FoodieKwanHK的个人专页

去啟德試GoNuts,4個人叫左小食拼盤,意粉,漢堡同pizza,另外叫左兩款甜品。意粉係卷卷粉,質感有啲似通心粉,都幾得意。滿滿既菇菌,卷埋忌廉汁食幾好味,不過算細碟少少。小食拼盤特色係生炸口水雞,沾川椒麻辣醬食,少麻少辣又唔柴口。牛肉漢堡事先切開一半訓係鐵板,再淋熔左既芝士係面。咁食漢堡都幾方便只係個包浸得耐肉汁同芝士,淋左啲無咁脆,不過薯條反而好食左,真係兩睇。蒜香牛柳粒Pizza,沒有不好食的道理。嗜甜如我,兩款甜品都好滿意。麻薯窩夫外香甜內軟糯,千層塔鬆脆得黎帶絲絲甜味。整體黎講食物好味,只係我地揀既菜式無乜亮點。我個人覺得最好食係兩款甜品。如果再去會想試Risotto 同烤雞。白松露油忌廉野菌汁卷卷意粉 $102小食拼盤 $158芝士熔岩雙層手製牛肉漢堡 $158和風蒜香牛柳粒Pizza $153香蕉朱古力奶昔 $66三重朱古力麻薯窩夫 $82曲奇忌廉千層塔 $78…查看更多

餐廳係元州街,恒生銀行櫃員機隔離,有少少隱蔽,但有擺易拉架指路,都唔難搵。鋪面細細,日系設計風格,有好多動漫元素,例如海報和figure,播放既音樂大多是動漫歌曲,整體氣氛好舒服。我叫左A4.終極之廣島牡蠣濃湯拉麵,細佬就揀B8.極之黑松露鯛白湯拉麵,小食叫左雞皮餃子,叫拉麵有送甜品,Follow佢地IG送飲品!平時豬骨湯同雞白湯拉麵食得多,海鮮湯好少食,今次真係打開左我新味覺!!首先係湯底,非常鮮味,牡蠣濃湯非常濃郁純厚,但又唔會油膩或太咸,係可以整碗湯飲哂既程度!其次係配料,非常足料既一碗拉麵,大廣島蠔有3隻,叉燒有3塊!仲有好多蠔仔,蠔每隻都好肥美,慢煮叉燒風味十足。另一碗黑松露鯛白湯拉麵都好特別。店員介紹可以先試原味,再混合黑松露,會有唔同風味。鯛白湯非常鮮甜,而鯛魚肉都好嫩滑。雞皮餃子好脆好香口。至於甜品迷你紅豆大判燒,食落味道似豆沙鍋餅,不過厚身D,幾好味。杏仁奶凍就普通。整體黎講,依餐非常好味又滿足,價錢亦都好公道。打開左我味覺既新篇章,以後再試其他款。非常推薦鍾意海鮮湯或想嘗鮮既朋友去試!A4.終極之廣島牡蠣濃湯拉麵 $138B8.極之黑松露鯛白湯拉麵 $98雞皮餃子4件 $28P.S. 只收現金!! 逢星期一休息|午市1200-1500|晚市1730-2130…查看更多

突然想食漢堡,係澳南搵左間試魚柳漢堡,同細佬食午餐,包頭盤,主菜+飲品。頭盤揀左蘑菇湯&炸蟹肉球配沙律,湯幾濃郁,我試左少少都幾好味,炸蟹肉球得兩粒,沙律菜爽口。主菜係Fish & Chips同炸鱈魚柳漢堡,有唔同種類既魚可以揀。不過擔心食唔出分別,所以揀普通既藍鱈魚,拎左d試,魚肉結實鮮甜,粗薯條正常發揮。最期待既魚柳漢堡出場,同樣係鱈魚,我覺得依塊魚柳炸得好食啲,脆可口,配合醬汁好正。跟漢堡既幼薯條都炸得香脆。甜品係檸檬罌粟籽蛋糕,淋埋蜜糖,甜得黎鬆軟。整體黎講,終於食到魚柳大過包既魚柳包(笑。有機會可以試其他種類既魚,另外烤雞同意粉都好吸引。Fish & Chips(藍鱈魚) $98蘑菇湯 跟餐+$12炸鱈魚柳漢堡配薯條 $98炸蟹肉球配沙律 跟餐+$12檸檬罌粟籽蛋糕 跟餐+$25…查看更多

好耐無收夜同同事去食宵夜,係九龍城搵左間打冷試下。我最期待蠔餅同滷水拼盤,人人揀D,8個人最後叫左13道菜!!老實講,出菜係有D慢,不過依個時段得一個師傅兩個鋪位來回走,慢都合情合理。慢還慢,食物質素確實在線上。蠔餅好香口,唔會太油,蠔仔鮮味十足,滷水拼盤好足料,椒鹽鮮魷外層酥脆,內裡依然鮮嫩,小炒王既韭菜無渣,讚!蠔仔粥落蠔仔不手軟,又多又好味。糖醋伊麵甜甜酸酸幾特別,反沙芋超甜。整體黎講,耐無打冷,樣樣都覺得好好味!!一班人吹下水,食下野,飲下野,都唔會好覺出菜慢。以後想打冷,又多個好選擇!!P.S. 店家開到凌晨3點,同埋只收現金!!記得㩒定錢!!!韭菜豬紅 $58大滷水拼盤 $158小炒王 $128蠔仔餅 $88春菜炆豬肉 不確定椒絲腐乳通菜 不確定豉椒炒蟶子 $118椒鹽九肚魚 $108椒鹽鮮魷 $128炒魚麵 $88蠔仔粥 $108/窩糖醋伊麵 $118高手反沙芋 $118…查看更多

一間係社交平台見過無數次的刨冰店,終於有機會去試下。還好去得早,等10分鐘就有位,後面有4,5組人等,可見人氣十足。被安排坐窗邊位置,鋪位不大,還好座位都不算太逼,所以坐得算舒服。在外面排隊已經有職員幫手落單,點了一份雲呢拿朱古力味刨冰,入到去俾錢後約5-10分鐘就已經有得食。我第一眼見到既反應係"哇,好大一碗!"黑白相間既外觀都好吸引!!冰刨得好細,食落涼浸浸又軟綿綿,朱古力味食落感覺似阿華田味,係久違既味道。面頭與刨冰裡面都有Oero碎,令口感上有好幾層變化,唔會太快食膩。整體黎講係一碗好好味既刨冰,以刨冰黎講價格偏貴,但物超所值。鍾意食刨冰真係值得一試,而且有好多味道可以選擇,下次再試另一個味。雲呢拿朱古力味 $110…查看更多

係灣仔收工,約左細佬出黎食晚餐。繼上次食左黑龍之後,今次試另一龍-風龍。裝修係好傳統既日式拉麵店,即係一排座位,望住廚房個款。我同細佬6點前入座唔洗等位,餐廳播放日本動漫歌曲,岩聽得黎坐得都算舒服。我叫左豚骨湯拉麵+餃子,細佬就叫左雞白湯拉麵+辣味蛤肉。豚骨湯拉麵既湯底濃郁得黎唔會太咸,麵身軟硬適中,都可以掛湯。叉燒係另上而且有炙燒過,非常香口,溏心蛋亦都好好味。我有試左細佬個碗既湯,雞白湯既味道多左雞既鮮甜味,限量供應確實係唔同啲。小食方面,餃子都煎得幾香脆,辣味蛤肉好惹味,配合埋啤酒真係無得彈。整體黎講,拉麵同小食都好味,不過對我黎講未到驚豔既程度。下次黎再試蝦味噌拉麵,網上見評價都好好。豚骨湯拉麵套餐(包玉子+餃子) $110雞白湯拉麵套餐(包玉子+辣味蛤肉) $125…查看更多

落觀塘幫波友拎拍,其實都係搵個籍口搵食。上次黎食甜品,今次試漢堡包。叫左一份自家製炸黑炭豬排漢堡包,配菜係雜菜沙律,另外叫左一杯凍既榛子鮮奶朱古力。依次去都幾多人,大概20分鐘先有野食。包如其名,裡面幾塊豬排既外觀真係黑炭一樣,不過氣味好香,令人食指大動,而且份量十足。手機食完之後,我急不及待整個漢堡拎起大啖咬落去!以我男性既一口黎講,都係緊緊夠咬齊哂咁多樣材料,可見個包幾巨型。漢堡包表面既芝麻好香,個包本身表面少少脆,入面軟熟。黑炭麵衣既風味好特別,有少少似炸黑芝麻,但又唔完全一樣,炸得好酥脆而又唔會成口油。而入面既豬排依然係嫩口有汁,搭配醬汁和蔬菜,整體配合得好好,值得一試。食完超級滿足,將軍澳最近搵唔到好食既漢堡包,好彩觀塘都仲有,下次可以再黎試其他野。自家製炸黑炭包豬排漢堡包配雜菜沙律 $98榛子鮮奶朱古力 $24…查看更多

依日見天氣都仲熱熱地,就諗起可以食刨冰。依間係北角站B4出口行幾鐘分就到。鋪頭細細,座位唔算太多,我大約1515到,都要等兩張枱,同埋多數都要搭枱。掃QR落單,整好之後,要自己出去櫃枱攞。搭枱又坐得太入既話,出入都幾唔方便。第一次黎,款款都好吸引。最後揀左蜂蜜豆腐2.0試下,另外叫左隻銅鑼燒。由於都幾多人,我地都等左15分鐘左右先有野食。好大一碗刨冰!!蜂蜜糖漿可以好似我咁淋哂上去,又可以一邊食再一邊加,豆腐味淡淡地,配合蜂蜜既甜蜜味剛好。而刨冰本身又刨得夠細,綿密順滑,搭配灑係上面既黃豆粉,唔會太甜又冰涼。至於銅鑼燒就比想中細隻好多。不過抹茶+紅豆泥本身就係一個難輸既組合,餅皮都幾香軟,幾好味。整體黎講,天氣熱熱地食刨冰絕對係不二之選。依間刨冰既質量好,我同細佬兩個人食,食到最後只係剩返好少冰水。下次可以試下其他味道,只係座位比較迫係硬傷,其他無乜問題。蜂蜜豆腐2.0 $118紅豆抹茶銅鑼燒 $28…查看更多

一間返工會外賣自取既餐廳,原來將軍澳都有,同細佬去食一次堂食。我叫左份香酥排骨飯,細佬叫左滷排骨飯,另外叫多左份招牌總匯蛋餅。由於我已經食過好多次外賣,已經做好心理建設,但細佬係第一次食,佢就好震撼🫨因為塊排骨比個碗仲要大😂除左份量多之外,排骨炸得十分酥脆,我鍾意海苔粉,食落再多一重香味。而其他配菜都好好味,基本上淨係食份便當都足夠飽。細佬有分左舊滷排骨我試下,多左滷汁既味道又唔一樣,不過我都係鍾意香酥排骨多啲。小食方面,蛋餅入面有肉鬆,沾埋醬汁食都幾好味。星蔥餡餅就比較普通。整體黎講,味道份量都ok,我同細佬用餐既鐘數偏早,所以無乜人,靜靜地傾下計都食得幾舒服。香酥排骨便當 $89那個滷排骨便當 $89招牌總匯蛋餅 $38星蔥餡餅 $22…查看更多

有朋友轉發將軍澳有間鴨蔥拉麵幾出色,睇相幾吸引,於是同細佬去尋味。小店係Parkside個美食廣場入面。同細佬一人一碗鴨蔥拉麵,另外叫左份唐揚炸雞share食。佢地係用畫紙既方式落單,我同細佬分兩張紙落。俾錢個陣,男職員問左一句“係咪一齊俾錢”,我話“係”之後,佢面露不悅,合完兩張單之後,一手將無用個張紙揸成廢紙球丟左。就算係午市,佢地係忙,但係係顧客既角度,感覺就好差,我未黎過,點知你咁多規矩呢？服務有待改善,食物尚算唔錯既。慢煮鴨肉份量足,嫩口得黎淡淡鴨香,松露味都好香。只係睇相,通常鴨肉表面會有炙燒既效果,大概因為午市工作量大。我個碗既鴨肉就唔多覺有炙燒,京蔥就都有燒既,令到啲鴨少左層風味。麵係偏腍,湯頭都好味,個人覺得偏淡味。唐揚炸雞大大份,外脆偏嫩,咬落油香四溢,唔柴口。整體黎講食物好食既,慢煮偏淡口唔同食法。只係我期望會再香啲,所以有啲落差。係food court食飯雖然都唔太期望服務,但無諗過會咁差🤷‍♂️俾錢已經俾人黑面,再好食都唔會再去🤦‍♂️鴨蔥拉麵 $78唐揚炸雞(原味) $30…查看更多

是次深水埗搵食最後一站,嗜甜如我,都係食甜品-梳乎厘。佢地既梳乎厘都幾多款式,我最後揀左酒心Oreo味,另外實在太熱,所以叫左杯芒果沙冰。我落單個陣,職員話堂食即叫即整要等15-20分鐘。佢地有幾張櫈係鋪頭旁邊,所以都可以堂食,可惜無冷氣,得部風扇,聊勝於無。芒果沙冰首先送到,急不及待試一口,確實係冰涼,芒果味都幾香,只係天氣太熱,好快就變左芒果汁😅等左20分鐘左右,終於等到上菜,賣相十分吸引,而且都幾足料。梳乎厘非常軟熟,羹叉輕輕一吉就可以分開,搭配Oreo餅碎,令口感上多左重變化,不過就唔係好食到酒味🤔整體用餐體驗都唔錯,份量合適,味道足夠甜,係用餐環境係後巷(算乾淨)同無冷氣有啲可惜。酒心Oreo梳乎厘 $50芒果沙冰(細杯) $15…查看更多

第三站特別啲,去左一間餃子專門店食芝士蛋糕。無錯,其實家後係餃子專門店,不過我朋友話有賣巴斯克芝士蛋糕,於是去試下。店員話嗰日有4款味道可以揀,我睇牆上既餐牌,仲有開心果,藍莓等幾款。不過之前已經食左兩份主食,確實係有啲飽,所以淨係叫左一份原味芝士蛋糕。店員送到黎感覺比想像中細件,不過賣相確實唔錯。同平時食開既newyork cheesecake唔同,依款芝士蛋糕無餅底,芝士味一樣香濃,口感濕潤軟錦,表面有少少焦糖化左,多左一層焦糖香味。整體黎講係好味既😋我單點一份黎講係細件左少少,不過如果食完餃子當甜品食,個份量應該岩岩好。其實佢地既餃子都出名,下次再去就試埋餃子同其他名既蛋糕🤤P.S. 逢星期三全日休息自家製芝士蛋糕(原味) $30…查看更多

第二站就去食馳名蛋牛治。其實唔係第一次食,但係每次黎深水埗搵野食,都會記起要食佢。由於佢店面唔大,加上國慶假期,所以去到都要等一陣位,而且要搭枱。當然叫左份蛋牛治烘底。記得 記得 記得 烘底!!!另外叫左杯凍檸茶。同我同枱既4個人都係叫蛋牛治😂可見出名程度。唔洗等好耐食物就送到。香!確實係香!烘底既麵包香,燶邊既碎牛蛋餅既肉香蛋香,仲有少少牛油香味。唔係要影低,一送到就已經想拎黎食🤤影完就急不及待進食,烘底多士香脆,碎牛蛋餅足料,調味適中唔會太咸,同以前食既味道一樣,唔錯。值得留意係設有最低消費,淨係蛋牛治會爭幾蚊,可能要諗吓仲想食咩,或者叫杯野飲。馳名蛋牛治 $24 (烘底+$1)凍檸茶 $19…查看更多

放假睇完風林火山,又出去搵野食。今次plan好去深水埗搵食,一共有4間餐廳。第一站,劉森記麵家。依家店出名係依然堅持人手打竹昇麵,蝦子撈麵同鮮蝦雲吞麵都係招牌菜。十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。鮮蝦雲吞麵 $44蠔油菜心 $24…查看更多

未夠鐘返工,行遠少少搵左間cafe坐下。依間cafe裝修簡單得黎幾有型,坐低都覺得好chill,好舒服。叫左一件自家製芝士蛋糕,加一杯凍mocha。其實意粉好吸引,不過由於時間關係,留返下次先試,今次食左件cake先。佢地既芝士蛋糕唔係好濃芝士味,食落口感綿密,都幾好味。不過就細件左少少,大件啲就會抵食啲。至於杯mocha,由於平時好少飲咖啡,就評價唔到咁多。原來間唔中咁搵間cafe,坐下chill下都幾舒服,以後再發掘下。自家製芝士蛋糕 $50Iced Coffee Mocha $50…查看更多