pppppppkkkkkkk的个人专页

同friend一齊去咗尖沙咀一間韓式料理店試一下，呢間店嘅環境幾舒服，聖誕裝飾唔會太誇張，燈光夠柔和，坐得幾自在～先試咗個肉炒飯，肉碎夠嫩，配菜爽脆，飯粒吸晒醬汁味，簡單但夠惹味；跟住嗰個韓式套餐，排骨湯夠清潤，肉骨都燉得軟腍，炸雞皮脆肉嫩，配埋泡菜同煎餃，鹹香夠開胃。食物份量啱啱好，味道唔會太濃，食完唔會覺得滯。整體嚟講，環境同食物都係穩穩陣陣，想食個飽肚又舒服嘅飯，呢度幾適合～如果喺尖沙咀可以嚟試一下…查看更多

呢間VETEA係香港人自家搞嘅茶飲，用料夠實在～中午去排隊都幾多人，不過味道真係幾OK可以嚟試一下今日試咗牛油果甘露乳酪同龍眼桂花冰：牛油果款口感綿滑，乳酪香搭住牛油果嘅濃郁，每啖都夠厚身；龍眼桂花冰就清爽，新鮮龍眼肉甜潤，混住桂花茶底嘅清香，雖然而家係冬天都幾適合飲佢哋食材全天然，水果都係新鮮整唔落果漿，糖用純冰糖，茶葉仲揀4月頭批春茶，飲落夠放心。鍾意真材實料茶飲嘅，呢兩款可以試下～其他應該都OK嘅…查看更多

今日去试咗「SLOW COW」嘅牛肉饭，一坐低见到个盘就好有食欲——红白配色够晒醒神，仲印住只得意牛牛logo添😋头先叉起块慢煮牛肉，睇落粉嫩到痹，入口果然又嫩又入味，啖啖肉香仲唔会柴！上面嗰只流心蛋更係灵魂，戳穿佢蛋黄“哗”一声流晒落饭度，捞埋啲牛肉饭食，油润香滑到停唔到口～仲叫咗个牛肉粒杂菜碗，牛肉粒煎得焦香juicy，配埋爽脆嘅西兰花同椰菜，清新又解腻。整体出品够晒诚意，分量都好足，下次想食牛肉饭一定返转头！…查看更多

发现一间超正嘅韩式炸鸡店！店员系个好有韩系feel嘅韩国小哥，仲几靓仔添哈哈～ 店里播嘅歌都好好听，基本都系识听识唱嘅Kpop！後便先知原來係韓國人主理嘅香港第一間炸雞店🤩炸鸡我哋叫咗half half無骨炸雞🍗一半蜂蜜蒜蓉，一半忌廉洋葱🧅，好味到唔使多讲！第一次食忌廉洋葱味，真系好特别🥳浓郁嘅酱汁完美中和咗炸鸡外皮嘅油腻感，真係好正^ ^天气冻仲要咗一碗辣辣地嘅海鲜汤～真系好够味！海鲜种类又多，有蟹有虾有鱿鱼🦑，配埋鲜辣嘅汤底，饮完暖笠笠又好满足🥰…查看更多

天气凍喇，收工即刻约埋朋友冲去间特色烧鸟店！一入门口就被装修吸引，雅致得嚟又好有格调，食饭嘅设计同Omakasa有几分相似，可以亲眼睇住师傅整嘢，仪式感直接拉满～佢哋屋企最正就系主打鸡嘅各个部位做串烧，每一串都好有水准！鸡皮烧到脆卜卜，咬落油香四溢；鸡肉串鲜嫩多汁，仲锁住晒肉本身嘅鲜味，连鸡软骨、鸡翼尖呢类部位都处理得好入味。我哋拣咗dinner set，分量真系超足，足足十几串烧鸟，仲有主食、甜品同前菜，种类丰富到选择困难！食到饱饱哋，暖笠笠咁返屋企，呢种冻天配烧鸟嘅快乐，真系未试过都唔知几正…查看更多

呢間餐廳嘅嘢食真係幾有驚喜！先講主菜個牛扒，煎得外層微微焦香，一刀切開肉汁嘩啦聲流出嚟，肉味濃郁又嫩口，配埋個銅杯裝嘅醬汁，鹹香啱啱好；跟餐個薯條炸到金黃，外脆內軟，唔使點醬都夠味。前菜拼盤都好豐富，沙律嘅菜葉夠爽脆，拌埋輕盈嘅沙拉醬，清新解膩；炸物熱辣辣出爐，外皮薄脆唔油膩。仲有個湯，質地creamy順滑，入口帶少少香草香，開胃又舒服。餐廳環境闊落唔逼狹，燈光柔和坐得好自在，食起嘢嚟都特別開心，整體水準好穩，係想歎餐好嘅唔錯選擇。…查看更多

同朋友搵到间超有锅气嘅港式茶餐厅，真系好食又抵食！晚市点咗好几个餸，人均先至唔使150蚊，性价比直接拉满～重点推荐佢哋嘅咖喱牛腩煲！最近天气转凉，整一煲热辣辣嘅咖喱牛腩，香到晕低哈哈👍仲有牛仔骨茄子煲都好好食，茄子炆得超级入味，配埋白饭真系绝配，呢个滋味谁懂啊🥹！最难得系服务员都好亲切，见到我喺度找餐具，好热情过嚟帮手^_^ 听讲呢间铺喺其他地方仲有分店，真系值得二刷，下次要带埋屋企人再嚟试下其他餸！…查看更多

平时搭巴士成日都会经过呢间铺，之前一路恁住得闲一定要过来试下，点知今日一试，味道真系好正，完全超出我预期，真系好惊喜！其中我最钟意佢哋嘅鸡肉炒河，我以前食开嘅炒河粉，唔系牛肉就系猪肉，鸡肉炒河粉真系第一次食。估唔到鸡肉同河粉居然咁夹，啲鸡肉炒得好嫩口，咬落去仲好入味，河粉又够爽滑，吸晒酱汁嘅香味，一啖落去真系好滋味。仲有佢哋嘅冬阴功汤，真系特别到我估都估唔到！平时出去食，冬阴功要么系汤面，要么就系纯汤底配海鲜，佢哋居然整成冬阴功味蒸蛋！呢个蒸蛋融合咗冬阴功嘅酸甜味，仲带少少香茅同柠檬叶嘅清香，入口滑溜溜嘅，蛋味好浓，酸甜味又唔会太抢味，每一口都觉得好满足。真心好好食，必须安利畀身边朋友，下次有機會再过来帮衬…查看更多

又食到漂亮飯！同朋友一齊試咗間意大利餐廳，估唔到靚得嚟又好好食！環境布置好精緻，近排天氣唔熱坐喺窗邊，真係好舒服～Dinner Set 好抵喔，包埋前菜、主菜同甜品，成個set唔使300蚊，分量仲好足～前菜嘅香煎吞拿魚（seared tuna）新鮮吞拿魚外皮煎到微熟，配埋檸檬汁、火箭菜同小番茄，口感豐富到唔識形容！主菜招牌嘅意式烤乳豬（Italian porchetta）配菌菇薯蓉，香脆豬皮夾住綿密帶香草味嘅薯蓉，真係好香甜品提拉米蘇同朱古力凍都好正，想試意大利菜嘅真係可以試下哈哈…查看更多

间铺头好干净企理，有适合两个人坐嘅台，都有四人台，午市时段都唔算嘈。一个人点两三碟小菜，营养搭配得几均衡㗎^ ^小炒肉居然几够辣，隔离个阿叔辣到一路吸气，佢朋友笑住话“估唔到你咁食得辣”，都幾好笑😂好耐冇食过梅菜扣肉嘞，虽然有啲肥，但一入口个味道就好正，香喷喷嘅梅菜干捞饭真系灵魂所在。一啖落去真係超級滿足👍舀一勺金黄色嘅蒸水蛋，成個蛋非常之嫩好滑，都幾好食🥰又系食到饱饱嘅一日，Happy Friday呀✨…查看更多

去灣仔發現咗一間人細又好味嘅小眾西餐廳，細細一間舖仔設計都幾得意，一入去發現係有兩層嘅第一層有少少迫夾，但係樓上就好寬敞前菜食咗一個章魚，咬起來很有嚼勁。個醬汁好特別有少少甜味，加埋配菜都幾好味～Main course係黑松露pasta同埋佢哋招牌嘅豬扒。好驚喜嘅係佢哋嘅豬扒真係幾好食。作為一個唔係咁鍾意豬扒嘅人都覺得好impressed 黑松露pasta係我心目中成餐飯嘅top ，成個風味好足。黑松露嘅味同pasta完美融合係一齊，真嘅係超級美味…查看更多

同friend約咗lunch，嚟咗依間越南泰國菜試一下，主要係喺出邊見過環境都幾靚，就係街邊，勁chill～1️⃣海鮮炒河泰國菜好經典嘅一道餸，海鮮量比得好足，有蝦有魷魚，最上邊仲係煎得金黃嘅雞蛋🍳配上河粉，炒完勁好食2️⃣通心菜通心菜係add on嘅，雖然份量唔係話好大，但係性價比好高，炒得都幾清爽下比較推介3️⃣燒雞主廚Menu嘅recommendation係呢個，嗰陣幾好味喎^ ^成個燒雞超級大份兩個人食得好辛苦，但係雞肉好嫩，完全不柴，配上特別嘅Sauce，係真嘅唔錯佢哋嘅雪糕都好有特色，都可以試一下…查看更多

真係好味！喺登龍街一個小鋪面一入去空間都幾大，可以坐唔少人。dinner去食都唔會話需要排好耐隊～1️⃣ 酸菜鱼超级无敌好味！小辣真係净係小辣，唔会好辣，接受程度应该好高。酸菜鱼整得超级嫩滑，入口香滑，里面嘅宽粉同莴笋都好入味～2️⃣ 麻辣香锅叫咗牛肉、鸡翼同牛蛙，极力推荐牛肉同鸡翼！特别特别入味，而且分量超级足，一口一个超满足3️⃣ 口水鸡色香味俱全！鲜嫩嘅鸡肉淋上鲜红嘅辣椒油同酱料，但衬住底层铺垫嘅清爽青瓜，真係正到爆…查看更多

發現咗喺觀塘一間特別有氛圍感，同埋好好味嘅法國餐廳，仲有live Band，真係好正～兩人餐好抵食，最鍾意佢哋嘅牛扒☺️ 5分熟度的牛肉口感好好，入口好Juicy，上邊仲會鋪上有少少辣味嘅special 調味和芥末黃醬，輕輕點上一些，口感好豐富✨前菜鮮蝦塔都好正，一入口蝦嘅鮮味同埋出邊酥皮嘅脆一齊喺口腔裡融合，真係好好味呀兩杯嘢飲需要單獨買唔係cover喺套餐裏面，嗌咗Whiskey Sour都好唔錯，有啲小小微醺～…查看更多

发现一间好低调嘅高级湘菜馆！成个环境超好，仲好有私隐度，好适合商务宴请～個裝飾都幾古風，仲有圍台，八九個人商務食都啱啱好佢哋嘅菜式好精致，听服务员姐姐讲，食材都系从湖南运过嚟嘅地道货，真系好好味。小炒肉同擂椒皮蛋一定要点！辣度啱啱好，莲藕排骨汤又鲜又浓，一啖落去真係好正☺️佢哋嘅炒蛋都好好食好有蛋嘅味道两人套餐好抵食😌仲有兩個銀耳湯當甜品，成個set就係好豐富，又有小炒又有湯又有甜品，都幾推介吓～…查看更多