wangelj的个人专页

長期人氣蠔餅店，前排肥姐囡囡有病，來幫襯既人龍更長，今天我也來力撐肥姐吧！5pm開鋪，5點幾去到已聚集7-8個人客，學生也佔部分。叫了一份蠔餅外賣$24，要芫茜和辣汁。在沒為意下錯給了肥姐一個＄10台幣當一蚊，離開了一回之後才發現折返！原來肥姐將我那個＄10台幣找續給客人時發現了袋起左，我折返問肥姐和道歉時，肥姐回我：「唔緊要啦，唔知味當下次我去臺灣旅行用囉，哈哈!」當我正想補返肥姐一蚊時發現銀包裏只得$100和$500紙幣，肥姐把$10台幣還給我，並說不要緊，無一蚊就下次先比啦！雖然只是一蚊，但就令我很感動，肥姐真的很好人！外賣回去的蠔餅我用焗爐返熱，吃上去也脆口，吃到大大粒蠔仔，很足料，肥姐秘整辣汁就真的勁辣，是嗜辣的我的最愛！…查看更多

上次夜晚去，黑糖味玉子燒無哂，今次下晝去買定外賣。味道無乜特別，唔算很好食，有黑糖汁既蛋卷，比相像中細件，唔算厚，食左都唔覺。如果可以大件d，厚d，應該會更好！…查看更多

行經這條路，被這家店的Menu招牌和裝修吸引，決定今天來吃個late lunch.店營業時段11:30am-2:30pm lunch, 6:00pm後是dinner, 沒有下午茶時段，由於今天我放工時間是2:20pm，恐趕不及午餐，所以一早經facebook問店主last order, 店主很好，即時在Facebook 訊息回覆我，及send 來menu, 店主話2:45pm到鋪也okay.我真的2:45pm來到，原來店主一早已留卡位給，而且很禮貌，很健談，很nice, 真的令客人賓至如歸！叫了個燒豬肉眼扒（$98）配即做意粉（+$10），連薯仔忌廉湯，+$10凍即磨咖啡少冰。伴湯的蒜蓉多士有D淋，不算脆囗，湯okay, 即做意粉幾彈牙，但整體份量以total$130(已加）似乎太少！凍即磨咖啡少冰就真的很少冰，也好飲.即體來説，食物不算特別出色，午餐$130這份量下略貴，但服務真的很好，店主令客人有親切既感覺！有意想試下西班牙焗乳豬和山焰雪山，但只在晚市提供，亦最後前一天預訂！…查看更多

好耐無打食評，今次不得不提示大家！之前行過門口見到尼間早餐餐牌都幾岩食，所以今早特登來吃個早餐。叫左個豬扒奄烈拼麵配熱華田轉蒜蓉厚多士得半塊$37，塊豬扒比人切到無可再薄，甩皮甩骨，睇見都唔開胃唔想食，要求更換另外一塊，三叫四請之下好辛苦咁説服更換了，但換來的更加甩皮甩骨，薄到好似切斷左㚒硬加塊薄片補上去咁最後來的熱華田得半杯，好似比人飲剩咁$37的早餐價錢在同條街已經可以享用大大份的豐富早餐！無下次，不會再幫(老)襯！…查看更多

因為要傍晚先開所以變得平時不起眼既泰式食店但原來多人食過都讚好尤其串燒下午3點來到未開行左幾圈再來都未開又行幾圈再來開左閘但佢話4點半後先賣又再行了幾圈4點半再再來都係未有得賣又話6點後先賣喎不放棄既我為求吃到返左屋企再6點15分再來終於有得買了...好多人已經等緊買串燒但牛肉串燒未燒得切羊肉有點so好明顯係新鮮羊肉啦豬肉和雞腎都好吃加左特製辣汁和沙爹醬混醬覺得辣汁太浠太水感喜歡沙爹醬多d,好香好惹味…查看更多

想試這家丹麥方包很久了之前只有中環一間店但次次去到都賣哂真係有d失望中環舖第一次去到已黃昏緊係賣哂唔出奇啦但第2次轉程中午12點去到都係賣哂當有d失望想放棄時讓我發現尖沙咀開左分店了而且舖面較大所以第一次來到尖沙咀分店就買到了尖沙咀店$19/2片$9.5一片厚方包睇落好似有d貴但當$10一個麵包來看價錢可以接受包邊脆, 包內軟綿綿好香牛油味其實唔使塗醬都好吃但丹麥方包試一次就夠了因為太多牛油好似好肥咁下次可以試其他野據說都幾好食…查看更多

平時薄荷朱古力咖啡就飲得多薄荷朱古力蛋糕就未試過今次第一次食非常好吃,感覺新鮮蛋糕頂用左真正既薄荷朱古力做中間有兩層薄荷cream感覺好fresh好有薄荷味因為買咖啡+$15有蛋糕所以試埋杯咖啡frappcino都可以用skimmed milk合我心意味道ok另試了這個$24感覺係咖啡慕絲蛋糕食過Mc cafe咁多款蛋糕中最好味都係新出既薄荷朱古力蛋糕夠創新!…查看更多

第一次團購以$4買原價$17 QQ飯糰好抵小麥胚牙米:白米+糙米+小麥胚芽另加麻香花椒粉喜歡多款卜卜脆既配菜不過標準SIZE 200g 飯糰太細了~見佢初頭起勢咁加飯加配料到最後因為overweight左200g結果要不斷勃返d飯走, 攪到個飯糰有d散哂佢一係比多少少人食都唔怕啦, 一係初頭就唔好咁不留手咁加飯啦...以原價$17買既五穀米飯糰有嚼頭, 不過少左深色既米另外試了別的$18買最大既size平d呢款五穀米有加紫米, 顏色較深, 有嚼頭不過配料選擇不多可以叫佢淨比魯蛋蛋白…查看更多

一間由印度人開既正宗咖哩屋閒日都好多人光顧今日遇正有private party所以等左一陣Tip: 一定係揀個$38set最抵Set有: 餐湯, 餐飲, 小食, 一款自選咖哩, 白飯, 烤麥餅如果散叫一款咖哩都要成五十幾蚊雖然五十幾蚊既咖哩係多少少但點都唔夠得$38既化算因為set裡面既咖哩都好夠食肉又夠多...但本人這次就失敗了因為揀錯左set一心諗住為左食咖哩和麥餅而來所以選左個無肉既咖哩雜菜set點知..........呢個咖哩雜菜正式來講應該是"咖哩(炒)雜菜因為一d汁都無, 乾巴巴的無左我想食咖哩汁點麥餅既原意咖哩(炒)雜菜內有: 薯仔, 椰菜花, 蕃茄, 青豆, 少少洋蔥, 粟米等用黃色咖哩炒, 乾身無汁既無得點汁, 只好夾著麥餅來吃 我唔可以話佢唔好食但唔係我想食果種囉我本身都唔知呢個咖哩雜菜係乾身嫁因為餐牌上無寫明有個 "炒" 字仲以為呢到既咖哩係咁添食完之後看到坐在對面既人客的咖哩牛就心知不妙了.....................原來我揀錯左人地既咖哩牛正正係我原意想食的ohohoh點又點左, 食又食完, 所以暗啞底要叫番個咖哩牛外賣補數囉...真係唔開心喇!問過老闆: 淨叫咖哩牛外賣, 唔要餐湯, 餐飲, 小食, 白飯, 烤麥餅都係照收$38但可能個咖哩會多d掛?!咁緊係要set啦但...我又錯多一次:因為外賣佢無比小食和餐湯我但一心為左咖哩汁既我無去計較杯齋啡又幫我落左糖, 最後比我倒左....麥餅我之前堂食時有吃剩返(因為我之前個set唔要飯佢比左兩塊麥餅我)所以早知要淨咖哩牛可以多d咖哩嘛...唉...算啦, 怪自己黑仔囉...: 濃既蕃茄味, 唔同出面既一般羅宋湯春卷無肉既, 另外果2件唔知係咩東東, 不過都係無肉既, 食落好香口, 好有香料味2款都係凍既醬, 紅色既甜酸醬都ok, 不過綠色既薄荷醬食落似牙膏feel, 不太like初頭以為同全 "麥" 有關既, 但原來我諗多左, 食落有點韌呢個外賣既唔好以為係set lunch d咖哩就少d, 其實都頗多, 仲有好多件牛坑腩添, 正總括而言, 老闆服務不錯唔要白飯既, 老闆都說: "無問題啦", 可以比多一塊烤麥餅唔要汽水既, 老闆都說: "無問題啦", 可以轉熱咖啡唯美中不足都係自己黑仔揀錯set建議下次老闆應該要為客人介紹想吃既咖哩或在餐牌上例明所以來這裡吃咖哩之前有幾個小貼士想吃咖哩汁既要點咖哩牛/雞/羊既set lunch$38所有set都係同價, 就緊係要個有肉既有汁既抵D啦…查看更多

我特別喜歡吃一些非白米既飯這裡既飯糰就最合我心水因為採用了多穀健康米:紫米, 五穀米,紅米,糙米,小麥胚芽米, 冰湖野米我選了雙色飯糰因為可以試到兩種味紫米+冰湖野米$20紫米飯很香,唔硬,混入了被染了紫的白米飯冰湖野米是糯米+長型黑色既有殼野米糯米飯稔稔地, 黑色野米有穀有咬感可選6種餡料有些要另外加錢選了魚鬆+ 牛蒡絲+木耳絲+珍珠瓜+幼荀+素沙茶雞+$1另加小麥胚芽粉+$3滿滿既餡料一口咬下脆卜卜, 很滿足既感覺呢味道調得剛剛好唔會太淡現場仲有d已經計左卡路里既飯糰夠哂健美…查看更多

忍唔住再專程來吃個茶餐記得以前食過這裡既炸雞脾飯+茄汁都幾好味唔知道過左咁多年可唔可以保持到水準呢?好緊張啊!叫了個炸雞脾茶餐拼沙津$22有熱飲啊! 好味好味好好味呀!水準完全保持到呢雞皮脆到飛起平時一向唔食雞皮既我都禁不住要食埋佢勁脆既雞皮雞脾炸得乾身雞肉實在骨肉皮分離此外, 沙津好有驚喜初頭還以為會好似一般茶餐廳咁只有薯仔紅蘿蔔但呢個除左薯仔, 紅蘿蔔我食到仲有椰果, 青瓜, 菠蘿和車里子添呀真係喜出望外沙津雪得又夠凍沙津醬又夠結又唔會出水正正正~熱鴛鴦都幾好廚房哥哥親切地叫我拎杯飲品飲住先佢話雞脾炸好就叫我好好味食物抵食既價錢加埋佢地親切既態度我又再要比滿分了~…查看更多

位於元朗一間著名的舊式茶樓口碑很好深受各方面好評這天來了下午茶價錢算抵下午茶大中小點一律$11這個是推介的雖然黃色的馬拉糕不是我喜歡的那種但這個有很香奶皇味道卻是我喜歡的唯不夠熱早知要下面果層啦....絕讚軟綿綿既透明皮包著滑滑溜既香奶皇極品好吃大大件彈牙的粉果透明皮裡面有一絲絲蘿蔔絲,蝦米,瑤柱好少地方有得吃這個涵料唔油又夠香較大件入味又夠熱另外符有沙薑醬自由點…查看更多

兒時很喜歡到這裡吃白菜餃烏冬和壽司今次返黎只叫了壽司價錢十年沒變都係$10有5件不過好似細件左~芒果+蟹柳+吞拿魚有d散左, 包得唔夠實味道ok,其實唔使點芥辣和豉油都有味…查看更多

又再尋找色澤深色既豬扒今次來這裡點了淨小食香茅豬扒$28雖然$28得2塊價錢似乎高了點但如果係下午茶平市來吃就可能大減豬扒既份量了~色澤較深色見到真係有加左香茅絲再加埋蔥蓉和乾蒜好香好野味豬扒夠瘦唔算好稔好味過果間連鎖店越"戔"啦裝修左靚左…查看更多

近排好想食深色既豬扒又聽講這裡既即磨越南咖啡好飲所以來了食下午茶越菜黎講呢間算貴平時食果d廿零蚊有大大碗但這裡下午茶細細碗都要接近$30$28+普通飲料一杯友人話好吃不過好細碗濛粉得少少幾乎一次可以夾哂$28得一塊+普通飲料一杯以為叫小食可以有多塊豬扒啦點知都係得一塊真係名副其實既小食迷你版叫碗粉好似仲抵啦蝕左但味道算ok夠稔不過淹得唔係深色果款這裡既即磨越南咖啡真係好好飲磨得超多泡又香又醇加上creamy 奶, 好滑是一杯薄荷+可樂既飲品原來幾好飲嫁薄荷味有少少似食緊mint chocolate果d薄荷咁加左椰果粒…查看更多