VictorBabe的个人专页

係FB 見朋友打卡post 相，見啲食物相超吸引，原來係由一星米芝蓮魔廚Chris Keung 主理 ，他來頭不少，加拿大出生的他，早在2010 年在意大利 San Pellegrino 及 Aqua Panna 比賽中 ，獲得"Young Chef of the year" 大獎！終於忍唔住，約埋朋友仔上去走轉，不過唔係話上就上，要係網頁預先訂位付費。身處26樓，可以觀看中環商廈夜景，店內是 open kitchen，26個 Bar 枱座位U型包圍廚房，大家可以看到大廚即席表演廚技，Menu 共有8個 Course，中西合壁，每道菜色配搭擺盤極具心思，出神入化，$800(末計加一)，性價比赢晒！拍拖生日食飯，絕對有驚喜。…查看更多

米線控的我，今日抽空前來大圍潮聖，尋找隱蔽小店，小店位於下徑口村，在大圍火車站，轉68X專線小巴，在隆亨邨慧心樓站落車，行過對面馬路，直入小巷便到。店子外觀很特別，有小型露天雅座，休閒小店一間，看看餐牌，米線配料有些點特色，亦有小食選擇，我喜歡吃辣的，就點了一個麻辣米線中辣，配料選了麥芽鹵水大腸、沙爹肥牛、秘製豬頸肉 ，湯底是用肉碎熬製出來的，非常濃厚入味，難得! 麥芽老大腸炆得腍滑，帶點甜，很特別，沙爹肥牛達標，秘製豬頸肉有驚喜，即叫即炒，未上檯已經聽到炒餸聲，有小炒鑊氣風味，必食! 全店只得20多個座位，年青老闆娘親自下廚，整碗米線除了好味之外，還多了一點人情味，坊間難尋，值得一試 !…查看更多

對於家住柴灣的我, 入流浮山跟本是同去旅行一樣,冇咩分別, 山長水又遠....(誇張點地說)。因工作關係,今日要入去走一轉, 到中午開食飯時間, 一班人梗係去食海鮮啦 ! 今次一行乘十人, 可以食多啲唔同款式嘅海鮮, 有龍蝦,鮑魚, 生蠔,奄仔蟹, 聖子, 東星斑。 基本上食海鮮最簡單兩個字~ 新鮮 。就已經好好味!好彩呢餐今次公司請, 埋單應該唔平…查看更多

氣憤！不得不開名！呢間店仔“雲南小鍋米線“，地點偏僻，係葵涌石蔭個頭，得5張細枱，最多坐18人，好迫下，居然可以做出這碗高質米線！我叫咗三個餸，腩肉炆得焾滑入味，雞絲..真係做到一條條絲！天呀，如此仔細嘅雞絲都係第一次見，好食！紫菜，不用提，米線有嚼勁，酸辣湯底夠火喉，我叫中辣，店員提醒我，小辣已經很辣，夠細心，最後都係叫左小辣，到家！真係好食過好多大集團，真有誠意，...要投訴，典解唔開係我屋企樓下！…查看更多

朋友生日 今晚一行六人，跟大隊去咗九龍城打邊爐 ，今次幫襯咗原來有27年歷史嘅厚福館，喺門口已經見到大大個魚缸，有好多海鮮 ，最搶眼，就係大大隻白色嘅水晶蟹，入到去，睇到張點菜紙仲嚇親， 超多款式 ，湯底都有成二十多款， 今晚就點左水晶蟹4食， 有法式凍食丶 杜糠酒凍食丶 芝士黑松露丶 花雕蒸 ，最吊癮都係杜糠酒凍食，醃得很入味，酒香滿溢！還有店長推介的馬來西亞河魚王-巴丁魚 ，佢話全港獨有 ，因為條魚有成四斤幾，就決定分開用咗三種唔同嘅烹調方法 ，分別有清蒸 丶封煎 、炆。 味道各有特色，呢條巴丁魚，魚油豐富，肉質嫩滑，有驚喜。 仲有條飛彈魚刺身，鮮甜無比。打邊爐又點少得牛牛 ，今次叫咗三拚 ，有頸脊丶封門柳及邊抓位，封門柳最難忘，牛味超濃，原來一隻牛只得一少部份，激罕！今晚味蕾大滿足…查看更多

星期中，悶悶哋搵朋友happy hour，地點梗係去九龍蘭桂坊，尖沙咀諾士佛臺啦，飲完兩round之後，係時候醫下肚，行到中間，見到有間餐廳門口棟住個大牌，無眼花，係一手蠔，拿幾多，免費食晒佢，真係free！！！係唔經大腦之下，0.1秒就上衝左上去，睇下咩料先。呢間餐廳環境古典優雅，仲有音樂家輕彈淺唱，超浪漫 ，在經理介紹之下，得知原來惠顧一份扒類，便可享有一手蠔優惠， 平時食牛就食得多，那次我就點了燒焗脆皮芥末紐西蘭全羊鞍，頭盤點了果醋漬鮮帶子清蘋牛油果沙律， 新奧爾良炭燒牛油青檸八爪魚鬚 ，龍蝦濃湯....share 食啦。期待一手蠔終於來到面前！ 嘩嘩嘩！好大盤呀 ！還準備手套， 真細心。呢隻原來係南非生蠔，都幾大隻，單價賣$48隻，我嘅成績係...6隻！心算一下，呢餐已經回大本啦， 南非蠔味道鮮甜，海水回甘味不錯，好食！兩度前菜好味開胃，燒焗脆皮芥末紐西蘭全羊鞍， 外脆內juicy，食落有層次，掂！經理介紹咗杯 Cocktail 比我， 名為Royalty，青青綠綠，賣相夠fresh， 飲落有料到，有少少酒精， high high地， 呢餐食得好開心！…查看更多

排呀排呀，時間好寶貴架麻，次次行過門口都人頭湧湧，無心機排，今日出開旺角，即管早啲過去，中午12點左右，都係排呀排呀，不過只排左十分鐘。目標已鎖定，就係個碗爆瀉嘅三色海膽丼，座位上已安排定中華沙律丶麵豉湯前菜，落order後，便很快上枱，眼前出現一碗令我心跳嘅大碗丼，視覺真係好震撼呀，很明顯有三種 ，不同海膽 ，有加拿大丶日本及韓國，每種海膽味道都不同，新鮮好味， 海膽跟飯的份量比例相當匹配，每一口都有飯及海膽，大滿足，海膽痴必食！ p. s 不過飯就要扣分， 不是全部日本珍珠米， 有溝米情況出現...， 幼幼長長唔知咩米，賣得二百幾蚊碗，唔好慳呢啲啦。…查看更多

下午到九龍城公幹後，想吃個下午茶，路過侯王道見到呢間坤記牛腩， 好似新開，即管入去試下，牛腩絕對是我杯茶， 但看見餐單價錢牌非一般粉麵店價錢， 略貴60%.....何解？店鋪內有很多報導， 細看下原來此店用的是新鮮牛腩，但不知吃落有何分別，看見牆上貼上推介上湯坑腩河，即叫，但我選擇了伊麵底。等一會兒.....到啦到啦，眼前出現一碗非一般牛腩麵， 遠遠已聞到很濃的牛香酥味，坑腩帶薄根膜，層次分明，嚼落有咬口，炆得夠入味，掂！論粉麵，湯底亦很重要，這店賣不是清湯，重牛味， 細問之下原來是用牛骨加上牛頸肉來熬出湯底，到家！咁重本，難怪散叫牛骨湯要$18碗...，但最後我都叫多碗飲，因為真係好好飲。此店沒有花心機於裝修，而重食材，一間小店有如此水準，驚喜！老板應該是老饕一族。…查看更多

老實說，我是米線粉絲，雲桂X, 譚X... ，X哥，係香港人都食過，尋晚去開官塘見完客，收工搵嘢食醫肚，即刻諗起呢間米線，之前係官塘廣場，但地方太少，成日排隊，依家搬左去隔離官中，地方大很多，原來擴充左，証明好食客多。他們賣米線的配料不多，沒有咩丸咩丸，呢樣個樣，只有牛有羊，但勝在夠精，一碗羊肉米線已經赢晒！我叫左碗細，但份量唔細，對我來說已足夠，羊肉有兩種選擇，有淨瘦肉或連皮，我比較喜歡連皮食，因較香及有嚼勁，羊肉切得幼幼，沒有羶味，可能湯底帶點點微辣關係，兩者很配合！加多一蚊，叫埋碟酸菜，我喜歡混埋落湯底一起吃，酸酸辣辣，好開胃。埋單四十蚊，大滿足！…查看更多

       山長水遠，為博紅顏一笑，女朋友聽左"寿司の神"呢個名好耐，好想去食，但我地係港島人，今日就預早訂位，專程開車來潮聖，附近錶位唔多，但可以泊路邊博一博。        去到門口，見到簡簡單單黑白招牌嘅門面，不花巧，有殺氣，甫進入店內，座位不多，但室雅何須大呢。我地係訂bar枱位，可以睇到師傅嘅功架，一坐低睇睇餐牌，order 左兩個最貴$1200 / head ，食得Omakase當然無menu，面前那位眉清目秀嘅師傅話佢就係menu ! 好攪笑。見到面前有棵新鮮生葵，見到師傅即磨架! 喜歡攝影嘅我，梗係來個相機食先! 女朋友幫手打燈，唔該!       等左一陣，由前菜開始，頭盤擺設精美，熟蝦上有黑松露及金萡，加埋燒吞拿魚，食落好有層次，跟住有鮮北寄貝刺身，師傅叫我望實，佢一下就將件北寄貝撻落枱，嘩 ! 仲會"郁".... 師傅話，原來新鮮先會"郁"，急凍雪藏就sorry啦，精彩嘅表演，又學到嘢啦! 海膽軍艦，爆滿晒嘅日本海膽包住舊壽司飯來食，好邪惡 ! 鯖魚刺身，醋漬鯖魚就食得多，原來刺身個種魚油味好重，有驚喜 ! 野生油甘魚 (師傅話又可以叫鰤魚，又上一課啦)，夠肥美，再來拖羅，無根重油份，靚呀! 炭燒鰻魚，燒得外脆內juicy，飲埋啖Sake，絕配 ! 燒拖羅根，睇個樣真係估佢唔到係乜東東，但食落去，個種魚油溢滿感，真係不得了，仲有牡丹蝦、象拔蚌、根子、螢光魷魚......完勝, 飽飽大滿足。    跟住隔離有人唱生日歌，見到個壽司蛋糕，好靚呀 ! 我地都有唱happy birthday to you.......店子雖小，但氣氛很好好，食得好開心，值得豪一次 ! p.s 其實比起尖咀中環，已經平左一半 !…查看更多

今日有同事生日，一齊食晏可以食耐啲，大家想食日本放題，油尖旺就大把，但係將軍澳，就比我搵到呢間新開嘅日本放題，地方不算大，裝修卻骨子光猛，坐低先來一杯Welcome drink, 有誠意，食物先有驚喜，先來每人一隻磯煮鮑魚，炆得入味，再睇點菜紙，第一梗係點刺身啦，嘩，無眼花， 有得點 TORO, 二百幾蚊，可以任食拖羅 ！食三舊都回本！ 我 encore 左3次！其他壽司都好好食，舊飯唔會好大舊，銀座左口魚邊和風燒，勁正，魚油香味十足， encore! 和風牛肉， 掂！甜品款式多，雪糕先係重點， 有瑞士名牌 Movenpick , Milk Top...呢餐認真超值！…查看更多

今晚早收工，同事話想食海鮮，但蒸鍋無咩驚喜，咁我就吹雞，頭文字 V, 走轉入屯門青山灣三聖村搵野食，入到大牌坊，已經見到好多海鮮檔，好多人買料加工， 但我向來心急，無心機慢慢揀，隔離有幾間靚豪裝海鮮酒家，價錢都應該幾豪$$$$$$....但我係食味道，唔係食裝修，裝修留比白蟻食， 我地再行入啲，就見到間泰海鮮，個名又幾特別， 唔通係食泰式海鮮？又幾過癮喎，再睇睇，裝修唔算豪，但勝在地方寬敞企理，我地就決定入去試試。看見餐牌，真係有泰式小食！仲有好多泰式丶特式煮法， 我地就揀左忌廉白酒煮大花甲配烏冬底 丶青山灣芝士焗龍蝦 丶豉椒炒聖子皇配米粉底 丶 油鹽焗奄仔蟹 丶 鮮料海鮮湯 丶 辣酒煮花螺等，仲叫左兩個小菜，蝦膏蝦乾蒸腩肉同招牌炸子鷄，食落有驚喜！ 配搭夠獨特，價錢可以用平靚正來形容，最緊要係佢獨特嘅烹調方法，有別於一般海鮮酒家， 老板真夠 heart! 今晚大家食得好開心， 個個lam lam 脷， 絕對可以再 Encore! …查看更多

鐘意食海鮮嘅我, 今晚心血來潮想搵好野食，朋友知我鐘意食蒸氣石鍋, 就介紹左一間係尖沙咀天文台道, 靚裝兼坐得夠舒服嘅餐廳, 原來就係位於新商厦嘅喜鍋。電梯一開門就睇到個大招牌, 入到門口巳經見到一個好大嘅魚缸, 好多生猛海鮮呀！地方環境果然夠寬敞, 最正就係樓頂夠高！ 看看餐牌準備點菜, 今晚得我同老婆兩個人, 其實有好多野都想食, 但又驚食唔晒, 考慮之際, 經理就介紹左一個新出套餐, 價值$398, 呢個價錢, 其實食得海鮮都叫平, 睇埋裏面啲料先...原來有很多配搭, 小食 丶粥底 丶海鮮丶仲有好多蒸鍋食品選擇, 基本跟餐有三文魚刺身, 紐西蘭刀貝, 蒜蓉蒸開邊虎蝦, 其他配搭我就揀咗椒鹽脆豆腐, 南瓜新鮮排骨粥, 薑蔥石蠔, 黃皮老虎斑件, 墨魚丸拼蝦丸, 仲有加多個牛油蒜香雞翼小食...。 落左單期待中, 一上枱就嚟咗一隻開邊龍蝦, 好奇怪喎, 我冇order喎, 問問經理, 佢話晚市會每人送半隻南非龍蝦, My God, 呢啲咪叫最做驚喜囉！其他食落點先？黃皮老虎斑件 , 絕對唔係坊間普通用嘅沙巴龍躉！ 厚切, 食落彈牙爽口, 另外自家手打墨魚丸蝦丸, 蒸完出黎真係俾佢嚇親, 大粒過乒乓波, 而且仲好彈牙, 牛油蒜香雞翼, 一放上枱已聞到好濃烈既牛油鮮味, 食落個味道, 咁似....腦海馬上浮現出那些年在銅鑼灣很出名的X萍越南餐廳的名菜, 嘩！終於返來啦！！！！！ 今晚食得好開心, 食左好多野, 大滿足, 埋單唔貴, 但係....原來9：30後仲有8折！ 點解咁平嘅？？？值得再來！…查看更多

今日早放工，早啲食飯唔使等位，就同同事殺上潮福食海鮮，海鮮係我嘅至愛， 最鐘意食就係亞拉斯加蟹，貪佢夠多肉！今日店長推介就係呢隻蟹啦！中正下懷，不過唔知有幾大隻，同埋都應該都唔平，走去睇睇先，佢話一隻約四斤重......喂，幾錢先得架？？？ 佢答我$488...,咩話？ 無錯， 係$488！嘩，末聽過咁平，梗係要開隻食啦。 上枱分開三 Part, 蟹蓋，蟹身，蟹腳，先食蟹蓋先，蒸左十分鐘，啲膏多到呢..... 入口甘甘甜甜，吃完仲有陣陣鮮味係味蕾上 ，不過要忍一忍口，經理教落，留反啲膏最後放埋落啲粥底道。跟口吃埋其他，蟹腳啖啖肉，鮮甜至極，原來呢隻蟹蒸來食係咁好食！最後食埋個蟹粥，完美飯局。不過一枱只限一隻，唔夠喉^^。想訂定星期六同屋企人來食， 原來星期一至四先係$488一隻咁平，五六日要$788, 不過咁大隻，其實都唔過份，應該好快會再來食。 …查看更多