KiwiGigi的个人专页

之前幫襯開北角嗰間，知道喺太古開咗嚟捧場，支持香港食肆。一早嚟到點知原來佢開10:30am🤨🤔冷氣偏凍，未坐低已經問你飲咩茶，但係都係淡茂茂嘅茶包。試咗幾樣點心總括叉燒腸粉偏濕立口、雪山叉燒包OK不過偏甜，蝦餃細粒不過蝦都爽嘅。馬拉糕超細舊，味道OK、鳳爪味道好古怪，亦都偏瘦冇肉食、只有鹹水角合乎標準🫣😅而家想搵返間好味嘅酒樓真係唔容易搵（以前成日幫襯權發酒樓），往事只能回味。…查看更多

食過兩次外賣，見份量都適中。今次黑椒汁豬扒飯，$8要多個雜菜沙律，點知打開蓋真係嚇死你🥲數埋都唔夠七八片碎任任西生菜😖🙂‍↕️諗住最低限度都有幾粒薯仔蓉！對雜菜沙律又有另外一個定義！…查看更多

之前見有KOL介紹點心放題，價錢合理，$168 90分鐘，諗住去試吓。點知去到個玩法又唔同咗。第一轉就話要食咗頭嗰九款嘢，食完先至準再嗌第十款下面（蠔仔泡飯等）嗰啲嘢食！仲要所有蒸嘅嘢要等15分鐘！催單都仲係未嚟。下下又要叫侍應過嚟點餐😳我哋係食早上11:30嗰轉，最快嚟嘅係啲炸蘿蔔酥同埋炸蓮蓉酥😏又油膩又甜，食完已經飽咗一截⋯⋯最後啲蒸餃嚟到我覺得味道係OK嘅。腸粉就同之前人哋介紹嘅少咗一大截！一碟得六小條🤣想加嘢就真係等好耐😔我見有人話追咗半個鐘都仲未嚟加單嘅食物😓自問食量唔多，所以冇乜所謂，但係如果諗住食返夠本嘅就唔好傻啦🤣🤭同埋佢哋啲茶都係茶包，仲要啲水係唔熱嘅🫣如果冇呢個任食套餐應該冇乜人幫襯。…查看更多

前幾日食咗一間服務態度惡劣嘅垃圾嘅茶餐廳，今日再去挑戰另一間高人氣位置又方便嘅茶餐廳😊果然冇令我失望😚因為一早去攞位唔使排隊有卡位坐👍🏻不過冷氣出風口比較大🥶環境好舒適，仲有一埲花牆可以打卡🌸感覺非常舒服。因為去到嘅時候未夠六點，店員話可以選擇下午茶餐，但係我target佢嘅出名厚切豬扒，六點準時落單。唔使10分鐘一塊大大塊又香嘅豬扒蛋熱狗餐就嚟到啦🥰厚豬扒好非常嫩滑多汁，啲蔥油略為鹹，不過都好惹味👍🏻炒蛋就略為偏淡，但份量非常多，熱狗麵包非常鬆軟，抵讚👏🏻👏🏻奶茶味道偏濃，唔受得嘅人就要多奶。其他朋友點下午茶餐，瑞士汁雞髀麵同美式薄牛扒都唔錯。非常滿意員工嘅服務，主動問你要乜嘢，有問必答，解釋清楚，就算戴住口罩都感受到佢哋嘅服務態度🥹男女共用洗手間環境有待改善😵‍💫地下滿佈水，廁所非常污糟，仲見到地下有昆蟲😅…查看更多

呢間嘢睇人地話味道唔錯，叫咗外賣。準時有得攞，因為太肚餓唔記得影相😆啲豚肉好有豬肉味，肥瘦均勻，不得了👏🏻👏🏻飯係用日本米，粒粒乾身又香，唯獨是飯嘅份量比較少⋯⋯另外叫咗個天婦羅飯，天婦羅比較油膩，相比起豚肉飯冇咁吸引。不過而家做緊OpenRice 優惠，真心覺得豚肉飯好食😋…查看更多

4:30到諗住過嚟試吓啲人話好味嘅下午茶，想食瑞士雞髀同西多士，朋友叫左抄河。叫落單兩三次都冇人睬，個男人只係答你「嚟緊，等陣」🤔跟住個男人走咗去接外賣單😨終於落咗單，傾傾吓計冇乜禮貌嘅侍應過嚟話瑞士雞髀同炒河都賣晒😨正到呢😏唯有轉雞髀😵‍💫都等咗10分鐘左右，終於有得食。坦白講隻炸雞髀冇乜特別，裏面竟然用咖喱粉😳雞比較乾身。西多士更普通，夾咗少少花生醬，麵包都係乾嘅。最好味嘅係糖漿😆真心唔覺得呢份下午茶餐有咩特別。朋友最後食咗蝦醬炒飯，喊到不得了！排隊嚟呢度食嗰啲係咪冇飯食？！定係未食過真正又好味服務又好嘅下午茶？呢間嘢竟然可以喺疫情捱得住，真係要感恩！見到其他食評話呢間嘢冇禮貌，真係名副其實😝…查看更多

見門口成日有人排隊，今日終於忍唔住11:30一開門即刻衝入去😆午餐set都幾抵，平均$100左右有交易。見餐牌圖片豐州魚生刺身大大片，好吸引☺️同行另外二人叫咗炸物C定食和壽司定食。食物來到麵豉湯裏面有隻蝦頭，麵豉湯非常美味，唔喊又香蝦味👍🏻但係魚生就非常細塊😖與圖片非常不符😒但係新鮮程度不錯，是好吃的，飯也是日本米，略嫌醋味不夠。炸物非常好味，炸蝦🍤和炸薯餅味道非常香口。烏冬夠煙靭。如果魚生可以稍微回復正常size，呢一餐就非常滿意了🥰…查看更多

午飯時間經過見冇乜人，入去試吓。要自己scan code點菜，都有幾多嘅午餐選擇👍🏻午餐魚生飯個樣都OK，入口就好唔得😖壽司飯冇醋嘅味道，似有行味嘅泰國米，好難食！其實日本米都有平有貴，冇諗過「板長」唔用日本米。魚生普通，冇入口鮮甜味道，魚生好薄一層，下邊有兩碗飯嘅份量！仲要咁難食😰反而紫菜湯幾好飲👍🏻鰻魚壽司ok，熟蝦都有啲腥味😞如果諗住嚟食飽都勉強可以，千祈唔好追求質素，特別係午餐set 。…查看更多

平日套餐和weekend 散叫也品嚐過。平日套餐相對肉質比較韌，牛味不太重。假期週末要單叫，雖然貴一點，但是物有所值，肉汁油脂也較豐富👍🏻個人比較喜歡吃石頭飯，辣椒醬甜甜地，很好味😋相比起燒牛肉，更化算😆…查看更多

訂咗二人午市12:30，一早到咗不過知道佢哋好串，12:40仲未開門寫住準備中，裏面啲職員12:45分仲慢慢喺度着起件外套！真係非常有待客之道😡外面仲34度熱到死！嬲嬲地決定走🤣成個中環得你一間日本野咩⋯⋯慳啲啦⋯⋯連最基本嘅日本待客之道都冇，就唔好做日本餐廳啦！仲要收人$500一位！大家唔好再信啲YouTuber講嘢啦⋯⋯PS: 去咗另外一間，不知幾好食又新鮮😆…查看更多

朋友食過話魚生新鮮book 左枱食午餐，講明食一個鐘要交枱。魚生OK 唔特別鮮甜，只知道不停收碟🤨上左甜點mochi 唔夠5分鐘，食咗一啖，叫我地坐去第二枱，因為有四個客到咗而我地二人枱連旁邊二人枱可變四人枱🙄原來我哋傾傾吓已經食超過咗4分鐘！！！第一次食日本菜咁趕客，其實可以有好多方式叫客埋單⋯⋯偏偏就用最差嗰種方法🤦‍♀️用20秒塞個mochi 入口再灌啖水走人。你哋自己決定lunch hour 嚟唔嚟，我就以後都唔會嚟😤…查看更多

同老公去撐枱腳😊第一次來都唔知叫乜好。待應好主動介紹我哋，可以叫燒牛肉套餐，有不同部位的日本牛，也可以選擇二人set。老公想食炒飯同蝦，最後叫左二人前set B $768, 再另加牛肩肉同天婦羅。職員服務態度好好，逐樣介紹我哋點樣燒肉眼、黑豚肉，又幫我們燒蝦同帶子。鵝肝多士好rich, 正！炒飯非常好味，魷魚筒我麻麻地，因為燒耐左會乾，不過真係幾大隻, 兩個人食都覚覚得好多。整體來說非常之滿足。下次再來會試極上和牛盛宴🤗…查看更多

在灣仔附近見客，下午一時左右，間間都多人等位，見尼間裡面有客門口又冇人排隊，諗住試吓啦。我叫左個雪菜炆米，朋友叫咗個午餐焗豬扒飯。雪菜炆米，好食喎，唔油俐又好味。但係我朋友等左20分鐘（我都食完啦）個煱飯都仲未到。侍應話係呀要等架😅點知轉頭一分鐘就放低個飯。完全無焗過！見到幾粒芝士碎喺面頭，敷衍程度達到極點！我朋友好人，佢超肚餓唔理咁多，我忍唔住影張相🧐實在見唔到有焗過嘅邊或痕，就知道呢碟焗豬扒飯完全冇焗過！可能吹過佢地，等左20分鐘。。。下次一定不會再來…查看更多

之前聽人講話呢間餐廳啲嘢幾好食，食過一次，一般啦。捻住下午行過再試吓，知佢門口掛住個"Closed"牌但係裏面有客人坐喺度播，於是就大膽咁開門問個侍應，「請問今日係營業呀？」男待應串爆答「我都想唔仲做呀」，我呆左，跟住佢就話「有無訂位呀」，我話冇，佢答「冇位呀！」跟著関門。我深信我晤會比錢食飯仲要受氣囉，祝福佢老板生意興隆啦，請個咁正嘅來看鋪。…查看更多