跟住熊貓食食食的个人专页

同老媽子食飯 梗係要帶佢食啲平時唔係會點食嘅野今次帶左佢黎居酒屋食串燒飲啤酒聽到都覺得老媽子潮唔駛講甘多梗係要整番杯啤酒嘆下先開始揀左個刺身拼盤師傅揀左每日最正嘅材料做刺身樣樣都好新鮮 我最鍾意個油甘魚 勁香老媽子鍾意個帶子同蝦之後就開始串燒大雜匯首先有秋葵，日本青椒 青椒仔唔辣好多汁之後有雞三角 雞軟骨 雞腎 手羽雞三角係我最愛 每隻雞都係得一個三角加鹽同黑椒去燒 已經好惹味 加啲檸檬汁冇甘熱氣手羽好有心機剪開甘燒 但又唔會勁乾燒牛舌芯直頭冇得頂 老媽子平時唔食都讚好佢話一啲都唔韌 仲好林燒油甘魚鮫 識食一定知魚鮫最好食又多肉 又唔會太油師傅煎得好香脆仲有啲蔬菜串燒 出到黎仲勁juicy 食埋個燒飯團勁滿足最後梗係唔少得個甜品 奶凍加抹茶紅豆糯米糍中和番岩岩嘅串燒 正師傅燒嘅串燒真係唔錯 同埋幾細心見你差唔多食完先再上 唔會一次過上晒所有野 所以每樣食落去都熱辣辣…查看更多

朋友話book左位請我食鐵板燒雖然舖頭得6-8個位 但舖頭好闊落一開始上個前菜先 螺肉沙律入面有螺肉車厘茄同沙律菜車厘茄酸酸甜甜幾開胃跟住就有魷魚同魚魷魚好厚 一刀刀介開 應該等啲魷魚唔好縮埋一舊 同埋個樣靚啲魚用粉撲左就冇甘易燶同痴低全部都用牛油同蒜頭粒去調味牛扒五成熟 好林 最正係兩粒蕃薯仔可以減少番啲油膩感個炒飯用蛋蔥紅蘿蔔粒炒 粒粒分明好有家的味道最後仲有哈蜜瓜同火龍果做總結食完呢個鐵板燒 好有以前食大漁個種感覺…查看更多

早兩日係旺角彌敦道等車番屋企個陣突然間落勁大雨 又冇帶遮唯有求其走入一間舖頭避雨哈哈 見到門口個雪櫃同生果架擺左好多新鮮生果有個藉口可以趁機飲番杯肥仔水呢排荔枝當造 粒粒都又大又紅噹噹就揀左杯多肉芝芝荔枝同招牌土豆片雖然等左陣 但估唔到有驚喜 原來佢即刻係雪櫃將逐粒荔枝meet殼杯多肉芝芝荔枝 幾多荔枝 荔枝好清甜個芝士奶蓋咸咸地好厚奶 好正加埋好match 唔會一尾死甜土豆片切到一塊塊薄片 再用濃汁煮過一啖果汁一啖土豆片 不錯…查看更多

真係唔寫唔得 呢間係我暫時食過最高質性最好食嘅鐵板燒佢係廣東道apple隔離嘅樓上舖 上到去格間好舒服 分開左2邊鐵板燒龍蝦汁蒸蛋龍蝦汁勁鮮濃 個蛋好滑 一啖順住個喉嚨落去日本華連蠔 蒸到7成熟 蠔味重蠔身勁肥勁厚 咬落去啲汁必晒出嚟日本目光魚 油份較重 煎完個皮勁脆 個魚好滑好似食左口魚甘日本帶子 配左台灣烏魚子 再加淡雪鹽帶子2邊煎香 入面半生熟烏魚子嘅咸香帶左啲鮮味出黎松葉蟹春卷配黑醋醬除左鐵板燒 仲有炸物 入面全部都係松葉蟹拆肉 加左紫蘇葉 正香草焗榮螺首先拎成隻榮螺蒸焗 之後燒香再切片 再撈薯蓉 正到飛天鮑魚配肝醬鮑魚好新鮮 師傅煎得好好 一啲都唔韌再點埋個肝醬 成個味再上左一個層次龍蝦成隻龍蝦勁生猛 師傅用番龍蝦膏龍蝦油去再燒龍蝦肉質好彈牙 好香 鵝肝菠蘿冰塊鵝肝勁厚 兩邊煎得勁香脆 上面加左果蓉冇甘漏一啖咬落去 直頭係舌尖的高潮之後再食菠蘿冰 勁爽 冇甘油膩和牛配昆布鹽漬和牛5成熟 油花分布好好 唔會食落成口油高菜煎蛋炒飯成個飯一滴油都冇落過 個飯炒到粒粒分明又夠乾身 師傅本身問使唔使減飯我話唔駛 因為我知一定勁好味估唔到真係食得晒個甜品都好有心思好出色不得不讚 真係好好食坐左差唔多3個鐘 真係冇停過食食材新鮮 師傅好好手勢…查看更多

呢幾日受颱風影響勁焗勁熱唔想食啲熱辣辣嘅野食壽司就最岩不過呢間係得立食同外賣仲有好多款手卷揀即叫即整揀左個二人前 特盛套餐拼盤三文魚壽司 x2珍寶赤貝壽司 x2玻璃蝦壽司 x2厚燒玉子壽司 x2八爪魚壽司 x2北寄貝壽司 x2飛魚籽軍艦 x2三文魚沙律軍艦 x2櫻花魷魚軍艦 x2黃金魷魚軍艦 x2加州卷 x4夾埋有24件壽司 勁滿足壽司飯醋味好濃 酸酸地好醒胃刺身大大件 全部都幾好食再加左4隻日本蠔日本蠔好夠肥 蠔味好重仲有埋酸汁 如果再凍啲更好 話說個日真係太熱個店員仲俾埋冰袋同冰我地 等啲壽司唔會變壞…查看更多

上一次係上環食過 一直都念念不忘一於決定食下尖沙咀呢間唔駛過海 方便勁多揀左個10串set濃香雞湯配免治雞肉雞湯用左4-6小時去煲 免治雞肉好滑魚子醬雞柳魚子醬嘅咸香味 雞柳少少調味燒完仲好juicy 好夾紫蘇葉雞胸本身麻麻地紫蘇葉嘅我 佢將紫蘇卷入去雞胸 反而又幾唔錯 雞胸好滑一啲都唔鞋三文魚籽帆立貝冇得頂 帆立貝好大隻好厚 燒完再加魚籽 一口咬落去 正鹽燒雞腎邊未試過雞腎邊 以為會好韌 原來好夾脆都幾特別鹽燒雞腿個皮燒到脆卜卜 咸咸地勁好食雞腿肉質肥厚 咬落juicy 自家製月見免治雞肉雞蛋濃香 雞肉棒加左雞軟骨咬落有口感 我至愛燒烤麩芝士冇得頂 軟林林好香芝士味 大讚和牛西冷好正 油花勁靚 唔會成口油好香牛肉味 唔捨得一啖食晒雞肉茶泡飯臨尾整個茶泡飯 清清地幾好自家製布甸個布甸好香蛋味 美中不足係側邊個2粒唔多煙韌…查看更多

今次黎左APM 行街 見到有神山 咁就入去試下啦個menu 都幾多野食 頭盤好似樣樣都好吸引 不過驚叫太多食唔哂 叫左個和風蘋果沙律同魷魚鬚同湯餃子蘋果沙律好出色 蘋果夠香甜👍🏻👍🏻👍🏻 main course 就叫左個神山沾麵 同白神山叉燒拉麵沾麵個麵質好彈牙同埋做到掛汁個感覺 個湯都好夠濃 差d想加多個白飯落去食😂😂😂 燒豬肉好juicy 拉麵有兩大塊叉燒 湯汁好濃 最後仲成碗飲哂tim👍🏻👍🏻👍🏻👍🏻…查看更多

佢個入口有少少隱敝 用少少時間就會搵得到入面環境幾有趣同我想像嘅有少少出面有少少似係日本住嘅民宿甘佢都有要除鞋坐嘅榻榻米不過我都係鐘意坐番正當枱櫈雜錦刺身 有海膽，牡丹蝦，呑拿魚，帶子，深海池肉，油甘魚，三文魚樣樣都好新鮮 特別鐘意食油甘魚 好肥油脂好豐富又唔會太漏牛油菌帶子帶子好大粒好厚身 用牛油再煮帶子同菇 牛油同帶子夾得天衣無縫咸鮮海鮮火鍋不得了 勁多海鮮 有三文魚 油甘魚 帶子 生蠔個湯勁甜勁重海鮮味 個烏冬索晒啲味 正…查看更多

尖沙咀八海山聽得多 又成日會行過見到但總係搵唔到個機會黎食飯今日甘岩係附近剪完頭髮一於入黎睇下佢係龍係鳳佢係舊式老牌居酒屋 開左18年入面格局好似家庭料理店餐牌又好多唔同種類嘅日食新鮮鯛魚刺身師傅手勢好好 每片切嘅厚薄都一樣魚質爽口鮮甜 配埋個酸汁 冇得頂👍🏾👍🏾鐵板和牛粒鐵板和牛粒上枱仲吱吱聲 和牛好林 燒汁煮得好入味 蒜片絕對唔少得明太子玉子燒上枱熱辣辣 啲木魚碎郁下郁下 幾過癮蛋卷好嫩滑好有蛋香 包住明太子咸咸地 不錯見到個酒架開過唔少酒 搵次再黎飲…查看更多

自從博康街巿裝修重開 多左好多野食估唔到糖水都得得地喎楊枝甘露 $36外賣糖水黎講 佢好大兜個兜又好實淨 包保唔會倒瀉楊枝甘露唔係好甜 非常好勁足料 芒果大粒新鮮甜加埋甘柚少少酸 大讚芋園4號 $38（豆腐花，芋泥，仙草，花奶）有齊我最鍾意食嘅配料芋園勁煙韌 芋泥我至愛 仲食到少少芋頭粒 豆腐花勁滑 一啖食晒勁幸福粢飯 不得不提個粢飯勁好食 飯個煙韌度好夠 入面好足料 絕不馬虎老闆娘話佢都係貪得意 整少少出黎賣 甘好彩俾我買埋最後一個🤭🤭…查看更多

難得星期一唔駛番工 梗係帶老媽子去食個靚早餐其實行過幾次見到早餐個menu幾特別 好想入去試好耐 今朝終於有機會可以食Menu有好多選擇 有多有少 一定夠飽五品朝食套餐 $68老媽子揀左呢個套餐 入面可以揀佢中意食嘅野佢揀左牛油果蕃茄蛋黃醬沙律 三種蘑菇牛油炒 牛奶炒蛋 香炸白身魚 燒鮭魚 厚切多士 蕃茄湯估唔到都幾大份 都擺得幾靚老媽子好中意 話樣樣有啲 仲加左$8 飲品吧 好多唔同果汁 茶任飲我都食五品朝食 揀左牛油果蕃茄蛋黃醬沙律 香甜南瓜薩摩芋 青瓜蟹柳沙律 南蠻炸雞 炸豬扒 厚切多士 水果 好中意食炸雞同南瓜 一早食甘多甘豐富係勁開心 其實好想揀飯同烏冬 但驚太飽 最後食完飽到成個下晝都唔駛食 …查看更多

間唔時就想食下蠔 朋友就帶左我黎呢間老闆話佢地直接係法國蠔場攞貨 所以會比較新鮮 有口福了見到餐牌好多都唔識叫老闆介紹一下 佢幫我揀左呢幾款🦪Tia Mara Pearl $36🦪Masses No.2 $42🦪La Reserve No. 1 $53🦪Tarbouriech Oyster (Pinky) No.0 $66上到枱見到就流晒口水 好吸引生蠔由淡味開始輪住食 生蠔好肥 有啲海水味比較重 有啲比較creamy 我個人比較鍾意La Reserve 佢比較creamand sticky 唔太咸顯得個帶子位好甜法國藍蝦 $48藍蝦一定要試 肉質肥美結實 口感鮮甜爽彈 個蝦頭一定要食 入面勁多蝦膏勁鮮甜北海道帶子 $38帶子好大粒好厚身 好鮮甜 冇得彈法國珍珠螺 $68/6隻好大粒螺 螺身好厚肉 冰鎮住好好食松露龍蝦卡邦尼意粉 $238勁香勁濃松露味 上面有隻溫泉蛋撈均晒所有野 意粉彈牙索晒啲汁龍蝦剝晒殼 鮮甜啖啖肉法式鵝肝多士 $198天堂精選 煎到好香好厚嘅鵝肝放上烘好嘅多士上面 一咬啲油必晒出黎 正呀 如果多士厚啲大塊啲更好 啲油可以俾塊多士索晒🤤🤤估唔到有驚晒 樣樣都幾出色下次再食會再試新嘅生蠔同埋會開定枝酒慢慢嘆…查看更多

係運動場做完野好餓 餓到飛超好想勁食一番 麻辣肥腸牛栢葉腩肉萵筍干窩 $160好多辣椒 揀左微辣 唔算辣自己中意食咩配菜就揀咩配菜川味十足花雕泡浸醉雞 $78花雕酒味好濃 但又唔會苦雞肉好滑 冇骨會更好糖醋魚塊 $78糖醋酸甜岩岩好 魚塊大大塊 沾晒啲汁差左碗飯肉抹水晶粉 $68呢個水晶粉勁好食 水晶粉勁煙靭 加埋肉碎同菜落去好夾 一個人可以食晒成兜迷你胡椒餅 $38胡椒餅外邊脆卜卜 入面係牛肉餡胡椒味唔夠重唔夠出紅棗糕 $42紅棗糕睇落平平冇奇 但紅棗味好濃 用左馬拉糕整法 好鬆軟可以再多啲紅棗蓉或者紅棗粒會仲正炸銀絲卷 $22即叫即炸 脆卜卜 食炸銀絲卷 最緊要係煉奶整體黎講 我覺得都幾唔錯得閒想食上海野會落去食都仲有好多野想試最值得一讚係上菜好快 熱辣辣埋單個陣佢叫我地免費入會入會有9折 仲會有其他優惠有9折埋單都係4百幾 抵…查看更多

去完海港城行街 就黎左食燒肉烤和牛肩他他凱撒沙律唔同種類沙律菜 車厘茄 麵包粒撈埋沙律醬芝士粉牛和肩烤過肉味濃郁 開胃前菜季節刺身盛盒 （5款）店舖會揀選5款當日新鮮做刺身有𩶘魚 鯛魚 池魚 牡丹蝦 仲有中拖羅魚味由淡到濃 厚身冇筋 特選牛和盛盒 （5款）和牛牛肋條 牛柳: 油脂較少 肉味濃郁和牛里脊肉: 油脂比例均勻 入口即溶羽下 三角腹肉: 油花好靚 油脂廿香 入口即溶 送飯一流阿波尾雞頸稀有部位 咬落好爽好得意 加少少黑椒調味已經好夠好好味鹿兒島縣雞心超中意食雞心 好爽脆 不錯香辣雞翼單骨香辣雞翼有邊個會唔中意脆卜卜有少少辣 仲有沙律醬可以點送酒小菜一流和牛煲仔飯用煲仔上 服務員仲會係你面前再撈侗蛋上面仲有少少金箔 和牛多過飯和牛好大粒肉味好濃 煮得岩岩好飯好好食 吸晒啲牛味 加埋啲蔥 正柚子雪芭臨尾整個柚子雪芭簡直一絶 柚子中和牛嘅油脂 唔會太漏👍🏽👍🏽…查看更多

三陂坊成條街都開滿大排檔平日都人頭湧湧行到最入有間醉潮館今次諗住食呢間 坐係街邊食 寧捨有風味🌟砂窩卜卜蜆煲（小）$188雖然話係細煲 但同朋友兩個都食唔晒 一路煲一路睇住佢開 好治癒粒粒都開口 冇死蜆最緊要係冇沙 同脹卜卜記得要飲兩啖湯 勁鮮味🌟蜜椒脆薯牛仔粒 $128上枱勁吸引 肉食獸又點可以冇肉牛仔粒超冧超夠味 送飯一流但居然個薯寶先係主角薯寶好似薯餅個種質感 每一粒都俾蜜糖包住 勁好食食到停唔到口🌟招牌雪裏紅蝦干通菜煲 $88上到枱仲係渣渣聲 勁熱紅蝦干加馬拉盞煮埋 好有咸香味絶對食得落幾碗飯加埋支大啤 簡直冇得頂餐牌仲有好多野都好想試好想食但同朋友得兩個人 肚皮有限😂我會為左個蜜椒薯仔再番黎…查看更多