golden60105的个人专页

一生人極少寫食評，但由深水埗開店一直支持到而家，質素一直都保持得好好 每日都見到個老細親力親為 係有少少感動 所以想支持吓啲後生仔 呢個時代真係好難得㗎啦。每次去指定食一個楊枝甘露，紫醉金迷芋圓燒 同 芋泥山野桃膠小丸子，好食就不在話下 最慘係佢真係好平，唔明白點解有人會話佢貴，咁嘅價錢 係而家香港地 可以搵到咁樣質素嘅糖水 真係好難，有咁嘅名氣 又keep到咁嘅質素 多人唔係無原因而家香港地仲有好多好有心做嘅小店存在，香港人支持返香港經濟…查看更多

行過深水埗見到有間新開糖水舖，外貌幾吸引，啲display整得好靚，之後就買左一個多芒楊枝甘露同埋多芒小丸子試下，味道又真係幾有驚喜楊枝甘露奶味好香好濃，但又唔會蓋過芒果味，芒果粒嘅份量仲好多。小丸子好有咬口好彈牙，認真唔錯👍🏻👍🏻 見佢仲有D24榴槤糖水，下次會試埋。美中不足就係冇得俾八達通，淨係得現金同PayMe，我咁啱冇cash，好彩我朋友有PayMe 先俾到錢。希望盡快加埋八達通，信用卡嗰啲。…查看更多