Ricowaiho的个人专页

應該都第三/四次幫襯，所以野即叫即整所以都要等15分鐘左右 等唔係問題 最緊要好味嘅 整體上不過不失啦 有進步嘅空間 好似開左一年都冇 都算唔錯架啦 門面都光猛既 門口個隻公仔 福神？是但啦 都幾容易搵既🤭嘢食都算新鮮同多選擇，仲轉埋新餐牌 特別腐皮壽司系列幾特別都幾多元化喎 又拉麵 又飯 同埋等嘅時候啲員工都好健談，好nice, 聽staff講佢地仲有做埋代購所以鋪頭都好多零食賣 我記得疫情前去名古屋機場買左包蝦片 係香港都網購過既 估唔到呢度都有 忍唔住買左幾包🤣🤣…查看更多

間鋪都容易搵既 係好景商業後面 地方細細 裝修都唔錯 幾有歐美風格 坐得幾舒服 我哋叫左1.炭燒美國八安士肉眼配薯條💰168 呢個係一個套餐 當中係包一個餐湯 係南瓜湯 味道都唔錯 份量都幾大架 個牛扒放上台面顏色唔錯濃郁既醬汁 淋上塊牛扒到 咬落去醬汁同牛扒既肉味 充滿在口腔中💜💜配菜有薯條同埋沙律 薯條份量都ok 2.焦糖朱古力香蕉窩夫一睇就令人好有食慾 外觀真心唔錯 成個佈置好美觀 香蕉表面有一層焦糖 仲有香甜嘅朱古力醬淋左上窩夫上面 好香囉 中間仲有一球朱古力雪糕 鬆軟既窩夫 加埋朱古力 一齊食 一冷一熱 真係爽YY …查看更多

難得去九龍灣打算去一去mega box食嘢行街交通都算方便既 大家如果過去 係德福廣場平台 有穿梭巴士直達mega box 離開都有車返去九龍灣站 megabox 樓高17層 超多野食囉 我哋選擇咗位於11樓既熊小館 餐廳地方大 仲可以睇到溜冰場 咁岩有比賽 第一次近距離睇到冰上曲棍球🏒️比賽重點到食嘢啦 我哋叫左一個二人套餐再加一客炸魷魚圈 其實二人套餐都好夠飽架啦 二人套餐：1.歐陸式濃湯兩客+牛油法包呢個老婆話幾正喎 雖然普通餐湯 但係個法包烤得好脆 個湯係粟米忌廉湯 個湯係好味既 正常囉☺️2.意式焗肉醬茄子🍆但個肉醬的確好食 不過我覺得同茄子唔係太配搭 不過都合格既3.美國安格斯牛肩扒🐂但個都值得推介既 我哋叫咗7成熟 份量夠 都多配菜架 有薯條 有兩條露荀 有兩粒蕃茄仔 同埋粟米粒 都健康既🤣4心太軟同埋雪糕心太軟都幾好食 一切開d朱古力流晒出嚟 好正 雪糕都係咁啦 不過不失5炸魷魚圈二人套餐已經好飽 呢個味道唔錯既 份量都好多 大家都可以試吓…查看更多

隱藏在元朗小巷中的美食店 通常都好少行去呢度 經過見到新鋪喎 又唔想食飯 食條熱狗就岩岩好☺️店舖地方細細 算係有三張枱 想食既朋友要早啲去啦 我地食既過程都好多客人黎幫襯💪🏼我地分別叫左:1.芝士炸雞熱狗首先份量好大 第一眼望落去個顏色唔係太靚💜不過咬完落去第一啖 真係有驚喜🥰芝士仲可以拉絲架 之前搵左好耐既拉絲 終於搵到啦 仲要係元朗咁近 個醬汁配合得好正 店主話個醬汁係自家制架😍2.炸雞牛角包牛角包既size 係我見過最大既size 佢個包造得好薄 唔會好似街上面咁厚 炸雞既料都好足架 我中意佢哋自制既千島醬 真係好好食 真係想知佢哋點整😍3.菠蘿特飲配薯格（期間限定）呢個真係好高分 菠蘿特飲 飲落去喉嚨好清爽 入面有一塊塊菠蘿架 店主係入面加左檸檬汁 所以令到杯野好清新嘅感覺💜薯格都算唔錯既 記住呢個係期間限定 姐係有機會過一排就冇架啦☺️4.炸雞翼➕炸雞皮炸雞翼都好好味囉 佢個皮好脆 另外店主問埋我加唔加孜然粉 我要左少少 下次要加多少少🤣 食完之後店主話 雞翼佢哋加左少少酒 不過真係食唔出😂炸雞皮 好大塊囉 佢係限量架 大家去記住叫啊😁5.蜜桃茶雖然都好飲 一粒粒蜜桃 不過老實講我俾菠蘿特飲吸引左 😆總結係呢間真心推介大家去 店主好好人 好親切 好健談啊 主動問我地食物好唔好食啊 細心解答每一樣食物 feel到佢哋既熱誠 言談間感覺到佢哋有🔥 會不斷研究新菜式 仲有期間限定會定期更新大家經過去幫襯下佢哋 支持小店💪🏼…查看更多

上一次過嚟見到門外面裝修都唔錯喎 今諗下次過嚟試吓佢啦 ！點知就好快又過嚟粉嶺啦去到好彩時間仲早 所以唔使排隊 因為上次經過都好多人係到排緊隊 職員服務態度唔錯 細心安排我哋入坐😄我哋分別叫左🍱1.豬頸肉撈檬味道都幾清爽 佢會俾一大樽醬汁我哋 建議唔好一次過落晒 一邊食一邊落咁樣 調好岩自己嘅口味呢個豬頸肉真係好好食 份量分量都唔少，價錢適中份量都好多2.海南雞飯$60嘅海南雞飯 性價比高，開頭以為$60份量應該好少，但上枱之後發覺分量一個成年人已經夠飽，海南雞飯個醬汁同個雞真係好配搭,飯方面可以選擇白飯滑油飯 另外仲送一碟蠔油菜心 呢個真心推薦👍3.越南小食拼盤（細）我哋叫咗個細嘅，建議兩個人去食叫細已經夠啦，包括香茅雞翼、蝦球、春卷、粉皮 味道都唔錯 有兩個醬汁提供4.鮮椰青/龍眼冰椰青價錢$35 個椰青都算大 鮮甜 龍眼冰就不過不失 都唔錯既…查看更多

第一次去聯和墟食嘢 交通都算方便 如果大家想方便既話 可以係上水火車站轉279X巴士 係粉嶺樓村站落車 過完馬路直去運動場側邊就係啦😊店舖裝修非常日本風格 由佢既杯杯碟碟 飾物都睇得出老闆係一個有心思嘅人🤣另外可能我哋比較晏去啦 鋪入面人唔係太多 三四台客左右 環境好安靜 播住音樂環境的確唔錯💜我哋分別叫咗1.極上壽司盛盒🍣🍱（重點講一下壽司盛盒）一上台我已經俾大大塊既刺身吸引住，佢壽司上面嘅飯唔係普通壽司既白米飯🍚係用赤醋去整既 所以有少少紅色 比較特別 同埋刺身每一件都係好厚切同埋好新鮮 咁多件壽司個人認為鰻魚壽司、海膽壽司、三文魚壽司最為吸引 ，鰻魚壽司佢一啲都唔乾仲要好多汁添，海膽壽司好鮮甜一啲都唔腥 三文魚壽司勁厚2.唐揚炸雞軟骨 雞軟骨另外仲有少少沙律，都OK既 ，雞軟骨來講算係中上3.鹽燒牛舌串燒有三塊厚嘅牛舌組成 牛舌上面好多黑椒所以口感唔錯4.一口和牛石鍋丼 🐂（推薦）一上枱已經俾佢啲和牛粒吸引住 中間一隻蛋 建議攪勻隻蛋再食 牛肉好入味 反而個洋蔥竟然好食味道唔係太刺激 平時食洋蔥好大陣味 食呢個洋蔥佢真係可以食得落口 平時比較反感既 最後我最鍾意佢個飯有飯焦 總結係的確無去錯 下次再去食過…查看更多

第一次過嚟呢間到食 地理位置都唔錯啊 附近有停車場 又有巴士站！周邊環境比較寧靜休閑 ！入到餐廳嘅感覺環境好文青Feel 裝修比較新 坐得都比較舒服 我分別帶咗辣海鮮烏冬，韓國炸雞半隻（甜辣），一口西多士（煉奶）飲品方面 叫咗一杯青檸梳打同埋一杯鮮雜果梳打 辣海鮮烏冬一擺上嚟覺得好誘人 色澤吸引我食，第一啖食落去個人覺得係有少少辣但係食多幾啖都接受到既 烏冬嘅配料都幾豐富個人反而鍾意飲過湯多啲韓國炸雞叫咗半隻都好大碟 建議兩個人叫半隻夠啦一隻係食唔晒 味道方面都ok 另外附送白蘿蔔入口好爽脆一口西多士 個人係西多士控 西多士係商場中間夾住花生醬 外面加上煉奶入口嘅感覺相當好 最後兩杯飲品 叫咗兩杯梳打 唔好擺上黎好好睇好適合打卡影相 但個人覺得梳打味太重 甜度唔係太夠 食完之後可以到附近有個小公園可以帶小朋友去消化一下玩吓 最後總結係餐廳整體唔錯！…查看更多

呢間真係充滿回憶的感覺 因為係老夫子主題既餐廳 細細個最鍾意睇老夫子☺️雖然佢本身係一間普通既茶餐廳 但食物質素都真係唔錯 焗豬扒飯係我最鍾意食既 塊豬扒都真係好大塊 飲品方面都唔錯 有用心去沖🤣…查看更多

新都會其實真係有好多有質素嘅餐廳 呢間係其中一間 呢間性價比好高 用唔貴既價錢 食到日本既味道 第一次食呢間 經過門口 見到日本餐廳 坐低即刻點一個我去日本必食既咖哩蛋包飯 咖哩汁份量真係可以食到 三碗飯💕💕…查看更多

作為拉麵控既我 經過新都會都一定要試吓 佢呢間地理位置優越 直接係電梯口隔離 正正新都會地下 門口一入嚟就見到 黑蒜特濃拉麵 值得推介俾大家 呢個黑蒜唔同你平時食出前一丁杯面個種喎🤣食之前我習慣飲左一啖湯先🤣個湯麵如其名 特濃🤣💕💕💕愛了…查看更多

Pepper lunch 都算係我最鍾意食堂嘅其中一間 因為夠平 加上我自己係勁中意食牛 當你中午一個人又唔想咁貴食到牛 可以選擇呢間 個人推介珍寶鐵板牛肉飯 加一杯可樂 真係黃金組合 飯經過鐵板既洗禮 有飯焦可以食到💕💕…查看更多

依家出街食飯都要諗過度過食咩比較安全 同屋企人開車經過新都會 搵野醫肚 最後去咗新麻浦 我哋午市人唔係太多 唔洗等就已經入得 地方唔係太大 坐低前後一定唔會有食客 1.5米做到足 大家可以安心去食 食物質素都真係唔錯 雖然無叫肉 但佢其他餐都唔錯 部隊火鍋值得推介💕💕…查看更多

永年想當年岩岩開張既時間 每逢假期去都會大排長龍 當年就係因為心諗咁多人排隊既 既心態去試下 佢哋出名係車仔麵 真係有有質素既 個湯底都真係足料既 時隔多年 再去食 質素依然如故 我最中意食佢哋既白蘿蔔…查看更多

元朗呢間出晒名架啦 當好掛住台灣菜 去呢間一定幫到你地 網上睇到圖片都已經好吸引架啦 今日同老婆上網睇食咩好呢 打開app 搵元朗區 第一間就係佢 決定去呢間食 呢間出名多人 係人都知架啦🤣去到拎票 等左大半個鐘左右食得 排隊都排到肚餓 入面地方唔算大就得6張台左右啦 我哋分別叫咗椒鹽雞拼盤 同埋一碗招牌牛肉麵 椒鹽雞拼盤另外包一個肉操飯 首先講左個肉操飯先 今次係我第二次去食 一如既往好食 我用左最快既速度食晒 真係好好味 另外牛肉麵真係真心可以 佢個湯底我哋係飲晒☺️☺️拼盤就不過不失啦 無太大驚喜…查看更多

呢間都真係好高質啊 招牌菜係牛扒 大家去食叫大概7成熟 呢個熟度 個人覺得係岩岩好既 另外一個令我再去既點係 佢薯條係可以無限量 添食 薯條質素唔係麥當勞質素喎 環境裝修又靚 排隊都要食系列…查看更多