winnienie的个人专页

超有feel嘅京菜老字號，超過60年喇😱一入門就被懷舊裝潢吸引——舊式檯櫈、牆上嘅字畫、擺設....公公婆婆即刻忍唔住想當年每道菜都食得到師父手工、懷舊嘅味道有好多都係出面好難食到嘅手工菜小朋友仲覺得好新奇添🌟北京填鴨皮脆肉嫩，一咬落去油香爆棚，加埋手工薄餅真係不得了，煙煙韌韌仲唔怕變硬🌟松鼠桂花魚炸得金黃酥脆，淋上酸甜汁，魚肉嫩到入口即化，小朋友勁鍾意🌟蔥爆羊肉，羊肉嫩而且無膻味，蔥香完全滲哂入肉🌟富貴雞，小朋友可以自己扑開勁開心！雞肉直接甩骨，可以啖啖肉咁食，吸哂醬汁嘅香味🌟鍋燒肘子個皮脆卜卜，勁多骨膠原呀，蘸埋秘製老虎醬，油香十足又唔膩仲有素鵝同賽螃蟹，素鵝豆香濃郁。賽螃蟹鮮味滑溜，小朋友覺得好新奇以為食緊蟹肉狗不理包、鍋貼、豆沙鍋餅，樣樣都係傳統嘅味道拔絲蘋果呢啲真係買少見少呀最後，生日當然要有壽桃，好意頭嘛真心推介帶屋企人嚟！長輩食返懷舊味，小朋友可以認識舊日風味，食到正宗京菜…查看更多

泰式梳乎系列，真係好有泰式風味每款都有驚喜！首先要讚「泰式梳乎芒果糯米飯」，梳乎厘夠fluffy，咬落仲有淡淡蛋香，配埋甜甜嘅芒果同煙韌糯米，淋埋椰奶簡直完美，估唔到會咁match「糯米芒芒椰奶沙冰」都好過癮，沙冰打得夠細滑，芒果味超濃郁，唔會死甜，糯米飯可以撈埋一齊飲，口感好豐富，夏日飲返杯即刻消暑仲有「黃金比例泰茶」，茶香同奶味balance得啱啱好，入口順滑，茶味夠香但唔澀，有需要可以要求加冰「泰式青檸芒果沙律」就好清爽，青檸嘅酸襯住芒果甜，好開胃另外仲叫左「漢堡扒全日早餐」份量超足，漢堡扒juicy到咬開有肉汁，加埋半溶芝士又邪惡又好食…查看更多

今次我哋就去嘆左個最貴嘅奢華M5和牛餐除左頂級M5和牛，仲有多款高質素牛肉及多款海鮮和牛肉質鮮嫩，脂肪分布均勻，每啖都係享受帆立貝、燒生蠔都係任叫任食🤩烤鳳梨內群柳、鮑魚、雞軟骨等等，全部都好夾必試推介一定係<安平櫻花蝦拌飯>全自助，自己決定加多加少，真係好好食不過試細碗就夠，因為要留肚🤤👍🏻十二味醬專區識食一定係試哂12隻味，有辣又唔辣個人推介薑味可樂醬，五味醬，香水檸檬汁基本上同每款肉都match，勁開胃飲品櫃同蔬菜區都有好多選擇食燒肉一定要配生菜，新鮮爽口全部切到大細剛剛好，有heart😁全店都掛住好多天燈，好有台式風味仲幾有情調…查看更多

超高水準畫碟，打卡慶祝必推🤩特別物色左一間好有氣氛嘅餐廳個甜品送上嚟嘅時候，真係好surprise 靚到好似幅畫咁，完全唔捨得食左佢店員仲好好，幫我哋📷影即影即有做留念真係好適合慶祝約會打卡😍佢哋嘅畫碟仲可以自選公仔記住預訂嘅時候問下喇食物方面好多選擇，係新派多國菜亦有好多套餐提供，沙律、餐湯、主菜等都好足料小朋友最愛嘅兒童餐都有幾款選擇連顏色都有得揀，真係好貼心炸雞、意粉、啫喱，秒速清哂😋兩個小朋友已經諗定下次要畫咩公仔喇😍…查看更多

最近見到好多人大推銅鑼灣呢間刺身寿司專門店我哋咁鍾意食日本嘢，點會放過環境好舒服，好適合約會或者朋友聚會飲下清酒款式多而且好特別第一次食🌟海膽龍珠卷🌟，入面有本鮪魚腩蓉仲有大大粒原粒醬油漬蛋黃迫爆口腔，好濃香，好滑溜🌟特選海鮮丼🌟，視覺上真係好澎湃隻鮑魚仲好好食添呀其他刺身、壽司類都好高質，性價比極高我哋仲特別預約時訂左甜品畫碟真係畫得好靚，唔敢相信係人手畫咖最開心係，畫碟係唔洗另收費咖預約講定，到時叫甜品就可以❤️…查看更多

芝士奶蓋系列第2杯有半價咁吸引，緊係即叫啦唔洗特別叫多奶蓋，嚟度個奶蓋都超厚仲要芝味濃又厚滑識飲一定喺杯邊飲唔用飲筒另外個韓式炸雞 pizza都唔錯餅邊有杏仁片，脆卜卜餅底有泡菜，少少辣好開胃個炸雞夠嫩滑，仲有肉汁，出色…查看更多

開頭以為雪樂冰係似沙冰但原來係雪糕，仲係有果肉嘅雪糕食落creamy又有果味以甜品店嘅雪糕嚟講有驚喜值得再另加雪糕球嚟食開心果，椰子，龍眼味都好食小丸子煙韌度適中，呢個配搭有啲似糖不甩…查看更多

主角醬油蟹肉質鮮甜醬汁入味第一round蟹乸連蟹蓋上識食一定係將蟹肉蟹膏拆出連埋紫菜飯擺落蟹蓋到自製醬油蟹蓋拌飯平時食熟蟹已經勁鍾意食蟹膏而家蟹膏生醃撞埋醬油果浸鹹香味送飯真係無得彈除咗原味醬油蟹之外仲有韓式辣味醬油蟹可以選擇大家可以想像為係泡菜味嘅醬油蟹估唔到個味道都幾夾認真計數嘅話其實食到三隻蟹已經值回票價最尾我哋係一個鐘內每人都各自食到五隻蟹同場仲有炸雞、紫菜飯、韓式香腸年糕、同埋排骨湯放題以任食嚟講配角炸雞質素有驚喜拍得住平時韓式炸雞店嘅水平皮脆肉嫩新鮮熱辣雖然醬汁就只有甜豉油汁一款不過食量大嘅朋友都值得encore多幾round飲品方面都有幾款汽水同埋韓國餐廳常見嘅忌廉鮮奶全部無限加單…查看更多

食壽喜燒/火鍋無冷氣真係好難頂員工解釋話關商場冷氣事但呢個情況唔係剛發生，維持左差不多2年近門口位置都仲有啲商場冷氣入到裏面係完全feel唔到，仲會有啲焗見到仲有其他人食緊而且員工話有風扇提供見係book左檯，而且臨近last order時間好難轉等第二間餐廳於是照試一試，點知真係開到成檯都係風扇先搞得掂但最慘餐廳供應嘅大型風扇只得一把另外得細座檯版，根本唔夠在場所有顧客使用要等人埋單走先用到餐點方面，套餐價錢包出面自助飲品係幾抵份量都算足夠，唔洗再單點都夠飽但A4和牛就唔建議食，完全無和牛油脂香肉質亦唔滑多筋反而安格斯性價比甚高員工服務一般，有個女員工加湯係會俾個壺叫個客人自己加但呢度唔係自助形式，本身係員工負責的…查看更多

呢間由韓國老闆主理嘅刀削麵店，係地道韓式滋味，真心有驚喜！每日新鮮手打麵糰，麵條煙韌彈牙，入口仲有淡淡麵粉香，完全食得出職人心機。夏天必試水冷麵，冰冰涼涼，配上開胃醬汁，一啖落肚即刻透心涼，超適合消暑。招牌雞湯刀削麵係人氣之選，足足有半隻嫩滑雞，湯底清甜無油膩感，飲落去好舒服。雞肉超嫩滑，啖啖肉都好滿足。最貼心係湯麵仲會送埋韓式辣椒醬拌飯同兩款小菜，份量超足，食完真係飽到唔想郁！另外，菜包肉、豬肉餃子同迷你紫菜包飯都好有水準，每款都用料十足，味道正宗，價錢又親民，CP值爆燈。勁開心呢度有甜米露飲👍🏻飲完更加想去汗蒸幕😂…查看更多

尖沙咀新開嘅人生有限杯串燒店環境好舒服，想同朋友飲兩杯傾下偈都好適合。食物款式仲好新穎，價錢仲好相宜。有唔少$10/15 嘅選擇，份量都十足，性價比高。勁鍾意鹽燒雞腿肉，肉汁豐富，肉質好嫩滑，係咁話要encore 。仲有好多熱食、小食，鍾意食菜嘅有雞油炒豆苗同沙律，即刻覺得無咁Guilty。估唔到鰻魚飯團同白酒忌廉煮蜆有驚喜，呢啲真係好少食串燒可以食到。墨魚滑紫菜大蝦都好推薦大家食，口感脆卜卜，食落又好彈牙。Sapporo 生啤買一送一，真係好抵👍🏻清酒、果酒、cocktail、無酒精飲品都好多，價錢仲抵過樓下Happy Hour最後一定要叫個港式蜜糖多士夾雪糕，冰火加甜蜜嘅感覺，食完大滿足呀😍 …查看更多

同朋友仔一齊捐窿捐罅搵美食！今次俾我哋喺中環嘅巷仔發現到超人氣拉麵。日本冠軍拉麵大師林隆臣開嘅「立体派」，今次推出兩款夏日限定拉麵超正！🍜平時女女食麵都好鍾意揀蕃茄湯底，呢個新限定真係啱哂！「蕃茄醬油拉麵」湯底用蔬菜熬足8小時，仲加埋16個月風乾帕爾馬火腿，配流心溏心蛋，正到爆！「仲夏溫泉水冷麵」西瓜清爽多汁，仲有清甜青瓜、蕃茄等時令蔬菜，透心涼，夏天食一流！一見到塊西瓜勁興奮，忍唔住一啖咬落去，超消暑🤤小食仲有唔少選擇。小丸子係勁足料，大大粒，章魚仲好彈牙。大推汁煮厚切叉燒，肥瘦比例剛剛好，好入味，一啲都唔膩。…查看更多

喺尖沙咀行街行到腳軟搵個靚位醫肚，一入去環境舒舒服服，裝修超有格調，大大個巴黎夜景，好似去咗歐洲咁！凱撒沙律🥗，沙律菜新鮮爽脆，配上香脆麵包粒同濃郁醬汁，好開胃忍唔住食多幾啖！煙三文魚露筍意粉用料十足，三文魚鹹香濃郁，露筍清甜爽口，意粉掛滿奶油汁，每啖都充滿層次感🍝！Pizza迷絕對要點五重芝士！Pizza勁拉絲超足料，好香濃芝士味，味覺嗅覺都一流。夏威夷莎樂美腸pizza，有千島醬配清甜菠蘿，仲有煙肉，鹹甜mix完全唔會膩，上面仲加左開心果碎，加倍口感！除左甜品🍨，仲叫左小朋友最鍾意嘅熱朱古力，濃郁幼滑，仲有咁靚嘅拉花，兩個女都食到好滿足。…查看更多

約埋班朋友仔齊齊dress up，以懷舊嘅主題出街食飯，呢件事好青春呀😍未入座就已經有好多打卡位，所以著靚啲係啱嘅啲食物仲靚呀，每當上鍋底同火鍋料，都靚到嘩一聲，點都要 #相機食先 。小朋友揀左🐄日本牛乳玫瑰鍋，大大朵玫瑰花真係好吸睛。媽媽們就揀左個🐔美顏花膠雞鍋補一補。兩個湯都好濃，識食一定係飲返啖湯先。鍾意食牛嘅必試🌟香江拼，一次可以試到多個牛嘅部位。仲有🌟華人塔，啲海鮮好新鮮仲郁緊咖。🌟七彩餃子🌟響鈴都好好食，連午餐肉都係心形❤️8點後有6折真係好抵…查看更多

叫左外賣自取，openrice app 顯示可取餐但過左15-20分鐘都未有得拎，有點亂眼見係有好多外賣單，但人手只得2個所以臨走前都認真check左次有無漏嘢炸雞返到屋企仲脆，炸漿好食，係有骨炸雞柚子醬同蜜糖芥末醬都好味紫菜包飯好淡，全部料都無乜味外面亦無掃麻油，入面都無芝麻葉不過呢個價位算係ok…查看更多