Jojoseph425的个人专页

知道屋企樓下開左間功夫茶，但早兩個月忙到未有時間試，適逢剛剛上星期日一有時間就落去買杯試下。一入到去已經有d客等緊拎飲品，收銀既店員態度十分親切同有禮貌，亦有好清晰講解甜度同冰度既選擇，最後我揀左一杯鐵觀音珍珠奶茶走冰 ($25)。或者係因為母親節既緣故，一路等既時候都開始多人入店幫襯，當中有客比我更遲買飲品，只係等左唔夠十分鐘，已經著急催店員飲品幾時有，店員雖然辛苦地忙住收錢、出餐同沖飲品，但都依然好有禮貌、好誠懇咁解答客人，呢間店既店員服務態度係我幫襯過既茶飲店入面數一數二咁好。講返杯飲品，鐵觀音茶味好出茶底幾香濃，珍珠又好有黑糖味同夠彈牙，同埋聽講功夫茶既糖係用蜂蜜，飲落個感覺好順喉，再對比返$25呢個價錢，真係好抵飲。店員服務態度好，飲品又抵飲同好飲，一定會keep住幫襯！…查看更多

咁岩去開荃灣，見到呢間台式便當餐廳好似幾唔錯價錢又唔貴，就決定入去試下叫左個慢滷豬手便當，個便當有好多配料，有粉絲、娃娃菜、粟米、半隻滷蛋等等，送飯一流！至於滷豬手都有幾多件，食落幾有彈性兼入味，口感唔錯！另外加左$12飲蜂蜜奶茶少甜，蜂蜜味十足，飲落幾順喉，幾好飲，不過略嫌茶味有d唔夠，不過總合黎講都唔錯！…查看更多

好耐無飲過一芳，經過就一於再試下。因為本人對「芋頭」同埋「奶綠」一直都好愛好，所以考慮左一陣就決定揀呢杯「芋頭鮮奶綠」。芋泥都算芋頭味香濃，芋頭亦有d一粒粒咁，幾有咬口，牛奶味亦算重，感覺唔係奶精開出黎，但綠茶味略嫌唔太夠，不過總括黎講杯野飲都算幾ok，但$40呢個價錢都幾貴，性價比不高，如果可以平d會好d。…查看更多

每次夜晚經過呢間餐廳都係超多人排隊，所以今次約朋友專登預早d黎食餐廳環境都幾舒服，我地揀左「香煎大蝦龍蝦汁意粉」、「The Backyard Breakfast」同埋另外再加黑松露醬薯條香煎大蝦龍蝦汁意粉，大蝦煎得幾香口有蝦味，意粉個汁都幾惹味，但略嫌不足既係個汁其實唔太夠龍蝦味The Backyard Breakfast入面有煙三文魚班尼迪蛋、窩夫、哈蜜瓜巴馬火腿、煙肉、豬肉腸、蕃茄、茄汁豆、什菌，超豐富抵食，值得一提既係班尼迪蛋隻蛋流心同埋烘過既鬆餅底好好食，同埋窩夫烘得好鬆軟好食黑松露醬薯條，食落外脆內軟，配合埋個黑松露醬，令薯條既味道更有層次！…查看更多

咁岩夜晚黎開尖沙咀，好多餐廳都開始多人，黎到美麗華商場呢度，咁岩見到春水堂呢度有位，就入黎試下叫左份酥炸豬排配他他醬便當，豬排酥脆而不膩，每塊豬排都好厚肉得黎又唔會好厚好多炸粉，配上日式他他醬，十分惹味，另外仲有d配菜食下，性價比幾高，略嫌如果魯肉份量可以再多d就更好。另外仲叫左杯「珍珠鐵觀音奶茶」，之前都聽講過春水堂既珍珠奶茶好好飲，鐵觀音茶茶底香濃至餘，又不失奶香味，配搭埋軟硬適中好有咬口既珍珠，十分好飲！…查看更多

早兩日經開銅鑼灣，朋友介紹我地試下呢間抵食又幾好坐既餐廳食晚飯去到既時候，幸好時間尚早，一去到有卡位坐 👍我叫左個香煎蔥油豬扒配嫩滑炒蛋+冰火菠蘿油，塊豬扒勁大塊又厚身，但係食落口感幾Juicy軟林又入味，炒蛋做得好好，好滑溜，蛋味都好濃郁，波羅油入邊係有烘過，幾香口，牛油仲冰鎮住，食落個包外脆內軟之餘，再夾住凍既牛油，口感超正！而同行既朋友就叫左燒安格斯牛肉沙律伴意大利陳年黑醋汁，朋友話沙律菜都幾新鮮，加上黑醋汁食落好開胃，再加上煎得好軟腍又幾有肉味既安格斯牛肉，配合起上黎幾好！食到中途已經見出面幾多人等，所以如果夜晚食真係要早少少黎食成餐飯好食之餘性價比都幾高，有樣會一定會再幫襯。…查看更多