JessicaKwok6171的個人專頁

今日行街經過見到呢一間餐廳望入去就俾佢啲LED燈吸引咗 入到去成個畫面都好震撼雖然佢係LED燈但係真實感非常重 因為基本上360度都會睇到唔同嘅LED燈景色頭盤我哋就試咗呢一個廚師推介嘅黑松露伊比利亞火腿配 63°C 日本溫泉蛋 一嚟到基本上佢嘅黑松露味已經足以令到成間鋪嘅人都望住 裏邊有兩隻日本溫泉蛋 我自己呢就會撈埋佢一齊食仲有啲芝士同火腿 蘑菇 所以口感非常好 亦都好有層次 本身以為有芝士會好膩 但出奇地成個感覺都好smoothMain course我哋就叫做馬來西亞海鮮炒麵 聽裏面主要係有蝦同埋魷魚 仲有其他蔬菜一齊炒埋佢嘅食落去非常惹味 份量我就覺得啱啱好唔會太少香煎肉眼扒配西班牙迷你青椒 我見到差唔多每一台嘅客人都有叫 呢一個我覺得有驚喜 我自己走去食Medium rare 切開佢之後牛肉粉粉地嘅顏色 食落好嫩 肉味重我自己覺得可以媲美其他嘅扒房添 所以呢個價錢食到我覺得非常好…查看更多

你以為打邊爐一定好肥你就錯啦「*渝味曉宇重慶老火鍋*」 舉辦嘅*<*渝味曉宇 X 生酮達人唐貝詩 Keto火鍋>我呢一個湯底就係鴛鴦湯底 一邊係傳統大紅重慶麻辣湯底 另外就係佢哋嘅養生花膠雞窩今次嘅cross over就會有養生花膠雞窩 裏面係選用左三黃雞加入左花膠 新鮮蟲草花 杞子同埋雞湯等等嘅 佢嘅味道好清甜雖然有雞喺裏面但係一啲都唔多油 我仲飲埋啲湯添 如果好似我兩個人去咁鴛鴦湯底裏面都會有¼隻雞㗎 三個人嘅話就有½隻話明生酮就梗係唔食碳水化合物啦 所以佢哋今次就用咗海帶麵主要係纖維接近零卡路里 佢嘅口感有啲似粉絲 但係比較爽脆啲嘅 呢一個海帶面我就鍾意放佢落麻辣湯 因為可以吸晒啲味呀嘛除此之外佢哋仲有生酮特飲 我哋就叫咗青檸梳打同埋羅漢果茶 佢哋全部都係用咗代糖 所以佢哋係無糖飲料 熱羅漢果茶就係用咗15粒羅漢果煲製45分鐘啱晒生酮人士飲用啊而家佢哋仲做緊每日唔同嘅一蚊優惠 我嗰日去到一蚊就可以食到羊肉卷啦 每一間分店都唔同 不過真係好抵食…查看更多

而家夜晚冇得出去食飯晏晝就當然要食好啲啦係K11 Musea嘅Curator 啲嘢又好食又適合打卡 佢個頭盤奶酪醬烤糯米釀雞翼真係勁好食 有少少辣辣地而糯米嘅口感令到成個雞翼都好‘煙銀 ‘ 食完都想再encore多次到主食我哋就叫咗個卡邦尼長通粉 佢個賣相真係一流 啲意粉啱啱好唔會太硬亦都唔會太林 裏面仲有我最愛嘅西班牙香腸添 另外我哋仲嗌左個大蝦意粉 佢主要係用咗九層塔同埋番茄醬 係佢哋嘅signature之一 大蝦意粉嘅大蝦真係一啲都唔吝嗇 起碼有六七隻大蝦 喺出邊嘅餐廳可能得一兩隻 所以我自己就覺得非常滿意 加埋啲九層塔嘅香料成個味道真係非常好平時嘅飲品我都好少會點樣讚賞 但係佢呢一個凍朱古力係用咗Venchi朱古力 所以入口嘅時候你會飲到濃濃嘅朱古力味 但係又唔會好甜 成個口感係非常之smooth 雖然佢嘅價錢唔算好平但係見到佢咁大杯都值回票價…查看更多

Pizza maru 之前喺銅鑼灣嘅分店都食過 原來而家佢哋喺朗豪坊都開咗分店 佢哋嘅蜂蜜牛油秘製炸雞係我每次都會叫嘅 平時多數都係兩個人食飯所以叫6件嘅就夠㗎啦 佢哋嘅炸雞係即叫即正 所以嚟到嘅時候小心睇熱 佢哋嘅蜜糖味道真係我食過最好食嘅蜜糖味炸雞 加埋外脆嘅雞皮同熱辣辣嘅雞肉呢個組合真係冇得頂另外我哋仲嗌左個辣魷魚烤蛋拌飯 泡菜辣辣地嘅但又唔會太辣食唔到 感覺非常開胃魷魚嘅份量都適中唔會太少 除咗魷魚圈之外裏邊仲有啲切咗粒嘅魷魚 所以基本上每一啖你都會食到魷魚㗎最後就當然唔少得佢哋最出名嘅芝加哥Pizza啦 我呢個就係韓國烤肉芝加哥 佢裏面係有牛小排蕃茄同埋大量芝士 如果你係芝士控嘅話就一定會好喜歡 但識落唔會有一種平時食芝士好飽好濟嘅感覺 所以我都比起平時食多咗幾塊 嘢飲方便我就叫咗個Lychee cooler Ade 基本上佢就係一個荔枝梳打 但係比起一般嘅荔枝梳打佢比較重荔枝味唔會係一種死甜嘅味道 所以呢一個我都非常推介 💁🏾‍♀️…查看更多

今日去左牡蠣不如歸 佢地原來係米芝連 而我去嗰間係全新銅鑼彎分店 係全港首間「牡蠣黃金湯」湯頭拉麵店佢哋主打嘅就當然係蠔啦我就食咗最出名嘅鹽味拉麵 雖然佢裏便冇原隻1號但係佢嘅湯底淡淡都係蠔香味 而拉面嘅質地都非常彈牙另外我哋仲食咗佢哋嘅小食 分別有牡蠣一口飯 一份有兩件佢有紫菜包住 好似食緊壽司 佢啲紫菜甜甜地同埋好脆口 上邊嗰隻號非常新鮮仲好大隻添 呢個價錢來講非常抵食另外一個小食就係牡蠣野菜天婦羅 炸粉唔算好多所以口感非常好 椰菜天婦羅 佢有粟米天婦羅喺出邊好少食到 仲有番薯同埋青椒 所以就算係天婦羅識落都唔係好有罪惡咁🙈 當然佢哋嘅牡蠣天賦樂亦都做得非常之好啦 雖然炸左係都食到佢係好新鮮嘅🙈🙈🙈最後仲有飲品我哋就叫咗桃味同埋巨蜂你嘅梳打水 你到嘅時候原來係來自日本嘅梳打水 所以佢哋嘅味道都非常濃厚 好好飲🤤🤤🤤…查看更多

Sam謎 佢門外邊嘅裝修吸引咗我入去 入到去全部都係粉紅色嘅佈置同figure 仲有bearbricks除左有平時Cafe嘅咖啡之外 仲有養生嘅飲品例如 桃桃燃脂茶同醒魂洛神茶 唔好以為養生就唔好飲 呢兩杯都好好飲 我最推介係桃桃燃脂茶除咗粉粉之外佢哋嗰度仲有牛角包同埋Muffin 每一款都好靚 啱晒大家另外SammiWhite 結合了CaroWhite、Multi-AOx、橄欖果提取物和L-半胱氨基酸等強大活性成分，能有效美白肌膚，並維持皮膚的整體健康 岩哂夏天哂到黑哂嘅我🙈…查看更多

灣仔novotel自助餐初體驗 今次佢哋嘅主題係Sawadee泰 好明顯就係泰國菜為主啦 但係唔好以為以為佢剩係得泰國菜啊 一般平時食自助餐嘅餸菜佢都會有 包括可新鮮嘅刺身同埋壽司 佢哋一次刺身係我食過咁多間自助餐切得最厚嘅刺身 尤其係佢哋嘅油甘魚非常肥美 🥰🥰話明今次係泰國做主題又點少得泰國當地食品 當然唔少得春卷蝦餅燒豬頸肉冬陰功湯啦 每一樣都好有水準尤其冬陰功湯裏面嘅海鮮真係好足料㗎 另外熟食都會有沙嗲咖喱等等 款式亦都唔少有龍蝦啦蟹啦咖喱雞等等 基本上應有盡有 到最後甜品方便當然唔少得泰國貓山王嘅班戟 呢個班cake我都encore左兩次 真係好香好好食另外佢仲有榴槤蛋糕 呢個相對冇咁重榴槤味但係都好好食㗎 泰式甜品又點少得芒果糯米飯啊 細細啖一啖食晒 跟住又可以繼續食其他甜品啦…查看更多

今次已經係我第二次尼呢間韓國嘢 佢除咗好食之外仲非常健康 今次我就叫咗醬炒牛肉石鍋飯 佢嘅咪係用咗紅米所以食落比較健康 佢啲餸亦都好足料 佢啲醬比一份啱啱好到晒落去味道就非常足夠唔會太多 有少少微辣 所以就算唔食得辣嘅朋友都可以試另外仲嗌咗個牛膝骨湯 呢樣好少地方有得嗌 佢係超高骨膠原所以對於女性來講非常之補 佢有濃濃嘅牛肉湯嘅味道 加上牛膝 唔好以為佢呢個價錢一定比好少份量 但係其實佢嘅份量都唔細㗎 我就另外加多$15叫多個飯 同樣地都係紅米 所以真係好健康…查看更多

疫情關係冇得去歐遊 所以我就搵咗一間宮庭式嘅酒店食下午茶喺歷山酒店 而家做緊一個維多利亞宮廷式下午茶套餐 嗰度嘅環境就好似去咗法國咁好金碧輝煌 今次仲好好彩安排到坐窗口位 下午茶分別有三層最底係鹹點 我就自己最喜歡鵝肝配自家製窩夫 佢個窩夫非常之脆口係啱啱出爐嘅而且我鵝肝嘅味道非常突出 另外仲有鮮焗鮑魚撻 鮑魚口煙韌 然後配煙肉洋蔥蛋撻 仲有個香煎虎蝦配車厘茄 大大粒蝦 而且口感好彈牙另外佢哋嘅英式鬆餅份量好 每人一個 佢係配左濃縮忌廉同自家製果醬 佢哋嘅鬆餅都非常鬆軟唔會好實 食完唔會好飽食唔到其他嘢之後當然就到甜點啦 我自己就最鍾意佢哋嘅法式燉蛋啦 同埋仲有個千層芒果蛋糕 係好香嘅先芒果味唔係死甜 茶方便佢哋係用咗TWG添 好滿意啊而家仲做緊新開張優惠每人會送一杯汽酒或者紅酒白酒添…查看更多

佢呢度近期換咗新裝修一排一排咁樣感覺好似有咗私人空間感 枱前邊仲放咗一啲小擺設增加左親感 今次我哋就當然嗌左韓國部隊鍋 佢裏面超足料分別有香腸午餐肉 焗茄到韓國拉麵蔬菜等等 有時食部隊鍋會覺得太辣 但係佢呢一個味道係適中 就算唔食得辣嘅都可以叫尼試吓我哋仲叫咗個蜂蜜牛油炸雞 半隻 拍骨嘅朋友放心 佢呢個係無骨嘅 佢令上咗蜜糖醬所以鍾意甜啲嘅朋友都可以因應自己嘅份量再加 佢啲雞雖然冇骨但係都非常嫩滑 我勁推介嘅最後我哋仲叫咗個辣醬薯條都係勁推介 超好食 薯條係好脆 放心一啲都唔辣嘅加埋啲肉碎喺上邊簡直就係一流最後我哋當然叫咗個韓式生米酒 佢係用個碗上 所有超有韓國風味…查看更多

大蝦意粉佢既蝦肉食落好彈牙同好新鮮 而意粉既軟硬度適中 配上番茄醬同大蝦既味道好夾 有出面西餐廳既水準酥脆雞鎚配水牛芝士醬雞鎚炸得岩岩好 雞肉仲系好嫩滑 又唔會有好多炸粉 配上辣辣地既水牛芝士醬 正😋藝術打印咖啡呢個系佢地既signature飲品黎 黎到呢到梗係要試下啦 佢有得比你揀要咖啡底定朱古力底 我就揀左咖啡底 佢呢杯咖啡真系超級靚 上面系Nara個樣 靚到我差啲都唔捨得飲 而飲落都好有水準 味道系好似flat white咁 唔止有賣相之餘仲好好飲😍 一定要試下 打卡一流閃爍咖啡冰球呢杯都系佢地既signature飲品之一 所以我都叫左試下佢 佢黎既時候系有一杯齋啡、一杯西柚汁、一杯梳打水 俾你自己調配分量 飲落去咖啡豆本身既味道好出 因為西柚汁帶出左咖啡豆既味道 飲落另外仲有一份清新既味道 中意飲齋啡既一定要試下👍🏻Tiramisu我知道佢地既tiramisu系好出名 好多朋友試過都話好食 所以我都叫左黎試下 首先賣相一流 而且食落Rum酒味道好濃 加埋上面既cream 成個tiramisu味道變得好夾…查看更多

今日去到滿屋食放題 佢哋嘅魚生不單止好新鮮服務態度亦都好好佢出邊有個自助嘅部份包括有凍嘅頭盤 有泰國鳳爪 葡撻 各種各類嘅嘢食 就連爆谷都有係自助嘅首先我哋帶咗一盤刺身包括有三文魚赤蝦甜蝦帶子等等佢哋全部都好新鮮亦唔會好似其他放題餐廳咁比少咗 要幾多份量就有幾多天婦羅 亦都有我鍾意嘅紫薯同埋蘆筍 天婦羅非常好 佢哋有個榴槤炸波波係非常之好食如果你鍾意食榴槤嘅話就一定要點啊而熟食有好多選擇有牛柳粒 羊架 粟米非常多嘅選擇亦都有粥粉麵飯我就叫咗個牛肉烏冬啦佢裏面啲肥牛都好正㗎肥瘦都好均勻 我覺得呢度嘅性價比非常之高…查看更多

今日去咗尖沙咀諗住食韓國嘢經過呢一間餐廳見到出邊排晒長龍所以就入去試吓想食韓國嘢但係又唔想咁熱氣呢間都幾啱喎平時韓國嘢煎餃子就食得多 今次呢一度有蒸餃子 每一隻非常之大 佢裏面有菜有肉同埋粉絲 真係好大架 兩個人叫一個我覺得都幾多下 如果有多啲人分享就更加好啦 跟住就叫咗個韓式carbonara 我覺得呢一個係必叫嘅因為佢唔會好膩 又唔會好濟因為佢始終係粉絲冇平時啲粉或者面咁飽 佢裡面有紅椒黃椒同埋雞去配搭唔想咁熱氣呢一個都係一個非常之好嘅選擇另外最後我哋就叫咗泡菜蛋漿熔岩炒飯 超好食佢會係你面前加火焰 芝士再幫你撈勻 真係好好食佢仲有拉絲 放心就算佢有泡菜都唔會係好辣就算唔食得辣嘅都冇問題…查看更多

今日去咗灣仔見到呢一間日本餐廳好似幾好咁所以就去試吓入到去我哋就叫咗個廚師發板頭盤我哋就有真鯛配鮟鱇魚肝 魚肝上邊有一隻炸腳蟹仔炸到好脆連埋下面嘅魚肝食非常特別同埋佢個魚肝一啲都唔腥刺身就有北海道帶子 佢嘅帶子非常之爽口而且佢嘅裙邊用咗灸燒嘅方法令到佢好香仲有北海道豪好大隻呢度你連落檸檬汁嘅力都慳返 因為廚師已經幫你落咗啦 又大又肥美嘅蠔真係令我食完都好難忘的鯛壽司,平鯛, 鰈壽司都好新鮮同埋呢一啲雨喺平時出面嘅餐廳都好少有 所以我食落都覺得好特別 但放心一啲都唔會有魚腥嘅味道赤蝦 魷魚 上邊配左海膽佢嘅海膽係好鮮甜而且差蝦同埋魷魚都係好新鮮 所以兩樣野加埋就更上一層樓大拖羅 佢呢個就唔使講大拖羅 非常肥美但又唔會太油膩嘅感覺 食完佢嘅回甘味仲係個口到遊走緊煮食煙肉串茄 佢嘅蕃茄真係好多汁成串放入個厚度啲茄汁都爆曬出嚟所以大家要小心熱啊炒鮑魚 佢個炒鮑魚做到非常之惹味而且佢鮑魚都好現眼天婦羅 明太子青椒、白子、番薯 其實平時嘅我唔係好鍾意食天婦羅 但係佢嘅天婦羅炸得一啲都唔油膩再配埋佢哋嘅汁就一流 食完一定唔會有一種好肥膩嘅感覺 而且佢哋嘅青椒明太子天婦羅都係我第一次試而我覺得都好特別又好食雜菜湯烏冬 呢一個烏冬你見佢個名叫雜菜湯但係其實佢一啲都唔清嫁個湯 同埋加埋七味粉就超級好食呀我就嚟連啲湯都飲晒 而佢裏便啲雜菜一啲都唔吝嗇有好多菇嫁 食到最後都仲有好多甜品醉翁餅 佢呢個甜品都好特別我都係第一次試裏邊有士多啤梨雪糕加埋紅豆蓉 所以感覺同埋味道都十分之特別…查看更多

之前見到有人話佢哋嘅午市套餐 非常抵食 所以今日就一於去試咗原來真係好抵架$68就有原隻鮑魚花膠撻 另外仲有鮑魚汁花膠撈飯佢原價成二百幾蚊我真係覺得好抵 佢個鮑魚他真係超好食佢個鮑魚係乾鮑嚟㗎 食完成個口都仲有佢嘅回甘味 而佢個花膠撈飯裏便都勁多花膠 一啲都唔吝嗇佢哋嘅茶都好特別 我哋叫咗個桂花烏龍 佢個茶底係好 香再加埋啲花味 平時唔飲茶嘅我都飲多幾杯我哋仲叫咗個迷你花膠糯米雞 佢裏便真係有成塊花膠喺度 呢個價錢來講我覺得係一定要試嘅我哋仲叫咗個例牌即燒無花果天下第一豬 佢個乳豬皮係勁脆 係我食過最脆口 最香嘅乳豬呢個都係一定要叫嘅 而且佢個乳豬係非常之肥美但食落又唔會好油膩嘅最後我哋仲叫咗一個甜品 薑茶湯圓蓮子燉花膠糖水 薑味真係好濃 飲完成個人即刻暖晒 而且佢嘅花膠係好大舊架 所以我覺得都值得一試…查看更多