幫襯過呢間餐廳嘅灣仔舊舖好多次，見到新舖評論咁少，決定要寫返篇食評支持吓呢間小店！星期六去咗食個下午茶，豬扒一樣保持水準！最欣賞佢哋嘅豬扒唔係「豬薄片」，而係大大方方咁俾啲客一塊好厚肉嘅豬扒🐖🥹啱晒近期想食多啲蛋白質嘅我，啖啖肉，肉質又唔「鞋」，好滿足 。雖然一般越南餐廳應該介紹吓啲河粉，但我私心推豬扒，覺得嚟呢間一定要試 。另外當日都食咗平時食開嘅生牛肉湯檬，個湯好好味但係天氣太熱，啲湯又好熱🔥，食兩啖已經出晒汗，大熱天時建議食撈檬😂牛肉唔錯，當然比唔上好貴嘅越南餐廳用嘅靚牛，但勝在性價比高，所以成日都嚟幫襯 。…查看更多
