kydiary的个人专页

我覺得如果你要嚟食最好都係揀返平日星期六日都真係比較full❤️串燒拼盤送上嚟嗰時大家忍唔住哇咗聲因為真係好大盤🥹雞豬牛齊晒仲有魷魚燒得好入味啲肉又唔會燒得太老❤️咖喱軟殼蟹我自己最鍾意呢個軟殼蟹配青咖喱好好味用法包點咖喱更加正🔅大蝦菠蘿飯最方便係佢剝埋殼勁多肉鬆鋪喺面頭炒飯超多菠蘿不過唔會好濕🔅甜品拼盤如果咩都想試嘅話最好就係叫一個甜品拼盤平時成日食嘅泰式甜品全部齊晒仲有焦糖燉蛋添其實呢間我記得已經喺The One好耐好似都有成10年？估唔到仲屹立至今…查看更多

諗咗好耐其實要揀咩奄列佢個蟹肉菠菜望落去好吸引本身諗住叫呢個再加芝士但係發現原來冇得加芝士好彩我哋最後揀嗰個芝士雜菌都好好味個芝士真係識拉絲㗎之後我哋仲嗌咗risotto好少見紅咖喱味嘅意大利飯食落去有少少似蕃茄味，但係再加番咖喱嘅辣味個味道都幾過癮甜品就叫咗個French Toast就咁食嘅話係有啲普通但係加咗楓糖漿，再點埋呢個雪糕一齊食嘅話成件事會好好多雖然係夜晚，但係點都要杯咖啡先滿足。其實我有啲唔滿意㗎，佢個心心太細囉不過好彩佢係一杯有內涵嘅咖啡Flat white比我想像中好飲…查看更多

❤️自家製蘑菇忌廉汁卷卷意粉配慢煮口水雞扒只要有口水雞扒我就一定會叫因為佢哋既口水雞扒係超級出色！但係估唔到個卷卷意粉都好好味個蘑菇忌廉汁入晒味菇菇勁多❤️芝士疏乎厘pancake配煙肉其實一向食開佢甜嘅pancake呢個本身驚伏唔敢叫但又好想試下冇諗到又幾有驚喜喎疏乎厘pancake空氣感十足芝士醬咸香十足又唔膩2人食啱啱好🔅宙斯Cocktail入口好順一入口柑橘同橙汁味好重然後慢慢先感受到酒香勁fresh好啱女仔飲咁啱叫cocktail仲有優惠選購任何主食、咸食或甜品就有8️⃣8️⃣折如果你嚟慶祝生日嘅話仲可以叫佢寫埋字🤣好似每次去都見到有人慶祝生日咁…查看更多

為咗佢哋個自家製甜品開心果芝士蛋糕而嚟！可惜太遲賣晒🥹，好采仲有我想試既捲捲意粉！❤️All day breakfast 無諗到呢個居然係全場MVP炒蛋滑過我塊臉🥹窩夫加咗楓糖醬正到上心口薯餅好食過M記😭無論到全部都好好食🔅香煎海蝦龍蝦汁捲捲意粉個個都話要試龍蝦汁配意粉無得輸建議大家直接叫晚巿套餐就最抵我哋仲加錢多個小食個雞肉棒好食到想另外叫多份🔅伯爵紅茶芝士蛋糕冇開心果味伯爵紅茶都一樣正！伯爵味最突出成個口都係茶味明明係精品咖啡店但甜品同樣出色！特登叫埋杯冷萃咖啡配甜品貪佢哋供應本地烘焙豆所以要支持下每個月仲會有唔同既咖啡豆賣位置都好方便近鰂魚涌B出口…查看更多

老闆介紹話啲海鮮係由坪洲過嚟所以每日都會有唔同推介佢最推介係個蟶子唔係清蒸咁簡單係用口水汁去整！❤️口水汁蟶子完全冇諗過可以咁好食😭口水汁唔會喧賓奪主keep到蟶子個鮮甜味而且蟶子冇蒸過籠所有嘢係啱啱好！❤️蒸馬友呢個我諗都少人食！我個fd話冇諗過咁樣整佢係曬乾咗去蒸咸鮮味好出係偏濃味適合送飯同時你又會忍唔住不斷食🔅鍋塔蝦籽豆腐懷舊菜嚟我又係第一次食蝦籽包住有炸粉既豆腐幾惹味另外叫既粉絲蝦煲同埋椒鹽鮑魚其實都唔錯，但相對比較常見，好食但冇另外介紹嗰3樣嘢咁surprise🥹同埋呢，佢哋既午巿套餐勁抵食！銅鑼灣嚟講個價錢好吸引，貴多少少仲有海鮮，如果我𠿬附近返工一定成日去！…查看更多

📍窩子嚟咗咁多次，終於的起心肝試下個pizza！❤️日式海鮮大阪燒酥皮薄餅Exactly就係大阪燒嘅配料！不過佢仲加咗蜆餅底係超脆既酥皮鋪晒生菜同其他酥料後就係沙律醬同埋木魚花勁surprise勁好食🥹❤️宇治抹茶奶蓋上面奶蓋下面椰子水清甜而不膩 飲完第二日仲掛住個味道🔅煙燻炙燒帶子蘋果沙律因為叫做Pizza所以食唔落意粉沙律就係一個比較好嘅選擇尤其煙燻好少見仲加咗我哋最愛既口水雞扒😍🔅自家製檸檬吉士配伯爵茶牛油窩夫兩塊窩夫夾住伯爵茶牛油伯爵茶個香味係瞬間填滿你嘅口腔想甜啲就加埋吉士食其實我覺得佢個口水雞窩夫好好食可惜已冇咗個呢個選擇好采仲有得食得單點口水雞扒…查看更多

今次個甜品真係令我好意外😭，係MVP ! 我覺得唔叫個甜品會後悔！❤️二次元立體夢幻蛋糕唔好睇佢普普通通咁，由外層cream去到蛋糕胚都好出色！Cream奶味重唔漏唔膩蛋糕夠鬆軟唔會乾身士多啤梨果醬甜中帶酸，整體食落多咗一層口感🥹真係好出色，唔講笑❤️香煎石班扒配豆豉鯪魚炒意粉石班扒唔係主角豆豉鯪魚炒意粉先係主角好港式既口味但成件事好夾尤其佢仲加咗啲椒🔅紅燒蜜汁豬腩肉五香肉丁意大利飯相對重口味啲豬腩肉甜甜地加埋飲一齊食會比較好🔅Mango Pomelo Sago簡單啲嚟講，係飲得既楊枝甘露🔅 tiramisu affogato講真，有少少後悔叫勁大杯仲要勁多Mascarpone Cheese食得太慢個雪糕又溶應該當一個甜品咁叫😂我當佢係飲品完全高估咗自己提外話當日人都幾多可能因為AK而嚟？🤣見佢仲出咗啲AK相關既套餐我諗粉絲應該會好開心…查看更多

巿面上既poke bowl 選擇都好多，不過呢間既選擇仲多，見到佢仲有蕎麥麵同埋便當😳，而且我好中意佢多好多熟食既選擇🥹。❤️Eat your green 其實我呢個本身係素食版本嚟，有牛油果🥑、青瓜、枝豆、豆腐同埋菇。不過我貪心啲，加咗泡菜仲有煎雞扒，會惹味好多！飯底係糙米飯，好有咬口。❤️Creamy Baby 堅係creamy，有三文魚、蛋絲、蟹籽、豆腐、青瓜同牛油果。呢碗更誇張，滿到我唔知點畢好🤣。簡簡單單唔需要太多調味已好好味😌，仲要超級飽肚。🔅非油炸手打蝦餅想豐富啲可以加個小食！呢個感覺完全唔會油膩一樣咁彈牙個醬汁調較很好好不過愈食愈辣🤣…查看更多

其實有陣時好鍾意呢啲街坊小店，通常都係賣一啲好家常，好屋企既嘢食。唔好見佢間鋪細細地，但係賣嘅款式超級多。我哋除咗嗌咗一款主食，仲有小食同埋甜品。XO醬炒蘿蔔糕認真咁講，真係唔靚仔，不過好食就得啦，放既芽菜又夠多，XO醬落得較多，已經好夠惹味。花枝丸同埋牛柳粒就係肚餓嗰陣時嗌嘅，花枝丸又辣得幾過癮喎。貝兒公主其實佢主打芒果類嘅甜品，呢個入面有椰果蘆薈同埋金柚肉，酸甜度啱啱食，凍食一流。不過我最鍾意我呢個白馬王子佢係燉蛋白再加桃膠同埋雪耳，熱食個甜甜啱啱好，雪耳放咗勁多，索晒啲味，食呢個其實真係冇咩罪惡感，覺得好養生。…查看更多

平時少推介居酒屋，因為好多時都覺得冇咩特別，但呢間真係唔同，啲食材喺日本直送過嚟，好多樣嘢都好出色！❤️明太子玉子燒痴線，個玉子燒真係勁好食，唔係急凍死甜嗰啲，但充滿咸香既玉子燒，勁後悔叫得一份。❤️三文魚茶漬飯係我同朋友既Comfort food，三文魚份量多，對得住個價錢。❤️龍蝦天婦羅你點估到仲有龍蝦天婦羅，大大舊咁，好抵食。❤️牡丹蝦刺身朋友大讚好鮮甜，大大隻。入面呢堆都好正，都好推介大家點！西京燒銀鱈魚燒鱈魚乾吉列黑豚芝士竹輪卷帆立貝刺身其實我哋叫到成枱嘢，超飽超滿足。想講佢個坐位都好舒服，個環境打造到好似身處日本咁，值得大家支持下！…查看更多

落雨都多人食，就知道應該味道唔會差得去邊。❤️花蛤刀削麵食食下發現原來勁多蜆，都成廿隻！唔好睇佢個湯好清咁，加咗翠肉瓜同埋菇後，個湯底係勁鮮😳，估佢唔到。❤️豆汁冷麵一定要加鹽！加咗之後成個味唔同晒🤣，冇咁寡淡。因為係凍食嘅緣故，個麵質係更加煙靭。❤️雙拼餃子有少少貪心，因為個餃子好大粒，再配麵就會食到超級飽🤣，但韓國餃子真係好好jap🥹，餡多皮薄。本身諗住落雨人會少，但點知愈嚟愈多人，證明真係好食😋。…查看更多

如果大家中意食蟹，建議直接叫午巿套餐，一下子可以試到3款蟹粉菜式！❤️午市招牌套餐🔅山珍湯🔅蟹粉小籠包🔅蟹粉粢飯糕🔅至尊蟹粉拌飯🔅寧波湯圓完全係為咗食蟹先叫呢個餐！蟹粉小籠包勁多汁；蟹粉粢飯糕好創新、香口又好味；最後個蟹粉拌飯係精華，蟹粉份量多到唔會驚唔夠。如果想食健康啲，仲有另一個選擇。🔅山珍湯🔅水晶蟹肉凍🔅松茸素菜包🔅手剝蟹腿肉配蘆筍+麵🔅時令鮮蔬🔅低糖寧波湯圓一樣有蟹，不過係蟹肉，冇蟹膏，但都一樣好食！個手剝蟹腿肉既份量仲多過蘆筍，一啲都唔失色。講真，如果你有選擇困難症，直接叫午市套餐最方便，好過散叫，又可以試到唔同蟹粉類嘅嘢。…查看更多

呢間啲印度烤餅款式勁多，又有naan , roti, 仲有千層鬆餅同烤餅，好少見！❤️薯仔千層鬆餅中間夾咗薯仔餡，就咁食都唔會單調，當然，點咖喱仲正。❤️乳酪脆米球印度菜中成日食既小食咸咸甜甜，但又有乳酪既酸味特別得嚟又好食但缺點係要即食，因為加咗乳酪會好快淋❤️烤印度芝士第一次試烤芝士！有少少似硬豆腐，但有芝士奶香，口感再實啲唔點醬都好好食，點咗醬更好食🔅腰果汁忌廉雞之前喺歐洲食過用腰果整既醬，發現原來勁好食！雖然同歐洲味道唔似，但點naan 一樣正。話說呢間以前去過可能因為冇咗Error張相所以唔太認唔出🤣…查看更多

朋友話呢間係佢既愛店！雖然店小小唔起眼但質素絕對唔差❤️紫薯奶酥呢個係重點推介！好厚身… 面頭係奶酥，然後就係好厚身既紫薯同芋泥。個面包烘到金黃色，外脆內軟，大滿足！❤️芝士肉鬆蛋餅呢款都好正！佢個皮係好似酥皮咁，所以特別好食，而且中間餡料都多。🔅台南鮮蝦卷🔅雖然我唔知道點解叫台南，但味道都正正常常。🔅鹽酥花枝丸滷肉乾拌麵🔅本身驚唔夠味，但撈完味道啱啱好，鹽酥花枝丸好食到我再想單叫一份。2個人食到勁飽都只係人均$100，唔怪得朋友成日嚟。…查看更多

早排食得比較清淡，所以好想食啲辣嘢😆，通常呢個時候我就會揀川菜。🔅錫紙包花甲全場最好食係佢！唔會辣到我食唔到（中意食辣但又唔係好食得🥹），少少辣就最惹味。雖然唔算大粒，但勝在份量多。🔅錫紙金針菇金針菇冇得輸，仲要加好多蒜蓉。🔅蜜汁薯仔牛柳粒喺一間川菜餐廳叫粵菜😂⋯⋯ 因為朋友唔食得辣，純粹陪我，好采有啲唔辣既可以揀，雖然冇大排檔咁有鑊氣，不過都似模似樣。🔅涼拌土豆絲係好爽脆既，不過愈食愈辣，呢個冇得揀辣度，自己睇路😂。佢仲有個冰粉自助區，個人覺得用嚟解辣唔錯。…查看更多