PuiyuenLau的个人专页

收工諗住食碗麵，去到坐低等左成5分鐘都冇人寫單，揮手叫佢然後話等陣，等咗幾分鐘，然後問食咩，話牛腩河，點知賣曬，其實呢度已經想走，不過入咗黎就算，咁咪叫個雲吞麵囉，個女服務員話OK，跟著門口有三個客人入黎，個女服務員叫我換位，ok，冇問題，我得一個，點知個位係角落位，跟著先幫我落單，咁姐係啱啱冇落啦，如是者又等咗成10分鐘先上咗個雲吞麵，個雲吞麵仲衰，啲麵得兩啖，啲雲吞仲細過啲鵪鶉蛋，個雲吞麵同冇食過一樣，最慘咁都要42，原黎食空氣都要咁貴，之後仲搞到我要買多個菠蘿包充饑，未試過食粉面店係食得咁難受，應該係我人生食過最難食既麵舖，冇之一，呢間野已列入黑名單，有生之年永不錄用。…查看更多

經過想食野，見到出面啲menu好似幾好食，入去叫咗個雞排滷肉麵， 塊雞排根本就冇肉，師傅啲刀工真係好勁，塊雞排都可以係薄切，薄到睇唔到，加上未見過咁厚既炸皮，而且又好難食，啲麵仲衰，應該百佳入面啲包裝麵黎，難食到死，加咗杯凍飲綠茶，杯嘢就正常，個餐成60蚊，完全唔值得，30都唔值得，真心唔明呢啲鋪點生存到依家，香港就係因為呢啲劣食而越黎越差，由美食之都變劣食之都🤮。真係未見過咁難食既台灣嘢🤮🤮🤮，已經黑名單呢間嘢。…查看更多