頌淇的个人专页

由頭到腳，無一part讚得落手等位--已經係4點去拿飛，都等個幾鐘，5點3先有位服務態度好差--等位期間諗著拿本menu睇下食乜，個淺藍色衫侍態黑口黑面不特止，仲要話無得睇入到去點餐，叫極d人都扮睇唔到，最後叫左2碗麵同雪糕，勁唔耐煩同我講雪糕要等半個鐘！唔知點解要咁唔耐煩囉！我已經係一次過點餐，唔係果d唔知想食乜要佢等果d黎架喇喎！食物質素--豬軟骨麵非常鹹！鹹到食幾啖就要飲水！雪糕亦不外如是，唔覺得特別好味環境--另外亦特別批評下個環境，梳化位好污糟，全是食物碎但可以無一個侍應跟進！我想坐低見到，同侍應講張椅好污糟，佢一副彩我都傻既樣話檯面有紙巾，就走左去！完全不知所謂！呢d咁既出品同服務，環境全部唔合格！…查看更多

同媽媽兩個食晚飯，諗著求其食，點知就中招！去太興叫左3碟餸，3碟都出事香煎黃金蝦--d蝦本身已經好細隻，食得黃金蝦預佢唔會太細隻，佢就細到手指尾咁細，一上檯已經不太能接受，仲要炸到外面硬裹面乾爭爭！而且完全無咸蛋味！超差蒜炒菜心--呢個提起都嬲！菜牌張相係生蒜！係炒！而且食蒜炒菜心common sense 都知道係用生蒜->炒->菜心！但我呢碟好明顯係烚完d菜心再淋d炸蒜落去！成碟野不知所謂！烚到水汪汪，落d炸蒜落去完全九唔搭8！問佢侍應又死都話係炒！玩我咩d菜排得整整齊齊又水汪汪，食落更加肯定係烚！非常差！炒碟菜心都可以差成咁！不知所謂！燒肉--叫做正常少少！講好食又未到好好，其實同連鎖快餐店果d差唔多！但價錢就貴好多！招呼亦差！叫左3碟餸，等得耐都算，食完一碟先上另一碟！去飲喜酒咩？果日係平日，舖面唔算多人！唔知點解都要等咁耐！侍應態度又差，死都要話果碟係炒菜！摧d餸又當我耳邊風，聽完睇住佢去左收銀吹水完全無幫我跟過！整體超差！以後任何一間太興都唔會入去！…查看更多

朋友入伙飯，一大班人十幾個食自家人點左8樣餸煎蘿蔔餅--超好食！必食推介！蘿蔔清甜，煎得脆卜卜又香口！讚！濃湯浸勝瓜--個湯有濃濃的鮮味，配勝瓜，good冬菇鵝掌--呢個普普通通酒樓婚宴食果d，唔特別講煎馬友--廚師功架一流，煎到外皮好脆，內裹d肉好juicy 一d都唔乾！唔知係醃左定本身馬友係咸，食落好香口！讚拔絲咕嚕肉--呢個又係要讚！拔絲外皮做得好脆，汁甜甜酸酸味道好好！肉亦好juicy！讚！小炒王--都係酒樓一般既小炒，都好食但周圍都有得食唔太特別一隻白切雞--切雞食得出係新鮮雞！醃左少少咸咸地好好味！煎蠔餅--呢個直頭唔好食，雖然好多蠔，但蛋煎得唔夠脆，一pat pat，味亦一般侍應都幾細心！唔算好好招呼，但都唔會好似出面d連鎖酒樓果d咁叫極都無人理！整理非常不錯！會再食！…查看更多

同朋友去食晚飯叫左個2人餐+冬陰功頭盤個豬頸肉炆得好'林'好入味，good！然後一個明爐燒魚+豬肋骨+炒飯燒魚個汁酸酸地好開胃，有個火爐佐住keep住熱食,good！豬肋骨個汁酸酸甜甜味道不錯，但炆得唔好，太韌 ，要改善個炒飯好麻麻，無乜餸又唔夠熱冬陰功略咸亦不夠椰香，但味道仍是不錯！隔渣隔得好，唔會飲飲下一口渣侍應方面，有位後生仔傳菜好有禮貌，另一位中年類似部長好細心亦有禮！good!整體不錯！會再食！…查看更多

接待員很親切我與一位朋友去，點了炸小黃魚，酸辣湯，菜飯，炒菜心，小籠包小黃魚很香口，值得一讚酸辣湯味道不錯，但唔熱的菜飯非常差，又硬又唔熱，又無味小籠包味道普通…查看更多