為食jic的个人专页

我無帶電話，點知比裡面個阿姐話我麻煩，話點解啲人唔鍾意裝政府個安心出行 😡，又要麻煩佢攞紙仔比我填資料⋯⋯坐低左，心諗，算，如果唔好食頂多下次唔黎！講返食物，是日我食左個酸辣湯京芹豬肉餃子。 餃子有6粒，size都算大嘅，諗住會好好味，點知 ⋯⋯個酸辣湯淨係食到豆瓣醬嘅味，啲餃子皮又太軟，有啲係爛左，最仲要裡面個餡係唔熱！你咁串，一係你啲嘢要好好食，如果唔係，今時今日個環境咁差，你都唔做好你啲服務同提高食物質素，啲人係唔會再比機會你囉！一路好走！…查看更多

侍應態度惡劣! 唔怪之得有做折都無乜人啦!事源係，我今朝早打電話去叫外賣自取早餐C(叉燒湯通粉餐+熱檸茶)...10分鐘後到達冰室比錢時見到有幾個紙袋放係枱，就問有得攞未，餐廳職員答做緊...咁我唯有企埋一邊等啦... 因為趕返工，過咗幾分鐘我又問叉燒通粉個餐得未...餐廳職員又話出緊餐，叫我等等... 咁我忍唔住行埋去堆紙袋到吓，就見到叉燒湯通粉餐!咁我就同冰室職員講: "我個餐咪係度囉!"冰室職員就用不滿語氣同我講話: "你唔講，點知係你呀！"無言 😑 我返工趕先唔同你嘈。個餐原價係唔平，食物又普通，以後去附近茶餐廳就算! …查看更多

呢度做緊試業，午餐有不同選擇，我與友人叫咗兩個set lunch ，加一份粉絲紹菜。每個set $72，加$12有個菜，係中環嚟講，價錢ok啦，仲有杯甘甘甜甜嘅菊花茶，本來感覺良好，點知……落單後聽都後面嗰枱客漏咗單，心想: 可能新開，中午時段忙，有啲亂。到我個餐來到，但個紹菜未上，就問店員，店員亦有回覆話個紹菜會分開上。 好，分開上係無問題嘅，等你!等我已經食到一半，見到counter出兩份紹菜，諗住就嚟有得食之際，店員將兩份菜送去另外一張枱。好，可能人家都有叫，再等!點知，隔咗大概兩分鐘，店員可能發現碟菜落錯枱，竟然將原先已比咗後面枱碟菜拎過嚟比我! (我： 🤤🤤🤤 眼凸+呆咗)本身落過枱嘅食物，就唔應該再攞比其他客!當我拒絕要時，店員仲要話另外枱客未食架喎!仲要，過多幾分鐘後，店員再補多句，話我根本無叫過! (我： 再一次🤤🤤🤤 眼凸+呆咗)其實食物係ok嘅，但店員有待加強訓練 (或直頭應該換咗佢)。…查看更多

喺上環蘇行街眾多食肆之中，呢間小店食物質素係比較出眾 （起碼比旁邊嘅車仔麵好食得多！）呢日叫咗個皇牌大贏麵（小辣），內有豬手，牛腩，肥腸，大大一碗，$58! 既分量大，麻辣又香，麵又煙靱，食到半途就加小小醋去提鮮，真係好得！但其服務水準真係要改善： 落單慢，送錯嘢，計錯數，漏單等問題一定要改！…查看更多

Bought a Kimchi soup for $70 and egg roll for $50. The take away portion was half of the size than what they gave out before.Totally not value for the money. Not as tasty as before. Will not recommend.…查看更多

中午食lunch，周圍行唔知食乜！見到有間嘢新新地，就走左入去。坐底叫左西洋菜陳腎湯同冬菇馬碲蒸肉餅，共$62。好啦，個湯離啦，一飲，嘩咸到呢…西洋菜陳腎湯得個咸字，咸到條脷都痕埋！個蒸肉餅仲衰，唔使食，無煙，睇到都知唔熱！一食，真係！凍嘅！嗰碗白飯又喺唔惦，硬到無朋友！成餐飯食左1/3之後就停左，實在嚥不下!唯一可取之處係收銀個阿叔有啲笑容，比錢嗰陣都無咁興。所以真係唔洗試！…查看更多

每逢星期天都會跟家人飲茶﹐每個禮拜都會試下新的茶樓。昨午到朗豪坊的粵江春試下﹐想著這是美心集團﹐應有信心保證﹐知道食物大致上應該沒問題﹐一入酒樓心想﹕“地方裝璜不錯﹐今天飲茶應該會OK。” 我家一行5人﹐每個都是有翻咁上下size﹐支客比左個門口sofa位我地﹐媽咪覺得會坐得唔舒服就要求轉檯﹐以下就是媽咪與其中一位女侍應的對話﹕媽﹕裡面有無檯呀﹖我怕呢度太逼。侍(面上沒有笑容)﹕裡面暫時未有檯wor﹐如果你想坐裡面﹐不如你出翻去等下先啦﹖媽﹕我怕我出翻去等﹐一陣間無wor﹗你裡面依家有無檯埋單呀﹖我地等一陣轉檯得唔得﹖侍(沒有check﹐面上依然沒有笑容﹐立刻答)﹕無wor﹐我地儘量唔想客人轉檯﹐如果你想坐裡面﹐不如你出翻去等下先啦﹖此時﹐我見到有客人離開﹐剛剛好有5個人﹐我就同女侍應講﹕"有人走啦wor!"侍(面上依然沒有笑容)﹕咁依家同你轉入去啦﹗我地做客人ge﹐都知道轉檯係麻煩ga啦﹐但係我地剛剛坐低﹐連茶都未開﹐同個女侍應要求轉檯都不為過啊!但其實轉唔轉到檯都唔係主要問題﹐主要問題係其態度﹗我想講的是﹐做飲食ge﹐食物品質固然重要﹐但服務態度更重要﹐尤其你這間粵江春唔係平lor!o個個女侍應無笑容﹐講話態度囂張﹐講話時仲有小小反白眼﹐真係令到我成家人都好唔開心lor! 我唔認為我身為客人要比錢買難受﹗我覺得美心集團在聘請員工及培訓方面真的要下一下苦工啦﹗…查看更多

身為一個飲食集團﹐控制質素及管理係好重要﹐但當我去完呢間九龍灣美心後﹐就覺得如果我係伍生就一定會炒左做管理o個個人lor﹗是源我前兩日(即星期一)時﹐因工作關係要到九龍灣﹐工作完畢﹐肚餓餓地﹐搭地鐵前經過美心﹐就心想不如食埋o野先返屋企啦﹗點知真係浪費左我ge金錢﹗叫左一碟脆皮燒肉叉燒飯+可樂﹐都成40蚊o架! 去到燒味部﹐同師傅講碟飯要少汁﹐叉燒要半肥瘦﹐師傅有重覆我ge要求﹐有應我o架﹐但係到我拎碟飯返埋位就知出事啦﹗脆皮燒肉叉燒飯的五宗罪﹕1. 叉燒我叫半肥瘦﹐但師傅比全瘦我2. 全瘦都唔緊要﹐但6舊叉燒有4舊都乾到離晒譜3. 燒肉話明係脆皮﹐但師傅淋汁ge時候淋左落o的燒肉到﹐令到o的皮唔脆 4. 不過唔脆都唔緊要﹐但明知燒肉係鹹o架嘛﹐淋o的汁落燒肉到﹐令o的燒肉鹹上加鹹5. 最差都係個師傅﹐明明知到個客ge要o羊﹐但無樣符合個客ge要求整體來講﹐美心環境係乾淨舒服﹐但如果早知咁難食﹐我就走多幾步路去大家樂就無咁氣頂啦﹗ …查看更多

身為一個飲食集團﹐控制質素及管理係好重要﹐但當我去完呢間九龍灣美心後﹐就覺得如果我係羅生就一定會炒左做管理o個個人lor﹗是源我前兩日(即星期一)時﹐因工作關係要到九龍灣﹐工作完畢﹐肚餓餓地﹐搭地鐵前經過美心﹐就心想不如食埋o野先返屋企啦﹗點知真係浪費左我ge金錢﹗叫左一碟脆皮燒肉叉燒飯+可樂﹐都成40蚊o架! 去到燒味部﹐同師傅講碟飯要少汁﹐叉燒要半肥瘦﹐師傅有重覆我ge要求﹐有應我o架﹐但係到我拎碟飯返埋位就知出事啦﹗脆皮燒肉叉燒飯的五宗罪﹕1. 叉燒我叫半肥瘦﹐但師傅比全瘦我2. 全瘦都唔緊要﹐但6舊叉燒有4舊都乾到離晒譜3. 燒肉話明係脆皮﹐但師傅淋汁ge時候淋左落o的燒肉到﹐令到o的皮唔脆 4. 不過唔脆都唔緊要﹐但明知燒肉係鹹o架嘛﹐淋o的汁落燒肉到﹐令o的燒肉鹹上加鹹5. 最差都係個師傅﹐明明知到個客ge要o羊﹐但無樣符合個客ge要求整體來講﹐美心環境係乾淨舒服﹐但如果早知咁難食﹐我就走多幾步路去大家樂就無咁氣頂啦﹗ …查看更多

王家沙的食物都是細細碟，所以價錢相對來説是比較貴，但食物水凖卻是中上的。他們每様菜的價錢大概$30 - $50，兩個人吃的話，叫2-3個前菜，2個湯麪再加1-2個點心就應該OK够飽。Suggested前菜：糖醋排骨醉雞 / 鷄絲粉皮奶油津白Suggested湯麪：擔擔麵開揚拌麵Suggested點心：蘿蔔絲酥餅 / 粢飯牛肉餅 / 葱油餅本人不建議在這裡小菜，因王家沙主打小吃，要吃正宗上海菜還是到老上海或小南國吧！ …查看更多