choychoybeanbean的个人专页

唔想點洗錢, 又想坐低食餐好, 時間晚上六點半, 唔洗等位比張四人枱我倆, 見有個二人set只係$99, 仲要好多款揀, 加錢就得兩個湯(叫咗一紅一白) 紅嘅辣到我唔飲得, 同男友掉轉, 我一向唔太喜歡辣到咁嘅羅宋湯, 而白湯就同美心大家樂嗰d冇分別泰式豬頸肉炒什菜似瘦肉多, 仲要好明顯一早炒定分出嚟, 少辣羊肉薯蓉 我最鐘意呢個, 都幾多羊吓, 少少羶, 好惹味, 總好過成日都食芝士薯蓉吖歐陸風味小食(+$5) 有焗青口薯角同排骨, 當中青口真係好味, 冇雪味, 幾甜, 我好難得食野會食多過一舊, 薯角大大舊, no comment, 排骨酸酸甜甜, 我嫌肥咗d芝士大虾海鮮飯(+$4) 呢度d海鮮認真算唔話得, 虾又大大隻, 青口都一樣好食, 另外仲有d魷魚呀等等, 不過特別想講, 佢加咗隻假炸帶子落去, 一啖咬落去我shit咗一句.....一餅麵粉好難食!!!!最後送埋甜品係芒果布甸 十分難食, 好似係羅拔臣布甸粉嗰隻味, 好嘔.......P.S. 總括嚟講, 呢度嘅食物如果冇叫錯嘅話, 都係一個既抵食又好味嘅地方, 雖然唔太突出, 不過以咁嘅價錢就叫超值啦~確係一個唔錯嘅飯堂, 唔怪得食飽後都見出面幾多人等位啦~ 二人埋單total $120…查看更多

又唔係咩大時大節, 平日下午5點都可以度度冇位, 想食甜品嘅我地行到呢度見冇咩人就入嚟坐喇宇治金時刨冰$39.8 都好大盤, 望到都會好開心, 茶味唔多夠, 雪糕好滑, 紅豆最差, 一pat pat, 淋哂, 又細粒, 唔好食嘅燒蕃薯-黃金金時$39.8 一樣嘅雪糕, 不過佢話有黃豆粉都食唔出, 因為太少, 反而食到d糖漿, 甜過頭, 個蕃薯唔熱, 我以為一冷一熱添, 自己屋企都可以做到土佐豆腐$27.8(四粒) 我反而幾鐘意呢個, 炸得個皮脆脆的, 好香口, 點埋個汁嚟食, 一口一個, 豆腐好滑, 食完會想再食多舊牛肉馬鈴薯渶堡(兩個)$33.8 原來即係炸薯餅, 都唔錯, 不過唔覺係有牛肉囉, 淨唸佢係薯餅都幾好食架, 呢個set仲有個飯同湯, 夠一餐茶房特選咖啡 $29.8 冇問家姐好冇味, 不過見個waiter震震下咁響我地面前將個咖啡壼倒落個杯度, 個壼仲剩一部份但係就拎走咗, 我地都好奇怪點解唔問下我地仲要唔要?唔係每次有人叫先整, 而呢個份量就係一個人架咩?算啦, 可能佢拎返入去倒返落去下次用掛~P.S. 加埋一total $188 三個人, 好似淨食甜品就冇乜落肚, 個人覺得都幾貴, 而且都冇乜特別…查看更多

好"leung"咁問咗阿姐一句, 呢個字點讀呀?(我廢事嗌錯仲瘀), 原來都係讀"麗"音墨丸攦粉$15 攦粉真係好似粗版米線咁, 放面有好多芽菜, 夾埋一齊食最好, 唔洗加錢叫咗佢湯底要小麻辣, 真係少少, 冇呃人, 食到dd麻辣, 唔會嗆喉, 墨丸較淋, 一般貨仔啦什錦攦粉$15 原來什錦全部都係菜, 好似切開一半嘅豆角(估喳)同芽菜酸菜, 配埋個少酸辣湯底, 配搭得唔錯播又, 什至我覺得好過我嗰碗, 不過就dry咗d, 下次可以叫呢個配多個小食就好喇桂花茶+5 跟粉可半價叫飲品, 我們當然叫呢度專做嘅桂花茶啦, 又係好香桂花, 不過略為甜咗d, 不過如果飲咖啡奶茶, 我都係會擦拪搽揀返桂花茶桂花糕 好味呀!!!好重桂花香又清甜南瓜糕 食到南瓜肉但係食唔出d味, 反而好重忌廉奶味, 幾濃下 杏仁糕 一食落去好似飲咗杯杏霜咁, 仲冇好多杏仁咬添糕點$10 有三件P.S. 咁嘅價錢食落都唔太差唧, 又大碗, total $50 兩個人, 抵到爛, 實有下次!!!!…查看更多

跟友人行咗幾條街嚟到呢度, 試下姨姨私房得唔得先!芝麻豆腐西米露$20 呢度做嘅芝麻野都幾香濃, d豆腐整爛加落個西米露度又唔多食得出, 清清地咁囉, 杰杰地好似糊仔咁, 幾滑架, 反而最鐘意d雪糕, 芝麻味爆燈!正~咖啡布丁配芝麻豆腐雪糕$16 佢地話個布丁冇乜咖啡味, 反而似朱古力多d, 我食咗一啖又覺得好濃咖啡味播, 仲要好實際食得到用左咖啡粉(估喳)接近嘅苦濃度去做, 只係唔可以太多cos唔係個個接受得到唧, 不過比我揀我都未必會再叫呢個芒果大合奏$28 聽話鐘意芒果就一定會like it, 果然冇介紹錯播, 配上滑滑芒果布丁, 啖啖芒果肉, 芒果雪糕, 最特別係加咗芒果乾!好得意呀, 又幾match喎, 下次我都要自己試下先得P.S. 今晚獲勝嘅係"芒果大合奏"!!!!!!!4人埋單$64…查看更多

是晚本來預10人飯局, 成班友仔放哂半飛機型式, 得返4個人去, 唉~以後都係唔預咁早約人喇墨汁墨丸意$98 已經一早做好心理準備先嚟, 點知都比呢個意嚇親!!!!真係好黑呀......同d廣告彩嘅黑色顏料都一模一樣, 仲要有dd杰杰地, 所有掂完個意嘅碗筷都報銷, d待應唔洗叫都主動比過d新碗筷我地用, 事關真係水洗都唔清呀! 墨丸少許彈牙, 又未去到好彈嘅地步, 不過食得出好新鮮呀!個意粉煮得個時間好好, 只係個汁實在好濃味, 好清楚聞到墨汁味之餘, 即係聞到同食到好腥嘅味, 比較難接受, 好彩個份量係好少嘅, 一個人都食得哂, 不過我地就唔會囉~呢個都算係一個幾特別嘅菜, 大開眼界!不過如果問我地嘅話, 都應該唔會再叫下次鴨汁荷葉飯$80 我唔會話佢差, 但亦唔覺好好食, 因為成個都好濕(本人較為鐘意食咬落一粒粒嘅飯), 唔係好香, 不過好多碎饀, 譬如菇呀咁, 同埋真係唔好睇少個份量, 4個人食唔哂囉, 我唸起碼6個人先叫呢個會好好多, 因為你仲想叫第d餸架嘛蟶子兩食(蒜蓉蒸 / 豉椒炒)$38 x 4 = $152 個笑面係想比呢隻巨型又爽口甜美嘅蟶子嘅, 大家都認為用蒜蓉開邊蒸都係好一般, 冇乜特別, 反而個豉椒炒就冇得頂!!!!真係讚口不絕!因為個汁較得非常之好, 濃度又適中, 唔太杰 / 稀, 好夠惹味但又唔會食完就已經渴死, 之前去開好幾間都冇呢度炒得咁好手勢, 唔會熟過頭又仲好嫩同彈牙.....食咁少真係唔夠喉沙拉骨$55 唔夠餸夾硬叫多個, 見到人地嗰碟好靚仔, but剛巧我們嘅就炸過火咗, 黑咗d, 食落係真嘅有幾多骨, 唔會好似出面嘅全部啖啖肉, 可讚嘅係佢呢度唔會求其落沙拉醬上面就算, 而真係有兜過, 每一邊骨都沾得到醬P.S. 最後送個蕃薯糖水, 夠薑!!!!!!!正呀!!!!!!食過呢次之後都明白點解咁多人讚, 碟碟都真係有功架, 材料新鮮, 做野又快手, 你話有禮貌就難d喇, 不過食得大排檔都可以不洗咁介意嘅, 呢度如果唔係咁貴(仲要收5%charge), 我都會再嚟多試幾味4個人4個餸埋單$404…查看更多

飲得多輕鬆飲, 開始有d悶, 眼見隔離開咗間新野, 價錢同輕鬆飲都差唔多(定一樣?), $10就有大大杯, 忍唔住要試下先問下個姐姐咩係寒天, 佢話係蒟蒻做嘅, 煙煙韌韌, 幾得意架, 咁我就聽佢講, 叫杯少甜少冰嚟飲, 叫咗個寒天晶球綠茶$10, d寒天真係幾好食, 不過認真過甜, 杯茶幾香, 幾有茶味, 都唔係咁差唧, 整體唔錯, 不過唔知d寒天係未直接入貨架呢?可唔可以都少甜呢?P.S. 呢度個裝潢, 人手, 都靚過同多過隔離輕鬆飲, 而個收錢姐姐都好有禮同我講解, 又唔洗排隊, 返到嚟先睇OR, 見好多人都叫奶蓋xx, 下次我又試下先!…查看更多

之前食過武大郎, 一試就愛上, 今次再試"淑女餅"$5@內饀嘅肉味都幾似武大郎, 係個皮唔同, 好鬆軟, 白白地有d粉, 又未去到佢所標榜嘅入口即溶, 不過認真唔孤寒, 饀都塞到滿滿嘅, 話有榨菜反而唔多食到, 不過一個女仔真係好難食得哂一個武大郎, 依家一個人嘅時候, 可以有第二樣野頂替喇~而且價錢仲平一半!!!呵~…查看更多

一年都唔嚟一次中環, 今日終於可以一試呢度嘅脆脆喇~哈哈哈~檸蜜脆脆 + 咖央多 $16下午4時, 叫外賣都等咗15分鐘, 見阿姐做到冇哂心機, 仲見到兩個阿姐一連6部多士爐, 唔止放爐內, 有d係放面烘熱, total十幾件飽, 不停咁為佢地"加油", 到我手即食, 脆脆果然脆, 不過略嫌醬少, 咖央就遲咗食, 可能焗得耐淋哂韌咗, 不過都係醬少, 我見明明其他人堂食映d相好似好多醬咁, 點解外賣差咁遠嘅?之前食過翠園d飽同多, 好食過呢度, 不過感覺同風味就截然不同加埋價錢而言, 仍然會支持!!!…查看更多

為咗想食個熱騰騰嘅蛋撻, 唸住等佢賣哂賣剩尾呢盤會新添剛出爐嘅, 點知買嚟即食都唔係好夠熱, 不過都暖暖地咁啦$5@, 個皮好脆, 勁重牛油香, 仲要厚版, 個蛋濃滑, 食落又唔錯, 不過食蛋撻值唔值食$5個就見人見智喇, 咁貴買一個蛋撻阿媽都想閙, 平時觀塘食開$2.5 都已經好大個, 咁呢度真係食得出有料到嘅, 咁多牛油咁多蛋咁多(忌廉 / 淡奶), 我自己整開甜品都知好貴啦~P.S. 食完一人一個蛋撻, 飽到唔想行, 真係好膩, 唔係誇張~…查看更多

慘喇~唔通跟得男友多, 食嘅野變得濃味咗? 食完呢碗麵, 我唸我下次再揾野食都要check清楚佢清湯定濃湯先得喇~羊肉餃麵$30 羊肉餃食落冇味, 又淋, 有d奇怪, 可能叫錯野, 聽到其他人都叫時餃(西洋菜餃$38六隻), 再叫多碗麵, 又或者叫韮菜餃, 個麵好似用機啤嘅咁(估下喳)因為條條麵個sharp都扭嚟扭去, 唔會圓滑, 不過食落唔會彈牙, 普普通通, 個湯好清下, 嫌佢唔夠熱驢打滾$15 用糯米粉成皮卷埋紅豆蓉, 再滾上擂沙湯圓嘅黃豆粉, 碟上亂放兩舊, 賣相一般, 食落凍凍地, 感覺麻麻P.S. 我媽媽食開清淡野, 都話呢度d野冇味, 咁食開濃味嘅人真係要唸清楚喇~…查看更多

食到好飽, 經過呢度又忍唔住想食庶汁糕, 問阿姐外賣洗唔洗收一蚊, 阿姐話唔洗播, 梗係即刻買返個返屋企啦~庶汁糕$10個, 見阿姐響個碗仔度刮出嚟, 仲切開4舊, 返到屋企食下, 清清甜甜, 彈下彈下(都係馬蹄粉作怪), 食完放落雪櫃, 今晚再食過~P.S. 買緊糕嘅時候眼見都幾多人, 仲有d帶埋小朋友嚟呢度飲杯庶汁就走, 應該都飲得過, 有機會會再去試下~…查看更多

今次阿妹話要食石鍋飯, 好快咁嚟OR search一search就決定嚟呢間, 唸起以前唔識上嚟揾而自己出去周圍盲摸摸, 真係簡單得多石鍋什錦飯(配雞)$55 掛住食第二樣, 就由得佢響鍋內放咗一陣, 我地先撈勻佢, 都唔洗驚佢會凍咗而令隻蛋唔熟, 因為個鍋真係好耐熱, 食到最尾好慢咁食都仲熱緊, 仲食襯啖啖都好似蒸緊面咁-_-, 放耐咗先撈, 發覺佢有咗d好似煲仔飯嘅飯焦, 正呀!!因為時間啱啱好, 個底有一薄層都係好脆, but又好易刮起同拮碎, 撈勻d飯, 菜, 雞肉等等嘅餸真係好好味, 啖啖都係蔬菜同飯, 口感一流!炸醬麵$60 其實我地都覺得呢個麻麻地, 不過食落都幾特別下, 同平時食中式嘅確有好大分別, 先講醬汁係黑黑嘅, 酸酸甜甜, 連埋d豬肉薯仔碎, 好大pat醬撈落個拉麵度, 個麵煙煙韌韌又好滑, 配埋少許青瓜絲, 如果多返d會好d, cos整個有d膩, 另外其實仲有個$65嘅上等炸醬麵, 唔知係未個汁同麵會唔同d呢P.S. $60一個炸醬麵係咁耐以嚟我食過最貴嘅, 亦冇咩好感, 真係有d肉赤, 因為食落得d汁同麵咁, 同薯仔囉, 好彩個石鍋飯食落都唔差, 不過其實除左個鍋之外, d雞係好少嘅, 反而好多蔬菜絲, 同一隻蛋, 咁就$55, 同場見有人玩bbq, 眼見一細碟牛肉都$190(不過唔知係未冇限加?好似韓國咁?), 仲要係自助嘅, 自己去買飛同拎野食, 真係比得起至好嚟~埋單$115三個人…查看更多

放棄咗冇響廣州食埋小肥羊, 而選擇咗落到嚟深圳先食, 希望冇決定錯啦~揼完骨已經係夜晚九點幾, 搭的士嚟到門口都嚇一嚇, 竟然咁多人等緊位, 好彩等咗十多分鐘就有位, 上咗二樓坐二人枱駌鴦鍋$35 清湯都好濃味下, 不過好清甜, 烚菜, 羊粉一流!! 辣嘅另一邊唔算好辣, 都幾易入口, 有好小好小麻辣味, 唔夠香港食嗰次咁辣極品雪花羊肉$68 切到超薄超薄, 好似燈影牛肉咁, 唔羶A級羔羊肉$28 呢個係d waiter介紹嘅, 好好好味, 都薄, 會厚過極品, 但我地反而覺得呢個個厚度仲好食, 有小小小羶, 先似係羊嘛, 仲有個價錢差咁遠, 下次會識叫喇~手工鮮羊肉丸$16 好軟滑, 好淋, 反而食唔慣, but男友好like烤羊腰$6 冇乜好感, 好腥咁, 好似豬肝味烤羊肉串$3 一般啦, 好少, 食唔到d乜羊白筋$2 唔記得係白定黃, 又係個waiter介紹, 食落好得意, 好淋好滑, 五香粉超多, 好似深圳d街邊串燒嘅味咁五香羊肉腸$28 將d羊肉塞入腸衣內, 唔彈牙, 淋肉, 味道有d怪, 食剩唔想食羊什湯$6 好重胡椒味, 好似雞湯味咁, 入面有好多餸, 羊百葉, 羊肚, 羊肺...唔會好大碗皇帝菜$10 乜得佢咁新鮮呀~好嫩喎~香港食都冇咁正~眼見全場勁多人叫內蒙肥羊粉(寬)$10 好得意呀~超彈牙, 小小煙韌咁, 放湯放耐咗都唔會爛, 不過會透明咗同淋返d黃金大餅$8 waiter好好問我們要唔要一半, 全個原本$15, 因為都好大個下都切咗五件, 一人兩三件, 即刻食唔到野, 好重牛油味, 有芝麻響面皮好脆好香, 個餡食唔到係d乜因為超少, 好膩南瓜餅$3 食落好似年糕, 男友又係勁讚, but食唔到南瓜味P.S. 食到飽飽都係$231, 係香港邊食到?!最讚係呢度嘅service真係好到你估佢唔到, 問佢地野都好樂意答, 叫佢地介紹嘅野又真係好食, 冇hard sell d貴野, 反而話我們聴邊d係多人叫嘅比我們考慮, 又會自己幫你追單, 斟水次數密......因為呢度, 令我對深圳有大大嘅改觀...…查看更多

今日先唸起打返呢度嘅食評, 一睇先嚇到~乜咁差咩?不過人人口味唔同, 日日師傅手勢唔同, so都係自己試過先知啱唔啱自己成條街都係食肆, 突然想食越式菜, 就走入嚟碰下運氣啦~香茅豬扒飯配是日甜品椰汁紫糯米$38 豬扒好味呀!!!!唔會係勁用鬆肉粉嗰隻~i like it !!! 食得出係香茅醃過, 都香, 炸唔算太油, 幾大塊, 會切埋件上, 配個甜豉油比你, 雖然其實唔點都夠哂味, 不過又忍唔住間唔時點下嚟送飯, 真係好香甜架~ 個甜品可轉餐飲, 不過又貪心覺得要甜品抵d, 食到飽死都食埋個紫糯米, 開頭以為會揾笨, 點知一嚟又幾多椰汁同糯米, 攪勻食又唔會太杰喎感覺啱啱好, 好快食到落碗底添!P.S. 如果上OR度search先去食嘅話我唸我一定唔會揀呢間, 連我自己都估唔到個result, 令我開始對每次食飯都靠OR有D動搖添, 有時隨意得出嚟嘅結果反而令人有驚喜…查看更多

食完dinner好努力咁由尖咀行到旺角嚟燃燒卡路里, 就係為咗要食多個甜品先收工咖啡雪花冰$25 配榛子糖漿配粟米片 食落未榛子咖啡咁嘅味囉, 不過咖啡味太淡, 榛子糖漿亦好少好少, 第一次試落粟米片, 原來食冰配粟米片嘅感覺係咁match, 好正, 比其餘嘅朱古力, 花生, 糖碎嘅更加好; 個冰同我去元朗食嘅有好大分別, 元朗嘅食落似食雪糕, 你會奇怪唔似食緊刨冰, 不過又會被它嘅濃厚口感吸引住, 而今次就真係食到冰碎喇, 邊度正宗就唔知喇+芒果$5 +士多啤梨$5 + 蜜紅豆$2 + 愛玉凍$2 + 朱古力魔豆$2 + 小丸子$2 sorry, 我唔識叫叫咗d唔啱我地口味, 首先係生果類, 兩樣都唔甜, 仲有少許偏酸, 只可解釋唔啱季節, 自己白痴; 紅豆, 一d都唔蜜, cheap cheap紅豆, 連係未天津紅豆都有懷疑, 咁細粒扁身; 愛玉凍. 係d啫喱嘅物體, 淋淋地; 朱古力魔豆, 係d一咬會爆開嘅朱古力豆, 其實食落只有好淡嘅朱古力味, 以前都食過, 唔記得係未都係咁淋; 小丸子, 係d好似糯米做嘅小丸子, 小許煙韌咁啦, 粉味囉, 冇乜特別, 特別在食到尾都食唔到, so問佢先再用個碗仔裝住拎比我地, 不過都唔怪得佢地, cos成場真係好爆P.S. 本來嚟係為咗食宇治甘時雪花冰, 點知落單先知冇, 唉~迫住叫啦又叫錯哂d唔啱自己食嘅野(淡, 生果不時, 淋嘅配料), 都好難叫我地食得好開心三人一甜品埋單$43…查看更多