Patpatpretty的个人专页

好彩冇人排隊即刻入座。叫咗一個焦糖蘋果pancake。一杯mocha同matcha。當日已經食到好飽先嚟，甜品係呢款空氣pancake，所以完全冇負擔。佢嘅pancake同焦糖味好香，佢旁邊有用焦糖處理過嘅nuts，脆口好味。不過比原味貴，依照性價比感覺好似叫返原味就可以了。Mocha唔夠朱古力味（幾乎冇.........）Matcha奶香之餘仲保留到有少少抹茶苦味。相較下，Matcha好飲好多。…查看更多

Ordered 74% ice chocolate with milk. $45係order嘅時間好細心問係咪要牛奶開，以免我哋可能係如素者。當然我哋唔係，所以都冇所謂。否則可以揀豆奶或者其他。等咗幾分鐘就有得攞，飲前店主都有同我哋介紹今日呢款可可豆！非常好因為佢唔介招下，第一啖入口可能會衝擊。因為佢係比較fruity嘅可可豆，所以唔似常飲到淨係cocoa味嘅朱古力，好豐富層次。牛奶好薄，飲完個胃唔會好有負擔。…查看更多

下午兩點到，仲未截單。因為全英文餐牌，有啲地道英文菜式，個腦真點kick kick哋。但靚女侍應好好，主動過嚟介紹菜式，仲好細心咁問我哋嘅口味再作介紹！服務態度100分！最後係佢建議下叫咗三個菜。第一道係devilled shrimp: 呢個醬比較辣，蝦好爽口，雖然辣但食得出佢哋有先調好蝦基底味。好好味！超級開胃！第二道係chicken kari+pol roti: 呢個斯里蘭卡嘅咖喱香料冇印度重，同埋，冇咁辣，可以同第一道餸攞返個平衡。雞肉用雞髀肉，好滑。不過食到有輕輕雪味，冇諗住佢會用新鮮雞所以其實已經好合格！仲有，薄餅兩塊，煎到脆面，好有飽腹感。第三道係hopper with kari hodi: 呢個好有特色，推介一試！佢外貌係一個蛋白兜，已經好可愛。裡面紅卜卜配菜有少少辣少少鹹少少椰絲甜。真係口感爆發。出面生洋蔥辣椒醬，點同唔點兩個感覺！但都好好食！最後，我哋食到最後幾啖好辣又飲晒啲水，佢哋都立即幫我哋加水。仲有個侍應過嚟問我哋意見，仲笑我哋食斯里蘭卡嘢就係要辣㗎啦！very funny! …查看更多

為於何福堂附近嘅一間咖啡店，呢到有限時60分鐘，都有唔少人等候㗎～所以要準時交枱啊咖啡愛好者真心可以過嚟探秘一下。唔識咖啡可以叫佢介紹或者都仲有好多茶同其他飲品選擇呢到淨係得輕食，當日甜品可能會因應每日情況提供。食咗brownie同哈密瓜檸檬凍餅，都好好味。…查看更多

午飯時間去都唔算多人，環境亦好靚。叫咗一個全個南瓜千層麵，冬蔭公刀削麵，一壺玫瑰桂花茶同一杯latte 。南瓜千層面：全個南瓜非常吸睛，仲要滿溢嘅芝士，已經流晒口水。因為全個南瓜，芝士同千層面食落原來都唔係太多。肢解完個南瓜，亦都夠飽。芝士同南瓜甜配合 有加到分！冬蔭公刀削麵：貪得意叫咗嚟試，果然好有趣！係有趣入面，都算好味。酸辣味道適中，十分開胃。選用刀削麵係一個大膽嘅配搭，入晒冬陰功嘅濃味。份量亦非常足夠！玫瑰桂花茶：抵讚，玫瑰同桂花都唔會太濃，兩者都唔係有衝突感Latte：Menu有寫明single shot，所以奶味重啲，咖啡味相對地少。可以跟隨自己口味選擇啦～…查看更多

舊懷茶餐廳，入到去竟然有啲街坊同你吹水，舊一輩好喜歡自然咁搭嗲，後生就叫呢啲r水吹叫咗茶記不可缺少嘅沙嗲牛肉麵餐。同菠蘿芝蛋堡。凍飲都唔洗加錢。沙嗲牛肉麵餐$36: 肉嫩帶爽口，沙嗲味合格跟餐有多士同火腿蛋。菠蘿芝蛋堡$30: 菠蘿包鬆脆，帶甜中和芝士嘅鹹；蛋係太陽蛋，蛋味濃，一咬就有流心嘅效果。其實係瀑布一樣，大家小心衫褲。但有驚喜嘅，推介飲品係凍檸茶同凍奶茶，係無驚無險嘅選擇。凍奶茶冇咁濃茶味，如果追求茶濃奶香嘅話就會少少失望啦。…查看更多

今次食晚餐比較早到，所以唔洗等位。但夜咗多人，建議可以預先訂位嘅。叫咗一個set dinner，蘆筍海蝦黑松露意大利飯加錢要咗杯ice americano，$128。再加個燒雞意大利飯（半隻），$98。Ice americano: 非常睇個人口味。呢到嘅咖啡就唔帶酸味，唔至於滑溜，但入口香濃cocoa蘆筍海蝦黑松露意大利飯：個蝦好味，煎得岩岩好！淡淡嘅黑松露味同蘆筍好清新。燒雞意大利飯（半隻）：餐牌咁寫半隻，但其實係兩隻春雞髀嚟嘅，仲正比較濃味嘅雞髀送意大利飯岩岩好！不過食晒啲雞，淨食個飯就偏淡少少lu~…查看更多

坐落有消毒濕紙巾同口罩夾，細心就加分。今次食set lunch，頭盤主食甜品同埋餐飲，但大部分餐飲都要另加錢。首先麵包配橄欖油黑醋，呢到黑醋出色，唔嗆味，靜靜地嘅酸味，相當開胃。頭盤叫咗：炸芝士球，18個月火腿，cold cut。份量充足。個人建議叫咗cold cut可以唔洗再另叫ham，因為cold cut都有ham可以分享。主食：辣豬肉貓耳朵，黑松露幼意粉，龍蝦闊意粉。呢到手制意粉係主打特色。貓耳朵厚身但配上辣汁消食黑松露落刨絕對冇手軟，加上少少爽口幼意粉同黑松露油，口感味道一致。讚龍蝦闊意粉原來係辣嘅，但蕃茄味依然並存保留抵讚。令闊意粉食完唔覺滯甜品：提拉米蘇同紅莓奶凍。提拉米蘇略為不夠酒味。紅莓奶凍不過不失，好味嘅～餐飲係加錢轉咖啡，Latte 。加錢嚟計，呢杯latte就係一餐最失望。奶打唔夠，亦冇拉花可言。賣相味道都低分:(…查看更多

期待已久嘅屯門分店、回頭率又高嘅cafe，去咗幾次都依然keep住多人排隊。所以想食嘅真係要早少少去攞位。午餐要咗個意式豬扒蕃茄珍珠飯+厚切蕃茄雞扒沙律菜意大利包 配蜜糖芥末薯角。意式豬扒蕃茄珍珠飯：豬扒厚身但唔柴皮，仲有啲juicy，唔錯！只係蕃茄汁唔夠茄味～整體係好食嘅！厚切蕃茄雞扒沙律菜意大利包 配蜜糖芥末薯角：煎香雞扒油脂同意大利包好夾，正！意大利包唔係硬包亦冇烘，食落方便。略嫌雞扒裹粉少少厚。薯角同蜜糖芥末就合格，都係大眾野。凍美式咖啡：到americano 就係個人口味，呢到用嘅咖啡偏帶前酸後甘嘅口味。如果唔喜帶酸味嘅咖啡，可以叫返奶啡，酸味冇咁強烈～…查看更多

午市叫咗擔擔麵，試埋大雲吞、小籠包、春卷。搵唔到一樣好食。擔擔面入面嘅麻醬同本身湯底唔夾唔和味，湯底得個辣字又完全冇味（連鹹味都冇）。大雲吞又係好淡，小籠包有肉汁但唔鮮，春卷還可以但油味偏重。另外，侍應亦唔會主動加茶。:(:(雖然環境係唔錯嘅，闊落坐得舒服，午市咁多人都唔洗搭枱。總結，一個lunch set都要$63，唔算平㗎，但咁多款食物都唔夠味，就認真把鬼啊！另外兩個朋友一致覺得唔會再俾多次機會呢間野啦:(…查看更多