JackelToPo的个人专页

二人套餐🐔 $168半隻海南雞 2碗肉骨茶 一份油菜先講碗肉骨茶🥘係我第一次試佢既肉骨茶因為就咁嗌好貴😂黎到我哇一聲好濃郁 好香嘅藥材味😨好足料 足料到傻但係入口又唔會覺有咁大浸藥材味，而且有好香嘅蒜頭味我覺得佢碗肉骨茶將兩種風格嘅肉骨茶攞到個好好嘅平衡，蒜香同藥材味都唔會太搶，非 常 出 色！如果要就咁嗌一碗都好值得👍🏻雞飯🐔水準依舊 皮爽彈，同雞肉之間有層次。五點醬汁就咁食都有雞味。食雞胸肉都唔會話入口好梅既感覺。雖然只係半隻雞，個Size好夠份量，兩個人食絕對夠。唯獨係個飯有少少失色，有小小一舊舊咁，一部分又好油，但絕對唔係唔好食！有炸蒜係飯入面 香味十足。醬汁方面 孤寒咗少少😂唔願意比我多少少豉油。整體最出色係薑蓉，好新鮮同埋好夠蓉爛，見到佢咁鮮色就知好有葱油香。油菜就…好普通😂叫有條菜食下 好淋總結，性價比極高 平民首選👍🏻🐔👍🏻🐔朵就一早響左，又冇話越做越差。非常滿意 我如果經過呢附近 絕對會再食☺️…查看更多

小弟早前經已試過佢嘅肥牛雞翼酸辣上海麵，覺得不過不失 啲員工又幾Nice，所以決定入去翻撻一次😂碗嘢埋到黎見到都心知不妙。我唔知道係特色嘢定係搞錯咗，我嗌咗個麻辣湯底 食咗啖入口有六成係麻辣四成係酸辣😹笑死 鹹到傻左…..Okay, 鹹就唔飲湯囉，食啖面先。哇😂入口即溶喎 我同屋企人3碗都係🥲黑人問號左？撇除佢煮到過晒火，佢好似連個面底都轉埋，咁好食嘅上海麵佢冇晒煙韌嘅感覺🥲可惜！夾塊豬扒食下先 一夾起😂我真係笑左我好夾左塊豬肉乾，佢揸到過晒火嗰個程度係啲豬扒皺左 我將塊豬扒吉落筷子度都咬唔甩☠️可以唔使再去了…查看更多

只係嗌左簡單一份油渣麵🙈$43蚊💸💸唯有係話佢份量好夠囉😂湯係非常夠熱辣口既 不過味道就冇乜🥲係一個味精湯既示範😂麵質入口幾淋… 都冇乜好分享😂😂配料方面 睇到幾驚喜 幾多款式！辣菜脯 唔辣菜脯 葱花 辣椒油我好期待佢既辣菜脯☺️賣相好吸引入口😑鹹到跳海…辣椒油😑唔夠香亦唔辣葱花😑乾到我以為攞左一星期總結😂中伏指數偏高😂性價比0員工表現驚喜，我懷疑嗌得一碗面唔嗌野飲得罪左佢🥲入面仲熱到喊出嚟😂大家耐冇出汗 可以入去排一排汗😂…查看更多

食左好多年既粉果佬。細個係附近讀書勁買😂😂冇係大埔區生活後咁啱要黎大埔 今次再次下🤣嗌左兩串燒賣！因為呢度出名燒賣吖嘛！以前真係色香味俱全。而家再食就真係有點失望🥲$10蚊5粒 就咁聽燒賣賣呢個價錢 可能會同其他小食店有比較但佢每粒燒賣都係手工做而每一口都食得出係手工既燒賣價錢係直既！不過咬入口已經冇之前咁足料，味道欠奉以前好肥好邪惡果陣豬油香都已經食唔出了辣椒油亦得個鹹字，唔夠香。也許再次回頭買燒賣，都係買果份情懷🥲…查看更多

睇到好多影片分享網站既片，黎聯和墟試食都會利是飲呢間椰汁。椰子樂由我細細個喺出邊球場踢波就已經飲過，今次黎認真試飲影相，睇下同以前有冇分別。今次買咗兩杯淨椰汁，因為覺得加咗其他配料好似試唔到佢嘅原汁原味。老闆一如既往服務態度一流。因為諗住一杯即場飲一杯買俾屋企人飲，老闆好好地叫我哋返去要雪15分鐘先😂詳情忘記了。然而即場飲個杯 飲得出係幾新鮮嘅飲品，亦都feel到佢好足料。但唯獨係椰子味唔係幾飲得出🙈奶味有小小蓋過咗。拎返屋企飲個杯可能我哋雪得唔好，未到已經完全及唔上即買即飲個杯。總括而言，以椰汁來講味道也許及唔上以前，但呢個價錢買到一杯新鮮調製嘅飲品同埋老闆好好嘅服務，都值得既。…查看更多

😂上次食應該係5年前。係附近有野買 所以近近地入去試下😂帶住冇期望既心情入去頹食，都仲有失望。除左雞肉多利亞之外，全部令人失望😂西蘭花黎到 撇除味道，見到已經黃黃地。焗雞翼已經唔同咗以前，香嘅味係零。碟意粉直頭有沙😂根本食唔到落去。煎雞扒 仲有一大陣雪藏味 應該完全冇醃過。不過啲撈埋啲香蒜都仲係好好送飯🙈總結，價錢仲係抵食既，menu仲keep到有好多款式，亦有一啲新出嘅野食。也許其他野食會有水準啲吧。…查看更多

同朋友仔隨心食個lunch，搵到茶聊今次同個Fd叫左啲最Normal 最簡單既set lunch，睇下佢地係咪賣樣之外 仲有質素🤭小食🫠分別叫咗個夏威夷炸雞同埋德州辣肉醬薯角，一樣套餐加$28。兩款小食可以一齊講，雖然係加配，味道亦比較普通。普通一件炸雞，主要係個秘製醬加返分。加咗啲柚子肉酸酸甜甜 幾易入口。薯角方面就更加普通🫠黎到就已經唔熱同細條乾身。不過都係佢既醬汁搭救左，味道幾特別同幾match薯角。兩款小食一款清新啲一款濃味啲，可以因應自己口味揀，不過不失啦。🤣餐湯🫕足料杰撻撻，香味有。飲落似係搞爛咗嘅薯蓉日本雞油泡椒香蒜鮑汁炒黑豚肉手工意大利粉🐷🐷個名好鬼長🥲聞落認真香😎睇到想影相👍🏻食落夠份量✨一開始我諗起個名，再夾起佢我聯想到佢係茶仔豬頸肉炒意粉。食落口就feel到唔簡單 對住佢個咁長既名🤤係今餐飯最令我驚喜既一個item。佢唔肥膩 但好夠油香。黑豚肉味道幾重，撈埋鮑汁同蒜香好出色卡邦尼手工意粉配流心蛋🥚味道十分香濃 芝士味夠亦都Creamy。突出嘅地方係佢嗰隻流心蛋，隻蛋好香配埋忌廉味非常Match。👍🏻飲品🧋四季春芝士奶蓋茶味唔夠香，不過芝士奶蓋就入口都算香濃 幾軟綿，飲晒成杯唔會點覺好溜。總結一間食環境打卡既Cafe，縱橫四周既賣相擺盤都非常特別，嗌嘢食手機搞掂。兩款主食都出色，相比之下第一款令我有驚喜。小食就比較失色一點。不過綜合黎講☕️茶聊有好優秀既環境氣氛，非常適合同朋友聚會，同另一半二人世界撐枱腳😎…查看更多

一早聽到深水埗呢間茶餐廳幾多人講已經成日想試🧏🏻‍♂️好似有好多招牌特色野喺門口望住個餐牌✨完全冇思考過見到有海南雞飯就入咗去😂(自稱每日只賣100份😏)但我夜晚9點去😂招牌海南雞飯🐔$68🍚碟飯一嚟到嘅時候幾吸睛，有別於一般嘅黃色油飯，食落口冇嗰種油淋淋嘅感覺。但仍然keep到有飯香 有油香味。再撈埋啲脆炸蒜頭，😂可以要多碗。醬汁方面非常之港式。俾咗泰式酸辣醬，仲有新加坡嗰隻海南雞甜豉油。個人認為酸辣醬幾出色，酸味唔搶 辣味啱啱好。有啲酸酸甜甜嘅青瓜配菜喺面頭，試左兩條 中意陣味既應該會幾中意食😂雞方面🐔分量比想像中多，佢俾咗雞髀同雞胸。雞髀就多數都肉嫩冇走雞，雞胸都冇話入口好淋既感覺。成件雞連埋雞皮都好有層次，雞皮爽彈，我都連皮食咗一舊😂。第一件雞我冇點任何醬汁就咁食，食到佢真係有認真醃過，冰鮮味道唔多，唔係就咁俾你點醬汁就算。環境餐廳環境由招牌都內龍都以少許懷舊為主。衛生以茶餐廳來講算不過不失。員工都幾好，知我太大件坐二人卡位唔夠坐，叫我一個人去啲大枱坐😂舒服程度就冇乜㗎啦😂總結由於一個人食，可以試嘅嘢唔太多。但以收鋪嘅鐘數去食呢碟海南雞飯，叫做食到有心機嘢喺裏面。價錢算正常水平，出面食一個海南雞飯都唔平。建議人多可以嗌一個海南雞飯share，值得一次。…查看更多

四眼仔腸粉🤘🏻粉嶺聯和墟抵食指數9/10好味指數7/10推薦程度8/10👍🏻👍🏻👍🏻👍🏻👍🏻👍🏻👍🏻今次試左腸粉魚蛋燒賣三寶。腸粉食落去好夠滑，而我覺得切出嚟嘅長度係好重要😹太短 會散曬，太長 好似食撈粉咁(好似某啲周街都係嘅腸粉鋪咁😏)而四眼仔係做到果種適量嘅質感🤭魚蛋燒賣方面，咁多年都仲係用緊嗰啲來貨，質量Keep得到。今時今日仲肯用果皮魚蛋既小食店唔多，咬落去真係有浸果皮味攻上黎 優秀！👍🏻 個人認為普通魚蛋比咖喱魚蛋更好食，咖喱魚蛋咖喱一pat pat蓋過晒其他味道。燒賣就比較普通，但冇話蒸到過火林曬。普通嘅食物，令佢昇華嘅原因就係佢隻醬。✨個豉油係由老闆佢哋較過先拎出嚟，係好Match腸粉既！（建議加埋芝麻仲好食）成間舖有嘅選擇唔多，除咗外賣嘅腸粉燒賣魚蛋之外，都仲有牛肉球、墨魚丸同埋粉果比我地揀。💸💸💸腸粉 $8蚊 4條魚蛋 $4蚊 7粒燒賣 $4蚊 4粒總結老實講😂食左廿年 佢已經冇以前咁平不過小食黎講 佢都仲係好平味道方面，始終食咗咁多年，係覺得比以前失色咗啲，但仍然值得推介一試。佢亦唔係令你咬落去會話哇一聲嘅料理😹但質素係有係到既，黎粉嶺食野 個肚要留個位比佢既。🤭🤭…查看更多

摸左兩次門叮，終於試到呢間講左好耐既餐廳。🍔🍔抱住極高期望值走入去拎位，食嗰日係星期日，大約等10張枱左右到我地，算係可接受範圍啦。除咗環境之外，一入去最令我深刻嘅反而係佢好夠膽開爆個喇叭播住一首又一首係我小學中學好hit，甚至我識唱但已經唔記得咗個歌名嘅Rap。我個頭跟住一路Fing一路等位，成件事Chill到極致🤣。No Milkshake no life，就講佢杯Milkshake 先。嗌咗個最classic 嘅香蕉朱古力，奶昔打出嚟好Creamy 夠杰撻撻，啲朱古力醬甜味唔算會蓋過晒啲香蕉味，飲得出佢好足料。除此之外，仲加左$4要埋上面啲Cream。絕對值得加埋，打得好香好滑，亦都唔算太甜。整體而言杯奶昔對得住間餐廳個名同佢偏貴嘅價錢，值得一試。另外就叫咗佢一杯，簡簡單單嘅焦糖咖啡。呢個相對而言就比較失色啲，係偏淡嘅焦糖咖啡。主要係奶味比較重，焦糖就反而冇想像中咁甜，咖啡味亦飲唔出好多。呢份雞翼 嗌到先知係單骨雞翼。份量亦唔算特別多，所以價錢都偏貴。不過炸出來味道酸酸甜甜幾開胃，係辣口同埋脆嘅。食完可以流個口水迎接嚟緊個漢堡包🤣。主食 漢堡包🍔極度邪惡，好濃郁嘅醬，同個漢堡包都配合得幾match。再加咬穿咗嘅蛋黃，再加塊和牛漢堡嘅肉汁。每一啖都好Juice，啲生菜都包唔住啲肉汁。漢堡包份量都幾大，一個男仔食都夠食濟。大食或者食肉獸仲可以試埋佢個雙層漢堡添😂。唯獨係個墨西哥粟米片美中不足，因為薯條供應問題改咗跟粟米片。但啲粟米片咬落去有啲林林地既感覺，醬亦有啲似燒汁 個人依然有啲唔夾咁，叫做少許美中不足。總括而言，成餐飯個體驗算OkLa,雖然以價錢來講算係偏貴，不過招牌既菜式唔係剩係得個打卡樣，質量都有。環境音樂佈置好特別，算係值得去試一次既快餐。🍔🫶🏻🤣…查看更多