Cathy_sze29的个人专页

滾爺火鍋是一家以湯底豐富、食材新鮮聞名的火鍋店。他們的招牌菜牛魔王拼盤絕對是一道不容錯過的美味佳餚。這道拼盤包括了牛頸脊、金錢肚、牛柏葉和牛舌，每一種食材都帶來不同的口感和風味。首先，牛頸脊肉切片薄而嫩，入口即化。它的肉質細緻，帶有微妙的牛肉香氣，讓人回味無窮。金錢肚是牛的胃部，口感有些彈牙，搭配湯底燉煮後更加鮮嫩。牛柏葉是一種比較特別的部位，它的口感較為脆爽，帶有些許香氣，為火鍋增添了新鮮感。至於牛舌，則是一道非常受歡迎的食材，肉質鮮嫩多汁，入口即化，帶來豐富的牛肉風味。除了牛魔王拼盤，滾嘅火鍋還有其他精選的食材，其中牛小排是一道令人驚艷的美味。牛小排肉質鮮嫩多汁，入口即化，搭配湯底燉煮後更加入味。它的肉質帶有些許油脂，使得口感更加豐富。另外，滾爺火鍋還提供炸魚皮這道小吃。炸魚皮外脆內嫩，鮮香可口。它的酥脆質感和濃郁的魚肉風味絕對能讓你一試難忘。…查看更多

唔想離開北區，但又想食有質素嘅日本餐廳，上網做research見一鳴評價唔錯，就比次機會佢ʕ •ᴥ•ʔ☆ 魚生飯☆ 油甘魚刺身☆ 豬骨濃湯配自家製黑蒜拉麵☆ 燒河豚乾☆ 芝士明太子玉子燒☆ 海鮮什錦炒拉麵☆ 七味唐揚墨魚咀☆ 熱情果梳打朋友叫左角切魚生飯同油甘魚刺身🍣唔食得刺身嘅我只好流住淚睇佢食🥲朋友話刺身夠新鮮，估唔到街坊餐廳質素都唔差。個人最鐘意黑蒜拉麵同明太子玉子燒😍黑蒜拉麵個湯底好濃黑蒜味，勁香濃，本人十分滿意!太麵軟硬適中，豬軟骨好入味，肥瘦適中!!另外，明太子玉子燒真係好夾，甜甜地嘅玉子燒配搭少少咸嘅明太子，成件事昇華晒😍玉子夠香，夠嫩滑🥚必試熱情果梳打🍹薄荷加熱情果，成件事好fresh🌿又唔會太甜，飲晒成杯都無罪惡感😆…查看更多

約左朋友去香工shopping，行到肚餓搵下附近有咩好野食，見到有間食pizza既餐廳好似唔錯，就試試佢✨▫️ 𝘗𝘢𝘯𝘤𝘦𝘵𝘵𝘢 𝘛𝘳𝘶𝘧𝘧𝘭𝘦黑松露煙肉𝘗𝘪𝘻𝘻𝘢Pizza好重黑松露味，作為黑松露愛好者，未食已經流口水，個pizza係薄批口感煙韌，餡料一啲都唔吝嗇，每一啖都係滿滿嘅黑松露，配埋芝士煙肉同蘑菇，味道非常濃郁🩵▫️慢煮西班牙黑毛豬肋骨除左pizza，都想試下其他食物，所以order左豬肋骨，肉同骨好輕易分開，肉質軟腍，而且好入味，2個人食分量都岩岩好。▫️ 水牛城雞翼套餐可以加配小食，我地揀左少少辣嘅水牛城雞翼，食左pizza同豬肋骨，再食個雞翼就恰到好處，辣味剛剛解到飽滯嘅感覺，食得好過癮❤️‍🔥最後我叫左杯花生醬香蕉奶昔，睇下名覺得好特別，一定要試一試！好濃嘅花生醬味，配上香蕉，感覺一啲都唔漏，2個味道好夾，好似食緊甜品，好滿足✨朋友唔鐘意香蕉味，所以叫咗士多啤梨奶昔，味道正常，如果鐘意試新品，一定係推介花生醬香蕉奶昔😍…查看更多

椰香鮮蝦柚子沙律 $88招牌泰式蟹肉炒飯 $62 (套餐)曼谷火山排骨 $168炭燒豬頸肉 $78馬沙文咖喱牛筋腩 $108香葱蒜蓉包 $48蒜蓉炒椰菜苗 $78火龍果芝士沙冰 (套餐+$12)今日去咗朋友屋企附近新開嘅泰國菜食晚飯真係估唔到屋邨裏面竟然會開一間泰國菜但係我哋七點去到已經座無虛席全場熱鬧非常等咗一陣間終於有位✨呢一間泰國菜嘅裝修簡約整潔係用木色同綠色做主題非常之舒適而且座位亦都好寬敞我哋四個人佢俾咗一個六人座嘅卡位俾我哋👍🏻可以舒舒服服咁樣慢慢享受呢一間泰國菜嘅Menu以小店嚟講我覺得選擇非常之多典型嘅泰國菜菜式一應俱全而相當有特色嘅菜式亦都唔少例如有曼谷火山排骨我從來無見過嘅泰菜一上枱已技驚四座煙霧離漫用咗乾冰做伴碟已經迫不及待即刻拎相機拍片影相打卡而且味道亦都相當可觀剁椒帶少少辣排骨炆到好稔兼入味實在令我意想不到又驚又喜我哋叫嘅其他菜式都非常之有水準而且係調較得比較適合香港人嘅口味全部都唔會話好辣好嗆好濃烈但味道卻有層次我想特別讚個蒜蓉包🍞一般出面食咖喱配嘅蒜蓉包都係會用濾法國長棍包硬梆梆而且唔能夠索到咖喱汁但係佢呢度用嘅係厚切吐司再切成條狀外圍大面積再加鬆厚麵包令咖喱汁全然吸收係有諗過度過嘅設計值得加許另外店舖嘅員工亦非常之有善有禮耐心向唔識得用QR code下單嘅顧客詳細咁樣解釋點用呢啲舊式屋邨咁多老人家真係要好好嘅教育佢哋使用新科技整體來講上菜速度快味道中上環境舒適價錢親民如果我住喺呢度應該一星期幫襯幾次試均佢個餐牌先得！😍…查看更多

朋友鐘意食烤魚，所以特登上網搵下荃灣烤魚餐廳，見川花好多人推介，即刻帶朋友嚟試下。知道荃灣區晚餐時間好多人，好彩早左少少過嚟唔洗排隊。川花嘅裝修好清新，唔似平時去好舊式嘅餐廳，環境好舒服，有啲鮮花擺設，同埋簡約嘅掛畫，係小清新餐廳。川花主打巴蜀烤魚，除左烤魚，仲有雞煲、串燒、酸菜魚，好多選擇！朋友就梗係揀烤魚，烤魚都有鯇魚、魽魚、海鱸魚揀，店員好用心逐一介紹，最後我地揀左酸菜味鯇魚細邊。估唔到細邊都好大條，2個女仔食都好飽。烤魚係新鮮魚即烤，配料好豐富，好足料，最鐘意佢落左好多酸菜，湯底勁惹味。我地叫左bb辣，辣度岩晒唔食得辣又口痕既我地即烤既鯇魚好嫩滑，魚味濃好鮮味，食完烤魚，可以另外點火鍋材料打邊爐，必點當然係薯粉，沾滿酸菜湯底既薯粉，令成餐飯好完滿👌🏻另外值得一提既係酸梅湯，唔係好甜，酸酸味味好解膩，打完邊爐都唔會飽飽濟濟。整體嚟講，無論環境服務同食物，都好值得再嚟食👍🏻…查看更多

唔係朋友約我，都唔知K11 Musea有間咁既鋪頭。環境幾好，可以望住Musea個內部design，樓底夠高，空間好夠。除左有dinner set之外，仲有好多cake選擇，因為唔太肚餓，所以只係叫左一件cake。▫️開心果吉士千層酥　對於開心果完全零抵抗力，見到呢個千層酥即刻試一試，價錢唔算平，要$54一個，食落都幾失望。開心果味好淡，接近食唔到既程度，酥皮係脆既，但做唔到鬆脆既口感，以$54一個既cake黎講，可以唔洗試😛…查看更多

≋粉嶺少有文青cafe≋講到粉嶺cafe，首選一定係CoHee，位於舊裁判法院隔離，環境清幽，周圍有樹圍繞住，加上白色外牆，個感覺好chill🏝️當日早上11點左右係粉嶺做完野，趁有空檔就去CoHee休息下。餐廳裝潢好舒服，每次去都覺得好放鬆，有2張枱係他他米座位，Weekend一定係無位，Weekday去先可以坐到☺️要注意既位係，11:00-12:00之間係無set餐，只可以散叫。想黎既朋友記得避開依個時間啦。我地散叫咗一個All day breakfast，一杯朱古力同檸檬撻🍋▫️All day breakfast整體質素幾好，特別係個慢煮雞胸肉，肉質嫩滑好juicy，一啲都唔乾喔!其他食物都好新鮮，不過塊多士好硬，隨時𠝹損牙肉🫣▫️熱朱古力🍫居然都有拉花，而且拉得好靚✨重點係好濃朱古力味，又唔會得死甜。▫️檸檬撻🍋係清新之選，酸酸甜甜，食完唔會覺得漏，2個人share岩岩好，好滿足🫶🏻整體嚟講，價錢就唔平，人均都預$100左右，不過係粉嶺有時想chill下，環境，氣氛同食物都唔錯既cafe，推薦黎𝘊𝘰𝘏𝘦𝘦✨…查看更多

收工唔知食乜好，經過依間舖決定入去食下，門面係好舊式既麵檔，主要都係食麵同米線。我叫咗一碗豬軟骨椰餃熱拌米線🍜豬軟骨煮得肉質有啲乾，肥肉比較多，餃子不過不失。反而個米線有少少驚喜，米線軟硬適中，入口順滑，醬汁都好惹味。朋友叫左豬扒淮山米線，豬扒炸到乾晒，好韌，淮山米線，屬於清淡型，個人唔係咁鍾意淮山麵，好在湯底幾清甜，唔會專登過嚟食。…查看更多

粉嶺區新開一間文青cafe✨裝修簡約，以木為主調，食物都以輕食為主。價錢屬於中價位，以粉嶺少有既cafe黎講可以接受。Order左早餐香煎雞扒意粉，店員推介牛角包，所以另外加$8將多士轉牛角包。意粉分量唔算多，女仔食就足夠，男士就應該唔夠飽。蕃茄湯底，有少量蔬菜，湯底夠濃味，蕃茄味夠清新，意粉偏硬口感，整體唔錯，夠開胃。雞扒用香草煎香，肉質有少少乾，牛角包🥐幾香牛油味，外脆內軟😋可以一試杯熱朱古力奶味較重，反而朱古力味唔夠，有少少失色。整體都唔差，係粉嶺區搵到間質素唔差，環境舒適價錢合理既cafe，服務都值得一提，店員有禮貌，仲主動提供電話托，服務一流👍🏻可以再食😌…查看更多

見到呢新開既手搖店，次次經過都好多人排隊，撞岩無咁多人就買嚟試試。Menu係用電子code，都幾好，唔係堆一群人係門口。叫左一杯熱芋泥啵啵奶，店員話甜度固定左，原本都擔心會好甜，出奇地甜度岩岩好，唔會一浸死甜。不過芋泥唔算多，奶味比較濃，小珍珠比較淋，唔夠煙靭，但好在飲完唔會覺得好漏。…查看更多

喺韓國食過之後念念不忘，香港開左分店但遲遲未有機會試下。今日去開沙田梗係去食啦。叫左一個王牌火腿吐司套餐($81)包2隻炸雞同一杯飲品，另加一個MVP雞吐司（$48)🍞《王牌火腿吐司》麵包烘到有少少乾，但又唔夠牛油味。不過個味道都幾豐富，個醬少少甜甜地，同火腿同蛋好夾，整體嚟講都算好食，不過點都唔夠韓國咁好食。《MVP雞吐司》朋友叫左雞吐司，以為係炸雞扒，其實係雞整既漢堡扒，醬汁同火腿吐司一樣，甜甜地，味道都係差不多，睇你鐘意食咩餡。最後係套餐既甜辣炸雞2件，甜辣醬一啲都無客氣，成舊雞都沾滿醬汁，個汁甜甜地有少少辣味，個人好鐘意甜辣既韓式炸雞，加上炸得幾脆口，皮唔算厚，下次會再encore!…查看更多

放假朋友帶我去K11 Musea覓食😋嚟咗呢間VELO。環境好靚，樓底夠高，位置坐得好舒服✨行完街嚟食個tea，傾下計，見佢lunch有semi buffet，人頭三百幾，好似好吸引，有凍海鮮、沙律bar、甜品、生果，但因為朋友唔食得生冷野，我地只係散嗌，下次先再試下semi buffet🥲去食西餐最鐘意就係食麵包，我好重視間餐廳既麵包好唔好食，如果麵包好食，會令我想去一食再食🤭VELO既麵包係不過不失，正常既法國包，不過有意大利醋同橄欖油，都勉強食晒啲麵包。Order咗一份牛扒，7成熟，煎得岩岩好，切開好juicy，又唔會太生或者太熟，平時食扒房7成熟係煎到過晒龍，又鞋又乾呢間煎到岩岩好，點少少鹽，已經食到好濃既牛味，有驚喜🥰香辣蕃茄意粉🍝問過waitress話有少少辣既，但完全食唔出有辣味，不過蕃茄味好出，酸酸甜甜咁，可以中和返牛扒既油膩感。另外叫咗個炒蘑菇，炒得好香，好重牛油味，但食多幾啖覺得咸，於是叫廚房幫我地炒過一份淡少少既。點知佢轉咗落勁多蒜蓉，仲要咸過之前個兜，食完個胃唔舒服咗成日🤢唔知係唔係一早整定啲菇，所以點整都係好咸，真心唔建議叫呢兜野😵…查看更多

已經唔係第一次食文記車仔麵，有個好鐘意食文記既朋友當佢飯堂咁，今日又去食啦😆每次去都一定要排隊，已經避開咗lunch hour都係咁多人，人氣真係有增無減！啲餸選擇算係多，今次叫左雞中翼、陳皮魚蛋、鯪魚肉、小花菇。🍗雞中翼係每次必叫既，淨係睇色水就知煮得好入味，啲軟骨好易咬甩，無雪藏味👍🏻小花菇都係我必叫既餸，無個浸臭菇味，細細粒，好吸湯汁好惹味。陳皮魚蛋同鯪魚肉係朋友介紹，覺得普通，唔係太出色。最緊要都係要加辣，叫左小辣，另外建議加埋花椒油，勁香👍🏻…查看更多

位於K11 Musea內，每次經過都覺得好吸引，Display晒啲蛋糕，全部都好足料，但係又比佢個名”butter”嚇到，好似會好膩咁。今日個fd話想試下，咁就買一件2份share。我哋就試花生蛋糕，一入口好香濃既花生味，上層係好幼滑既cream，下層係厚厚既花生醬，底層有一層薄薄既朱古力醬，餅底好鬆化同有咬口，個人覺得係好食既，所有味道都好融合。但都係太過膩，2個人share都頂唔順，女仔嘅話千祈唔好嘗試自己食一件🙂…查看更多

澳牛出咗名係勁急，一坐低就要決定食咩，唔會有時間比你慢慢諗。因為係附近睇完醫生，又心癢癢想去再挑戰下😆點知下晝時間無乜人，一去到已經有位坐，未諗到食乜，侍應哥哥好好比我地慢慢諗🤣叫咗最簡單既常餐同蛋白雙皮奶。咁耐無食，覺得味道普通咗，同一般茶餐廳差不多，但嚟澳牛食既都係感覺，所以都無失望，分量都算大份，整體不過不失。我比較鐘意蛋白雙皮奶，唔好牛奶既我，都係抱住試下既心態，點知反而有驚喜，奶味唔算好濃，質地幼滑，易入口。…查看更多