ERICIFOOD的個人專頁

今日終於可以一試九五茶座，其實之前都睇過雜誌介紹過呢間餐廳，今日真係聞名不如見面，一到門口就見到2檔6，7十年代裝潢既小賣店-爆谷，綿花糖同汽水，我以為除左係電視會睇到外，估唔到係現實世界都會見到，即時令我回想起年少既我。餐廳主要分為2區，一邊係售賣懷舊精品，糖果同遊戲，好似有彩虹竹簽，上鏈既鐵皮小公仔，N年代既電話等，真係童年回憶返晒黎。另一邊就係餐廳，職員介紹左3寶比我地，就係生炸雞脾，咖哩同邪惡西多士。生炸雞脾-肉嫩多汁，皮脆惹味。咖哩牛腩-3個字形容:香!濃!辣!喜歡食辣一定試，佢地辣同咖哩汁好夾，必食邪惡西多士-吸收了蛋漿的金黃西多士，外脆內軟，內夾著香濃的芝士，真是好吃到噴汁，咸甜適中，任誰都抵擋不了的邪惡誘惑~整體黎講，餐廳出品真係好有早期冰室味道，配合整體裝潢，真係好似去6，7十年代冰室，而且打卡位超多，真係一個食得，玩得，影相都得既樂園。…查看更多

V CITY既食點真係有唔少食店,今日就去左主打星馬泰菜既紅椒力量食午餐,3點幾去到,唔算多人,即刻有位座,睇睇餐牌,就叫左個海南雞飯套餐,味道唔錯,雞都幾滑,飯都幾香,唔油,D薑容撈埋落飯度好正!睇見隔離枱食緊個豬脾飯都好似好正,不過今日已經食到飽晒,等我下次黎試埋佢地既鹵豬脾飯先.…查看更多

之前經OPENRICE網上訂枱有7折,昨晚就選左小肥牛慶祝生日,我地先叫左條立魚刺身(3斤),跟住再叫左三文魚刺身,條立魚好大條,魚肉鮮甜,可惜切得太厚,而且WASHABI甜,呢PART要扣分,食完條魚就免費攞去椒鹽,D朋友覺得椒鹽仲好食過刺身,哈哈.湯底就點左個麻辣鍋,幾正,有豬片同豬血,夠香.碟手切牛OK,有牛味,有口感.總括黎講都OK,只係刺青太厚,浪費左條魚埋單7折,每人都係200蚊.底食…查看更多

朋友介紹去左呢間食川菜既小館,試左佢地水煮魚,拍青瓜,雲耳同辣子雞!水煮魚麻辣適中,超香麻辣味,手拍青瓜,爽口,用小黃瓜夠晒清甜,辣子雞就麻麻地,唔夠乾身,唔夠辣椒,雞粒太大,有點似雞件. 價錢都算底食,每人150蚊.…查看更多