aprchoi的个人专页

之前係IG見到廣告話呢度嘅tiramisu好正而且餐廳面積大，裝修靚，好適合打卡決定星期日lunch黎試吓前一晚係openrice book定位當日1點半黎到，餐廳坐左六成客左右想叫tiramisu，點知無晒🥲，咁快🥲飲品叫左焙茶特飲同抹茶特飲飲品好快上抹茶特飲，無乜味，無抹茶味無奶味但唔知點解杯野都可以咁綠有味嘅只有入面d啫喱只可以話健康焙茶特飲，同上，無焙茶味無奶味食物叫左安格斯牛漢堡同蕃茄醬長通粉等左差唔多45分鐘先上其實當時餐廳唔係坐滿點解上菜要咁耐🙄然後我發現坐我旁邊枱枱都係等咁耐安格斯牛漢堡好食有肉汁 幾juicy配上芝士醬真係唔錯蕃茄醬長通粉賣相一般，以為上面嗰隻係流心蛋，但已經熟熟地咁味道都一般般，無乜特別安格斯漢堡係配薯條嘅但個薯條要再等多廿分鐘先黎味道無乜特別而且唔夠脆最後餐飯食左兩個鐘係一個慢活星期日整體食物質素一般好嘅只有坐得舒服同唔洗等位但考慮到食物質素麻麻，上菜速度奇慢，價位中等至偏高本人覺得試過一次就可以了…查看更多

終於開返晚市堂食，看了很多foodie介紹這間幸福鳥，決定同女朋友試下，係openrice訂位訂咗平日夜晚8點，還有25里送呢當晚放工後大概7點45分到達，以為有得早d入座，但店員告知要8點先可以入座到了8點，我再問店員入得未，但店員話張檯未得，要再等一陣。等到大概8點15分再次問店員是否有得入座，店員話要再等等.... 但明明見到有幾張吉檯，唔通要做無限消毒?!??時間黎到8點半，開始有人排隊，聽到佢哋全部都係訂咗8點半，而且店內好多客人埋單走人，無耐另一個店員亦開始安排訂左8點半嘅人準備入座，我再上前問佢我哋是否入得，這個店員竟然話佢哋只會hold檯15分鐘，我哋訂8點就過咗啦....吓 WTF?跟店員解釋我哋7點45分就到了，企係門口全程無離開過等到8點半，然後這個店員乜都無解釋就帶住一面惘然嘅我哋入座，坐返我哋由8點零就見住係吉檯嘅個張檯！！！請問，訂座的意義是什麼？講返食物質素，整體ok但偏咸但現在回想起，放工時都有夠餓了，還要企係度企大半個鐘，只要食物唔燒燶，都會覺得味道不錯吧P.S. 因為過了訂座時間都未能入座，openrice當我缺席，25里沒了🥲P.S.S. 我哋坐係bar檯，不時聽到店員跟負責串燒嘅員工追order，last order時情況更為嚴重，什至出現一早order咗但漏左單，最後賣晒無得食。係度食飯好難唔燥底....…查看更多

係office無聊時買下這間cafe的半價團購優惠卷, 這團購最好是唔洗預約, walk in入去食就可以了。夜晚七點幾來到, 人客唔算多, 裝潢白色為主, 感覺很舒服。拿破崙蓄茄意粉是輕食的份量, 好細份, 一個成年唔係要減肥的人應該唔飽吧...味道亦很一般, 有d淡, 有d乾, 有d齋滑蛋蝦仁多士這個味道反而不錯!! 塊多士好厚, 食完都飽飽地炒蛋幾滑, 蝦都爽口, 再配上脆卜卜的厚多士, 好食!草莓芭菲 (**唔記得叫咩名呀....)很誘人的賣相, 雪糕加埋草莓醬, 少少藍莓, raspberry, 焦糖粒粒, 綿花糖, 好好味呀!!!唔會太甜膩, 食到底又有細細粒綿花糖, 很有驚喜, 好喜歡這個配搭!!…查看更多

食過某些標榜正宗咖哩, 說實話那些強勁香料配料我真的受不了, 往後少不免都不吃印度咖哩。今次呢, 出奇地我很喜歡這間喎, 可能, 因為, 佢配合返香港人口味吧(which mean港式, 哈哈)。路德圍a.k.a.多街邊野食a.k.a.食泰國野a.k.a.食米線a.k.a.食糖水, 有著一大堆a.k.a.卻沒有a.k.a.多種類餐廳, 新開無耐的巴巴站算是有新意。舖面唔大, 只能容納十五六人。裝潢幾有異國情調, 餐牌上更有幾個國家有名菜式揀!!牛油雞咖喱 (跟飯&烤餅)上檯時真係非常香!! 由於我唔食得辣, 開頭都驚驚地, 點知佢唔辣喎…YEAH!!咖喱好好味! 幾Creamy, 帶點甜; 雞算嫩滑; 青瓜生菜沙律酸酸甜甜, 可以中和咖喱的肥膩; 飯較為淋同稠, 其他地方食到咁既爛飯實黑面, 係度撈咖喱竟然唔錯! 烤餅更加唔洗講, 熱, 香, 正!土耳其雜菜卷餅 (**唔記得叫雜菜卷定菜卷定乜野**)呢個卷餅份量幾大, 配青瓜生菜沙律(或者配薯條)。入面的確好多生菜生菜生菜, 中間包住唔知乜野總之令人好飽滯的東西, 夾住沙律醬, 唔會好乾啃, 最重要的是: 好飽.. 好飽…. 好飽……RICE PUDDING本來叫了咩咩芝士咩咩(唔記得叫咩名again.), 食晒上面兩樣後竟然話無… 改為見都無見過, 食都無食過 (大!鄉!里!), 牌上唔見有的Rice pudding, 咁難得的special野, 當然唔放過啦。米布丁有飯, 煉奶(還是甜奶?), 腰果, 提子乾, 小小藏红花。甜甜的飯食落很有趣, 味道不錯!! 而且好有家庭溫暖Feel……哈哈哈。…查看更多

有留意Openrice都知Via Tokyo係邊同有幾出名; 同樣, 都知Burgeroom係邊同有幾出名, 係兩者中間的, 裝潢走懷舊風的, 吃台式野的, 叫炊豕店, 不知有多少人經過過而沒有深究過呢?今天晚飯時間來到, 食客蠻多但又不致要等位, 入面唔算大, 座位唔多, 一邊是餐檯, 一邊是放懷舊擺設同非常格格不入的可樂雪櫃, 椅子有幾種, 算是不幸嗎? 男友坐了又長又窄那款功夫椅, Patpat不能坐太出, 不太舒適。食物種類唔多, 幾款餸跟飯或撈麵或其他, 送飲品,可以加錢加汁, 另叫小食咁。台式炸豬扒肉燥汁飯炸豬扒應該是此店最出名吧, 幾乎每檯都有人食緊。標題說的「食神之黯然飯」, 因為外相+個碗真係好似周星馳套食神入面的黯然銷魂飯!! 可是, 它一點也不銷魂, 只有黯然… 失色…..豬扒肉質是淋, 卻沒有丁點鮮嫩, 炸粉有點多, 吃起來不算脆口。肉燥汁一早已淋係飯面, 汁既份量適中, 太多反而過鹹, 用黎撈飯食確是不錯, 但談不上什麼驚喜, 所有鹹鹹地既野撈飯食都是不錯的啦。滑蛋叉燒飯那個叉燒超級唔得!!! 肉質粗糙, 好韌咬唔開… 蛋又唔滑, 比茶記還要差… …查看更多

跟W小姐係尖沙咀食完晚飯, 行完陣街, 又到(最喜歡的)甜品時間了 尖沙咀甜品種類很多, 我心中oustanding的大多都外賣拎走食, 可以坐下傾下計既唔多, 今次剛好經過甜牙牙, 就食你啦!!位置很易找, the one旁邊, 地方很大裝潢也很別緻, 令人有放鬆的感覺。可是坐得唔算舒服, 有d迫由於食左晚飯, 但又口痕想食甜品, 見到餐牌樣樣都份量十分真有點頭痕.....冰火Chocolate木糠布丁這個賣相很討好, 看似食完不會太飽 (well...當然是錯啦, 份量好多, 好飽的)面是少少燒焦了的棉花糖, 下層就是木糠布丁, 整體出奇地唔算好甜, 而且幾好味,棉花糖與木糠布丁食落很match, 木糠布丁是實卜卜的, 口感像食剛從雪櫃出來的雪糕, 我很喜歡這種多過cream狀的 至於冰火.... 是說燒焦了的棉花糖吧!? 哈哈, 其實沒什麼火囉, 又不是火焰雪山那種....三式蕉朱古力脆脆窩夫睇落好靚, 食落就一般了, 把原本正正方方的窩夫切成一舊舊有點創意, 窩夫外層香脆, 內裡鬆軟, 配上焦糖好好食,至於旁邊那堆朱古力雪糕, 焦糖香蕉, 都唔錯!美中不足是焦糖醬份量不夠淋晒窩夫, 而雪糕食晒淨返窩夫, 單食窩夫真係好乾啃...........…查看更多

說這間是隱世小店一點也沒錯，雖說位於尖沙咀，附近沒有彌敦道那麼多車，沒有廣東道那麼多人，實際近科學館或柯士甸道，位置不好找。店內很細，只能容納十餘人，當晚有好幾批人沒有book檯失望而回，所以黎食飯一定一定要book檯，記住啦 由於沒有「有圖有真相」的餐牌提供，我和W小姐只能靠牆上幾幅相同女人直覺去揀卷物，揀了三款。金龍卷 （最左邊）賣相討好，最上邊是又肥又好美的美乃滋配正正方方的三文魚，中間是芝士與炸蝦卷，幾款配搭起來非常美味，一啖一粒絕無難度。富士山 （中間）此卷賣相100分呀！睇落好吸引，食落好味又特別！上層堆積如(富士)山的是蟹柳絲同薯片(!!!)，卷住老娘最愛的牛油果同鰻魚，口感豐富，味道一流！三文魚牛油果卷（最右）都說老娘最愛牛油果，見到標題寫住牛油果就點了，價錢比上面兩款平，造型亦比較簡單，但味道絕不亞於上兩款，沾上醬油同wasabi即變得惹味可口。此店還有大量卷物，但這三款的數量足夠兩個女生飽肚啦，信我，我會Book檯再黎過架！同時都希望多d卷物相或卷物介紹啦，唔想下下靠女人直覺 …查看更多

知道這間Pancake好耐啦，正當打算去食時就見到有團購，一個Pancake連兩杯飲品，雖然不致於半價，但有平好過無平啦，哈哈哈，c9上身。放工黎到，間局的確好古怪，而且好似無接待櫃台咁（但有大大個玻璃廚房），幸好當時食客好少，店員好快上前招呼我們，服務不錯！士多啤梨pancake果然！賣相．一．百．分！忍唔住幫碟野影左輯寫真先開刀食。切開後濃郁的pancake味由鼻孔直奔大腦，味道亦很好，肥cream同草莓醬不甜不膩，pancake厚而鬆軟，我們二人不消數分鐘就把它KO了。野莓特飲甜中帶有微酸，又有野莓食，只係掛住傾計，冰溶化後比較淡味。*男友叫個杯唔記得是什麼特飲了**本想飲抹茶類，可是當日店員說沒抹茶粉之類，暫停所有抹茶類供應，噢...有ddd失望*總結這個Pancake值得一試，女生來影相都值啦 …查看更多

食放題, 食Buffet, 食完好少寫食評, 總類咁多, 懶人既我真係唔想樣樣碟碟款款都影相, 唔影相就忘記了自己食過乜, 但今次因為1)呢間有海膽壽司供應, 2)種類好少，好記得自己食乜, 3)漏單情況嚴重, 更加記得自己食過乜....9pm後每位$198(另加一)，價錢的確比x吉x喜x壽(?)個d平, 令我更Surprise的是, 竟然少人食, 坐唔滿!! 現場好多2人(包括我&男友)可以坐4人檯, 張檯夠晒闊, 檯與檯的相隔空間蠻多, 喪叫下 (放題第1round喪叫是常識吧) 都唔驚張檯放唔晒!!!刺身類-新鮮, order幾多就比幾多, 盤底有冰冰住, 什少漏單壽司類-海膽軍艦是重點!! 海膽都算鮮, 同樣係order幾多就比幾多其他壽司種類較為普通, 三文魚壽司 鰻魚壽司等 食落唔算突出卷物就把鬼了, 叫左幾個卷, 吹吹吹, 埋單前只黎左一款超普通的紫菜卷住吞拿魚串燒類-最最最激氣, 點左幾次, 無串有黎, 同樣吹吹吹吹….. 吹到埋左單先黎兩隻雞翼, 兩串雞肉, 同樣都是雞一部份的雞軟骨點左一串就黎三串, 即是點呢, 安撫哀家心靈嗎? 點左幾次的翠肉瓜, 蕃薯仔由始至終無見過!!!!!!!! 嗚… 炸物類-什少漏單, 天婦羅個d都好好食, 特別係炸蝦天婦羅同一口炸豆腐, 可以encore再encore  丼飯類-只點了鰻魚飯, 味道不錯, 略嫌份量過多, 建議多人share食先叫, 如果你是David Wong小林尊的朋友就另作別論飲品類-有幾特別的生果沙冰飲, 我叫左香蕉沙冰, 男友要(唔記得, 好似係西瓜)另一味沙冰, 飲落好淡, 無乜生果味, 只係有沙冰食下過下口癮. 最後都係叫返d normal野(如: 可樂)算….總結今次放題有好有唔好, 好在有海膽軍艦+坐得食得舒服+現場唔算太吵, 可以慢慢傾計, 唔好呢…. 嚴重漏單囉+食物種類較少囉, 睇你點取捨啦。…查看更多

都敏俊C都做完好耐啦, 炸雞熱潮仍然強勁, 可是咁耐以黎鄙人只係食過小吃類炸雞, 即餐前或餐後小食, 食完都唔飽個D, 真正坐定定食到飽(而且滯)既炸雞…今次係第一次。星期六下午黎到, 店內食客四五個, 每個都休閒地食炸雞, 拉麵, 令到本來要急住食完去赤柱的我都他條埋。第一次黎到, 又想食炸雞又想食小食, 但觀察過隔離台碟炸雞既份量, 兩個人應該飽突, 唯有放棄, 希望第日再黎食小食/拉麵。不能少的前菜 – 薯仔, 菠菜, 芽菜, 泡菜。好好食呀!!! 令人好有衝動去韓國街買晒返屋企食…..炸雞 (半甜辣 半原味)伴碟- 年糕: 味道一般, 有點硬又無乜口感伴碟- 菜沙津: 個汁酸酸地幾好食, 少少生菜配幾粒提子乾好開胃, 只是…我唔食洋蔥的…洋蔥好臭…伴碟- 醃漬蘿蔔: 我和男友的大愛!! 可以中和炸雞的油膩感, 食完再次衝動去韓國街買醃漬蘿蔔XD主角- 甜辣炸雞: 醬唔夠入味, 得個面個塊炸雞皮有味, 塊皮愈食愈辣 (鄙人唔食得辣), 肉質一般, 唔算嫩口主角- 原味炸雞: 原味炸雞…無味炸雞?…炸雞味炸雞?….仲普通過甜辣味, 少不免的油膩, 而且食完非常飽滯!其實炸雞只要炸得夠熱夠脆, 都唔會難食得去邊, 當然, 好無食又另一回事啦。今次炸雞就一般啦, 建議大家試其他菜式。…查看更多

一次無聊在openrice搵新野試時, 就搵到這間Weird Cafe...oppsss...係Wired Cafe先岩, 有好幾次search weird cafe, 見到no result先發現自己打錯字 (我信總有一撮人跟我犯同樣錯誤, 嘻)。今晚黎到銅鑼灣, 想都不想別的, 就拉男友去WIRED cafe共誰晚餐。七點幾黎到,拎飛等位是意料中事, 由於個個見到等十幾張就走晒去行街, 而門口個哥哥叫得好快, 飛得好快, 叫左三次號碼無人應就下張, 所以唔洗15分鐘我地就有檯啦 YEAHBABYYEAH!!初次黎到, 樣樣都想試, 但又驚中晒伏, 最後選了餐牌上有「舉起大姆指」的標誌的食物, 雖然, 其實, 儘管, 都有可能中伏XD明太子意粉食意粉上半邊包係意味著什麼呢? 之不過個包幾好味, 好軟熟, 面有少少油 令麵包濕潤更易入口。個意粉亦好好味!! 口感creamy, 濃濃的明太子味道, 意粉都爽口彈牙。推介!!芝士章魚小丸子芝士就只是鋪係碟面d芝士, 主角章魚小丸子比街外20蚊一盒的好 (當然啦, 價錢都差好遠啦), 麵糊唔多, 章魚餡得一粒, 外表燒得幾脆口, 好食但唔算驚艷囉。 (又, 有d街邊20蚊盒都唔差)沖繩紫薯Pancake對這個充滿期待, 實際賣相都好精緻, 食落呢…. 差dd….紫薯入面原來有一小球雪糕, 被熱pan熱溶了變成奶水, 食落都唔知雪味道係點了; 蛋皮好香好鬆軟, 略嫌份量偏小, 唔夠夾埋紫薯蓉黎食; 相反, 紫薯蓉份量幾多, 兩個人食有d飽滯, 味道唔算好甜, 唔知食乜甜品可以試下。…查看更多

夜晚去完原創坊睇熊貓，又熱又攰 (爬上半山呀老細)，諗住八點幾去IFC食Greyhound cafe應該唔洗點等啦，點知．去到．要．排．隊．ok...應該係好好食先咁多人捧場，就排隊食你，想當年咖啡弄三個鐘都係咁排 (永垂不朽的排隊好例子)。排緊隊既時間都唔係白過，男友和我努力做research，睇下咩菜式最好食，發現每間Greyhound Cafe既每個食評，叫既菜式都差唔多，我倆稱之為：Openrice套餐。排左半個鐘先入得，建議想食唔想排的你六點前或九點後先好黎食，呢個段時間黎唔洗排。坐底快眼睇完Menu，決定就叫個openrice套餐。菜式如下：單骨雞翼睇落份量好少，但兩個人食就唔少啦！雞翼炸得香脆，無乜軟骨位，好食之餘又方便進食，正。炸粟米蟹肉這個更好食！炸粉唔多，望落去同咬落去都唔油，入面好香粟米味，最緊要係蟹肉夠爽口，醮埋泰式辣醬酸酸辣辣就更惹味了。大蝦帶子墨汁麵初時睇餐牌以為係有墨魚汁伴麵，點知上檯時無喎，味道仲好驚喜！酸中帶點微辣，非常醒胃，而且愈食愈辣，愈辣愈想再食，令人有種要獨霸成碟慢慢食的衝動，墨汁味呢，其實無乜，至於大蝦同帶子，爽口可是份量好少，每款兩三粒，大伙人share食就分唔均啦。野莓千層蛋糕完滿既套餐(!)點少得甜品，Greyhound提供既款款都好靚好好食咁，千挑萬選最後揀了野莓千層蛋糕，上檯時真係靚到嘩嘩嘩嘩嘩(什麼鬼形容詞...)，唔影十八萬張相枉為港女，味道更加係正正正正正... 野莓醬酸酸甜甜，千層蛋糕甜而不膩，pancake皮同cream的份量適中，中間夾住微酸野莓，味道更多層次，食完無飽滯感，真係神級推介此蛋糕！整體食物質素非常滿意！openrice套餐果然名不虛傳！好少食泰國野食得咁滿足，等半個鐘值得晒....…查看更多

上海野，最愛小籠包，難得W小姐同我喜好一樣，大家黎到金牌小籠包，唔食返幾籠，點對得住自己(個肚腩)呀!!!炸醬拌麵雖說食幾籠小籠包都夠晒飽，但無飯呀麵呀落肚，總好似少緊d野咁(少緊d脂肪囉)。此拌麵份量唔多，上海麵爽口彈牙，炸醬亦夠味且鹹味適中，撈埋青瓜絲可減去少量油膩感，味道不錯呀。金牌小籠包此為原味也。皮薄得黎又唔會一夾就穿，讚！內著的豬肉餡肉質結實，配上鮮甜肉湯，好好味啊！翡翠瑤柱小籠包外表是小籠包，食落似鮮蝦雲吞，蝦好爽口，幾好食，但好似食緊蒸鮮蝦雲吞，感覺不太對，還是傳統豬肉餡適合我。豆沙小籠包甜的小籠包！亦以此為甜品作完結。很簡單的麵粉皮包住豆沙，食落甜而不膩，豆沙蓉份量剛好，雖有點單調但味道討好，值得一食。晚餐時間來到唔洗等位，偶爾食下連鎖集團，跟好友吹吹水，縱使沒有我倆喜歡的酒釀丸子，幾籠小籠包也足夠飽死了。 …查看更多

行到K11後門，會見再間裝修得好Fancy的餐廳，走可愛路線的女孩經過，肯定會驚叫再衝入去。夜晚八點黎到，walk in直落有檯，邊行邊發現呢間餐廳真係好夢幻童話公主Feel，當然啦，佢主sell婚禮喜慶，亦有子公司/母公司做影婚紗相，嗯，難怪。再次強調：餐廳室內裝修好靚好Cute，有晒布景板、靚檯靚椅、自家設計公仔人像供食客影相，黎影相，一流；黎食野，一般！炸蟹餅賣相精美，蟹肉好足料，味道略嫌啖口，普通。巴馬火腿多士最好食這個，火腿夠晒咸，配埋芝士同脆多士，味道豐富，唔錯唔錯！野菌黑松露意大利飯這個飯，最好食係面個幾條荀，爽口而鮮甜，頂個舊芝士塊，唔掂... 好重油益味，唔放好過，飯係幾creamy，可是就算二人share，都好滯，好在份量唔多，滯極有限。順帶一提，呢到有水提供，但要主動同侍應拎囉。雖有可愛包裝，但吃貨女的我表示試過一次就夠。總結就是：選擇不多價錢偏貴份量偏小水準一般沒有下次…查看更多

夏天到啦, 又係時候巡游(!)港九新界離島泳池啦….今個星期揀游元朗泳池,黎到元朗當然食完先有力游啦, 係去泳池途中見到呢間「花田」, 諗住食少少野醫肚姐, 都無Openrice下就入左去了。Lunch time黎到當然有set lunch叫, 又可以叫餐牌上那些有圖有真相的食物, 同時又有tick紙仔上列晒單點壽司或壽司拼盤 (sad…紙仔上那些壽司無圖提供…), 幾十萬樣野分開黎睇, 搞到有選擇困難症的我都唔知食咩好, 心大心細, 諗左三億個光年先諗到食乜。Lunch Set – 特色三文魚丼 跟玉子及蟹子再跟埋道地綠茶一盒, 前菜同蟹子沙律, 都幾抵食!!前菜: 中華沙律+螺肉: 我估係街外現成買返黎咁, 無乜特別蟹子沙律: 同樣無乜特別,主角三文魚丼唔知點解… 我覺得個碗有d似狗兜…. (小姐碗飯你食返架), 玉子及蟹子既份量比想像中少, 尤其係玉子, 我以為係一片片… 唔係一條條……….反而三文魚就比好多, 難道係元朗入三文魚貨係平到近乎唔洗錢? 三文魚都算新鮮, 再配壽司醋係幾好食既, 整體味道唔錯, 略嫌得三文魚送飯齋左少少, 至於賣相就….嗯…..呃…. 算啦, 抵食就夠啦。火炙油漬三文魚壽司但凡火炙過的壽司係我心中已加50分, 呢個更加係100分!! 火炙把三文魚油迫晒出黎, 再加上油漬微咸調味, 好好食呀~~鰻福卷微微的鰻魚汁加上芝麻，食落好香好夠味，卷著鰻魚同玉子，口感豐富，好好食呢！埋單$110，唔算貴，Lunch set個三文魚丼既份量雖然多而且平，但味道真係一般，壽司反而有驚喜，大家可以一試單點壽司。…查看更多