陳艾域的个人专页

同老婆出街食飯係一件好頭痛的事，兩個人好難叫嘢食，成日食set 又悶左啲，忽醒起可以去食放題，但冇預先訂枱又唔知有冇位，唯有碰碰運氣去左銅鑼灣廣場新開間 Sushi One Deluxe 睇吓，好彩等左一陣就有位。原來呢度咩都係自助就連茶、水、汽水、啤酒、軟雪糕都喺哂一邊，我哋咁啱又坐得好近，一眼就望哂有咩飲品，幾得意！日式放題刺身當然係重點，一開始就黎個併盤先，但都係自己點的類別啱食啲，我同老公就最愛吃吞拿魚、油甘魚及三文魚，雖然三文魚常常都會買黎食，但係我哋都係食極都唔會膩，而今天的三文魚刺身好靚，全都是厚切同埋一啖入口啱啱好，真係好新鮮及充滿魚油香味，完全沒有預先切定哂的感覺，吞拿魚入口軟綿綿，油甘魚個彈牙口感真係令人回味，當中有點驚喜就係甜蝦的 size 都算大而且都好鮮甜，八爪魚、北寄貝同海螺片都好爽口鮮甜。望住張點菜紙仔，見到有張叫「一品料理」入面有好多嘢都幾啱食，蜆味噌汁、蒜香牛柳粒、豚肉生薑燒、金菇牛肉、蒜香三文魚腩、牛油炒雜菌、牛油燒玉子法蓮草(菠菜)都點左，份量填二人，全部送到都係迷你版的份量，真好！每樣都係兩個人食啱啱好，又唔會浪費，我哋又可以點多啲不同款式的食物，今晚我哋就食左超過20款不同菜式，因為兩個人食放題最怕就係點左啲菜式黎到係滿滿一碟成4-5人份量，為左不浪費食物就搞到唔敢再叫其他嘢，好似我哋點左數量為「1」的章魚小丸子及日本芝士糕為例，黎到時就係各一粒就令我很開心，因為這兩款食物就只有我吃，份量剛好，不會令我太飽又可以再吃其他食物，真好！章魚小丸子好夠熱，味道不錯而外層皮有啲脆脆內裡就軟軟的。日本芝士年糕就真係好好味，要推介一下先得，外表圓圓好似粒波咁冇咩特別，當你咬落時入面啲芝士同包住的年糕混埋一齊入口，個味道有啲鹹又有啲甜配合起黎好好味，食完一粒就忍唔住要再點過，最後我一個人就食左4粒咁多！另外要一提的就係個牛油燒玉子法蓮草，因為未試過响日式放題食過這個，睇落有啲似 Omelette樣食落就發覺呢個配搭幾特別，原來牛油味同菠菜係夾得好好，呢個又係今日好味之選！由於我哋都唔算係大胃王，所以今日放棄左食壽司及拉麵類，除左刺身係重點落單項目之外就到這個叫「石火爐端燒」了，有成12款燒物，我哋全部都點了。我個人覺得最出色係雞腎同牛舌，有啲唔明點解只係鹽燒都可以咁好味，雞腎咬落爽口到不得了，牛舌就燒得好軟好林身，真係食到停唔到口呀！老公就比較欣賞啲蔬菜類，尤其係個我第一次見的迷你甜薯，好迷你、細細粒，好好笑，而且真係好清甜同好重番薯香味。重有就係超甜粟米同有機菠蘿，雖然呢兩樣都唔係啲咩特別嘢，但在選食材上就應記一功，名符其實係超甜的粟米呀，菠蘿係唔係有機就真係食唔出，但就係超勁香菠蘿味同埋又係超甜的！反而平日的最愛燒雞翼就因為今日的新寵兒而被冷落了……重有個乳酪都係要等下次先再試，因為真係好飽了！呀，今日重食左沙津同廣島蠔味噌煱都好美味，廣島蠔真係特別肥美同信心保証！計落食左咁多款菜式同種類又真係抵過去酒店食 buffet 好多，而家啲酒店buffet隨隨便便都要4-5百以上，但其實我哋食黎食去都不外乎係海鮮冷盤、刺身之類，而家兩個人加埋10%服務費都只需要4百幾，又可以滿足到我哋好似去左食 buffet 咁，我個人就覺得真係幾抵食。…查看更多

今晚友人相約去食澳洲嘢，其實香港都所剩無幾，近年 outback 又開番幾間分店重開到入荃灣及屯門咁遠添，不過今晚我哋就約左响尖沙咀彌敦道呢間分店，裝修同另外幾間都係差唔多，都係用木為主的 decoration + 暗燈光的佈置。尖沙咀呢間門面不太大們入到去分開左兩邊同埋都幾多位。今日我哋被安排坐卡位，但我哋就覺得不夠寬敞舒適，重有啲迫迫哋的感覺，唔通我哋幾個體重都超標？一開始就點了三個 Appetizers 包括 Aussie Cheese Fries 香脆薯條混芝士， Popcorn Shrimp 爆谷蝦， Crispy Fried Mushrooms 炸蘑菇，Main course 點左個必吃的Baby Back Ribs 燒肉醬味豬肋骨 + Loaded Baked Potato 焗薯仔，Dessert 當然係震店之選Chocolate Thunder 雲呢拿雪糕朱古力軟餅，差點忘記了重有餐前送贈的黑糖包添！Crispy Fried Mushrooms 炸新鮮蘑菇伴上自家製的農村沙律醬，表面有層salty炸漿令本身淡口的蘑菇鮮味更出，再點埋個帶點 cheese & butter 味的醬汁都幾特別，蘑菇都好大粒同咬落居然係感到有汁，唯獨是個外層炸漿會成塊同個蘑菇分開就扣左少少分。Popcorn Shrimp 爆谷蝦配上辣味蛋黃沙律醬，黎到時個樣有啲似炸蘑菇，表面有層salty炸漿基本上係一樣，個醬睇落似千島醬但食落係辣辣哋，重越食越辣添，不過個蝦本身唔重蝦味，所以就真係靠個辣味蛋黃醬取勝咋！Aussie Cheese Fries 香脆薯條混芝士，薯條配上蒙特萊傑克芝士、車打芝士及煙肉粒，伴上自製的農村沙律醬，好得意，今日食的所有醬汁都有佢獨特的味道，就算個色差唔多但係味道就截然不同，其實我哋都怕食不同菜式都伴似相同的醬汁，所以今晚對啲醬汁真係好滿意，而且薯條+芝士+煙肉真係絶配，雖然唔係咩人間美食，但係就食到大家都好開心同埋停唔到口。Baby Back Ribs 燒肉醬味豬肋骨伴薯條及菜絲沙律 + Loaded Baked Potato 焗薯仔，想不到加小小錢 order 的焗薯都可以咁好味，濃郁的牛油及薯仔味已勝過一切，反而個燒肉醬味豬肋骨啲肉質就太散了，味道尚可但冇左豬肋骨肉質本身啲煙韌就扣哂分喇……Chocolate Thunder雲呢拿雪糕朱古力軟餅，果仁朱古力軟餅配雲呢拿雪糕、忌廉、熱朱古力醬伴上朱古力碎，呢個 Thunder 真係名符其實，大大球的雲呢拿雪糕淋上熱朱古力醬，底下再有一個暖暖哋的 pecan brownie，三層不同溫度、質感及食物一同放入口中的感覺令人溶化了，雖然比較甜了一點，但呢個dessert 真係每次黎 outback 必食之選！不過有一點令人失望就係不知道係店員數量太少定還是佢哋態度問題，order 左杯可樂催左佢三次等左成20分鐘先黎，refill 就唔在講，等到啲食物食到七七八八先黎，小至拎多個碟都要等等等........呢吓真係希望佢哋多加改善！…查看更多

到Elements睇戲前，先去醫飽個肚先，去咗食越南及泰國菜嘅Nahm，坐喺比較開揚嘅位置，感覺零舍優閒。好想食辣，所以點了黃咖哩雞，咖哩味香濃，而咖哩口感滑溜，雞肉亦好嫩滑，更煮得入味，真係食唔停口，非常高水準嘅咖哩雞。呢碟咖哩雞係好大碟頭，我地兩個人食，其實唔係太食得晒，不過因太好食，居然清咗碟。素菜炒金邊粉內有好多蔬菜及豆干配料，蔬菜新鮮，炒得好香口，味道亦非常出色，呢度每碟菜都煮得好入味，個金邊粉又唔會炒到太碎，真係一分錢一分貨。而就算一個普通嘅蒜蓉炒白菜仔亦炒得出色，味道一流。食物出色，值得一讚係服務都好，好好嘅service令人食得舒服。…查看更多

屯門市廣場居然有shabu shabu 放題，唔係嚟探朋友真係唔知，屯門友幫襯過牛一話幾好食，咁就試下，但去到攞張等枱飛仔一睇，要等30張枱，有d驚一驚，門口又好多人等，但一場嚟到，都係選擇等，咁唯有在等位的過程中，睇吓有咩野食，有4種級數牛肉，有美國牛肉、極上美國和牛、澳洲和牛及日本和牛，一去到和牛級數，價錢就要200多至300多元，好似有d貴，咁極上美國牛肉$158，而美國牛肉就$128，極上牛肉只係比多$30，就決定試下極上牛肉嘅品質。一面睇餐牌一面等，不經不覺就等咗40分鐘，終於有位啦！入到去牛一，環境不錯，安排坐卡位，座位都好舒服，經過見到兩行長長的自助火鍋料枱，好似都幾多選擇，第一印象不錯。一坐落侍應就問要咩湯底，等位時已選定鮮茄濃蝦湯，再點埋個極上美國牛肉，就立即出去攞其他火鍋食物，因為只食得90分鐘，當然要爭取時間啦！火鍋配料枱上有幾款日本醬油、丸類、菇類、瓜類、蔬菜等，款式都好多，仲有牛肉炒飯及咖哩牛肉飯，選擇比其他shabu shabu 放題店多，攞食物都攞得好開心。雖然全店滿座，但上湯底又算幾快，等咗一陣，牛肉及豚肉就到，兩碟肉都排得好整齊，極上美國牛肉紋理靚，大大塊咁，切得薄薄，放落湯底浸幾下就食得，一入口牛味濃郁，滿口肉汁，肉質夠軟腍不韌，點唔點醬油都好食，真係有牛肉嘅鮮味，不愧為極上牛肉，真係無選擇錯。而碟豚肉都係切得夠薄，滾一滾就食得，肉質都夠腍，唔鞋口，肉味亦不錯，我朋友唔食牛，佢都話只食碟豚肉都好滿足。食咗好多丸及蔬菜，最後食多兩碗乳酪，已飽到不得了，雖然等位係有d耐，但食得滿意又滿足。…查看更多

今日去左荔枝角做嘢，過左午飯時間先落到去食嘢，但係呢一帶有九成以上的食店都係茶餐廳，真係好悶……行左一陣見到呢間馬德里，睇裝修擺設應該唔係一般的茶餐廳，咁我哋三個人就坐底左，雖然係下午茶時段但係都全場爆滿，利害！利害！睇黎啲出品應該幾好食我哋叫左三個都係下午茶餐，吉列豬扒蕃茄醬意粉、豬頸肉炒螺絲粉同埋會沙嗲雞扒麵。個吉列豬扒炸得啱啱好，咬落個豬扒度重有啲肉汁流出黎，意粉同蕃茄醬配合必定冇問題，重點係個醬好夠蕃茄味，一啲都唔馬虎。豬頸肉炒螺絲粉就一般般，個汁唔夠味之餘啲豬頸肉只得幾片，啲螺絲粉就炒得ok 但都係食唔哂，事關真係麻麻哋 好彩個會沙嗲雞扒麵有番啲驚喜，啲麵係炸脆左的生麵再响上面加上沙嗲汁同埋雞扒，呢個就極之好味，似咁嘅價錢食到呢個會沙嗲雞扒麵就真係超值。其實佢下午茶都有成20-30個選擇，真係從來未去過有咁多 choice 的餐廳，不過就唔係個個都得，我估都係揀啲個名正常啲的食物會好味啲。下次都會再試過第二啲餐。…查看更多

成日都見雜誌及電視報導竹昇麵劉森記麵家，但就試都未試過，所以今日落深水埗就必定要去會一會佢，睇吓好食程度去到邊個位，我去左福榮街嗰間，一張張圓枱同一般中式麵店冇咩大分別，地方都係光猛乾淨。我同個同事都係點左最出名的蝦子雲吞撈麵+通菜一碟，枱面放左一樽應該係自家制的酸蘿蔔，看見各人都盛了一小碟所以我又入鄉隨俗咁食吓，味道不太酸不搶喉，幾好味！店內真是坐無虛席，搭枱都坐得滿滿的，大約等左15分鐘先煮好我的撈麵，整個麵都佈滿蝦子，雲吞是跟湯另上的，蝦子沒有腥味是我最欣賞的，又不會特別醎又係另一個欣賞，麵質真係好爽又唔重鹼水再加一個欣賞，雲吞的蝦肉比例啱啱好就比個贊！成件事比我想像中好味，又唔貴，下次落深水埗必定要再食吓其他款式！…查看更多

每一次黎維記都唔敢 Lunch Time，因為由12:30 開始就要排隊，而家重要係夏天時份，幾想食吓個豬潤麵都要忍到2:00 後先去，嘻嘻，今日就2:30先去，但都只係得番少少位，好彩我哋兩個人，點都迫迫哋迫入去坐底先，大家都咁熟所以都唔洗點招待我哋，一黎就叫左個餐潤麵同餐腸米，都係好快的一碗滿到瀉咁濟的餐潤米到先，係我今日比較肚餓定係比少左啲米粉呢，食完都好似唔係好飽咁……往日啲米粉同豬潤都係食極都食唔完，可能維記都逃唔過通脹問題，比少左啲料…..不過無論如何我都係支持維記，事關香港啲哋道嘢真係買少見少，咁如果個老闆見到呢篇文章都可以改善一吓，好食又有特色的舖頭要支持住呀，加少少價我都唔介意，希望可以重拾番昔日食極都食唔完的感覺就最好喇！…查看更多

昨晚睇戲前去左順路的 Baby Café iSquare Dinner，店內的科幻太空座位看似進入了我們的私人空間，感覺很新鮮。由於與友人趕著看戲，很快就點了 Dinner Set 的蜆肉意粉+Wild Mushrooms Soup，我們並叮囑要快點上菜，侍應很快就上了湯，個黑松露係心形架，好靚！而且個野菌味濃郁及好滑，份量亦很夠，喝完都已飽了三成，這時我的蜆肉意粉剛剛到，真好！好香的Garlic & Herbs 味，意粉好彈還有很天然的spicy 味，我最愛這種辣味因他一點人造的感覺都沒有，真想不到這個配答這麼的好！我們見尚有時間所以點了侍應推介的甜品，Chocolate Truffle is my favor 所以我又很快地點了這個，very rich chocolate 加入左 hazelnut 好香，chocolate 的濃度可以同 brownie 相比而且重要係少甜的，很滿足又很配合我們趕趕哋的時間，下次我以再約多啲朋友黎坐 Cyber 卡位慢慢嘆！ …查看更多