stephanie.wh.tong のプロフィール

食物質素ok，依家做梗全單88折都可以。但中間有個小插曲。佢地係scan code用手機落單，但我哋落單load咗好耐，跟住彈出系統繁忙，稍後再試。咁我咪再試，咁今次得咗。過咗陣佢地拎住3個魚生飯問係咪我哋叫，先發現原來個系統落左3次。😓有個女職員語帶責怪咁話下次有咁嘅情況應該叫佢地，我就同佢講點知佢load梗都係落梗單，但個職員好似唔係好聽入耳咁。😕其實我覺得係個系統有問題囉，我之前都未試過咁嘅情況，果下有d無辜。總結用餐體驗一般，依家有88折都可以一試。…さらに見る

之前幫襯過銅鑼灣分店不錯，但依間就麻麻。我同朋友兩個人去食，有個四眼哥仔落單。佢冇寫低我地要咩靠個腦記，我都心諗咁好記性？點知凍奶茶就落咗凍檸茶，西班牙奄列落咗炒蛋😑咁我都好聲好氣同個呀姐講話落錯單，個四眼哥仔黎話我冇講過要西班牙奄列，仲話:「你依家要轉咪轉俾你」。我即時著火，啤住佢話我係話要西班牙奄列😠其實冇理由自己錯仲賴個客，仲要我都冇怪你你就黎撩交嗌之後聽到好幾枱都有落錯單，好似叉燒炒米就嚟左牛肉炒米，好心冇咁好記性就寫低啦......…さらに見る

星期六下午13:30經過想買杯咖啡，門口明明寫住開7:30到18:00，又開晒閘做生意咁。我見入面有個員工食梗飯，咪問佢想order杯咖啡。佢都幾串話: 食梗飯呀咁我就問佢幾時可以落得單我再番黎佢碌大眼好串話： 啱啱食咋之前睇食評話d員工態度差，我領教喇，即走唔駛旨意幫襯，你慢慢食啦😡…さらに見る