zeni的個人專頁

安利這名字已認識很久,從以前在廟宇旁斜路上,家人已帶我來吃,以前最喜歡的就是他的炸魚皮,到後期搬了入舖,多人認識了,經常要等位,就少咗幫襯了。現在一條街內有兩間不同嘅安利,其實我都唔係好知邊間才是所謂嘅正版,對面那間在假期或食晏時等嘅人,總是比這間多,對面那間一間我也食過,但覺得佢哋嘅食物比較鹹,店員態度不是太好,好像好急好趕咁,想你快d食完走人咁,所以都無再幫襯,之後都是繼續幫襯番呢間,起碼我個人感覺嚟講,這間的店員態度好好多,所以才會繼續來食今次來食,選擇了中午之後,避過食晏人潮,不用等位,立即有位坐,點了炸魚皮、魚旦墨丸麵炸魚皮 $12 : 炸得好鬆脆,食落口唔油膩,唔似出面好多時食到的"化石"魚皮,硬到死!一d都唔脆!食到牙都累呀魚旦墨丸麵 $24 : 叫魚旦食的,通常其中都會有魚片在內,今次d魚旦就麻麻哋!反而魚片就幾彈牙,墨丸也ok,麵底亦食唔到有鹼水味今時今日都唔係好明,這兩間店點解咁多人,等咁耐為咗食佢哋,在我嚟講,我覺得佢都係好食嘅,但未到為咗食佢哋,而係門口等咁耐囉!…查看更多

泉章居這個名字聽就聽了好多年,但一直都唔知佢係食咩嘢!今次食母親節就選了呢度,終於可以試吓啦!訂了檯,7:00pm來到,已經坐滿客人,他們有套餐選擇,都幾抵食!但我們選擇散叫,點了菜之後大約10分鐘,就上菜算幾快!鹽焗雞 ~ 無咩多餘肥膏,食落啖啖肉,點埋個沙薑醬更加正!荔芋香酥鴨 ~ 炸得好脆!食落口唔覺油膩!鴨肉也炸到脆口,所以食落就稍為乾身咗少少!鴨同芋蓉嘅比例就芋蓉多D炸鮮奶 ~ 個脆漿炸得好脆!但就唔係好食到奶味!點沙糖一齊食就會好D,還有,上檯時最好等一陣先食,如果唔係會”辣”親個咀!金銀蛋莧菜 ~ 味道唔會過鹹,菜煮得剛剛好,平時唔”好”莧菜嘅我都覺得好好味!亦都是我們最快清咗嘅一碟餸!仲有糖水送,係馬蹄西米露!真材實料!絕不流水!侍應也好有禮貌…查看更多

之前係openrice睇過食評,所以選了這間,以為係第一次嚟呢度食,嚟到才知原來兩、三年前嚟過呢度!因為當年係喺廟街求其”鐘”入一間度食,所以沒有留意店名未夠六點鐘嚟到,一入就有位坐,入到去已經有八成滿座,好快就了落order(因為睇到之前篇食評,提到d阿姐........),等了一陣,我哋點嘅通菜就上檯啦!菜($8) ~ 有通菜、白菜、生菜三款菜選擇,我們點了通菜,碟菜一上檯,竟然都幾大碟吓!灼菜當然是最穩妥的煮法,一定唔會難食得去邊啦!原來d菜可以選擇炒o架!不過,就要$15蚊啦!落order後大約10分鐘度,我哋點嘅煲仔飯都上檯啦!我哋點了北菇滑雞飯($22) ~ d雞肉夠味道又好滑!有飯焦但不多,多菇多雞,$22蚊真係好抵食!臘腸排骨飯($22)、排骨飯($18) ~ 因為太久沒有食過原條臘腸,所以一心都是搵臘腸做主膽!臘腸唔太肥,屬於瘦嗰種!正!啱我心水!排骨份量都幾多,但味道我就覺得麻麻哋!有一陣唔知咩味!好似有一陣肉嘅羶味咁!怪怪哋! 鴨旦蠔餅(細$20) ~ 蠔仔份量都算多,入口夠脆、炸到金黃色!味道啱啱好!就算唔點醬食都好夠味!走嘅時候六點半,行出門口,見到起碼有成三十幾人係度排隊等緊!真係誇張!但隔離嗰間只係得兩檯客度!提外話:喺我入嚟、等食期間、到食飽走,d店員都係幾有禮貌嘅(收碟都問聲你仲要唔要)!只係發覺其中有一位阿姐同d客講嘢係特別串串哋!可能就係之前個位食家,咁唔好彩遇到嗰個!…查看更多

早前係深水埗行街,求其找了間食市食晏,碟飯上到檯估唔到個樣同味道都ok喎!所以今日行完街都又再走嚟食!六點幾行到嚟!由外面望入去,無客嘅?心諗係咪唔做夜市架!係門外望再幾望都唔見有寫營業時間,突然望到有個牌寫住晚市小菜........,跟住走了入去,同朋友選了個二人套餐($80),可以自選兩款小菜、白飯兩碗、例湯兩碗菠蘿生炒骨 ~ 青椒、菠藺、洋蔥配菜多,但生炒骨亦都多,不會像某些食市配菜多過主菜,青椒炒得好爽,生炒骨也炒得可以,不太酸!椒盬鮮魷 ~ 雖然叫椒鹽鮮魷,但椒味就唔係幾覺有, 魷魚個脆漿做法就比一般椒鹽鮮魷多,但不算太厚,炸得幾脆!本人覺得這味菜叫"炸魷魚"會貼切d! 黃瓜豬骨湯 ~ 黃瓜有幾舊,連肉豬骨也有兩大件,湯料多味也夠,絕不是一碗白水湯油麥菜(另加)$30 ~　蒜蓉青炒，勁香蒜蓉味…查看更多

因為媽咪生日,而她又喜歡吃烤鴨這東西,有屋企人幫襯過,覺得這裡也不錯,所以今次就選了這裡,預早打電話嚟訂了星期一晚九點鐘,嚟到同佢哋講訂了檯,佢哋好似聽唔到咁,只係問我哋幾多人,我哋答:五個人,跟著侍應求其指了一個方向,叫我們是旦坐一張檯,但我們望過去全都是起碼坐十人以上,我們說:唔使咁大張呀!才找一張細一點給我們我們睇緊餐牌其間,侍應姐姐走過來問我哋會唔會叫北京填鴨,因為需時的關係,太概要等二十分鐘,如果我們要的話可以而家幫我們落單先,咁樣可以唔使等咁耐,這個提議當然好啦!我們選擇來這裡最主要目的都是因為隻鴨,但因為我們還未嚟齊人,所以她問我們:未到的人二十分鐘後會到嗎?到的話就現在開始烤,這一點我覺得他們的服務是不錯的,我們點了以下醉雞 ~ 例牌嚟講算係幾大碟,價錢好像是六十幾蚊,但肉質只可以說是ok囉!滑就一定無佢份!雖然賣相就好似幾得咁!但味道就麻麻地,酒味一點也聞唔到,要放到近口邊才聞到dd酒味,食落口酒味係好少好少……,如果10分係代表酒味濃度最濃的話,我覺得只有1分囉!他們的醉雞感覺好像只係喺表面淋了酒,而唔係浸到雞肉內層也有酒味 三絲炒拉麵(好似係呢個名) ~ 裡面有蝦、菜&疑似海參,味道感覺怪怪的,又唔係鹹,又唔係甜,又唔係無味喎!我都唔知點形容佢,麵質又是感覺怪怪的,一些拉麵應有的煙韌感也沒有,食落口好淋,食o左兩口之後,立刻有點想回吐的反應,我咁大個人都是第一次食炒麵食到咁嘅反應北京填鴨 ~ 沒有喜出望外,正正常常,反而另外加了$40要多一個鴨湯,味道就不錯,裡面有冬瓜,冬瓜吸收了鴨湯味道,所以d冬瓜食落好好味咕嚕肉 ~ 味道普普通通,不太甜也不酸,肉質算淋唔難o趙,反而青椒係最好食,炒得好爽口小籠包 ~ 一咬開有好多肉汁流出來,裡面d肉唔係太肥,味道都ok以下兩款近尾聲才點高力豆沙(這個是送的) ~ 對這東西很有其望的,但食落口超失望,食落口死實實咁!似係番炸!d糖一點都唔會黏著件高力豆沙,糖還糖,高力豆沙還高力豆沙豆沙鍋餅 ~ 又是番炸的!鍋餅外層好像一些隔夜再隔夜的麵包咁!硬到沒人有!我只係食了裡面d豆沙這兩款東西,比我係酒樓食過的,還要差 我們食後係度討論,點解會樣樣都咁麻麻地!再問番提議人,提議人話上次來食都唔係咁差我們最後得出的結論,可能係時間嘅問題,我們九點來到,係尾二來到的一檯,可能係夜了點,唔知係咪佢哋因為要預備收爐嘅關係,所以d甜品會出現番炸情況未嚟之前對這間”始於1961年”有好大期望,嚟過之後就有超大嘅失望!我們一致認為全晚最好食的,就係碟前菜,而侍應們禮貌是不錯的,只係臨尾嘅時候,我們想加水,侍應們(在不同位置)一係就吹緊水、一係就望住自己部手機,一係就同其他客人傾緊,我們三個人揮了手大約幾十秒,才看到我們,仲要係幾個人同一時間看到我們,真係吹脹!…查看更多

剛剛開張幾天,見到門口個牌寫住喺台灣有三百多家分店,所以想去試試!這天一去到門口已見人山人海,原來佢在門口設了一個鍋貼外賣檔,有很多人在買外賣,見到佢哋做都做唔切!入到店內都坐晒人(下午兩點幾),好彩比我找到一個位搭檯!拿了張點菜紙看看,見到有套餐或單點可選擇,結果選了套餐,想試埋佢哋個湯,套餐($26~$28)共有八款鍋貼及水餃選擇而湯就有四款,第一次食又唔知道咩好食,咁梗係叫一樣叫得做” 招牌鍋貼”嘅先啦!招牌鍋貼+旗魚丸湯(套餐$26) ~ 鍋貼一份有十隻,鍋貼裡面有豬肉及椰菜,豬肉及椰菜比例應該是50/50 ,所以食落好有蔬菜嘅爽口,唔肥膩!鍋貼皮整得好薄!外皮煎得好脆!熱辣辣!調味適中唔會太鹹或太淡,唔點醋食也夠味!旗魚丸應該即是墨魚丸,裡面有墨魚粒,這個湯裡還有大量紫菜及蔥粒,食落好香紫菜及蔥的味道,鍋貼及湯都好正!一定會再來試埋其他食飽之後在門外等同事的外賣中途,聽到門外外賣檔其中一個煎鍋貼的師父是講國語的!唔知道係咪真係從台灣嚟呢?夜晚收工時諗住買個餐給妹妹試吓!點知職員說已截單(下午時已經問左職員幾點收工),當時係九點鐘,他們其實是十點鐘收舖,除了我之外當時還有幾個客想買鍋貼的,跟著職員說:做到無材料,所以截單,不斷同我哋講唔好意思之後,跟著還要下了半閘以示關店,好生意到要提早關門,都好誇張o者!…查看更多

星期六下午才訂位,訂了當晚七點鐘,但我們接近七點三才到,去到大概只有半場半人,侍應跟我們說這晚每位$188,也預了假期前後會比平時貴一點,到了七點半都仍是坐不滿人,環境幾舒服,不太嘈!同朋友傾計都唔錯之前在openrice 看過食評也知道選擇不多,也不會期待有什麼特別東西,但竟然這晚有火雞食,我沒有食到,但好姐妹說好食!唔乾身!拍得住意粉屋的!冷盤 ~ 翡翠螺無雪味!就算唔點調味料齋食也好好食!青口比較淡口,要加茄汁才夠味!蝦食落好爽口,正!熱食 ~ 有炒聖子、炒蜆、蒸魚、炸蟹鉗、賴尿蝦、雞扒等等,估唔到會有焗蠔食,有點意外,但係一點也不好吃,菠菜白汁焗蠔,一點鹹甜味也吃不到,芝士蕃茄醬焗蠔,又係無咩味!兩者都是吃到最後才吃出有少少蠔味!又失望番!而燒豬肋骨就好普通,除外層有BBQ醬味之外,裡面的肉一點味道也沒有,似烚熟之後才在外層塗BBQ醬,再輕輕焗吓!熱食除了這兩個比較差外,其他也ok的!沙律 ~ 菜種類也算多,沙律汁有四款選擇,令還一些配料麵包粒、芝麻等……除了有菠蘿、西瓜這些生果之外,竟然有種”生果杯”的東西,裡面有士多啤梨、西瓜、哈密瓜粒、菠蘿粒&奶,一杯裡面有幾款生果,食得更加方便至於cake 方面,大件切餅不及細細件的甜品好吃,其中一個食落感覺好似布甸,食真的原本係豆腐味!正!令一個係芒果拿破崙的東西、味道不會太甜,又唔油膩,底層好脆!正正正!我們不知道他九點左右就停加食物,所以甜點吃了一轉,再去已沒有了,各侍應也在預備收舖的工作,我們結帳離開後,大約九點半左右,門面已像半收舖狀態值得一讚,侍應服務幾好,自動加水好密,收碟好快!要去食的朋友,最好六點半就去到,可以有足夠時間慢慢食!…查看更多

雖然第一次幫襯這裡,但之前在Openrice見到的食評都不錯,所以心諗應該唔會太差,果然真係唔錯!雖然好忙,但落單也好快手,好有禮貌,服務好好!點了很多食物,燒物係我覺得最出色,雞翼燒到外皮好脆,味道鹹香鹹香,好好味!雞脾菇外面塗有少許醬汁,咬開充滿水份,就算食多幾次也不怕肥,正!而脆肉瓜就好爽口,大腸就燒到無咩肥膏,所以一點也不油膩!炸蝦天婦羅、茄子天婦羅 ~ 上檯時熱辣辣,炸得好香脆凍豆腐 ~ 好滑好香濃豆腐味!淋上木魚絲,又係好正!刺身 ~ 有少少唔係咁ok!有少部分食落有渣雪糕 ~ 芝麻味好濃!食落感覺到有芝麻微粒!正!紅豆味就比較淡全餐大大部分食物也非常滿意,所以絕對會再來第二、三……….........次!…查看更多

海南雞飯($36)x2 ~ 咁大個人第一次食海南雞飯,所以唔知應該是什麼味道,這裡的海南雞很嫩滑,我最喜歡它的飯(叫油飯)好香,雖然叫油飯但一點也不油膩,齋食飯也好好味!所以額外再叫多兩碗飯(每碗$9),至於個椰菜湯就麻麻地!沙嗲串燒($35) ~ 有六串,可選豬、牛、雞,要了全部都是豬肉,豬肉醃得好入味,表面烤到微 微燶,食落更加香口,加埋個沙嗲醬一齊食就更好味!正! 叻沙($35) ~ 又是咁大個人第一次,裡面有米粉、蝦、魚旦、雞肉、芽菜、豆卜,微微辣味,好香椰汁味!又是很好味! 正!香蘭葉包雞($35) ~ 雞肉應該預先醃過,雞肉外面有黑椒粒,除了原有的調味外,還有香葉味!味道不錯!因油炸關係,所以葉外面有少許油,但食落又是不太油 (食之前記住攞定紙巾先,因為拆開塊葉的時候會整到隻手好油)…查看更多

第一次幫襯市集餅店,要了一個焗芝士餅$22,首先是被它的外貌吸引,其次當然是因為喜歡食芝士餅啦!上面塊朱古力牌味道當然無咩特別,普通朱古力一塊,焗芝士餅一咬落去已食到好香濃芝士味!相比起芝士凍餅感覺會實一點好好味,食到接近底層會有一些應該是藍莓漿的東西係度,不要看它細細件呀!食完已有飽肚感覺…查看更多

燒雞翼餐 ~ 有五隻雞翼加一份薯條,雞翼外皮燒得剛剛好不會過燶,醃到好入味!食到裡面仍然有鹹香味道,不用額外加調味粉!好食過炸雞餐&kfc的雞!至於薯條上次食評已說過,所以不詳述,今次說說它的份量,如圖所見:未吃已好像吃了一半!,太過份啦!…查看更多

黑糖麵包 : 暖暖哋嘅黑糖包,外皮有少少脆,麵包好鬆軟,帶點少許甜味,加牛油一起吃,更好味!炸蘑菇 : 外表炸得好脆,味道有點像家香雞的味道,少少鹹味,一咬開蘑菇好juicy !好正!香脆薯條混芝士 : 好大條薯條,熱騰騰,上面淋上芝士醬&煙肉粒,雖然好味,但食到後段已覺得好膩,因好大份，食唔晒!茄汁海鮮意大利粉 : 好濃蕃茄醬味,酸酸哋,有蝦、蜆肉、魷魚圈,面淋上香草燒肉醬味烤雞 (半隻) : 未吃已聞到好香燒烤醬味,外皮好香口,雞肉好嫩滑,就算不點燒烤醬一起吃也好夠味可能是閒日的關係,侍應不是太忙,所以比較多時間在檯旁附近站著,自動加水的情況也比較多,服務也不錯!…查看更多

星期四晚,八時多來到的時候,已經坐滿客人,還有幾檯旁邊有客人在等位,但當時只有兩、三檯的客人是在吃緊東西的,仲要係食緊粥咋!還未見到有客是吃緊腸粉的蹤影,等位其間聽到有好幾檯食客也提及蘇施黃的名字,說什麼蘇施黃介紹過之類的東西,我絕對不是因為蘇施黃介紹過而來的,是有屋企人想試而來,但她們也不是因為蘇施黃而來的,是因為家英哥介紹過而來的,本人對蘇施黃介紹的東西有所保留,不是每樣也認同 以下是本人等待的過程8:15pm 來到堂記 (等等等………………………….)8:35pm 等到坐位 (暫停落單 )8:40pm 可以落單 (等等等…………………不知道是第幾次的暫停落單)9:15pm 點了的粥,終於上檯9:23pm 腸粉也終於上檯啦!鴨腎菜乾豬骨粥 $14 好多菜乾,大大舊豬骨,有不少鴨腎片,好香菜亁&淡淡的果皮味柴魚花生豬骨粥 $14 好多柴魚&勁多花生,大大舊豬骨,淡淡的果皮味魚片粥 $16 幾多魚片,有d薑蔥味叉燒腸 $13 叉燒無咩特別燒鴨腸 $17 其他地方好少見到有,好香燒鴨味!啖啖燒鴨肉鮮蝦腸 $14 蝦很爽口炸兩腸 $10 油炸鬼好脆整體來說,他最好的是新鮮即製及腸粉拉得夠薄&滑,其他配料也是其次,反而我喜歡他的豬骨粥多D !真材實料,大大舊豬骨,粥底煲得好綿好香果皮味!等同食的過程中久不久就會聽到阿姐說: 暫停落單! 我咁大個人都是第一次在食肆聽到暫停落單這會事,因實在太多人,差不多每個客人也會order兩碟腸粉,廚房跟本就做唔切!樓面個幾位也做到無停手,雖然做到無停手但還是很有禮貌若不是屋企人想吃的話,要是自己一人,真不會山長水遠來到用一小時企係條街度(得十幾度咋!)等食腸粉這東西等就一個鐘!食飽都唔使半個鐘!…查看更多

上星期一中午時段來到,應該是剛剛開門,只有我們三個人,點了姜汁撞奶,等了十多分鐘才上檯,我諗應該是即整啩!姜汁撞奶 ($15) 姜汁很重,奶味重也很滑!這個價錢也值的提外話一則 : 當日媽媽是點了熱綠豆沙($15),但到了上檯的時候,阿姐說:我整錯左紅豆沙,不如食紅豆沙啦,我們說不要紅豆沙,要綠豆沙!但阿姐說:我整左,紅豆沙都好食。她弄錯是她的問題,不是我們弄錯,為什麼要我們接受呢!是不是有點那過呢!她都只是放入微波爐叮熱啫!用得佢幾多力呀!…查看更多

粉腸肉丸粥 ($17) 十點幾去到,雖然是星期一,但仍然是坐滿客人,肉丸咬落有肉汁,不會像凍肉店的豬肉丸般很重味精及死實實,粉腸尚可以,只是有時會有一、兩舊食落口有苦味!但係個粥底就真係麻麻地,粥底應該不是白米煲爛而成,而是磨碎白米煲成,食到中途碗粥已水汪汪肉丸就一流,粥底就………查看更多