄汁及芝士焗製，上面加了香草🌿配料作調味，雖然配料不是太多，但味道好出好惹味，咸度適中，芝士唔會膩，不是芝士愛好者都會好喜歡…查看更多

因為係附近返工，成日行過都見到好多學生過排哂隊咁⋯⋯ 所以就搵日黎試下佢！呢日星期六過黎都唔係返學時間，都不唔少人排隊等呀！來自台灣的手工茶店宜家都有唔少選擇，點左呢杯宇治抹茶白玉 HK$26 ，雖然叫左走冰，但係份量依然欺場呀，仲保持到是涼的不是熱，但就一定無有加冰的咁凍啦！好濃郁的抹茶香，我叫左微糖，所以甜度大減，飲到茶味的甘醇味，下面加左唔少嘅自家製嘅白玉，煙煙韌韌好有口感，比起一般黑色珍珠更加健康⋯⋯可以再encore…查看更多

嗰日同女朋友出旺角行朗豪坊，又到食飯時間，我哋就會走咗落去Food Court食飯⋯⋯呢度有幾間餐廳可以選擇，而我地今次就揀左呢間好鍾意食的日式咖哩飯專門店，價錢竟然比獨立鋪頭的平，仲要唔洗加一，超抵食呀⋯⋯我就叫左呢個焗雞肉咖哩飯，都只係 HK$48 ja~ 呢度都係有套餐可以加飲品同埋沙律，我地都加左一份share係！！焗飯表面加了一點芝士，焗至微微焦，配上惹味香口而不辣的日式咖哩汁，十分滋味，雞肉亦都好嫩口易咬，跟舖的質素差不多，但呢度就平啲而且唔洗加一！…查看更多

嗰日同女朋友食完個lunch都未覺得好飽，所以就想搵甜品食......見好耐未食過呢一間綠茶雪糕店，咁岩行過附近，又見到冇乜人，唔使排隊就梗係入去食翻杯雪糕啦.....呢度嘅款式都有好多選擇，主要以牛奶味雪糕同埋綠茶雪糕為主，因為CONE裝份量比換裝的細小，因為怕食唔晒好浪費，所以我就叫咗杯CONE 裝雪糕食....本來想試吓個新推岀的豆腐味雪糕，但係因為雪糕機壞咗，所以唯有轉頭返綠茶同牛奶味雙味雪糕....雪糕好軟滑，口感好濃厚，牛奶味好甜好滑，而綠茶味亦都有好香濃嘅綠茶味，食咗咁多年都冇退步過，難怪成日喺飯後時間背咁多人排隊食啦！…查看更多

之前出去佐敦做嘢，因為要食埋lunch先返公司，所以就喺附近是但搵左間餐廳食飯...呢間花園餐廳都唔係第1次去㗎啦....但係成日就見到人哋排隊，今日竟然冇人排隊，於是就走入去是但食啲嘢頂肚啦....一如以往都係有唔同嘅午市套餐，我就點左呢個扒餐配意粉，呢個係雞扒配腸仔意粉，可以跟薯菜或者飯……個套餐係包左餐包，白湯或者紅湯，我就揀咗白湯忌廉湯，餐包同埋湯都係正常的……嚟到個主菜份量都算唔少，意粉好多，我就跟咗黑椒汁，黑椒汁味道幾重口味，而雞扒正正常常，而腸仔就覺得有點咸，食完之後覺得好口渴，味精應該幾多，味道好似比之前黎食差咗啲……難怪少咗條人龍嚟排隊食啦…查看更多

之前女朋友要到中環出席活動，作為一個跟男朋友，就梗係去接佢啦....因為大家都未食lunch ,所以就去咗附近扶手電梯旁嘅一間茶木到食啲嘢....平時行過都見到呢間茶木，都係第一次想去朝聖....因為唔係正常食飯時間，所以都冇咩人等位....坐低之後每人叫咗一杯野飲，呢杯係玫瑰花茶但係唔知點解有梅子味，微酸的味道，反而玫瑰花你不算太香濃呢個甜品係次次黎茶木都必點嘅.... 唔知係咪轉左餐牌，口味選擇都比較少，所以我哋就揀咗呢個士多啤梨口味唔知係咪太耐冇黎食，價錢都加到去90幾蚊覺得有啲貴，但係味道都一如以往咁好味嘅....吐司好香脆，仲有細小嘅棉花糖粒作調味，再配合士多啤梨味雪糕再混合忌廉一齊食用，口感極之豐富，兩個人食一份都幾飽肚👍🏻👍🏻…查看更多

女朋友是甜品加朱古力die heart fans， 次次行過好同我講話好想試下， 果日行過朗豪坊就心血來潮買咗一件同佢兩份食……呢度啲蛋糕有好多款口味，花多眼亂，最後就梗係揀我女朋友最喜歡嘅朱古力口味啦呢個蛋糕係雙重朱古力蛋糕，一件HK＄55，Size就係一隻手掌咁上下大，都好似幾抵食呢個朱古力蛋糕上面除咗有忌廉同朱古力片之外，下面嘅海綿朱古力蛋糕中間都混入飲朱古力粒，口感豐富，而食到中間，就有好Creamy 又好滑嘅朱古力Mousse ，層次好豐富，朱古力味都幾香濃，唔會太甜呀！下次要再試吓其他口味先👍🏻…查看更多

一向比較中意食意粉焗飯西餐類，之前去左九龍灣陪女朋友，放假就想食下午茶，呢間餐廳都好似開左一排，路過見到個路牌見都幾抵食，所以就去試下......下午茶款式都幾多呀.....仲有甜品下午茶，不過我連Lunch都未食，梗係揀個焗飯食下啦...飽D呀MA我叫左個窩蛋肉醬焗飯....下午茶黎講又幾夠份量，上面個煎蛋係半生熟的，不過肉醬中間的肉粒不太多，只食到蕃茄果，但不太惹味，有點失望😞但不是難吃的，可以醫飽個肚, 下次可以再黎試下其他唔同既下午茶啦....…查看更多

之前女朋友約左我去太子旺角行街, 因為突然想吃意粉, 就想起我地之前食過好幾次的西餐小cafe, 因為都比較容易搵位,而且半自助式的cafe我地都幾喜歡, 價錢都係可接受, 所以就同女朋友去左食晚餐.平日的晚上都算幾多人, 不過好彩2個人都好易搵位呢度係先點菜付款, 再係座位上而等送餐, 所以都幾feel, 又冇另收加一費呢回事.點左呢個香草文忌廉三文魚意粉, 三文魚份量都幾多, 香草味好清鄐而醬汁都唔會太水太稀身, 意粉軟硬度都幾適中.雜菌薄脆Pizza, 呢款pizza次次黎都會食, 我覺得佢地整得幾好食, 個底焗到好脆身香口, 而雜菌味都十分濃郁香口. 不錯…查看更多

同女友到尖沙咀行街, 因為頭先果餐吃不飽, 女友又要嚷著試人地宜家好興的茶類台式飲品,行過呢間之間睇過FACEBOOK介紹, 就試下呢個, 都可唔少人飲....因為女友唔喜歡飲奶茶, 所以我地最後點左呢杯可可鐵拿, 其實即是我們香港人俗稱的朱古力而已, 台式飲品就是可以自行揀選糖同埋冰的半量, 可以根據個人喜好去自行決定, 可能不是太明佢地個半糖少糖的意思, 點錯了半糖, 其實是想點微糖的, 因為我地都唔太飲甜的, 不過無辦法就唯有照飲啦.即叫即時沖製, 見到佢地都有加入明治的鮮牛奶去調配, 證明材料都係真材實料, 朱古力味幾香幾滑, 但係半糖都可能芍於我地黎講會多左d, 所以除左甜左少少之外, 整體都唔錯, 下而就識點啦…查看更多

香港的日本菜多不餘數, 好多時樓上鋪都會是被忽略的一群, 但往往樓上鋪都會隱藏著很多出色的餐廳, 這次就來到尖沙咀的一間隱世樓上日本料理餐廳.它位於近海港城對面的Apple Store旁的大廈上層, 打開lift門不難感受到餐廳的日本風格.時間尚早, 入座率不算多, 我們被安排到卡座用膳, 座位十分闊落舒適.點菜後, 先來一客餐前小吃, 這是茄子拌著特製醬汁及木魚碎, 醬汁甜甜微酸, 好開胃.特上雜錦刺身 $560: 先來一盤特上雜錦刺身, 上枱時十分有份量, 內有六款刺身, 分別有深海池魚、吞拿魚腩、赤貝、海膽、油甘魚、吞拿魚及牡丹蝦.整體刺身都十分新鮮沒有雪味, 而且切得特別厚身, 啖啖肉好有口感, 而當中最喜歡就是深海池魚, 魚肉鮮嫩易入口.鮨處松戶海鮮沙律 $95: 這盤日式沙律超級抵食, 份量超多, 除了新鮮的沙律菜外, 中間忍藏了大量的海鮮刺身, 有魚子、三魚文刺身、吞拿魚刺身、玉子、八爪魚刺身、油甘魚刺身、鯛魚刺身、甜蝦及帆立貝刺身等, 十分豐富上面有大量脆身的天婦羅脆, 所以食用起上黎特別有口感, 入面的刺身都是大大粒, 很新鮮, 而沙律菜配合微酸的柚子醬汁, 好醒胃.日式蟹肉燒薄餅 $108: 這份日式蟹肉燒薄餅即叫即製, 燒薄餅上有大量木魚, 再配合沙律醬及燒汁, 而且煎到好薄身, 十分惹味, 但蟹肉味不算太出, 可以味道而被惹味的醬汁遮蓋. 整體不錯.意大利風蔥吞拿魚法包 $88: 好特別的Fushion多士，而日式的蔥吞拿魚蓉加上意大利的醬汁作調味，口感豐富，而且微酸的醬汁中和左蔥吞拿魚蓉的腥味，好特別！𩶘魚奶湯 $58: 有別於一般的味噌湯, 內有新鮮的𩶘魚, 湯味很有魚鮮味, 比起一般的味噌湯更鮮甜美味, 而𩶘魚份量也不少.牛肉他他刺身 $108: 這份牛肉刺身切到薄身, 半生熟的牛肉呈鮮紅色, 易咬開, 不過牛味不太濃郁, 配上特製的醬汁食用也不錯.日式雪糕 $38: 日本餐廳的雪糕就只有日式的口味, 選了紅豆及芝麻口味, 不錯.…查看更多